SCÈNE VI

Béatrice, servante de Victoire ; Babille ^ servante de Virginie.

Béatrice.

'y vas, je prendray toute peine de le trouver au plustost. En somme, tous les proverbes sont vrays : la femme est une chose mobile de nature. Ce docteur Fcuteudoit fort bien.

Babille. Béatrice, où vas-tu?

Béatrice. Chercher une sorcière pour ma maistresse, qui meurt en l'amour du seigneur Fortuné.

Babille. Et que veut-elle de ceste femme?

Béatrice. Qu'elle fasse des sorcelleries qui le contraignent à Faymer. Et toy, où telaisses-tu aller à ceste heure ainsi seule ? Sers-tu encorcs Virginie ?

Babille. Ouy, je suis tousjoursà son service, et vas tout maintenant chei'cher le seigneur Fidelle pour le supplier de sa part qu'il la vienne trouver, pour ce qu'elle désire luy dire deux ou trois mots.

Béatrice. Et quoy! les damoiselles deviennent-elles amoureuses?

Babille. Elle est amoureuse de telle façon, qu'elle ne fait autre chose que se plaindre et souspirer ; et ce cruel la repaist de belles parolles et se mocque d'elle.

Béatrice. Tu ne t'en dois esmerveiller , car

33o Larivey.

c'est une usance commune de courir après ce qui s'eufuit, et de fuir ce qui poursuit. Madame Victoire, ma maistresse, en fait de mesme : elle ayme le seigneur Fortuné, qui ne se soucie point d'elle, et fuit le seigneur Fidelle, qui l'adore.

Babille. Elle iint un grand mal; toutes les deux devroient aymer, tenir conte de soy-mesme, chercher son plaisir , et enfin estre dame des amoureux, sans se rendre serves et sentir une telle passion qu'elle soit contrainte d'avoir recours aux sorcelleries pour acquérir leurs grâces ; par ainsi, elle viendroit à conserver son honneur. Pensestu pas qu'elle n'ait encores du regret de son temps perdu? Ouy,ouy. Ses cheveux, qui ores semblent estre de fui or, deviendront d'argent; ses temples s'avalleront, ses joues deviendi'ont plattes et ridées, son nez s'allongera , sa bouche grandira , ses lèvres deviendront pasles, son eslomach se fera creux, et ses testons verdelets qu'elle porte sur sou sein deviendront mois et flestris. Alors, les grâces du ciel lui manqueront, comme aussi la faveur des personnes. Adouc, s'appercevant de son erreur, elle plaindra son temps consommé en vain, et se lamentera jusques à la mort d'avoir perdu les plaisirs de plusieurs pour jouyr d'un seul.

Béatrice. Cela est tout certain, car lerepenlir des femmes ne naist sinon au temps que le repentir ne sert plus de rien. Je te dy, ma chère sœur, que c'est chose fort périlleuse n'en aymer qu'un seul; aussi dit-on qu'un ne fait nombre.

Babille. Et quelle autre chose nous donne plus de plaisir au goust sinon la variété des viandes ? Benistcs soient ces femmes qui sont de

si tendre complexion et de si douce nature que, ne pouvant souffrir veoir mourir les hommes pour leur amour, se laissent gaigner par leurs argumens et raisons, ce que j'ay tousjours fait, et te puis dire que je n'ay pas perdu mon temps.

Béatrice. Babille, m'amye, situ n'as perdu ton temps, je n'ay pas despendu le mien en vain. J'ay esté jeune et belle, combien que tu me voyes un peu cbangce maintenant , et croy qu'en mes jeunes jours j'ay eu quelque peu de bon temps. J'ay couru beaucoup de pays, practiqué et hanté avec diverses personnes, et ayencores aymé quelqu'un; neantmoins, je n'ay jamais senty aucune passion pour estre abandonnée: car, pour te dire la vérité, aussitost que j'estois laissée d'un amoureux , aussitost j'en trouvois deux ou trois , et ainsi me donnois du plaisir. Mais sçay-tu ce que je croy ?

Babille. Nenny.

Béatrice. Que les travaux de nos maistresses naissent de leur peu de jugement, et de ne sçavoir se résoudre incontinent et tout en un coup.

Babille. Je n'en doute pas, pour ce que ces damoiselles tiennent leur gravité, et ont quasi honte que nous autres, qui manions toutes leurs ordures , sçachions qu'elles sont autant subjettes au plain et au renouvellement de la lune que nous autres, et neantmoins veullent faire l'honneste; et si nous leur disons quelque petit mot d'amour, elles nous crient et nous menassent de nous faire mourir, et ne s'apperçoivent pas que, ne se voulans fier à une seule servante, est cause que toutes les autres de la maison les descouvrent, ce qui advient pour ce que, pleines de despit,

332 Larivey.

s'accordans ensemble, elles les espientlant qu'elles les prennent sur le fait, et puis en tiennent leurs contes de tous costez.

