SCÈNE II

Philippes^ Charles, Lambert^ Claire, Boniface.

r sus , ne disois-je pas bien que ma mère

en seroit contente? D'une seule chose

elle a esté marrie : que je neluy ay faict

sçavoir plustost. Mais où est Lambert?

Charles. Le voilà, que Boniface entretient.

Philippes. Ce belistre fust mort s'il n'eust

tout sceu.

IÎONIFACE. Mon Dieu! que voilà un plaisant compte !

Le Morfondu, Comédie. 335

Lambert. Tu en riras.

Philippes. Et bien ! hé ! Boniface, sera-ce pas tantost assez causé? Mais, malheureuse, que fais-tu icy? Par mon ame, je voy bien que tu gasteras tout.

Claire. Hu u u u ! que sçay-je? je suis demie folle.

Philippes. Je t'en croy. Qu'as-tu faict? tu menois du bruict.

Claire. Ce furent ces meschantes pantoufles.

Philippes. Je te l'aybien dict, coquine! Que faisois-tu ?

Claire. Si tost que fustes party, pour vous obeyr, j'allay soudain cacher la chandelle aux privez, et, en y allant, je m'advisay de prcndi'e mes pantoufles, d'autant que j'avoy froid aux pieds.

Philippes. Tu me veux icy conter quelque meschanceté.

Claire. Meschanceté est-elle bien ?

Philippes. Tay-toy, ne me romp plus la teste.

Claire. Ainsi, m'en retournant, soit pour ce que je n'ay guères accoustumé cheminer à veugletle, ou que les degrets soient malaisez

Philippes. Que fis-tu?

Claire. Je tresbuchay tellement qu'une pantouffle m'eschappa du pied , laquelle pensant recueillir, l'autre me tomba je ne sçay comment, de façon que toutes les deux, rouUans par les degrez, firent un grand bruict.

Philippes. Vous semble-il qu'elle soit quelque chose qui vaille ?

Claire. Madame vostreraère estoit lors levée, pourceque l'amarry l'avoit tourmentée toute nuict, laquelle, oyant ce tintamarre et craignant (ainsi

336 Larivey.

qu'elle m'a dict) que ce fussent des larrons, descendit à bas , où elle me trouva ainsi vestue que je vous attendois. Quant au surplus, vous le sçavez mieux que moy.

PiliLiPPES. Tu es une gentille morveuse !

BOMFACE. Voilà! voilà! elle faict des siennes.

Claire. Regardez un petit : voy-tu, si je....

Philippes. Paix! paix! Or sus , Lambert, deslogeons.

Lambert. Vous dictes bien, car il est tantost temps d'aller eslargir mon prisonnier.

Philippes. Comme la mencras-tu avec luy ?

Lambert. Ne vous en souciez.

Charles. Laissez-le faire, et soignons seulement à nous.

Philippes. Claire, parleras-tu bien?

Claire. Oy, Monsieur.

Philippes. Escoute : va au logis, etpren bien garde à ce que tu as à faire, entens-tu? que tu ne me viennes dire après : Je n'y pensois pas.

Claire. N'ayez pœur de ce costé-là.

Philippes. Que deviendra Boniface?

Lambert. Il retournera aussi en la maison, d'où il ne bougera , si de fortune il n'advenoit quelque malencontrc.

Philippes. As-tu bien oy?

Boniface. Très bien.

Philippes. Que tu ayes l'œil bien ouvert , affin que , si on a besoin de toy, tu nous viennes incontinent secourir.

Boniface. Que servent tant de propos? Me cognoissez-vous pas ?

Philippes. Or sus donc, allez. Claire, desloge.

Le Morfondu, Comédie. 337

BoNiFACE. Marchez, Tespousée. Mon Dieu!

que tu fais bien le pois verreux.

Lambert Laissez-les aller. Escoutez , mon maistre , ce n'est pas tout, il faucha que faciez bonne mine, pource que j'ay délibéré vous faire croire qu'il est mon frère.

Charles. Comme veux-tu que je face?

Lambert. Que respondiez à propos à ce que je diray.

Philippes. 0 le plaisir! je ne désire qu'oyr et veoir ce passetemps.

Lambert . Il est aisé ; il ne vous faut que cacher en un coin ou en quelque porche.

Philippes. C'est bien advisé , je le feray. Je crève d'allégresse, et me semble qu'une heure me dure un an, tant il me tarde oyr leur devis. Qui eust jamais pensé que ce vieillard, qui a tousjours vescu en bonne estime et réputation, vaincu par les fausses persuasions d'un meschant serviteur, et sans avoir esgard à son honneur, se fust tant sottement jette en ce bourbier? Peut-il si légèrement croire qu'une fdle honnestc, bien née, sage, de bonne maison et d'honorables et vertueux parens, encoure si aisément en un tel vitupère? Mais quoy ! voyons-nous pas tous les jours combien peult la jalousie, principalement es espris de ceux lesquels, ou pour estre trop chargez d'ans, ou par deffaut de nature, ne peuvent plaire a leurs femmes? Quelle merveille , puis qu'il adjouste entière foy aux bourdes de ce meschant Lambert? Et puis fiez- vous aux serviteurs ! Mais, par ma conscience ! cela est bien deu à ce vieil resveur, qui, courbant l'eschine sous le faix de l'aage , ne cherche plus qu'à marchander au fos- T. V. 22

338 Larivey.

soyeur la longueiu' de son tombeau , neantmoins se veult marier. Mais les voicy qui viennent ; il me fault retirer et mettre en lieu où, sans estre veu , je puisse veoir et entendre tout.