SCÈNE I

Hilaire, viellard; Eîizahet , sa femme.

HiLAIRE.

e que je dis est vray. Et vous asseure .que la plus part des meurs et coustumes de la jeunesse , soient bonnes ou mauvaises, procedde de leurs pères et mères, ou de ceux qui en ont la charge.

Elizabet. Oy bien pour le regard des pères et précepteurs , mais non quant aux mères , parce questans femmes, elles ont autant petite part en cecy comme aux autres choses du monde.

Hilaire. Le contraire de ce que vous dictes se void ordinairement, et que les femmes ont plus de puissance sur leurs enfans que les pères , et non seulement sur leurs enffans , mais encorts sur leurs mariz. Et pour n'eu chercher les exemples plus loin , souvenez-vous comme mon frère Severin et moy, qui avons esté eslevez d'un mes-

2o4 Larivey.

me laict , en mesme temps , par mesmes père et mère , et mariez en mesme saison , duquel mariage il a eu trois enfans : Urbain , Fortuné et Laurence, et nous pas un, puis qu'il plaistà Dieu, commança deslors à devenir chiche, tacquin , avare , et tel que le voyez, et moy, au contraire, me suis lousjours maintenu en ma première façon de vivre , qui me fut laissée par mon père ; qui me faict penser que de ce changement on ne peut alléguer autre occasion que sa femme, qu'avez cogneue si mauvaise , chiche , fascheuse , revesche, et tant meschante que jamais mon frère ne fut plus heureux que quand elle eut la terre sur le bec , combien qu'il luy fust advis avoir faict une grande perte, d'autant qu'il s'estoitdesjà accommodé à ses conditions.

Elizabet. 0 mal'heureux sexe, puis qu'à vostre compte les pauvres femmes sont cause de tous maux, et ne bienheurent jamais une maison que par leur mort !

HiLAiRE. Qui voulez-vous donc qui ayt ainsi gasté le bon naturel de mon frère, et qui de libéral l'ayt faict si mécanique? Vous sçavez comme il a vescu jusques icy, à raison dequoy je remercie la fortune qui luy a plustost qu'à moy envoyé ce malencontre , car je me souviens que mon père a plusieurs fois doubté s'il vous devoit donner à mon frère ou à moy. Toutesfois, il se résolut en fin si bien que j'ay occasion m'en louer. Et s'il a eu trois enfans , il n'en a plus que deux , parce que , voyant que n'en avions point , il nous a donné Fortuné, son plus jeune, que nous entretenons , aymons et caressons comme s'il estoit de nous deux, et peut-estre d'avantage,

Les Esprits, Comédie. 2o5

pource que vous ny moy n'avons eu de luy les peines et travaux que donnent les enfans quand ils sont petitz.

Elizabet. Ne dictes pas cela, car ce ne sont peines , mais plustost (comme je pense) des gaillars soucis de faire passer et evanouyr les chagrins et fascheries qui acompagnent la vicllesse, et rends grâces à Dieu de ce qu'il luy a pieu nous adresser ce jeune gars , pource que (si l'amitié que je luy porte ne me déçoit) j'espère que quelque jour il sera le baston de nostre vieillesse. Toutesfois , Hilaire, mon amy, il me semble que ne luy devez tant lascher la bride sur le col que ne le puissiez après retenir comme vous voudrez. Vous luy laissez si librement fjiire ce que il veult, que il n'a maintenant soin g d'autre chose que de faire l'amour et aller à la chasse ; qui me faict craindre qu'ayant passé l'ardeur de sa jeunesse , il ne se repente un jour d'avoir en vain despendu son temps , et se plaigne de vous, qui n'y avez pourveu quand en aviez la commodité.

