SCÈNE VIII

Fidelle, Narcisse, Cornille.

Fidelle.

ue te semble de cest accident de Fortuné?

Narcisse. Me semble que vous estes

la meilleure personne du monde, puis que non seulement pardonnez les offenses qui vous sont faictes, mais procurez encores le bien à qui vous a offencé , et, pour garder la foy à qui vous est infidelle , ne vous souciez de l'amour d'une belle jeune fille telle qu'est Virginie. Je n'en eusse pas faict autant, ny avec elle, ny avec Fortuné , pour ce que j'eusse procuré que l'un fust chastié, et avoir la jouyssance de l'autre.

Fidelle. Tant grande estoit la passion que je sentoy d'estre abandonné de Victoire , que je ne sçavoy que je faisoy; et suis infiniment marry, non tant de n'avoir jouy de Virginie, pour ce qu'icelle m'aymant, je m'asseure que pour Fortuné elle ne laissera pas de me complaire, mais de ce qu'iceluy, esmeu de si forte rage, a tant

Le Fidelle, Comédie. 473

blasmé le sexe féminin, lequel en eflfect je cognoy estre bon et digne de toute louange : car, combien que Victoire m'ait monstre une affection contraire, si est-ce que pour tout cela sa faute n'a peu nj deu souiller l'honneur des autres. Ce fut doncques fureur, et non vérité, ce qui m'esguillonna à en dire mal , dont je m'en repend et en suis marry. Quant à Fortuné , ne croye pas qu'à autre intention j'aye procuré qu'en se mariant il se delivrast de prison, sinon pour faire à luymesme ce qu'il m'a faict : car tu sçais bien qu'entre deux rivaux , encores qu'ils se pacifient ensemble, jamais ne peut régner un vray amour; mais ce qui importe le plus est que je voudroy ayder ceste misérable Victoire , et ne sçay comment.

Narcisse. Vous ferez bien, mais comme changez-vous sitost de volonté?

Fidelle. Elle m'envoya quérir, et cependant qu'agenouillée et pleurant elle me demandoit pardon, elle s'esvanouyt, pour la grande douleur, comme je croy, qu'elle sentit de m' avoir offensé ; ce qui me meut à une si grande pitié, que je luy pardonnay.

Narcisse. En somme, la puissance des femmes est infinie , occasion pourquoy ce n'est pas de merveille si la femme, avec le beau procéder de sa nature , peut non seulement attendrir un cœur de diamant, mais encores endurcir toute chose molle.

Fidelle. Cela est très vray, et s'en void l'expérience enmoy, par qui, plusieurs fois en un seul moment suis devenu de piteux cruel , et de cruel piteux .

474 Larivey.

Narcisse. Or, Dieu vueille que jamais ne sentiez une telle passion !

FiDELLE. Je l'en prie aussi. Le larcin que tu as faict est descouvert, et Blaisine a dict que tu luy as promis.

Narcisse. Je luy tiendray encores, s'il vous plaict.

FiDELLE. J'en suis contant. Ne te semble-il pas que celuy qui a descouvert à Cornillc comme l'affaire s'est passée, qu'il n'ayt encores la force de luy faire pardonner?

Narcisse. Divinement, mais il faut que le pi'eniez de loin et que trouviez occasion que ce faict, tombé à propos, soit pur, et non premedit; autrement, il le pourroit prendre pour un accord fait en tierce personne.

FiDELLE. Ne t'en mets en peine, j'y entreray bien à temps.

Narcisse. Le voicy qui vient tout à point.

FiDELLE. Excuse-toy de ce que je diray... Et pourquoi ne me l'as-tu dit auparavant?

Narcisse. Que sçavoy-jede cela?

FiDELLE. Regarde de combien de maux tu es cause !

Narcisse. J'en suis marry.

CoRNlLLE. Le seigneur Fidelle est fort en colère avec son serviteur. Je me veux retirer à quartier.

