SCÈNE II

Magdelaine, courtisane; Vincent.

M AGDELAINE.

iserable que je suis ! je crain bien fort H que Vincent n'ayt prins en mauvaise part ce que je fis l'autre jour, ou ne se le soit autrement interprété que n'a esté mon intention ; car depuis il ne s'est laissé veoir et ne m'a mandé de ses nouvelles comme il avoit accoustumé !

Vincent. 0 grand jugement de Dieu ! il semble que mon ame toute tremblante soit sur le point d'abandonner ce corps, si tost que je me présente devant ceste-cy.

Magdelaine. Maisle voicy. 0 mon Vincent! mon vainqueur! je croy fermement que jamais le bien ne fut tant désiré que j'ay (ô ma vie ! ) attendu vostre venue.

Vincent. Helas ! ces caresses tant affectées renouvellent mes douleurs et rengrègent mes playes.

Magdelaine. Que veut dire qu'estes ainsi resveur ? à quoy pensez-vous ?

Vincent. Si je suis vostre Vincent et vostre vie.

Magdelaine. Or sus, or sus, obliez cela.

<4 Larivey.

Vincent. Comment, que j'oblie cela! 0 Magdelaine ! Magdelaiiie ! pleust à Dieu que mou amour fust mis en balance contre le vostre , ou que vous souffrissiez comme j'endure , ou que je ne me resentisse du tort que m'avez faict!

Magdelaine. Je sçay bien que vous voulez dire, et, pour vous oster de ceste opiiiion, je vous voulois envoyer quérir.

Vincent. Ce n'est de merveilles que vous, comme coulpable , sachez ce que je veux dire ; mais la foy que j'avois en vous et l'amitié que je vous ay tousjours portée depuis que je vous cognois me meritoient ceste recompense.

Magdelaine. Ne vous tourmentez (mon ame), car je n'ay faict chose qui vous doive aigrir contre moy.

Vincent. Ce sont moqueries. Si vous n'estes en rien coulpable, pourquoy soupsonnez-AOus ce dont je vous veux accuser? Regardez que, non sans cause, vous avez faict la planche devant.

Magdelaine. Par ma conscience! vous vous colerez contre moy à tort, car celuy que vous avez vcu est un mien frère.

Vincent. Il est vray, c'est un sien ûère: tout le monde est parent d'une putain. Or sus, vous avez raison, ayez, ayez-le, jouissez-en tout vostre soûl, je ne vous en empeschcray pas. 0! que si jamais plus je me laisse... !

Magdelaine. Voyez! Escoutcz, mou cœur : je ne croiray jamais que cecy puisse avoir telle puissance sus vous que vous sépariez de mon amour. A ceste cause, je vous prie, par la seraineté de ce front , ])ar ces beaux yeux , hostes de ma liberté, et d'où sortent ces lumineux et ardans esclairs qui

Les Jaloux, Comédie, i5

me foiidroyent, m'entretenant toiisjours en un feu continuel , et par ceste belle bouche que je baise du plus chaud de mon affection, qu'il vous plaise m'escouter deux mots seulement.

Vincent. Dites, mais je vous advise que je croy plus l'effect que les paroles.

Magdelaine. Ah ! mon espérance ! souffrez que j'obtienne de vous ceste grâce. C'est grand cas que vous estes si revesche qu'on ne vous peut plyer par amour ny par prières.

Vincent. Et cecy encor plus grand cas, Magdelaine, que, voulant tousjours seconder vos apetis, vous obliez si tost les iudignitez que m'avez faictes. Que s'il advient que je m'en aperçoive, vous me voulez, par vos paroles embellies, offusquer les yeux de l'entendement et me faire croire le rebours de ce que je sçay bien.

Magdelaine. Vous croirez ce qu'il vous plaira; mais, si me voulez escouter, je vousferay confesser qu'à tort vous vous plaignez de moy.

Vincent. Je voy bien qu'il vous faut complaire : car vous voulez tousjouis avoir le droict.

Magdelaine. Escoutez-moy donc, s'il vous plaist : Mon père, comme je vous ay autresfois dict , estoit un fort riche marchant d'Angers, lequel, venant à mourir, laissa à deux enfans que nous sommes plusieurs biens et héritages , dont mon frère, comme aisné , se saisit, en disposant d'iceux à sa volonté. Mais, pource qu'il estoit prodigue ei grand despensier, ne cherchant qu'à soulier ses volontez, s'en donna si souvent par les joues, qu'en moins de rien il despendit et engagea le plus beau et le meilleur.

Vincent. Quelle fable, quel conte est-ce cy?

i6 Larivey.

Magdelaine. Quelque temps après, voyant en quelle nécessité sa despence desraesurée l'aToit conduict , ayant honte de soy-raesmes et fasché de voir que ceux qui nous avoient presque rongez jusques aux os se mocquoieutdeluy, le regardant par dessus l'espaule , se desbaucha tellement , qu'ayant vendu le sui'plus qui resloit , s'en alla à la guerre , me laissant seule , abandonnée de tous moyens. Et c'est celuy à l'occasion duquel vous estes entré en ceste jalouzie.

Vincent. C'est bien rencontré, ô femme du diable !

Magdelaine. Escoutez, si vous m'aymez : Et pource que je ne voulois pas qu'il s'apcrceust de l'amitié et privante que j'ay avec vous...