Hilaire. Je m'esmerveille de vous et de tous ceux qui pensent les enfans se pouvoir retirer de leur naturelle inclination ou par force ou par menaces, car je vous advise que, si je voulois empescher Fortuné de se recréer et prendre ses plaisirs, qu'il en feroit cent fois pis; mais il faut que, luy permettant une légère chose où il a son cœur, je lui deffende toute autre de conséquence , l'accoustumant ainsi à m'obeyr, non par force , mais par amour ; car quiconques faict bien par crainte, le continue autant longuement qu'il pense qu'il sera sçeu , et faict secrettement le mal quand il en peut avoir la commodité. Voyez Urbain, con-

2o6 Larivey.

tre lequel son père a tousjours le poing levé , le tenant ordinairement aux champs avec une sienne sœur, affin qu'il ne despende et hante en la ville, où il dict que sont les compagnies desbauchées et la licence de mal faire : neantmoins il n'y a pas long temps qu'il est venu en ceste ville , oîi , comme j'ay entendu, il a mis la moitié du peuple en tumulte, pour avoir desbauclié une fille d'icy près , et faict assés d'autres choses pires beaucoup que ce que faict Fortuné, d'autant qu'il est nécessaire que la jeunesse ayt son cours. Si donc c'est une nécessité , combien est-il meilleur les accoustumer à craindre d'offenser leur père, et rougir en eux-mesmes s'ils font choses vilaines etdeshonnestes, que autrement? Toutesfois,Severin pense que, pour le tenir aux champs, il perdra l'envye de despendre et faire beaucoup de folies. Et je sçay tout le contraire, et que sans beaucoup de respect il faict et l'un et l'autre , tandis que le bon homme, poussé d'une extrême avarice, se tue le cœur et le corps pour amasser, labourant ses terres luy-mesme de ses propres mains. Mais s'il sçavoit que de nuict il vient à Paris, ou qu'il despendistun liard,il se pendi'oit. Et voilà comme ils vivent tous malcontans, jusques à ceste pauvre fille, laquelle, desjà grande et preste à marier, se desespère, voyant la sanglante avarice de son père , qui , pour ne despendre un denier, ne tient compte de luy donner party, jaçoit qu'il ayt plus de deux mille escuz contans en ime bource qu'il porte ordinaiiement sur luy, et a tant peur que je la voye, que c'est merveille, pour ce que je le tause à toute heure de ce qu'il laisse ainsi eu une maison champestre envielir

Les Esprits, Comédie. 207

ma pauvre nièpce; mais je n'y gagne rien, car il me respond tousjours une mesme chanson , qu'il est pau\ re et n'a point d'argent pour la marier, pensant que je luy en doive donner. Et s'il advient, lors qu'il se plaint à moy d'Urbain, et que Fortuné le desbauche , que je luy dise qu'il le faut marier, il me respond qu'aujourd'huy le mesnage a trop grandes dentz , et que ce n'est peu de cbose augmenter sa maison d'une bouche qu'il faut nourrir. Bref, il ne songe à autre chose qu'à l'avarice , et seroit content que chacun le resemblast.

Elizabet. Je ne voudrois que vous vous monstrassiez fascheux envers Fortuné comme Severin envers Urbain , mais je serois bien aise que luy deffcudissiez faire je ne sçay quoy qui ne luy est bien séant. J'ay entendu (je ne veux dire qu'il soit vray) qu'il est devenu amoureux d'une nonnain que je ne \eux nommer pour ceste heure. Est-ce bien faict, à voslre advis, veu que cela est desplaisant à Dieu et aux hommes ?My Dieux! ce luy est une grande honte, et à vous aussi, qui l'endurez.

HiLAiRE. Je n'en ay jamais oy parler, et s'il estoit ainsi je n'en sei'ois trop content, ains met- Irois toute peine l'en destourner, combien qu'on souffre à la jeunesse plus de choses que peut-estre vous ne pensez ; et suis bien ayse que m'en ayez adverty, pource que j'en veux sçavoir la vérité, pour après faire ce que Dieu me conseillera. Mais voicy Frontin , son serviteur, qui sçait tout ce qu'il pense et ce qu'il songe. Il m'en pourra mieux informer que pas un.

Elizabet. Vous tirerez plustost de l'huille d'un

2o8 Larivey.

mur que luy faire dire ; cognoissez-vous pas Frontin?

HiLAiRE. Allez au logis, car il se donne garde plus de vous que de moy; après je vous iray retrouver.

Elizabet. Bien, je n'en bougeray.