EUSTACHE

oilà ce que j'en sçay, et que m'en a aprins ce gentilhomme qui est venu avecques nous de Poictiers. Mais, quelle contenance vous ay-je veu faille tandis que Gotard vous contoit je ne sçay quoy?

Vincent. Voy! vousencstes-vous aperceu?

EusTACHE. J'eusse esté bon aveugle. Etquoy! on vous voy oit quasi tomber les larmes des yeux. Contez-moy , je vous prie , que vous aviez , afin que, si je ne vous puis ayder en quelque chose, au moins que je me plaigne avec vous de vostre fortune.

Vincent. Excusez-moy, s'il vous plaist, car

10 Larivey.

je ne ferois que vous donner ennuy par le récit de mes misères.

EuSTACHE. Ce sont paroles, et faictes en cela tort à nostre amitié.

Vincent. C'eust esté pourtant le meilleur. Toutesfois, puis qu'il vous plaist, j'en suis content. Sachez donc que rien n'en a esté cause que l'amour et la jalousie.

EuSTACnE. De qui esles-vous amoureux ? d'où vous vient ceste jalousie ?

Vincent. Je le vous diray. Il y a trois ou quatre moys que, me trouvant aux jeux des Italiens, où certes il y a du plaisir, j'adrcssay ma veue sur une jeune dame, belle par excellence.

EusTACHE. Comme a-elle nom?

Vincent. Magdelaine. Ainsi considérant ses beautez et bonnes grâces, lesquelles je louois grandement en moy-mesme, j'en devins tellement amoureux, qu'il me semble estre impossible veoir créature plus accomplie en toutes perfections. Voyez si l'amour sçait dompter les hommes !

EuSTACllE. Et bien! qu'en advint-il après?

Vincent. Il j a trois jours que, me venant de recréer avec elle , je fus rencontre par mon père, qui se prinl à me dire : Vincent , tou compagnon me vint hier trouver pour me prier parler en sa faveur au sire iNicaisc, cl faire en sorte qu'il lui baille à femme sa fille Renée. Sur quoy, discourant en moy-mesme , je me suis advisé la demander pour toy, car il est tantost temps que tu te maries , si tu veux que je voye tes enfans grands.

Eustache. Je n'attcndois que cela.

Vincent. Adjoustant que Nicaise ne Taccor-

Les Jaloux, Comédie. h

deroit jamais à Alfonse sans le sceii et consentement du sire Zacliarie, son père, qui n'estoit encores de retour; ainsi que , pour ne perdre temps, il en avoit desjà parlé pour moy, et esperoit qu'il me la feroit donner, avec plus de dix mille francs d'argent sec, sans les maisons, héritages, bagues et joyaux.

EusTACHE. Voilà la coustume des pères du jourd'huy, car pourveu qu'ils marient richement leurs enfans, ce leur est assez,

Vincent. Quoy entendant , je demeuré si transporté qu'il ne fut jamais en ma puissance lui pouvoir respondre un seul mot , ny trouver quelque excuse qui ne fust au moins inconsidérée et hors de propos , car la parole me mourut entre les dents. A raison de quoy, et neantmoins, voyant que je l'avois escouté, que je ne luy respondois rien, jugea par mon silence que j'en cstois content. Que vous diray-je des peines , en • nuys, tourraens et passions que je souffrois lors ? Certes, n'eust esté l'espérance que j'avois me retrouver le lendemain matin avecques Magdelaine, afin que, par la gayeté de ses douces mignardises elle m'amoJist la rigueur de tels propos, j'estois pour devenir fol.

EusTACiiE. Je ne m'en esLahy pas, car les amans ne peuvent endurer qu'on leur parle de les mai'ier.

Vincent. Mais, helas ! comme j'esprouve véritable le proverbe qui dict que la fortune ne vient jamais seule, et que, si elle se monstre ennemye de quelqu'un, qu'elle s'efforce entièrement le ruiner! Car je ne fus pas si tost arrivé en la rue où elle demeure , que je la vy sur le pas de son

12 Larivey.

huys, devisant fort privement avec un soldat, lequel (quand elle m'aperceut aproclier pour veoir qui il estoit) elle le fit soudain entrer dedans, puis me ferma la porte au nez.

El'STACHE. 0 femme ingrate et mescognoissante !

Vincent. A ceste occasion , ne devez vous émerveiller si m'avez veu changer de couleur.

ErsTACHE. Mon grand amy, j'ay clier que m'avez descouvert vos amoureux accidens , sinon en ce que le discours que m'en avez faict me semble avoir plustost renouvelle vos playes que soulagé vos passions ; mais quel remède y pensez-vous donner?

Vincent. Jenesçay,car, d'un costé, la volonté de mon père et la révérence que je luy doy, et, d'autre part, l'amour que je porte à ceste-cy et l'injure qu'elle m'a faicte , combattent tellement dedans moy, que je ne sçay quasi que je doy faire.

Eustache. Mais encores?

Vincent. Je n'ay autre espérance qu'aux ruses de Gotard.

Eustache. Quelle espérance vous donne-il?

Vincent. Rien d'asseuré, sinon que, cognoissant ([u'il sçait faire ce qu'il veut et qu'il m'a promis empescher ces nopces (combien que je n'y voye aucun moyen), j'en suis demeuré là.

Eustache. Et quant à vostrc Magdelaine?

Vincent. 11 me conseille l'aller trouver pour luy reprocher son ingratitude et attendre ce qu'elle me dira.

Eustache. Peut-estre qu'il ne vous conseille pas mal. Or, je ne veux vous molester davantage. Monsieur mou amy, souvenez-vous que, si je puis

Les Jaloux, Comédie. i3

quelque chose pour vostre service, je suis à vostre commandement.

Vincent. Je vous mercye. Je ne vous espai-gneray s'il en est besoin.