SCÈNE II

Fidelle, Victoire.

FiDELLE.

e cognoy maintenant que la fortune m'est amie, puis qu'elle me donne entière commodité de mettre fin à mon désir, lequel seul ne tend qu'à nouvellement outrager ceste mescliante. Mais la voicy tout à point qui sort de sa maison. De quelle volonté astu esté induite, meschante femme ((ue tu es, à m'envoyer quérir, m'ayant tant offensé ? Ne te souvien-il pas que tu as prorais te donner toymesme pour recompense à un traistre pour me tuer? Penses-tu (pie je sois sourd, aveugle et nniet? Victoire. Le désir que j'ay, tandis que je suis en vie, de vous donner à mon pouvoir ce dernier contentement , m'a occasionné vous envoyer appeller,

FiDELLE. Quoy ! est-ce pour user d'une nouvelle pratiipie afin de me décevoir de reclict?

Le Fidelle, Comédie. 453

Victoire. Je vous veux remercier de ceste pitoyable affection dont avez usé envers moy, de m'accuser à mon mary, duquel, en bref, je n'atten que la mort , si plustost l'aigre douleur qui me picque ne me despouille de la vie. Je ne pouvoy recevoir de vous plus grande courtoisie que ceste-cy, parce que ne venez seulement pourestre la fin de mes tourmens, mais pour ceste cause que, mourant comme martire, j'obtiendray pardon de mes péchez, si toutesfois le péché d'idolastrie que j'ay commis en vous adorant ne condamne ceste ame misérable aux peines éternelles. Je vous en remercie donc autant qu'il m'est possible, et vous prie, par l'amitié que si long-temps a esté entre nous, par ces plaisirs qu'avons receuz ensemble, par ces larmes qui à présent arrousent mes joues, par celles qui ont tombé de vos yeux quand, me tenant embrassée, ne pouviez dire autre chose sinon : Je meur, et par vostre pitié et courtoisie, que teniez cachée ma vergongneuse faute, pour ce que ce que j'ay fait fut par un desespoir de vostre départ, lequel me donna un asseuré signe de peu d'amour, et fut cause que je tombay en ceste très gi'ande faulte. Quoy faisant par vous, je me puis dire que je vous en demeureray davantage redevable, pour ce que je ne puis plus rien, n'estant en moy aucune partie hbre, et me voyant proche de la mort, et ne le feray pour ne vous obliger un peu de poussière en laquelle bientost ce languissant corps doit estre réduit; mais si les obligations restent en l'ame, qui demeure éternellement, je le feray très volontiers.

Fidelle. Tu m'as par tes propos remply d'une telle confusion, que je ne sçay de quel costé je