SCÈNE III

Lambert, Lazare, Philippes.

Lambert.

|0yez, sire Lazare : mon chapeau estoiten ,ceste place : il vinrent de ce costé là, et

(l'un

Lazare. Tu me devois achever ce conte au logis, puis que j'y ay tant esté, et me dire comme tu m'enfermas.

Lambert. Je vous le diray. Je sorty, comme avez entendu, pour recouvrer mon chapeau, et, tirant l'huis après moy, il se ferma sans y penser, de telle façon qu'on ne le pouvoit ouvrir sans clef.

Lazare. Cependant j'ay enduré une telle froidure aux pieds que je m'en sentiray à jamais.

Lambert. Helas ! et moy ! je pensay bien mourir d'un autre costé.

Philippes. Que dict-il là de mourir?

Lazare. Aussi tu voulus sortir trop tost.

Lambert. Il est vray; mais ils me prindrent pour un autre, et, comme je vous ay dict, venans tous deux de là bas, l'un se présenta à moy, et l'autre, voyant l'huis ouvert, s'avança et me vint fermer le passage.

Philippes. Il en sçait, il luy en baille d'une.

Le Morfondu, Comédie. 339

Lambert. Et, ayant rais la main à l'espée, me tira soudain un grand fendant sur la teste; mais Dieu voulut que l'espée tourna en sa main, autrement il m'eust fendu jusques aux oreilles.

Lazare. 0 Jésus ! regardez en quoy consiste la vie de l'homme.

Lambert. Estonné de ce coup, je couru incontinent pour me sauver en la maison; mais, trouvant cet autre à la defFense du passage, je rebrossay chemin tant que jambes me peurent porter. Toutesfois, en fuyant, il me jeta un tel l'evers que je pensois estre mort.

Lazare. Of! et s'il t'eust couppé en deux?

Lambert. Je n'eusse plus eu de jambes.

Philippes. Escoutez la belle bourde !

Lazare. Dieu seul t'a aidé; retournes-y une autre fois !

Lambert. C'estoitleplus beau coup dontonoyt jamais parler : car l'espée, ayant gauchy, vint à donner contre le coing d'une muraille, laquelle, jaçoit qu'elle fust d'une dure pierre de taille, si ne peut-elle estre si forte qu'un grand quartier n'en fust abbatu. Quant je vy ce coup, et moy de galopper ; il ne falloit pas chercher mes pieds en un boisseau : je pense que, devant qu'il eust retiré son espée, j'estois desjà à la porte Sainct-Jacques.

Philippes. Je commance à l'entendre.

Lazare. Je croy que tu ne regardois pas derrière toy.

Lambert. Sainct Jan, non ! Tu Dieu! il m'estoit tousjours advis qu'ils me lardoient les fesses à grand coups de poignard.

Lazare. Tant y a qu'il n'estoit lors temps de t'amuser.

34o Larivey.

Lambert. Quant je fu bien loin, je m'arrestay, et, ne voyant personne à ma suyte, je m'assuray aucunement; en fin, me souvenant de vous, je pensay mourir de regret, qui fut cause que je delibei'ay, quoy qu'il en peust advenir, retourner, aymant mieux tomber entre leurs mains que de vous laisser occasion de vous plaindre de moy.

Lazare. Tu ne pensois pas m'avoir enfermé?

Lambert. Mafoy non, et, si je l'eusse sçeu, je n'eusse si lost retourné.

Lazare. Tu m'eusse bien accoustré !

Lambert. Patience ! par mon ame, i!s me baillèrent bien la course. Mais Dieu soit loué, puisque nous sommes icy sains et sauves !

Lazare. Or sus, sus, c'est assez ! va où tu sçais.

Philippes. 0 la gentille invention ! est-il possible en imaginer une meilleure?

Lambert. Sire Lazare, escoutez : gardez- vous bien de trop parler.

Lazare. Ne t'en donne point de peine.

Lambert. Pource que de moy-mesme je feray tout ce qu'il faudra : ce sera assez que sachez bien aproprier deux ou trois mots.

Lazare. Va donc, à la bonne heure.

Lambert. Ne vous eslognez pas trop de la porte.

Lazare. Je t'enten bien. Je crain que la fin de tout cecy ne m'apporte quelque malencontre. Je ne suis pas trop bien chaussé, et, qui est le principal, ma teste n'est guères bien couverte de ce meschant bonnet, qui est percé à jour de tous costez. Si me faut-il toutesfois attendre jusques au bout : lafeste n'est pour durer longuement; puis, quand j'auray tout veu et oy, et que je seray as-

Le Morfondu, Comédie. 34i

seuré de leur beau mesnage, je m'en retourneray très bien en mon logis. Mais je ne puis bien croire ces choses, et, si je ne les voy avec ces deux yeux, j'en seray tousjours en doute. Oh ! st ! les voicy qui sortent; si je ne me trompe, Charles marche le premier.