Larivey

doy tourner mon esprit, et me repen quasi de t'avoir ouyë.

Victoire. Ne vous en repentez point, seigneur Fidelle, pour ce que je ne vous en demande point pardon, et ne cherche par parolies divertir vostre courage de sa cruelle volonté ; seulement, je vous prie, encores un coup, de tenir celée mavergongne, et après, que ma vie prenne telle fin qu'il vous plaira, je ne m'en soucie pas. Ains, doibvant par ceste fin finir autant de tourmens que vostre haine et mon péché me causent, j'attend la mort de bien bon cœur.

FlDELLE. Quiconque cherche mettre fin à un sien juste désir ne devroit jamais prester les oreilles aux lamentations féminines , et mesmement à celles d'une femme qu'on a de longtemps aimée.

Victoire. Si vous avez regret que je demeure tant à mourir, voicy que je me jette à vos pieds, et vous présente cette poictrine où se nichent mes aspi'es et cruelles douleurs ; transpercez-la autant de fois qu'il vous plaira, car je suis contente que de mon propre sang soient effacées toutes les offenses que je vous ay faites.

FlDELLE. Il n'y a chose au monde plus propre à appaiser l'ire des hommes que l'humilité des ennemis. Vous m'avez estroilcment esmeu. Pleust à Dieu qu'eussiez fait ainsi dès le commencement que je dcscouvry vos erreurs, car vous n'«ussiez tombé en tant de ruines! Levez-vous, je vous pardonne, et prenez courage : je feray en sorte que vostre mary vous pardonnera aussi.

Victoire. Foiblc et tardif est vostre remède.

FinELLE. 11 n'est encores tant tardif qu'il soit hors de temps.

Le Fidelle, Comédie. 455

Victoire. Helas ! je n'en puis plus ; le cœur me faut.

Fidelle. Dame Victoire , que faites- vous? Ne doutez point... Quelle nouveauté est ceste-cy? Dame Victoire , ne vous abandonnez de vous-mesme, ne faites que la crainte de la mort ait plus grande force que la mesme mort. Qu'avez-vous ? respondez-moy. Heias! elle devient froide. Dame Victoire , n'entendez-vous pas ? Voyez un peu , elle se meurt! Hé Dieu ! respondez-moy un peu 1 parlez à moy ! Voyez par quelle voye la fortune s'efforce m'offenser ! Je ne sçay plus que je doy faire. Je ne la sçauroy abandonner. Elle ne respiie plus. Certes Cornille l'a empoisonnée, elle est morte. Que je suis misérable! il n'y a plus de remède. 0 ! comme à mon grand l'egret je m'apperçoy que l'impétuosité du courroux transporte le plus souvent les hommes à commettre choses inhumaines et plaines de cruauté! Et, ores que je ne te puis redonner la vie, je cognoy que j'ay mal fait de procurer ta mort, car, encores que m'eusses offensé, tu estois digne d'excuse et de pardon , puis que le seul desespoir d'amour en avoit esté cause. Je ne devoy donc me laisser ainsi vaincre et aveugler par l'ire, et ne me devoy plustost souvenir de la faute que de mon devoir, et pour une simple injure oublier tant d'amoureuses démonstrations que d'une amitié sans fin tu m'as faites de temps en temps. Ha! que c'a esté une entreprinse trop indigne d'un gentilhomme de procurer la mort à une femme par la main de son propre mary ! De quoy enfin , comme d'un porteur de tout mal , je seroy hay et tenu de tout le monde pour un meschant et traistre homme ; mais trop de puissance

