SCÈNE II

Fidelle, Narcisse, serviteur; et M. Josse.

Fidelle.

arcisse, sors. Que fais-tu?

Narcisse. Je preu l'espée et la icappe.

Fidelle. Je t'atten icy dehors.

M. Josse. Je veux entrer eu ce sepulchral charnier, auquel estant, je pourray, sans estreveu, veoir si Fidelle entrera en la maison de Victoire, et peut-estre eutendray-je encor quelque propos. Fidelle. Voicy grand cas que je ne me puis resjouyr; je vas pour embrasser Victoire, et je me sens un certain defaillement de cœur, comme si j'estois empoisonné ou si j'allois à la mort, et me semble que ces heures s'en sont fuies en un moment, et beaucoup plus tost que je n'eusse voulu : chose certes bien estrange et contraire à un amant. Je ne sçay d'où cela procède.

Narcisse. Hé! Monsieur, ces vostres amoureuses passions vous pressent trop ; vous devriez aymer par jeu et procurer la jouyssance , comme

342 Larivey.

on dit ; mais vous faictes le contraire, vous avmez à bon escient et jouissez en mocquerie. Allez joyeusement; de quoy craignez - vous ? Yoicy l'heure par vous tant désirée, en laquelle cognoistrez combien vous estes aymé de vostre dame.

FiDELLE. Helas ! ces siennes glacées démonstrations me tiennent eu un tel espouvantement , que je crains tousjours. Je prie Dieu m'osler de ceste si grande passion, et faire que je la trouve autant amoureuse que ma servitude le mérite.

Narcisse. Allez, Monsieur, allez allègrement et ayez bonne espérance , car souvent Topinion conduit les choses à leur fin, non qu'elle puisse altérer la vérité , mais par ce qu'elle régit et gouverne nostre entendement.

FiDELLE. Tout le corps me ti-emble. Vien-t'en avec moy jusque là, car ta compagnie ettes propos me donnent grande consolation.

Narcisse. Vous estes désormais proche de la maison ; il n'est pas mauvais que je me retire.

FiDELLE. Caches-toy icy derrière jusques à ce que je sois entré, et puis tu t'en iras.

Narcisse. Aussi feray-je.

FidcUc siffle ; Victoire .se présente à la fcnestrc , jette une lettre , puis se retire.

FiDELLE. Helas! quelle nouveauté est ceste-cy?

Fidelle Ut la lettre à la clarté de la lampe qui brusloit au cymetière, dont la teneur s'ensuyt :

« Ma mam'aise fortune m'a fait arrii'cr chose qui me sei'oit beaucoup meiUeur n'ai'oir jamais esté née. Je suis marrie de ne poin'oir tenir promesse, mais beaucoup plus faschée que la commodité de vous veoir m'est ostée. Partant, st

Le Fidelle, Comédie. 343

maymez, ne venez jamais plus par deçà, pource que seriez cause de ma ruine. »

Fidelle. Ha ! chetif que je suis! Helas i comme souclaineraeut ma crainte s'est convertie en desespoir! Enfin, je suis tombé au plus profond des misères , de façon qu'autre remède ne me reste désormais que la mort.

Narcîsse. Monsieur, que vous est-il arrivé? pourquoy vous plaignez-vous?

Fidelle. Ly, et tu verras le bon recueil et les faveurs que je reçoy de Victoire. Ha! très ingrat Amour! est-ce la récompense que tant de fois ta m'as offerte? Fortune! ô Fortune! tu me fais ores cognoistre à mes despens qu'entre les misérables, celuy se peut vrayement dire heureux qui moins t'a esté amy, par ce que s'il advient que tu le prennes à desdain, ne l'ayant pas enricby, tu ne le peux apauvrir. A ceste cause, iceluy, ne pouvant penser à ce qu'il n'a jamais cogneu en sa vie ny en sa mort, se peut dire heureux.

Narcisse. Je suis toutestonné.

Fidelle. 0 n'est pas possible que ceste-cy ne soit amoureuse de quelque autre, pour ce que, si elle m'avmoit, elle ne me fuyroit pas et ne me tromperoit, comme elle fait ordinairement, par ses faulses démonstrations.

Narcisse. Monsieur, ne vous laissez vaincre au desespoir, pour ce que je mettroy les mains au feu qu'elle vous est très fidelle et vous ayme de tout son cœur. Voulez-vous que tant de sermens qu'elle vous a faits de vous aymer ayent esté faux , et que tant de larmes qu'elle a respanduè's pour vostre amour ayent esté feintes?

Fidelle. Je croy encores pis, pour ce que je

344 Larivey.

sçay fort bien que jusques aux larmes elles s'estudient à dissimuler.

Narcisse. Les larmes es yeux d'une femme cachent mille meschancetez, et les font par artifice tomber quand et comme il leur plaist.

FiDELLE. Voy donc maintenant si j'y doy adjouster foy.

Narcisse. C'est le propre à ceux qui ayment de tousjours douter , qui me fait penser que ce n'est grand miracle si vous arrestez et croyez encores au pire. 11 me semble qu'avez tort de croire qu'une damoiselle de si bel esprit puisse commettre un acte deslionneste.

FlDELLE. Je ne sçay cequej'en doy croire. Je sçay bien qu'il est force que ceste-cy soit amoureuse de quelqu'un, mais m'en vengeray ou je mourray en la peine.

Narcisse. Vous pourrez vous tromper. Partant , ne courrez à la vengeance qu'auparavant ne cognoissiez l'ennemy.

FiDELLE. Je m'en esclairciray bien tost. Demeure icy, caclie-toy, espie bien si tu veiTas entrer ou sortir quelqu'un de la maison de Victoire. Va après, tasche à le cognoistre, et, s'il parle, pren garde à entendre ce qu'il dit , et n'y faux pas.

Narcisse. Laissez-m'eji le soin ; je me veux cacher cy derrière.

31. Jossc hausse la teste pour sortir du charmer ou nwiiuincnt, et., voyant Narcisse aller en celle part, se retire et dit :

M. JossE. Dieu perde tous ceux qui passent par icy!

Le Fidelle, Comédie. 345