FiDELLE. Enfin, la misérable mourra à tort : ceste mauvaise impression demeurera en son mary, et moy, qui ay tant aimé et aimcCoruille, auray esté cause qu'il sera privé de sa chère compagne. Que maudit soit mou destin, et toy, qui en as esté l'occasion !

Le Fidelle, Comédie. 47^

CORNILLE. Ceux-là parlent de ce qui s'est fait, et, à ce que je puis entendre, ma femme est innocente.

Fidelle. Le monde seroit tien heureux si toutes ressembloient à elle !

CoRNiLLE. Je sçay ce que j'ay à faire : ne m'en parlez point. Je n'ay plus de fiance en aucune.

Fidelle. Ains devriez vous fier en la pluspart d'elles , parce qu'encores que tous les jours on entende dire de ceste-cy et de ceste-là d'estranges actions, ne s'ensuit pas pourtant qu'il soit vray ; mais sommes si simples, que laissons nous induire à le croire par l'ombrage de l'apparence de l'effect, que la malice des hommes nous fait souvent veoir, afin qu'indifféremment l'infamie et le deshonneur suive tout ce sexe. Combien croyez-vous qu'il y ait de femmes, vivant chastement , lesquelles tantost par un vil serviteur, tantostpar une maligne chambrière, ou selon la vilité de l'esprit, et par mauvaise nature ou diverses opinions de cestuy-cy ou de cestuylà, sont injustement calomniées, et, franches de coulpe, mises en mauvaise opinion du vulgaire, qui de soy-mesme est prompt à croire plus le mal que le bien? Combien y en a-il qui par leur seule affabilité ont donné matière aux malins de les publier pour impudiques , baptisant pour vice une vei'tu qui est tant recommandée à toutes personnes, et sur tous aux femmes, tout ainsi comme, au contraire , la dureté et trop grande sévérité des coustumes et façons de faire les rend odieuses , et souvent fait qu'estans ombragées d'icelles, la vertu ne paroist pas beaucoup en elles, jaçoit qu'elles soient très excellentes. Se trouvent autant de ma-

476 Larivey.

nières pour mettre en soupçon une femme d'honneur qu'il y a d'estoilles au ciel. Je sçay, et n'y a pas encores fort long-temps, qu'une damoiselJe, exemple de toute honnesteté, fut du monde tenue pour impudique à cause d'une sienne servante, laquelle quasi toutes les nuicts faisoit par une cschelle de corde monter par dessus les murailles de la maison un serviteur, son amy, qui publiquement se vantoit d'aller veoir non seulement la servante, mais la maistresse , et menoit souvent ses compagnons pour le veoir entrer par une fenestre de la chambre en laquelle avoit accoustumé demeurer ladite damoiselle. Par cela, vous devez juger, Cornille , ce qu'en peuvent croire ceux qui voyent un tel spectacle. Mais pourquoy me va-je estendant en tant de parolles pour vous monstrer combien gi'ande faute commet celuy qui , trompé par une seule femme, se laisse transporter à la passion et au desdain , jaçoit que justement, pour mesdire de toutes, sans espargncr l'honnesteté et autres rares qualitez de tant et tant de dames qui sont dignes estre tenues en souveraine recommandation? Et pour n'entrer es histoires antiques et modernes , afin qu'il ne semble que j'ay prins la charge de prouver par silogismes que le soleil baille la lumière, ceste seule vï]\e ne vous en fora-elle pas foy, en laquelle A ous cognoissez et voyez à toute heure des illustres dames et honorables damoisclles desquelles on peut retirer non seulement la vraye idée de chasteté et de toute excellence de vertu , et toutesfois l'envie n'y a trouvé (pie mordre.

CoRNlLLK. Celles qui ont de l'entendement ne s'csmeuvent pour choses tant légères , et ne

Le Fidelle, Comédie. ^']']

rroyent si facilement aux parolles d\in serviteur qui peut estre transporté de mille passions. Il faut veoir de ses propres yeux, comme j'ay fait, et puis venir à l'acte de la vengeance et du chasliement, comme je feray en bref.

