SCÈNE X

Cornille., Fidelle.

Cornille.

, utre tous les travaux que j'ay soufferts en ceste mienne tant longue demeure au village , je n'en ay point supporté

un plus grand que celuy de la douleur

et regret qu'en a porté ma très chère compagne Victoire , laquelle je sçay m'aimer autant que femme peut aimer son mary. Je cognoy vrayement que la fortune m'a esté amie, puisque j'ay eu cest heur d'espouser une femme si honueste , si mesnagère et d'un tel gouvernement que c'est merveille.

Fidelle. 0 ! comme vous estes trompé , seigneur Cornille ! Vous soyez le bien venu.

Cornille. Et vous le bien trouvé. Comment vous portez-vous ?

Fidelle. A vous faire service. Vous avez esté si longuement aux champs , que je pensois que fussiez perdu.

Cornille. Mes affaires estoient tant brouillées qu'elles ne rcqiieroient moins de temps, ny encores moindre solicitude.

Fidelle. Seigneur Cornille, je sçay que vous

Le Fidelle, Comédie. 4o5

esmervcillerez beaucoup d'entendre ce que je vous yeux dire , je sçay que la chose vous semblera impossible; mais si avez esgard au lien d'amitié qui nous estraint ensemble, vous ne presterez seulement foy à mes parolles , mais louerez mon présent office et devoir, lequel pourra estre occasion que laverez la tache que le peu de cerveau d'autruy a'ous a marquée sur le visage, et ne veux en façon quelconque oublier me comporter avec vous comme un bon et parfaict amy tel que vous m'estes.

CouNiLLE. Je ne vous entend point. Si me faictes sçavoir qui m'a offensé, je feray veoir que je suis homme pour m'en ressentir. Parquoy, parlez-moy clerement , et faictes que je vous entende.

Fidelle. Ces discours ne se doivent faire en la rue; partant, allons en ma maison, et vous entendrez le tout.

CoRiviLLE. Allons.