SCÈNE I

SYMEON.

Il ra'iray-jc cacher, que personne ne me voye, jusqnes à ce qu'éventant la douleur de mon âme, je me puisse plaindre de ma folie? Que me sert avoir esté prudent et accort tout le temps de ma A'ie, si ores que j'avois plus de besoing de sagesse j'ay esté moins advisé? 0 Valère, pourquoy ay-je eu à mespris tes bonnes et saintes remonslrances? Helas, si je t'eusse creu, je ne me verrois au destroit où ores je me trouve. Voyez comme en un mesme temps mon fils, ma fille, ma servante, et ce larron et traistre afFronteur, m'ont destruictet ruiné! Mais, hélas ! ce ne serait rien que tout cela, si ma fille n'eust commis la faute qu'elle a faicte ; aussi c'est de là qu'est desgainé le couteau qui en bref me coupera la gorge et avancera mes jours : car, quand au tort que m'a faict Maurice, m'ayant osté des mains la recompense de mes maux, je l'excuse, pour avoir le jeune homme esté espris de l'amour de ceste belle fille , laquelle, jaçoit qu'elle soit pauvi'e des biens de ce monde, estneantmoins si riche en beauté, vertu et bonnes grâces, qu'elle mérite bien estre aymée, et mesmes espouser un prince, non seulement mon fils. Mais comme pourray-je jamais couvi'ir le blasme, le dommage et l'extrême vitupère que Françoise m'a procuré, s'en estant fuye avec un qui paravanture la tiendra

Le Laquais, Comédie. 89

pour sa putain, et puis , quand il en sera bien saoul, la laissera aller au mal, comme on void souvent advenir à beaucoup d'autres. Et posé le cas qu'il Fespouse, qu'en sera-ce pour cela, cestuy estant, comme je puis comprendre, valet de chambre ou quelque petit officier du cardinal? Ah misérable que je suis, et vrayement misérable! quel party doy-je pi'endre? à quoy me puis- je résoudre? Ha meschant Thomas , mcschant dis-je, et plus que meschant, tu es la seule occasion de ma ruine ; mais je fais bon vœu à Dieu que je te donneray le payement dont l'on récompense les traistres et desloyaux qui te ressemblent.