SCÈNE III

Philippes , Charles.

Philippes.

ant y a que je ne me pouvoy garder de ^î rire, oyant ce meschant Lambert si bien ""le persuader.

Charles. Parlez autrement, de par le diable 1 S'il vous avoit entendu, il seroit homme pour tout gaster.

Philippes. Yistes-vous ces chausses qu'il vouloit mettre par dessus les siennes, de peur du froid ?

Charles. J'ay toiit veu et entendu comme vous, mais je ne sçay qu'il veut dire par ce fière et ce pays de Champaigne.

Philippes. Que diable! par Dieu, je pense qu'il est fol, et que sommes pour faire une chose et hiy une autre.

Charles. Quant à cela, je n'en doute point.

Philippes. Que dictes-vous?

Charles. Je dy que je ne sçay qu'il dict.

Philippes. Que ferons-nous donc pour l'entendre?

Charles. U le faudra oyr parler.

Philippes, Cependant il ne seroit mauvais que j'allasse faire un tour jusque au logis, afin

322 Larivey.

que, si de fortune on me demandoit, je peusse respondre.

Charles. Allez donc. Par mon ame, à ce que j'ay peu entendre par ce trou, le pauvre viellard est bien froid amoureux, puisqu'il craint tant estre morfondu !