SCÈNE III

Frontin , Urbain.

F RONTIN.

t bien ! ai-je pas bien joué mon personnage ?

Urbain. Le mieux du monde, et ne

^^^ l'eusse jamais pensé. Tu serois tout

estonné si tu savois en quelle fièvre j'estois quand j'entendois parler mon père; j'avois,je pense, plus peur de luy que luy de nous ; aussi les genoux me ti'embloient si fort que je ne me pouvois tenir debout.

Frontin. Voilà un grand malheur, que ne vous pouviez tenir debout.

Urbain. Je m'y tiens bien à ceste heure que la paiolle m'est revenue ; mais je te prometz que lors il ne m'en prenoit point d'euvye.

Frontin. Quoy ! vous aviez peur en la compagnie de Frontin ?

Urbain. Toute mon asseurance n'estoit qu'en toy.

Frontin. Le temps est cher, ne le perdons pas à crédit. Je pense qu'il soit tard, ainsi je me doubte que Ruffin ne faillira point de venir demander l'argent que luy avez promis : voylà pourquoy je

Les Esprits, Comédie. 247

suis d'advis vendre ce ruby ; nous en aurons quelques vingt escuz.

Urbain. Je l'ay tousjours oy estimer trente.

Frontin. Cela viendra bien à point ; il y en aura deux pour le sorcier, dix pour RufTin, dix pour le pauvre Frontin, et le reste pour vous.

Urbain. Cela est raisonnable.

Frontin. Je le vas vendre, car Ruffin n'est homme d'anneaux.

Urbain. Ce pendant que ferons-nous?

Frontin. Allez chez le sire Hilaire, jusques à ce qu'on ayt faict avec Ruffin ; puis vous retournerez au village; tandis, ccste-cy pourra demeurer en la maison de nostre voisin, AOstre amy : ainsi il ne sera trop malaisé faire croire à vostre père qu'avez tousjours este aux champs.

Urbain. En es-tu d'advis?

Frontin. Oy ; prenez les clefs de la chambre à mon maistre, et vous enfermez dedans.

Urbain. Et qu'y ferons-nous?

Frontin. Je m'en rapporte à vous; je m'en vas cependant faire mes affaires. Mais j'oy ouvrir l'huys de Severiu : despeschez-vous , entrez par la porte de derrière.

Urbain. Tu dis bien.

248 Larivey.