Fidelle. Ce malheureux mary qui de douleur se pendit soy-mesme vid un Sarrasin , son esclave, en chemise sur le lict de sa femme , et neantmoins le tout estoit fait par tromperie de la servante, laquelle, faschce d'avoir esté battue par sa maistresse , l'accusa d'adultère à son mary, et quand elle vid que sa dame dormoit, appella l'esclave et luy dict : Cours vistement au lict de Madame qui se meurt. Le misérable et fidelle esclave courut au lict et commença à la tirailler et démener. Elle s'csveille , et en ces entrefaites arrive le mary, qui, se tenant asseuré de l'adultère, les tue tous deux. Mais enfin , par la mesme chambrière ayant sceu la trahison , la tua aussi , puis se pendit soy-mesme. Doncques on pourroit raisonnablement dire que la plus grande partie des femmes est honneste , et que plusieurs d'icelles qui par accident de fortune , ou par la malice des personnes , ont esté réputées impudiques , sont neantmoins très chastes.

CORNILLE. Ce sont choses qui se disent, et Dieu sçait si elles sont vrayes ! Si les femmes estoient autant honnestes que les désireriez , elles ne seroieut si lascives et voilages comme elles sont.

Fidelle. Cela qui vous semble lasciveté et vanité est un certain agencement et ornement convenable aux femmes , lesquelles doivent chercher maintenir et augmenter à leur pouvoir la

478 La RIVE Y.

beauté tant essentielle en ce sexe, parce qu'outre qu'elle est un très puissant moyen de les entretenir en grâce et les rendre aymables à leurs maris, ne sçaAez-vous pas que la beauté du corps donne un indice manifeste de la beauté de l'esprit?

CoRNiLLE. Vous voulez donc convertir le vice en vertu, et appliquer le sens des choses à vostre mode ?

FiDELLE. Ainsi je l'interprète sainement, et si la passion ne v^ous aveugloit tant, vous cognoistriez clairement que je dy la vérité.

CoRNiLLE. Je vous concède toute chose; mais dites-moy d'où vient que les femmes, se cognoissant n'estre aimées , sont si courtoises à favoriser ceux qui feignent les aymer? N'est-ce pas là un signe d'une mauvaise intention? Et qui ne pèche point avec l'intention, ne mérite blasme et chastiement.

FiDELLE. Elles ne favorisent aucun en intention mauvaise ou amoureuse , mais tous ces petits brocards, ces ris, ces regards, ces chatoiiillemens, ces accointances que plusieurs prennent à faveur, sont faits des simples femmes ou accidentellement, ou avec seureté, ce qui doit cstrc prins en 'bonne part et en degré d'amitié ; mais pour ce tjue lés hopames taschent avec le temps pouvoir vaincre toute chose , r'apportent toute opération à l'amoureux effect , et croycnt que si la femme se présente à la fenestre , que c'est pour les veoir ; si elle leur ferme au ne/. , c'est afin de ne donner soupçon aux voisins ; si elle y regarde, c'est en intention de luy bailler (juclqu'assignatiou ; si elle ry , c'est pour la joie qu'elle a d'estre veue par ceux qui sont presens; si elle se monstre