Vincent. Nottez bien ceste autre vérité !

Magdelaine. Ny que je fusse moins qu'honneste, que eussé-je peu mieux faire, affin qu'il ne m'eust en quelque mauvaise opinion? joint que, vous voyant venir droict à nous, qui devisions de plusieurs choses, je m'asseurois que n'eussiez failly dire quelque mot joyeux en passant , ou me faire quelque je ne scay quoy qui eust tout gasté.

Vincent. Que voulez-vous davantage ? je vous donne gagné.

Magdelaine. Ah! par mon ame, c'est mon frère unique, lequel je n'avois veu il y a plus de trois ans. Mais vous me direz : Si vous ne m'avez faict cela pour autre occasion , voulez-vous tousjours suyvre ce mesmc stil? Vrayement, nenny ; combien que je ne sache cncorcs comment faire, pource qu'iceluy , m'ayaiit trouvée jeune, fresche et délicate (comme vous voyez), est devenu jaloux de moy, laissant ordinairement son serviteur en

Les Jaloux, Comédie. 17

la maison , de mode qu'il n'y peut entrer ame vivante qu'il ne le sache. Parquov je ne voudrois (ô mon sang!) que vous émerveillassiez si j'ay faict ce que j'ay fait, et mesme si je vous senable encores un peu durette, d'icy à deux ou trois jours qu'il demeurera icy.

Vincent. Je ne m'en émerveille point, car c'est de vostre creu. Pensez-vous que je n'entende de quel pied vous marchez, combien que je ne sache encores comment faire? « Il est devenu jaloux de moy, laissant ordinairement son serviteur en la maison ! — Je ne voudiois pas (ô mon sang!) que vous esmerveillassiez», et tant d'autres beaux motz. Toutes ces niaiseries tendent à ceste fin que le bon Vincent soit chassé , et cestuy-cy bien receu. Ah ! que maudite soit ma fortune , que je ne vous ay cogneue du commancement , car jamais je n'eusse mis le pied où vous fussiez esté !

Magdelaine. M'amour, laissez cela. Trouvez moyen de me venir veoir, pourveu qu'il ne le sasche, et vous cognoistrez comme je vous ayme de tout mon cœur.

^I^CE^'T. Pleust à Dieu que dissiez vray et sincèrement ! « Et vous cognoistrez comme je vous ayme de tout mon cœur.»

Magdelaine. Comment, chetive que je suis! pensez-vous que la bouche parle autrement que le cœur?

Vincent. Puis-je croire que je ne sois doublement deceu, et que vous m'aymez?

Magdelaine. Quoy ! que je vous déçoive? que je ne vous ayme? 0 vie de ma vie (helas !), ne

i8 Larivey.

dictes cela , car ces paiolles me sont autant de coups de dague en l'estomac.

Vincent. S'il est ainsi, je vous ay donc (ô m'amour!) aymée à bon droit, et comme

Magdelaine. Taisez-vous, le voicy qui vient. S'il me dict rien , faictes que vos propos s'accordent aux miens.

Vincent. Vault-il pas mieux que je m'en aile?

Magdelaine. Non, n'ayez, peur : ce n'est qu'un sot et un poltron.

SCÈINE III.

Fierahras , capitaine; Magdelaine , Vincenl.

FlERABRAS.

es chevaux ont-ilz estez bien estrillez? Magdelaine. Qu'ay-je affaire de vos chevaux ?

FlERABRAS. La chambre est- elle faicte ? le soupper est-il prcst?

Magdelaine. La chambre est faicte dès le matin ; quant au soupper, il sera bien tost prest. FlERABRAS. Regardez à l'aire quchpie bonne fricassée , et que j'aye du rosly avec une sausse ou saupiquet , comme on faict chez les princes et grands seigneurs. Mais que faictcs-vous icy en la rue?

]^LvGDEL.\l^E. Je suis sortvc pour parler à ce

bon seigneur (pii vous demande, à raison de je

ne sçay quov (pi'on luy a dict i[ue voulez vendre.

Vincent. Quoy ! est-ce cy monsieur vostrc

frère ?

Les Jaloux, Comédie. 19

Magdelaine. Oy, c'est luy-mesmes ; parlez à luy.

Vincent. Monsieur, on m'a dict qu'avez des chevaux à vendre : je les acheteray s'il vous plaist m'en faire marché.

Fierabras. On vous adictvray : jen'ay plus que faire de tant de train , ayant reconquis au roy la pluspart de son royaume, tellement que je n'en veux retenir qu'un pour m'allcr quelquefois pourmener.

Vincent. Je vous payeray en beaux escuz au soleil, larges comme la main. On m'a dict qu'avez aussi quelques hardes dont voulez vous deffaire ; je les voudrois bien voir.

Fierabras. Si voulez venir avecques moy jusques chez le frippier à qui les ay baillées à vendre, je les vous monstreray.

Vincent. Je n'ay le loisir pour ceste heure ; mais s'il vous plaist les envoyer quérir, je repasseray tantost par icy.

Fierabras. J'en suis content; vous les trouverez céans à vostre retour.

Magdelaine. Ne faillez donc pas. Monsieur.

Vincent. Aussi ne feray-je.

Larivey.