J HEROS ME

I e pendant, je vas voir si je trouveray lUion fds.

Vincent. Mais voicy mon père.

Jherosme. Hé!

Vincent. Il m'a veii.

Jherosme. Vincent, je te cherchois. J'ay ce jourd'huy parlé avec le sire Nicaise , et avons concliid que demain tu fianceras sa fille.

Vincent. Helas!

Jherosme. Tourne-toy deçà ; qu'as-tu?

Vincent. Que je la fianceray demain?

Jherosme. Oy, demain. Pourquoy?

Vincent. Il me semble que l'on me la devoit faire voir premièrement.

Jherosme. Comment? Quels propos sont-ce cy, Vincent?

Vincent. Je ne dis pas cela sans cause, encores que je sache qu'elle est une des plus sages , accortes et filles de bien de Paris. Mais je sçay bien ce que je dy.

Jherosme. Je ne t'entend point. Comme situ voulois dire qu'elle reçoit quelque autre exception. Pourquoy ne te plaist-elle pas ?

Vincent. Le diray-je? Si vous eussiez esté où j'estois aujourd'huy, que l'on parloit d'elle, vous en seriez émerveillé.

38 Larivey.

Jherosme. Dy, dy, qu'en disoit-on?

Vincent. On en disoit tant qu'on n'en peult dire davantage , tellement que la souvenance m'en fait rougir de honte, mesmes quand je pense qu'on me la veult faire espouser.

Jherosme. Mon Dieu ! qu'est-ce cy?

Vincent. Elle a le nez camus comme un chien terrier, et la bouche ridée comme un viel siuge qui faict la moue.

Jherosme. Quoy ! dict-on cela d'elle?

Vincent. Elle a les lèvres grosses et enflées comme un bourgeois d'Etiopie; elle est edentée, et que ce peu de dents qui luy restent est jaune, chancreux, et tremble comme les marches d'une epinette.

Jherosme. Je n'en sçay rien; peut-estre que j'avois la barlue quand je la vis. Toutesfois elle me sembla moyennement belle.

Vincent. Vous n'avez pas encores ouy tout le plus fascheux. Us disent qu'elle put comme un vieil bouc, et que ses yeux font plus de cire qu'un getton de mouches à miel.

Jherosme. Ah! qu'il y a en ceste ville d'insolens et mcsdisans jeunes hommes, lesquels, ayans bien mangé et mieux beu au fond d'uu cabaret, s'adonnent tousjours, comme glouttons et effrontez qu'ils sont, a calomnier tantost ccstuy-cy, maintenant ccste-là , ou quelque homme d'église. Et vrayement, la justice a grand tort et faict mal de l'endurer, et qu'elle n'y remédie.

Vincent. Mon père, ils m'en ont dict tant de mal que me pardonnerez si je dy que je n'en veux point, si ])remièreraent avec ces yeux je ne m'en esclarcy. Ils disent davantage qu'elle a la cou-

Les Jaloux, Comédie. Sg

leur verte , rouge , bleue et changeante comme la teste d'un coq d'Inde, et qu'elle est mauchotte de la main droicte.

Jherosme. Comme est-il possible trouver un homme qui ayt si mauvaise veue que cela ?

Vi>CE>T. Et que Falaine luy put comme la bouche d'un retraict , tellement qu'elle faict mal au cœur de qui s'en approche.

Jherosme. Mon Dieu ! que j'ai esté foi jusques icy 1 Vincent, sçays-tu qu'il y a ? Tandis que ton aage l'a requis, j'ay assez souvent (pource que je n'ay plus que toy) fermé les yeux à tes apetitz, espérant que quelque jour le temps te meuriroit et te feroit homme de bien. Mais, quand j'ay veu que tu ne te veux amender de toy-mesmes, et que l'aage ne t'apporte rien de bon, j'ay voulu estre celuy qui te mettra au chemin de bien vivre. l\e vois-tu pas que je suis vieil , que tu m'es demeuré seul et que je n'ay personne pour gouverner ma maison? Voylà pourquoy il fault que je te donne compagnie.

Vincent. Ah ! mon cher frère , helas ! où es-tu maintenant?

Jherosme. Que dis-tu de ton frère? à quel propos ?

Vincent. Rien; achevez.

Jherosme. Que soupires-tu donc?

Vincent. Je soupire pour ce que, quand vous avez dict que n'avez plus que moy, vous m'avez faict souvenir de luy.

Jherosme. Ha! pendart, je t'enten bien, voire ; mais escoute icy : quand ton frère seroit en vie , je ne ferois pas grand difficulté marier plustost l'un que l'auti'e. Mais qu'ay-je affaire

4o Larivey.

me soucier de ce qui ne peut estre ? Il survient quelques fois des choses pour ausquelles pour- Teoir on employé souvent, et en vain, tout soin , diligence et esprit , et s'en trouve d'autres au maniement desquelles on cognoist le jugement et dextérité de qui les pratique. Regarde, Vincent, c'est un beau denier que dix mille francz qu'on baille à Renée en mariage. Si je laisse eschapper de mes mains ceste adventure. Dieu sçait quand jamais une telle se présentera !

\ i?«CENT. Mon père, me voudriez-vous donner un monstre si contrefaict?

Jherosme. Il ne faut (pour t'en excuser) que tu dises ainsi , mais bien tu doibs dire que tu as lyé ton boudin avec ceste diablesse de femme (que maudite soit l'heure et le point qu'elle entra jamais en ceste ville !), et que tu voudrois prolonger ces nopces, attendant que quelque diable y mette empeschement. Quoy ! penses-tu que je ne te voye pas bien et ne sache de quel pied tu cloches? Il y a trois jours que je t'en ay parlé, et jamais tu ne m'as dict que tu n'en A"oulois point. Qui t'a empesché cependant de l'aller voir? ïu ne sçaurois dire qu'on ne void point les femmes et filles de Paris , veu qu'on ne tresbuche contre autre pierre , que les rues en sont tousjours plus couvertes que de carreaux, et qu'elles sont incessamment plantées sur le pas de leur huys.

Vincent. Mon père, la belle marchandise est ordinairement mise en monstre, et la layde est cachée au magasin, ou n'est monstrée qu'en lieu trouble. Ainsi, si je ne la A'oy cheminer, comme pourray-jc oster de ma fantasie l'opinion que j'ay qu'elle est boiteuse; si je ne l'oy parler, qu'elle ne

Les Jaloux, Comédie. 4*

soit muette ; et si je n'aproche près d'elle , qu'elle n'ayt la boucte puante?

Jherosme. C'estbien rencontré. En voudroistu pas faire comme d'un clieval : l'avoir à l'espreuve, ainsi qu'on faict en assez d'endroits de ceste ville , où on leur faict enfiller jusques aux esguilles. Tous tes propos ne tendent sinon mener l'affaire en longueur.

Vincent. Pardonnez-moy : ce n'est mon intention, car je voudrois que c'en fust faict.

Jherosme. Il n'y a autre chose qui te le face dire. N'estoit-ce pas assez de dire qu'elle est layde ou autrement, sans tant la vilipender? Penses-tu que je ne l'aye pas veue?

Vincent. Faictes-mov voir qu'elle est autre que je ne pense, affin de m'oster de ceste opinion.

Jherosme. Et vraymeut, je le veux bien. Va, va au logis.

Vincent. J'y vas.