a un promjit desdain nay de jalousie, ains d'une asseurance d'estre abandonné. A mon parlement d'avec toy, je te donnay occasion de croire que je ne t aimoy plus et de m'abandonuer. A moy donc, et non à toy, est deu le chastiement. Ha ! ma chère Victoire, comme se peut-il faire que sans ton amoureuse vie je puisse vivre un seul moment ! Tu es couchée sur la terre, misérable que je suis! et ne me respond point. Au moins, ouvre les yeux et regarde les larmes de celuy qui , durant ta vie, t'a tant aimée, et qui ores, quelque part que tu sois, t'adore. Mais, helas! ne sera jamais vray que Fidelle vive, Victoire estant morte ! J'ay esté la racine de ton mal, je ne seray paresseux à te suivre. A la mienne volonté que, pour mon contentement, tupeusses veoir ma mort, et qu'elle fust tant avantureuse qu'en reprinsscs vie ! Mais puis que mes plaintes sont vaines, et moy seul cause de ma douleur, en te faisant un sacrifice de mon corps , j'honoreray ta mort , car il est bien raisonnable que si amour m'a conjoint avec toy et la haj^ne t'en ait séparée, que maintenant la mort me rejoigne avec toy, jaçoit qu'ayes bien occasion de me hayr éternellement. Je te supplie n'avoir à mespris ces derniers honneurs que je suis pour te faire, et, si un cœur repentant mérite pardon, pardonne-moy un si grief péché ; pardonne-moy, ame bien heureuse, et ne te fasche d'estre si souvent nommée par ma langue , laquelle mettra bienlost fin à mes lamentations , recueillant les extrêmes reliques de ce tien , encores que mort , très doux visage , de ces délicates lèvres qui quehpie temps m'ont esté si amoureuses , et de ces yeux qui m'ont percé le cœur! Dieu vueille

Le Fidelle, Comédie. '^'^']

que tout ainsi que comme jusques icy m'as finallement esté cruelle et mauvaise, qu'ainsi, au lieu oii tu es maintenant, remplie d'amour et de courtoisie , tu daignes accepter pour éternelle compagne ceste misérable ame qu'à présent je t'envoye! Voicy les derniers baisers que tu es pour recevoir de moy ; A'oicy les dernières larmes que je doy respandre à ton occasion, et voicy les derniers tourmens que je doy sentir pour ton amour. Partant, qu'en un mesme point finissent tant de misères, et que mon sang soit celuy qui lave les macules de ton corps et purge ma si grande et énorme faute !

Victoire jette un souspir.

FiDELLE. Ho ! elle respire encores.

Victoire. Helas !

Fidelle. Mon ame, confortez-vous; r'avivcz l'espérance morte, car je vous promets de vous oster encores de ces peines.

Victoire. Helas ! laissez-moy mourir.

Fidelle. Je veux que viviez.

Victoire. La mort est la fin des travaux et coramencemoit de la vie.

Fidelle. \\ est vray, mais c'est à ceux qui ont tousjours à vivre en misère ; mais j'espère que de vous n'en sera pas ainsi. Essuyez ces larmes, et laissez que je pleure pour vous , car la raison le veut.

Victoire. Aydez-moy.

Fidelle. La douleur vous a-elle laissé?

Victoire. Ouy, Monsieur.

Fidelle. Avez-vous mangé quelque chose depuis le retour de vostre mary ?

Victoire. Non, Monsieur. Mon angoisse n'est

veneuë d'autre chose que de ia douleur que je sen de vous avoir offensé ; mais si la raison , à nous concédée par spéciale grâce de Dieu , avoit puissauce aucune , et si la mémoire des bienfaits receuz avoit telle autliorité sur moy qu'elle est coustumière avoir sur les personnes courtoises et gratieuses, soyez asseuré que je vous scray tousjours éternellement servante fidelle, et de celle mienne faulte payeray telle amende, que serez contraint confesser que je vous aime.

Fidelle. Je ne demande pas autre chose de vous que vostre amour.

Victoire. Iceluy,tout ainsi comme la dévotion de mon ame est pour durer éternellement, ainsi durera autant que ceste chetive vie.

Fidelle. Je vous remercie. Allez et prenez courage, car tout à ceste heure je vas trouver vostre mary, et feray en sorte qu'il vous sera pardonné.

Victoire. Allez avec Dieu.