Rotherham

26 CRONICQUES D'ENGLETERRE. [1470]

loit mettre entr^eulz et les forces des parties de Northumbelland, avec quy ilz avoient grant désir de eulz joindre , il s'adrescha, lui et son ost, devers la cyté d*Yorc y plainement déterminé de le rafreschir et advitaillier, et par cest chemin entrer en Lanchaschiere% ouquel lieu, se ilz Tatendoient, resisteroit à leur mallice. Si loga celle nuit en son chastel de Pont{ret% et lendemain , qui fut joesdy xxu* jour dudit mois de marchy arriva en sa cite d'Yorc, où il séjourna jusques au xxvi* jour, en establissant teles rigles et directions qui pourroient estre souffisans à avoir provisions de vivres à son dit ost , puis se tyra vers Lanchaschiere. Et là vindrent devers lui le seigneur de Strop, chevallier, portant la Jaretiere, sire Jehan de Commère', GuiUame Commère, le jenne Hyliard* de Holdesnesse et autres, qui avoient grandement labouré , provocquié et esmeu le peuple esdites partyes contre le roy; lesquelz se vindrent irancement submettre en la bonne grâce et mercy du roy, lui suppliant très humblement l'ottroy de sa bénigne miséricorde ; et aussi, de leurs frances vouUentez, non constrains ne requis, confessèrent libéralement que des dites commotions faire ilz avoient esté exhortez et fort pressez par les rescriptions des dis duc et conte, et par leurs propres familliers messages, et avoir devers yceulz mené la plus grant puissance qu^ilz eussent peu, adfin de rencontrer et destrousser le roy et sa