M. J OSSE

ù avez-vous laissé le seigneur Coruille? Fidelle. Estendu sur unlicl,pius [ mort que vif.

M. Josse. Bien! pourvu qu'il ne prenne en mauvaise part vostre sincérité et n'ait aucun soupçon de vosti'e foy.

Fidelle. Je luy ay dit que je voulois faire quelques comptes. Maistre, je me voy embarrassé. Je luy ay accusé sa femme , comme sçavez , et , pour ce qu'il ne vouloit croire , je luy ay promis que quand le voudroitje l'en esclairciroy. Or, je ne sçay commentluy tenir promesse. Si je veux attendre que Fortuné retourne en la maison , j'attendray en vain , pour ce qu'il m'a promis de n'y plus aller; et après, n'y entrant aucun , Cornille se tiendra pour trompé et se rendra mon ennemi. Mais le pis que j'y voye, c'est qu'elle ne sera chasliée , dont je ne sçay quel parly prendre. M. JosSE. Je laisseroy là le seigneur Cornille,

4i4 Larivey.

et qu'il pensasl ce qu'il voudroit ; je m'excuseroy, disant que cest amoureux a peut-estre eu quelque odeur ou quelque indice de sa venue , et qu'à ceste occasion il ne se promène plus devant sa maison , et me le garder pour bon aray.

FiDELLE. Vous dites bien ; mais cependant Victoire ne mourra, comme je désire et en cherche tous les moyens , non tant pour me venger comme pour la pitié que j'ay de ceux qui , à l'advenir, pourroieut estre trahis par femmes , ausquelles je ne doute que l'exemple de ceste-cy ne serve de frein.

M. JOSSE. Quid faciam aiit dicam nescio.

FiDELLE. Il faut ([uc quelqu'un voise en sa maison , et que Coruille le vove entrer.

M. JosSE. Qiiem irwenis si hardy de se mettre en telle risque?

FiDELLE Risque de quoy?

M. JosSE. Risque d'estre poignardé , meurtry , occis, s'il prenoit envie au mary de le suyvre. Qui seroit le malheureux ?

FiDELLE. Nous ferons qu'il ne sera veu , sinon en sortant.

M. JosSE. Et s'il ne l'apperroit?

FiDELLE. Nous trouverons moyen qu'il sera apperceu.

M. JoSSE. Je ne pense pas ([u'on puisse trouver homme si fol et inhumain qui se vueille bazarder de commettre une telle faute.

FiDELLE. Donc il n'y a point de remède?

M. JosSE. Quant à moy, n'en sçav imaginer aucun , et croy que le meilleur seroit que fissiez ce que dit Cicéron , tcmpnri ccdere et neccssitad parère ^ et pour ce coup laisser tout cela.

Le Fidëlle, Comédie. 4*5

FiDELLE. Je ne le veux pas. Je diray que c'a esté Fortuné.

M. JOSSE. Ne faites pas cela , pour ce que luy manqueriez de foy, laquelle quod fiât dicta est fides ^ et laquelle jusques aux ennemis se doit garder.

FlDELLE. Je veux par tout moyen faire en sorte qu'elle ne vive , et quand je ne pourray faire autre chose, je la tuerav de ma propre main, et me contenteray de perdre tout en un coup.

M. JosSE. Vous estes pour ne faire guères de bien, pardonnez-moy, pour ce que l'eutreprinse d'un honneste gentilhomme et généreux chevalier est de s'attaquer à une personne pkis grande que soy, du moins esgalle , et non inférieure, comme est la femme, laquelle par les Latins estant dite mulier^ quia moUior, a moUitia , et l'homme vir^ a virtute^ vous présentant à elle, vous vous feriez esgal à icelle, et souilleriez le splendide nom de la vertu, laquelle, autant qu'elle a peu, s'est tousjours retirée de la moUitie.

FiDELLE. A son dam.

M. JosSE. Ego noUem.

FiDELLE. Trouvez-y remède.

M. JosSE. Le remède est trouvé, mais je ne le voudroy exécuter.

FiDELLE. Doncques, la pitié qu'avez d'unechetive femme, et mon ennemie, a plus de force e.i vous que l'amitié que me portez, et tant de biens que je vous ay faits? Vous estes ingrat, et vous eu repentirez à loisir.

M. JosSE. L'amoureuse amitiéetia véhémente bienveillance que je vous porte dès long-temps me contraignent parler ainsi, pour ce que je sçay

4i6 Larivey.

bien que d'une mauvaise œuvre ne peut venir une bonne fin : car, si c'est une chose mauvaise faire injure à autrui , qui est un mal, de mesme rendi'e l'injure, qui est la pareille , est aussi un mal , et encores un plus grand mal d'autant que la vengeance excederoit les limites de l'offense qui vous a esté faite.

FiDELLE. Vous n'avez que clierclier en cecy, car l'œuvre sera trop bonne, donnant le juste cliastiment deu à une meschante ; mais vous, estant amiable et féal comme devez esti'e, devez approuver mes opinions ; mais vous en repentirez.

M. JoSSE. Celle fidélité qui, omoris causa, se convertit après eu flatterie et adulation , mérite, comme bastarde, adultérine et faulse, un grand chastiement , pour autant , comme disoit quelque sage , l'nter initia aniinalia nullum est niagis noxium quarn adulator, et non ma foy pure et sincère, car je ne doute pas que vous, jeune homme meur et d'un esprit relevé , ayant quitté la colère, quœ impedit animum ne possit cernere verum, ne soyez pour m'en scavoir gré.

FiDELLE. Je vous en sçauray autant de gré que vous vous conformerez à mes volontez.

M. JosSE. Patienter ferre mémento.

FiDELLE. Voulez-vous dire comme nous devons faire? Que pensez-vous?

M. JosSE. Je ne sçay que vous dire, et, quand je le sçaurois , me sembleroit trop grande meschanceté consentir à l'occision et meurtre d'un homme; et puis vous sçavcz que agenles et consentientes pari pœna puniiintitr.

FiDELLE. 0 pédant vil et de peu, allez!

Le Fidelle, Comédie, 4^7

Qu'en dépit de vous je trouveray qui me conseillera et aydera à effectuer mon désir.