Le FiDELLE, Comédie. 479

faschée , c'est pour crainte de n'estre aimée ; si on la prend pour danser, c'est pour la grande amitié qu'elle leur porte ; si elle n'y va pomt , c'est qu'elle n'en tient conte. S'il advient quelques fois que la dame, en dansant, s'estorde le pied, et pour s'arrester serre une main , cela est réputé à très grande faveur. Mais que vous dois-je dire davantage ? Si de hazard, en se coiffant, elle faitbransler le miroir, de sorte que les rayons du soleil réverbèrent sur l'obstiné amant , vous le voyez incontinent s'enfler d'une vaine gloire , pensant qu'elle fait cela pour tacitement demonstrer combien elle désire esclaircir les ténèbres de son cœur; et ainsi accommodent à leur intetition tous les accidens que ce jour leur viennent , bons ou mauvais. Ils vivent tousjours en espérance , et si quelques fois advient qu'aucun s'addresse en vain son entreprinse et n'y puisse parvenir, jugeant avoir mal employéson temps, tout aussitost a recours à la vengeance , et non seulement dit avoir en abondance de ce que seulement il s'est imaginé , mais , feignant d'estre amy ou parent du mary, lui escrit des lettres sans soubscription , et donne a la misérable femme mille faulses imputations , monstrant estre meu à ce debvoir par le zèle de l'honneur commun, et de là, et non d'ailleurs, naissent les calomnies des misérables femmes. Combien pensez-vous qu'il y ait de jeunes hommes qui, estans ai'damment amoureux d'une damoiselle, feignent aimer la voisine, et, avec une face riante , branslant la teste et jettant des baisers de loin, avec un abbaissement d'yeux , un signe des mains , et quelques fois disant si haut que les voisins le puissent ouyr : Mon cœur, je vous reverray entre

48o Larivey.

cy et deux heures , s'efforcent faire croire aux parens qu'ils ont assignation avec ceste pauvre innocente, laquelle, jaçoit qu'on ne Tait jamais veuë aux fenestres, les gens, par tant et si divers signes , sont contraints croire qu'icelle , pour ne donner soupçon , s'est serrée derrière les verrières ? Et toutes ces choses font les jeunes gens afin que le mary et les parens de celle qu'ils ayment bien n'y ayent point de soupçon , et croient , encores qu'il les ti'ouvast en sa propre maison , quïls y seroient entrez plustost pour espier quelques voisins que pour autre effet ; et ainsi , bien souvent, une pauvre innocente vient à estre condamnée à un blasme éternel. Partant, tout prudent mai-y se devroit contanter d'avoir une femme de noble maison, bien nourrie , luy garder la foy , ne prester l'oreille à ses serviteurs , ou bien aux servantes , ne croire aux lettres sans soubscription , et n'aller cherchant des occasions qui n'apportent que dueil, pour ce que l'honneur n'est autre chose qu'une opinion des superbes a})prouvée pour bonne par les hommes , qui sont remplis de vaine gloire et obstinez, lesquels ne sont cause d'autre chose que de ruynes et de morts. Vive donc un chacun avec opinion d'estre honoré , et à ceste fin qu'il fasse bien , car, ayant la conscience pure et candide , il vivra heureux. Voyez . je vous prie, si ceste loy d'honneurestunabus des mortels ! Vous croyez que ma femme soit deshonneste , et je vy deshonoré ; moy , d'autre costé, je la tiendray pour bonne, et me jugeray digne d'honneur. Vosti'c opinion n'est-clle pas aussi forte que la mienne? Pourquoy doncques moy et les autres devonsnous plustost croire à vous qu'à moy-mesme?

CORNILLE. Les opérations sont celles qui , en pareil cas , confirment au vulgaire les opinions bonnes ou mauvaises, quelles elles puissent estre.

Fidelle. Les actes vénériens ne se font es places publiques, et n'oyrez jamais blasmer une dame par aucun qui dise : J'ay veu une telle faire des cboses vilaines et saies ; mais bien eutendi'ez une infinité qui diront : Je Tay ouy dire. Donc, comme j'ay dict, naist la mauvaise renommée du sexe féminin , non pour ses œuvres, qui sont pour la pluspart digues d'éternelle louange , mais des accidens de fortune , de l'insolence des amans , de la malignité des bommcs , et d'une générale et mauvaise opinion entrée es personnes adonnées au mal. Partant , relirons-nous de ceste fausse croyance , et les aymons , non seulement de parolles , mais d'effect , comme elles méritent ; quoy faisant , nous satisferons à qui , pour nous avoir donné l'estre , nous sommes tant tenuz , et nous exalterons uous-mesmes, monstrans estre naiz de chose parfaicte, et non de vile et infâme.

