SCÈNE VII

Virginie^ Saincte ^ Babille ^ Méduse, Fortuné, Octavian, Fidelle , Sergens.

Virginie, en la maison.

elas , misérable que je suis! àTayde!

à Tayde ! au secours ! Saincte, m'amie, 19 aydez-moy.

è) Sergens. Quel bruit est-ce là? Arrestez !

Saincte, en la maison. Ha! traistre! ouvre la porte !

V'IRGINIE. Helas! moy cbetive et misérable! que me reste-il plus de bon?

Méduse et Fortuné s'enfuyent de la maison. Octavian, nud, en chemise, court après ai>ec Vespée au poing f et après luy sortent Saincte, portant une lumière en main, et Babille ai'ec la pelle du feu, crians :

OcTAViAN. Prenez, prenez les traistres !

Saincte. Prenez! tenez! arrestez! Qui a-il de nouveau, Monsieur? Qu'est-ce que ceux-là vous ont desrobé ?

OCTAVIAN. Je nesçay, car j'estoy au lict. Virginie, que t''est-il advenu?

Virginie. Que me pourroit-il advenir pis, cbetive que je suis !

OcTAViAN. Qu'y a-il ? parle clairement.

Virginie. Ce traistre, par le moven de ceste meschante, est entré en la maison, a monté eu ma chambre, et à vive force m'a...

Le Fidelle, Comédie. 469

OCTAVIAN. Ha! traistre! je te tueray.

Fidelle. Arrestez-vous , seigneur Octavian. OcTAVlAN. Ho! meschante femme , est-ce cy la foy que j'avoy en toy?

Méduse. Seigneui- Octavian, qui faict quelque chose à bonne fin ne mérite blasme. Ce gentilhomme m'avoit dict que vostre fille luy avoit promis de le prendre à raary, consommer le mariage , et puis vous le faire sçavoir. A ceste occasion, meuëde charité, croyant que tous deux fussent d'accord , je Tay conduit en la maison.

VlRGliNlE. Je ne sçay aucune chose de tout cela : je ne Tay jamais veu.

Fortuné. Tu en as menty par la gorge ! je ne luy ay point promis autrement.

Fidelle. Seigneur Fortuné, est-ce vous?

Octavian. Ha ! seigneur Fortuné, traiter d'une telle façon ceux desquels avez receu tant de bénéfices ! Menez-le en prison , je veux qu'il soit puny.

Fidelle. Je te pourray maintenant rendre la pareille de la faveur que tu m'as faicte.

Fortuné. Demeurez, car nous estions d'accord.

Fidelle. De grâce, un peu de patience , seigneur Octavian. Aux choses qui sont passées, on ne peut trouver aucun remède ; parquoy faut pourvoir à ce qui peut advenir. Si vous faictes chastier le seigneur Fortuné, et peut-estre luy oster la vie, qu'aurez-vous faict? Pour tout cela, vostre fille ne sera telle qu'elle estoit auparavant. Tirez-vous un peu plus de ça : le party du seigneur Fortuné est sortable à vostre condition , et peut-estre davantage.

Ayo Larivey.

OcTAViAN, Il est vray.

FiDELLE. Partant, regardez de faire qu'il se contente de la prendre à femme , et remerciez Dieu qu'il est tomlié en ceste faute , parce qu'à ceste occasion vous viendrez à la marier mieux que n'eussiez faict en un antre temps.

OcTAVlAN. Je trouve vostre opinion fort bonne, pourveu qu'il la vueille.

FiDELl.E. Laissez faire à moy. Seigneur Fortuné, puis qu'avez fait la folie, il tous faut resoudiejouyr encores des fruicts qui naissent d'icelle. Vous avez deshonoré ceste pauvre fille, et à ceste occasion estes retenu. Si allez en prison , il est tout clairet évident que la justice vous donnera un très sévère chastiment, et pour l'honneur d'elle vous contraindra l'espouser, et peut-estre, pour donner exemple à autruy , vous ostera la vie : de façon que je vous conseille la prendre dès maintenant pour vostre femme ; et ainsi vostre vie et l'honneur d'elle seront conservez en un mesme temps.

Fortuné. Puisqu'il n'y a antre remède, j'en suis contant; mais je douLte qu'elle ne le vueille consentir.

FiDELLE. N'ayez point de double. Dame A'irginie, puisque vostre fortune a voulu qu'ayez esté réduite à ce point auquel ne pensastes jamais, et que les espérances qui vous avoient nourrie jusques icy demeurent par ccst accident entièrement esteintes, je aous prie, tant pour la consolation de vostre père que pour la vie d'un gentilhomme qui vous ayme , et encores pour le bien et honneur de vous-mesme , que soyez contante d'accepter ])0ur vostre mary le seigneur Fortune , et

Le Fidelle, Comédie. 47'

vous asseurer qu'à ceste occasion je vous eu demeureray tant obligé , que toute chose impossible me sera tort aysée pour vous complaire.

VlRGllNlE. Je m'y efforceray tousjours, quand je ne seroy astrainte à ce par aucune autre raison que je sçay que je feray chose qui vous sera agréable, estant de cela priée de vous, pour qui j'iroy jusques au feu ; et, puisque ma mauvaise fortune le veut ainsi , me voicy disposée à faire ce que me commandez, et de mourir encores pour vous.

Fidelle. Je vous remercie. Or, embrassezvous. Je prie Dieu qu'il vous conserve longuement en continuelle félicité.

Fortuné. Madame, je vous accepte pour ma femme, et vous jure de vous aymer autant qu'il convient à une très chère sœur, vous priant ne vouloir préposer l'amour que jusques icy avez porté au seigneur Fidelle à vostre devoir et à mon honneur.

Virginie. Tenez pour certain que tout ainsi qu'en un si long temps j'ay peu retirer ma mémoire de luy, qui m'a quasi du tout eiie à mespris, qu'ainsi je vous aymeray constamment , puis que je suis tant aymée et tenue chère de vous.

OcTAViAN. Ho! mes enfants, remerciez Dieu que les affaires ont heureusement reussy. Entrons en la maison, car il vient sur le tard et faict froid. Seigneur Fidelle, nous vous remercions.

Fortuné. Dame Méduse, puis qu'avez esté cause de nostre allégresse, venez alhn de vous resjouyr un petit, pour ce que, dès ceste uuict en avant vous n'aurez plus à venir en ma maison. Seigneur Fidelle, adieu.

4^^ La RIVE Y.

FiDELLE. A Dieu, seigneur Fortuné.

Méduse. Le temps vous fera cognoistre ma bonté, et m'aurez plus chère que jamais.

Saincte. Au moins, pour nostre peine, donnez-nous à soiipper.

Fidelle. Allez tousjours chantant.

Saincte. Bonne nuict à vostre seiarneurie.