Béatrice. Je te jure par ceste benoiste ame de ma mère qu'oncques de ma vie je n'eus plus grande rage que celle qui me consommoit loi'Sque madame Victoire ne se vouloit fier en moy. Je l'espiay tant et si souvent, qu'une nuit je la surprins au lict couchée avec le seigneur Fidellc, tellement qu'incontinent après qu'il fut party, je me retournay devers elle en colère, lui disant : Est-ce là la foy que vous gardez à vostre mary ? est-ce là l'honneur que vous luy faictes? Je luy veux descouvrir le tout. Je ne veux plus demeurer avec ceste charge de conscience , ny endurer qu'on puisse jamais dire que j'en sois consentante. Non, non, ne le pensez pas; je le veux faire sçavoir à tous vos parens. De façon que la pauvre dame, toute cstonnée , en souspirant et les larmes luy tombant des yeux , commença me prier, supplier et conjurer que je n'en dist mot , et enfin, tantost par un petit présent, et maintenant par un autre, m'induisit à estre le premier instrument de l'alFaire , tellement que je suis maintenant sa maistresse, et m'appartient le commander.

Babille. Il n'est besoin en dire davantage. Les proverbes sont vraiz : A qui tu dis ton secret, tu donnes ta liberté ; et qui se trouve sans liberté vit en une serve aspreté.

Beathice. Il estvray. 0! comme elles jouyroient des plaisirs du monde si elles se sçavoieut résoudre iiicoiitinenl ! Mais connue elles se voycnt aymécs, se re})aisscnt de certaines lleureltes qui

Le Fidelle, Comédie. 333

s'empuantissent en peu de jours ; elles prennent plaisir d'entretenir leurs amoureux d'espérance, et ce afin d'estre tousjours servies. Elles tiennent à grand honneur qu'on dise : Un tel seigneur se pasme pour l'amour d'une telle, et cest autre gentilhomme meuit et brusle pour une telle dame ; et infinies autres font tant les succréeset s'esloignent tant de leurs conclusions, que les pauvres amans, désireux de venir au point , servent assiduëment et deviennent importuns, car les espérances qu'on leur a données les rendent tels , qu'aujourd'huy par un et demain par un autre, avec longueur de temps, elles viennent à estre descouvertes à tous. Apres, quand elles se voient entrées en soupçon des voisins, des parents et du mary, et s'apperçoivent avoir à ceste occasion perdu grande partie de leur liherté , alors elles entrent en rage et en desespoir; alors prennent résolution de faire tout mal ; alors , et deussent-elles mourir , elles veullent complaire à leurs amans sans avoir esgard ny au lieu , ny au temps , ny à la raison , ny à l'honnesteté, pour ce qu'il leur semble se venger, ne se souciant d'autre chose, pourveu qu'elles prennent leur plaisir. Et de là proviennent toutes les ruines qu'on void tous les jours. Et bien ! que dis-tu de toutes ces choses ?

Babille. Tu parles en habille femme; mais adjoustes-y encores ceste autre, que , quand elles craignent que leur mary leur fasse perdre la vie, elles rejettent toutes leurs fautes sur leurs amans, et leur reprochent, disaus : Vous avez descouvert nos affaires ; pour vous complaire j'en recevray la moi't en recompense. Mon mary a sçcu le tout : il veut me tuer. Je sçay bien qu'on luy a apporté

334 Lariyey.

du poison. C'est à vous à y pourvoir; ma vie est vostrc ; si vous m'aymez, retirez-moy de ce danger. Et par ainsi esguillonent tant leurs amans, que souvent Jes pauvres marys sont massacrez sans avoir failly. Car, si elles prenoient incontinent resolution, les affaiies se passeroient secrettement, et leur jouyssance seroit éternelle. N'est-ce pas assez qu'un homme serve un mois?

Béatrice. Huit jours, et c'est encores trop, car cest amour qui ne se cognoist qu'en une semaine ne se cognoistra pas encores en cent ans. En mon esgard, quand un jeune homme me plaist, je me resouz en deux jours.

Babille. La foy est la plus belle chose du monde ; il n'y faut tant de façons uy de conjurations ; c'est assez qu'on dise: J'ayme. Ma chère sœur, il faut croire que qui ne croit mérite qu'on ne croye poiut en luy.

Béatrice. Laissons tout cela. Combien as-tu d'amoureux?

Babille. Laisse-moy aller.

Béatrice. Bespond-moy.

Babille. Je m'en l'etrouve sans, en la malheure, car je ne te le veux pas dire, tant j'ay honte.

Béatrice. J'ay un estallon d'ordinaire et encores deux autres amoureux.

Babille. Bon prou te fasse! je me recommande.

Béatrice. Va en paix, et te souvien qu'une femme sans amant est comme une vigne saus pesseau. Mais voicy mou doux René.

Le Fidelle, Comédie. 335