Cormlle. Je croy maintenant que dites vray, et me plains doublement que ma femme, seule entre toutes les autres, a esté vilaine et m'a ainsi .deshonoré; mais elle en portera la peine deuë, car voicy qui bientost me délivrera de telle infamie. Voicy la fin de sa vie, voicy le poison que j'ay préparé pour me deffane d'une telle vergongue.

Fidelle. Seigneur Cornille, vostre femme a esté blasmée à tort , et est digne d'obtenir la vie.

CoRiViLLE. Vous semble-il que la faute commise soit indigne de mort ?

482 Larivey.

FiDELLE. Elle n'a commis aucune faute, mais la fortune l'a trompée.

CORNILLE. Celuy qu'avons veu sortir de la maison y estoit allé pour enfiller des perles !

FiDELLE. C'estoit Narcisse, mon serviteur, lequel, amoureux de vostre servante, je luy demanday qu'il avoit affaire avec elle. Il me dit comme passa l'affaire , parquoy je cogneu incontinent que fausse fut l'imputation donnée à vostre femme.

CoRNiLLE. Où est-il ? faites-moy parler à luy.

FiDELLE. Narcisse , vien çà.

Narcisse. Monsieur, je vous prie me pardonner.

CoRNiLLE. Dy viste ! comme est passé l'affaire?

Narcisse. Estant amoureux de vostre servante, je trouvay façon d'estre avec elle; j'y allay, et , y estant demeuré bonne pièce , je m'en retour nay.

Cornille. Et , au sortir de la maison , dis-tu quelque chose ?

Narcisse. Je ne m'en souvien point.

Cornille. Tu nommas Victoire pour femme.

FiDELLE. Helas ! nous sommes perdus !

Narcisse. Je m'en souvien maintenant. Je dy : 0 très douce victoire ! tu me rends à cestc heure le plus heureux homme qui vive. Et il estoit vray, pour ce qu'ayant si longuement combattu contre Blaisine pour l'attirer à ma volonté, enfin , l'avant vaincue, je reputay avoir obtenu la plus grande victoire qu'on peust espérer. Je dy donc ce nom de Victoire pour avoir vaincu la cruauté de Blaisine , et non pour nommer vostre femme.

Le Fidelle, Comédie. 483

CORNILLE. Blaisine , vien çà. Je m'esclairciray maintenant de ce fait.

Il va vers la maison.

Fidelle. Tu m'as donné la vie.

Narcisse. Si Victoire avoit autre nom, je demeuroy condamné aux despans.

Blaisine. Que vousplaist-il?

Cormlle. Cognois-tu cestuy-cy ?

Blaisi>'E. C'est mon mary,

Cornille. Et comme avcz-voiis fait ces nopces sans m'en advertir ?

Blaisine. Il me vint trouver, disant qu'il estoit amoureux de moy. Je me fascliay. Il me print par la main, affin que je ne dist mot.

Narcisse. J'ay esté avec toy, je ne le veux nier; mais j'y ay esté comme à une putain, et ne t'ay promis autre chose que bon amour.

Blaisine. Tu as menty par la gorge! car je suis femme de bien, et tu m'as promis.

Narcisse. Cela ne se trouvera jamais.

Blaisine. Ne te souvien-il pas, compagnon , quand tu me poursuivoy avec menasses, et que je voulois m'escrier, que tu me dis : Tay-toy, car je te pren pour ma femme.

Narcisse. Je me mocquois.

Blaisine. â la bonne heure! Ne sçais-tu qu'un péché follement fait va follement en la maison du diable ?

Narcisse. Blaisine, tu cherches ton dommage. Je l'adverty que, si jamais tu es ma femme, il faudra que tu m'habilles , que tu me chausses et fasses ma despense ; et, pour tant gaigner , il faudra bien manier.

Blaisine. Manier quoy?

484 Larivey.

Narcisse. Manier les mains au travail.

