SCÈNE II
Agathe^ femme de Joachim; Claire.
Agathe.
laire !
Claire. Paix! qu'est-ce quej'oy?
Agathe. (>laire, où diantre es-tu?
Claire. Mon Dieu ! c'est ma maistresse qui m'appelle. Je suis perdue ! je suis morte !
Agathe. Claire !
Claire. Helas ! elle est desjà sur le pas de l'huis.
Agathe. Mais où sera allée cette truande? Claire. Je ne sçauroy r'entrer dedans qu'elle ne me voye.
3i8 La RIVE Y.
Agathe. Voyez s'elle respondra !
Claire. Et m'en voulant fuyr, je ne sçay où aller.
Agathe. Claire! es-tu sourde? Claire!
Claire. Elle m'a veue! Jésus!
Agathe. Malheureuse! vien çà, vien !
Clairk. Il faut icy penser à mes affaires ; mais, ô mon Dieu ! tpie diray-je ? que feray-je ?
Agathe. Escoute, cagnardièrc ! Elle n'a point d'oreilles.
Claire Je diray que je resve, et feray semblant de m'estre levée en songeant. Bricque ! c'est tout un : je m'en vay droit à elle, frottant mes yeux, quejetiendray demi-clos et à demy-ouvers. IJutnmuum, uum.
Agathe. Vray Dieu! qu'est ce cy? Claire! Claire !
Claire. Uum, rauum, nuum.
Agathe. Claire, n'oy-tu goutte? dors-tu? songes-tu? resves-tu? Grosse effondrée, estourdie, beste chaussée, il semble que tu sois hors du sens ! 0 chetive moy, hclas ! elle est vestue des meilleurs accoustremens de ma fille! Claire, quelle folie est-ce cy? es-tu folle? A quelle fin, dy-moy, as-tu vestu les habits de Lucresse? Elle ne respondra jà par despit. Claire !
Claire. Uum! Mon Dieu! Uum muu. Qu'estce? qu'y a-il? Je dors , je dors.
Agathe. Comment, tu dors ! grosse truye ! Dymoy, où as-tu prins ces vestemens , et pourquoy tu t'en es ainsi parée?
Claire. Vous m'avez rompu le plus beau somme du monde. 0 que je dormoy bien !
Agathe. Je croy que tu es insensée. Je te de-
mande qui t'a veslue des accoustremens de Liicresse.
Claire. Vierge Marie! que je suis malheureuse ! Il me faut faire chauffer le four.
Agathe. Pu u u ! ceste garce est yvre.
Claire. Je ne sçay où est mon escouvillon, et, qui plus est, je gage que ma paste sera trop levée.
Agathe. Viençà, aproche; respon à ce que je te demande , et laisse-là le four, escouvillou, paste et levain. A quelle fin t'es-tu ores vestuc des meilleurs accoustremens de ma fille? Respon, qui te l'a faict faire?
Claire. Ho, 0 ! oy, oy ! Vous dictes vray. Je l'aA^ois dedans mon tablier.
Agathe. Car, à ce que je voy, tuas toutes ses besoignes, jusqucs à ses pantoufles.
Claire. 0! que me voilà bien ainsi! Est-il pas vray? Hé! je vous prie , regardez-moy un petit.
Agathe. Je croy que tu es hors du sens. Dymoy, sotte ecervelee, qui t'a desguisée en ces vestemens, et que tu cherches icy à ceste heure.
Claire. Ma dame , me voulez-vous croire?
Agathe. Comment , croire?
Claire. Je ne sçay que je fay.
Agathe. Tu ne sçais que tu fais !
Claire. Non. H est vray que je sçay bien qu'hier au soir je m'allai coucher de bonne heure, et me despouillay nue comme quant Dieu me fît; mais je ne sçay comme je suis maintenant icy, ny qui m'a ainsi habillée.
Agathe. Seigneur Dieu ! tu me fais esbahir ! Helas ! quelle merveille est-ce cy ?
Claire. Je ne sçay d'où vous vient cest es-
320 Larivey.
bahissementj; si ne fay-je pas les merveilles.
Agathe. Je voy que c'en est : tu te seras levée en songe, et resvant auras faict tout ce beau mesnage. 0! que je suis heureuse que lors j'estoy resveillée, pource que, t'oyant faire du bruict par le logis , pensant que ce fussent des larrons , je me suis levée, et, t'appellant sans cesse, suis allée à tastons jusques à ton lict, où, clierchant en vain, j'ay encores en vain cberché tous les coings du logis en t'appellant tousjours, et jusques icy, que je t'ay trouvée , comme tu vois.
Claire. Dieu en soit loué, ma Dame! Enauda ! j'cstoy pour me perdre, ou tomber es mains do quelque mauvais garsou., cpii m'auroit dcspouillée ou faict peut-estre quelque deshonneur, que sçaiton?
Agathe. Voyez la pitié! Tu penses donc en estre quitte à si bon marché, grosse effondrée, ivrognesse ! Si tu buvois moins le soir, cela ne t'adviendroit pas. Va à la raale heui'e , va là haut, tire, que je t'aille desabillcr. Regardez, elle a jusques à ses gands ! Ha ! petite effrontée , il y a ici de lameschanceté. Comme as-tu ouvert le coffre, qui estoit fermé a clef? Eu songeant on ne trouve pas tout si bien à point. A peine que tu ne me fay dvre autre chose. Tenez , elle est encor fardée !
Claire. Ma Dame, je crain que, comme je resvcy tantost, vous ne resviez maintenant. Tant y a que je ne sçauroy dire comme cela s'est faict, comme je suis icy, ny qui m'y a menée, si ce n'a esté quelque esprit maUn. Et quant au fard, jamais je n'en usay.
Agathe. Si on ne me rompt les bras, nous le verrons tantost, et si le mauvais esprit t'a conduite
Le Morfondu, Comédie. 821
en ce lieu. Va, va, despesche, entre leans, maudite créature : car je veux tout à loisir trouver la pointe de ce cloud.
