SCÈNE IX

Narcisse^ en jiippon avec Thabit de mendiant et sans bonnet ; Fidelle.

Narcisse.

armon ame ! j'ay pensé avoir le plaisir

,^ des chiens lors que quelque jaloux plain

^^ F^h f^'cnvie les poursuit avec un baston. 0

quelle douce Blaisine ! elle m'a faict de la peine, mais enfin elle m'a donné l'aumosne autant que j'en ay voulu, et, d'avantage, m'a promis de me la bailler toutes les t'ois que j'y retourneray. J'y veux aller plus souvent que tous les jours.

Fortuné. Où veux-tu aller? es-tu devenu fol, de te promener eu juppon et sans bonnet, et lantastiquer ainsi par les rues?

Narcisse. Monsieur, je m'estoy vestu en mendiant avec cest habit de toille que je porte soubs le bras , et faisoy cela pour certaines grandes affaires que j'ay avec Blaisine, servante de vostre maistresse; mais estant descouvert d'un de la maison, jem'cn suis l'uy, et, pour n'estre recogneu, je me suis despouillé comme vous voyez, et venoy tout de ce pas vous trouver pour vous dire chose de grande importance.

Fortuné. Qu'y a-il de nouveau?

Narcisse. Blaisine m'a dict que la dame Victoire a commandé au brave Briscmur de vous tuer, et on récompense luy a promis sa propre vie, et a ouy dire cela estant cachée soubs le lict ; j'ay cucores entendu le mcsme de la bouche de Brise-

Le Fidelle, Comédie. 4o3

mur , lequel , estant sorly de la maison de Victoire sans qu'il me vist, se glorifîoit de sa bonne fortune.

Fortuné. Ne t'esmerveilles pas si elle procure ma mort, pour ce que, sçachanl que je dois estre cause de la sienne, elle cherche me rendre la pareille ; mais elle dechcrra de sa pensée. Tu dois sçavoir que je veux que cestc perfide purge aux despens de sa vie toutes les trahisons et meschancetez qu'elle m'a faictes; et affin qu'elle demeure infâme à tout le monde , je veux encores que ceste autre sa trahison et meurtrière volonté soit congneue, et que le traistre assassin ne porte autre peine que d'estre congncu pour un scélérat. Partant, va et pren mes rets à sanglier, et avec iceux ceins toute la rue proche de sa maison , qui n'a point de bout et par où ne se passe jamais personne. Ce faict, trouvez deux bons compagnons, et tous ensemble donnez-luy la chasse, luy empeschant le retour, faisant en sorte que luy-mesme se prenne ; puis, si tost que cela sera faict, allez l'attacher à l'huys de Victoire et faictes rumeur et grand bruit , affin que les personnes qui accourront pour veoir que c'est , voyant ce maraut ainsi honteusement attrapé , puissent par vostre r'apport entendre l'occasion de ce faict.

Narcisse. Et s'il se met en delTence?

Fortuné. Chargez-le fort et ferme; il est très poltron , et en exécution autant couard qu'il est brave et hardy en parolles. Ne doutez de rien,

Narcisse. Monsieur, je my porteray en gallant homme.

Fortuné. Or va, et fay provision de ce qui est nécessaire. Je me veux aller informer des amys de

4o4 Larivey.

Cornille s'ils sçavent point quand il reviendra des champs. Mais le voicy. Narcisse, escoute.

Sans partir de la scène , ils feignent parler ensemble j et donnent loisir à Cornille de dire les siuifantes parolles , et puis Narcisse s'en va.