t By the spaoe of tkre howrs

i28 GRONICQUES D'ENGLETERRE. [4471]

son peuple qui demouré luy estoit : entre laquele multitude ne furent pas trouvez aulcuus seigneurs et nobles hommes qui à la battaille avoient esté ^ car les ungz estoient navrez piteusement et les autres occis, [gisans] parmy le champ, dont le Roy eut grant dommage et fut moult desplaisant. Non obstant laquele chose, aprez que le roy et son ost furent radreschiés et rafreschis, il se mist à chemin vers Londres, où il fut recheu moult honnourablement du Mayeur, Eschevins, bourgois, marchans et commun de la cité, lesquelz tous ensamble rendirent grâces à Dieu de la victore qu'il avoit .obtenue*

Lendemain, commanda le Roy que les corpz du conte de Warewic et de son frère le marquis feussent aportez à Saint Pol de Londres, et là, descouvers, monstrez à tout le peuple , adfin que de là en avant ne feussent plus nulz abus de sa personne, comme par avant avoient esté; car, sans double, se ainsi n'eussent esté demonstrez au commun, la rumeur eust tantost couru parmy le royaulme qu'ilz feussent ancores vivans tous deux , aumoins le conte ; par lesqueles murmures se peussent estre eslevees nouvelles insurrections ou rebellions entre le peuple mal disposé.

1322. Comment la royne Margueritte et le Prince de Galles, son filz, retournèrent de France en Engleterre, et de ce qu'il en advint. XXIX.

Âprez toutes ces choses ainsi advenues , ainsi que dit avons, le [jeudy après Pasques], xvi* jour d'apvril, vindrent certaines nouvelles au roy Edouard, que la royne Margueritte, son filz, appelle Prince de Galles,

[4471] SmfeME PABTIE, LIVRE YI, xxYxn-zxn. 129

la contesse de Warewic, femme au conte defunct, le Prieur de Saint Jehan , pour lors appelé le Trésorier d'Engleterre, le seigneur de Venlok et plusieurs autres chevalliers et escuiers de leur partie, qui par long tempz ayoient esté hors du pays d'Engleterre, estoient arrivez au oosté du Westiand sur le jour de grans Pasques, à ung port qu'on appelé illec Waimouth ' , lesquelz avoient longuement waucré sur la mer; car eulz entendant passer de Northmandie en Engleterre, prindrent premièrement mer à Homfleu le xxmf jour de mars ; mais, de là en avant, eurent ilz tousjours vent contraire jusques au xm* jour d'apvril, qui fut la veille de Pasques. Par quoy, ce tempz pendant, furent maintes fois constrains et rebouttez à terre. Mais quant le vent les accueilla, ilz arrivèrent lendemain, quy fut jour de Pasques, au port dessusdit. Et arriva tout premiers la contesse de Warewie, pour ce qu'elle avoit une nef advantageuse, à ung havre appelé Portemonth ' : puis, elle descendue à terre, alla à Souhampton*, adfin de trouver la royne Margueritte, qui, comme oy avez, avoit prins terre à Waymonth ; auquel lieu de Souhampton elle eut nouvelles certaines que le roy Edouard avoit vaincu son mary en battaille, où il avoit esté occis : dont elle fut moult esbahie, doullente et courouchié en son ceur, dont elle ne fist nulle mention ; anchois, sans plus avant aller de son droit chemin, passa une rivière^ et se tyra le plus secrètement