Blaisiîse. Tu dois sçavoir que je manie si bien les mains au travail, que je ne porte envie à une autre pareille à moy. Mets-moy un peu l'esguille en main et me laisse faire. Tu vois tant défigures et semble que tu ne me cognois point. Je suis un vif ai'gent. Que tu es heureux. !

Narcisse. Ouy, si les cornes me naissent d'or; mais à sa poste ! Va , je veux que tu sois mienne.

CoRMLLE. Voicy comme souvent erre le jugement humain !

FiDELLE. Dieu soit loué, que la chose s'est descouverte à bonne heure !

CORNILLE. Je vous disois bien que ma femme estoit femme de bien.

FiDEELE. Et qui n'y seroit trompé?

CoRMLLE. Un mary. se cognoissant estre aime de sa femme , ne devroit jamais adjouster foy ny à ses yeux ny à ses oreilles propres, encores qu'il entendist ou vist quelque chose trop mal séante, jwur ce qu'elle peust naistrc d'un esprit purgé; ce que feray d'oresnavant, afin que la fortune ne me puisse oiïcnser de rechef.

FiDELLE. Vous ferez en homme de bien.

CoRNiLLE. Voulez-vous que je vous dise la vérité? Il me faschoit tant de la faire mourir, que je m'estois presque resould d'attendre à veoir quehju'auti'c chose pour mieux m'en csclaircir.

FiDELLE. Mon cœur me faisoit deviner son innocence.

CoRNiLLE. Ores, à présent, je ressemble à ceux qui, condamnez à la mort, si on leur fait grâce de la vie, la perte des yeux ou des mains leur sem-

Le Fidelle, Comédie. 485

ble un très grand gain. Ainsi, je repute à grande aventure Finjure à moy faite par ceste-cy , puisque par icelle j'ay cogneu la chasteté de ma femme ; ce qui sera cause que je vivray tousjours en tranquillité d'esprit.

Fidelle. Narcisse, je te pardonne, à la charge que tu espouseras Blaisine.

Narcisse. J'en suis content, et vous en remercie.

Le Pédant arrwe.

M. JosSE. Nos mit em lœtari debemus.

Fidelle. M. Josse, je suis aise de vous veoiien liberté. Enfin, vous estes sorty des mains de ces bestes.

M. Josse. Seigneur Fidelle, à vostre seigneurie ago gratins, ingentes enim referre non possum. Je vous remercie infiuicment, et n'espère jamais vous en pouvoir recompenser. Mais quid noi>i , que je vous voy avec ceste compagnie, et masculini et fœminini generis ^ sub joi/e frigido ^ à ceste heure?

Fidelle. Nous avons marié Blaisine, servante du seigneur Cornille, avec Narcisse, mon serviteur.

M. Josse. Vobis gratulor ^ miki gaudeo ^ frase ciceronienne. Je m'en resjouy avec vous : je veux dire que j'en reçoy un grand contentement.

Cornille. Seigneur Fidelle, puisqu'à ceste heure la bonne fortune a icy amené M. Josse, ce ne sera que bien fait que luy fassions dire les bonnes parolles entre ces espousés.

Fidelle. Vous dites bien. Monsieur Josse, faites-nous ce plaisir.

M. Josse. Vous voulez que je fasse l'office de

La RIVE Y.

pronubo^ lihenter; mais, afin que non solum oinni officio, ac potius pietate erga te ceteris satisfaciam^ je le veux bien de moy-mesme. Il vous plaira me donner un peu de temps , afin que , ayant à invoquer Talase^ non decet le faire en langage commun , mais en idiome romain , en langue latine, joint que cest habit est plustost propre pour invoquer l'Eumenide, absit verbo omen! cecy soit dit pour bon augure. Geste nuit, à vostre instance, je veilleray jusques à minuit sur le Doctrinal et sur le Cornucopie. Demain, ô nobles et paisibles spectateurs ! vous me pourrez, s'il vous plaist, venir ouyr. Intérim valetc et plaudite.

Fin.