SCÈNE VI

Narcisse, avec deux Compagnons ; Brisemur, aux filets ; Fidelle, les Sergens.

Narcisse.

0 ! tire ! tire !

Compagnons. Ho ! ho ! ho ! ho !

Narcisse. 0 la belle chasse!

Compagnons. Ho ' ho ! ho ! ho !

Brisemur. a Tayde ! à ra3'^de! ils me veuUent tuer.

Sergens. Prenez-les ! prenez-les !

Narcisse. Ha! canaille! au diable! ha! maraux cornuz ! a^ous payerez ores la gabelle.

Fidelle. Tirez à quartier.

Sergens. Emmeine ce prisonnier; mets bas ces armes, de par le roy.

Narcisse. Va au gibet.

Fidelle. Arrestez-vous.

Narcisse. Laissez-nous tirer quatre autres coups .

Fidelle. Arrestezcoy, vous dis-je.

Sergens. Laissez-nous faire nostrc office; estce ainsi qu'on force la justice?

Fidelle. Pourquoy offensez-vous les miens?

Sergens. Pour délivrer cestuy-cy.

Fidelle. Si ne voulez autre chose, allez-vousen à Dieu ; je le feray bien délivrer, pour ce que ce n'est qu'une niche que nous luy avons faicte.

Sergens. Pardonnez-nous, Monsieur; nous pensions qu'ils le voulussent tuer.

Le Fidelle, Comédie. 467

Fjdelle. Vous estes trompez; desveloppez-le, et le laissez aller faire ses affaires. Sergens. Tout à ceste heure.

Fidelle. Homme de bien, faictes que cest exemple vous corrige pour l'advenir ; je vous pardonne , et ne vous veux dire autre chose : vous m'entendez bien ?

Brisemur. Monsieur, Dieu sçait ma volonté, etquel j'ay tousjours esté envers vous ; je me plains seulement que j'ay esté trahy , car mille hommes ne seroient bastans pour me faire quitter un pied de terre , et ceux-là , redoutant ma valeur, m'ont tendu des filets, affin que je me prins moy-mesme, comme j'ay faict.

Narcisse. Monmaistre, il est fort brave; il a bon œil , bonnes jambes , et est fort léger à la coui'se.

Brisemur. Je ne m'en suis fuy de crainte;mais, pour ce que, voyant vous autres les armes nuè's au poing et vous oyant crier : Tue! tue! m'imaginant qu'alliez faire quelque signalée entreprinse, je me mis à courir pour mettre fin à l'estrif avant que fussiez arrivez , et ainsi vous deslivrer de peine et moy r'emporter l'honneur.

Fidelle. C'est assez dit: on cognoist fort bien vostre valeur. Allez à Dieu.

Brisemur. Je vous suis serviteur ; je baise les mains de vostre Seigneurie. Le chancre vienne à toutes les femmes ! Enfin, je l'ay eschappé belle !

468 Larivey.