SCÈNE V

Fierabras^ Vincent.

FlERABRAS.

lompagnon, que faictes-vous icy?

Vincent. Mon Dieu ! que vous ' venez bien à propos ! je vous cher- ' chois .

FiEKABRAS. Y a-il long-temps qu'estes arrivé ?

Vincent. Tout à ceste heure.

Les Jaloux, Comédie. 35

FiERABRAS. J'ay faict seller et enhernascher les chevaux, et, affiu que les voyez mieux à vostre aise, je vous les veux monstrer hors Testable. Ma sœur, faictes sortir ces garçons. Toutesfois, non, laissez-les là, nous les verrous bien en ma court de derrière, où Ton pourroit courir la lance. Mais, pour vous dire la vérité, je ne voy point trop volontiers les hommes venir si souvent céans.

Vincent. Au contraire , vous en devriez estre bien joyeux , estaut ceste escuyrie si belle, qu'il prend envye aux passans s'arrester pour la voir.

FiERABRAS. Je gaignay ce beau roussin qu'avez veu à la journée de Moncontour , lors que, la cuyrasse sur le dos et le coustelas au poing, je rompy et desconfy les ennemis de Sa Majesté, encores qu'on tirast sur moy plus de deux mille coups d'artillerie, qui toutesfois ne me peurent jamais offenser.

Vincent. Dieu sçait si cestuy-cy vid jamais attaquer escarmouche , ou s'il sçait, combien il est obligé à ses jambes !

FiERABRAS. Que dictes-vous de jambes?

Vincent. Jedy que je pense que vostre cheval estoit lors au sangjusques aux jambes, et qu'estes fort adroit de vous estre peu sauver de tant de bouletz.

FiERABRAS. Croyez que la dextérité est nécessaire à qui veult bien escrimer; combien que la mienne estoit plustosl pour offenser que pour parer aux coups.

Vincent. Pourquoy?

FiERABRAS. Pource que je regardois de quel costé de l'ai'mée venoient les bouletz. A.donc, les

36 Larivey.

rencontrant d'une plus grande force qu'ils n'esloient poussez, je les rejettois sur les trouppes ennemyes avec la main, deçà et delà, à dextre et à senestre.

VirsCENT. Je ne me puis plus garder de rire, ha ! ba ! ha !

FiERABRAS. Vous ricz, m'oyant reciter choses si nouvelles et emerveillables ; mais croyez pour vérité que je dis quelques fois choses incroyables.

ViNCEîST. Je le pense ainsi.

FlEUABRAS. Mais allons voir mes chevaux. Je me vante vous faire voir anjourd'huy les plus belles bestes que vous A^stes de long-temps, et si avez envye d'avoir quelques harnois, comme caparassons, brides, selles d'armes dorées et de toutes sortes , et antres équipages, j'en ay les plus beaux du monde, dont je vous feray bon marché.

Vincent. Vous parlez bien : nous les verrons à nostre retour, et s'il y a quelque chose qui me duise, je vous eu bailleray aultant qu'un autre.

FiERABRAS. C'est bien advisé. Ce pendant, je les vas envoyer quérir chez le fiippier à qui je les ay baillez poui' vendre.

Les Jaloux, Comédie.