SCENE IL Nicolas, hoste ; Hippolite, Lactance

Nicolas.

I oilà grand cas, que tout est si cher eu ceste ville que c'est merveilles ! Toute ^ chose se vend au pris de l'œil d'un homme. Et puis les escolliers se plaignent qu'ils sont mal traictez ! Je viens du marché, oi!i j'ay employé plus de quatre lianes. Toutesfois, je n'apporte pas de quoy passer une journée entière. Et, par ma foy, si ce n'estoit qu'Hippolite m'ayde tousjours de quelque chose , outre qu'il me paye fort bien l'ordinaire , j'aurois beaucoup de peine à vivre.

HiçpOLiTE. Tu le cognois bien.

Lactance. Faisons semblant d'arriver.

Hippolite. Bonjour, maistre Nicolas. D'où venez-vous ?

Nicolas. Benne vie et longue, Messieurs. Je viens du marché.

Hippolite. Mon hoste, hier au soir un mien amy escollier arriva en ceste ville, lequel m'a

Srié aller demeurer avec luy. Et pource qu'il est e mou pays et mon parent , je ne luy av peu refuser, A ceste cause , pourvoiez-vous de pensionnaires , et regardez à me donner (s'il est possible) entre cy et demain pour tout le jour, les dix cscus que je vous ay prestez à plusieurs fois.

Lactance. W ne sçait qu'il doit dire, prenczy garde.

Les Escolliers, Comédie. io3

Nicolas. J'eusse pensé toute autre chose fors ceste-cy. Toutefois, puis qu'il vous plaist, j'en suis content ; mais je vous veux bien dire que mal-aisement trouverez-vous homme en tout Paris qui vous traicte mieux, tienne plus nettement en meilleure chambre et plus honorablement que moy, ny qui vous serve avecques une telle amitié et soigneuse diligence que je fais. Quand pensez- vous partir?

HiPPOLiTE. D'icy à deux ou trois jours.

INiCOLAS. A vostre commandement. Cela u'empeschera pas que ne me puissiez tousjours commander, et moy vous faire service.

HippoLiTE. Cela n'est de refus. Nous allons jusques aux Carmes, puis nous viendrons disner, et lors nous en parlerons tout à loisir.

Nicolas. Et moy, cependant, mettre ordre que tout soit prest.

Lactaince. Âvez-vous veu comme les bras luv sont cheus et comme il parloit doucement?

Hippolite. Ils tomberoient à qui les auioit liez.

Lactance. Je gageray que la journée ne se passera pas sans aoiîs donner quelque espérance touchant cet affaire.

Hippolite. Je ne sçay; mais parlons d'autre chose. Me contiez-vous pas n'aguèi-es que vos affaires cheminoient sur un tel pied qu'elles ne pouvoient tomber que debout ? Apreuez-m'en quelque chose.

Lactance. J'en suis content. Vous cognoissez Gillette , servante du père à Susanne. Or, ceste bonne créature m'a promis qu'à la première occasion qui se presenteroit , elle m'introduiroit

io4 Larivey.

au logis , me disant d'avantage que la fille n'en est moins désireuse que moy.

HiPPOLiTE. 0 heureux Lactance! ains très heureux, puis que les cieux vous octroyent ce que vous souhettez sur toutes choses. Et moy, malheureux ! ains le plus malheureux de tous les malheureux , puis que le malheur s'oppose à mes desseins. Ha! que j'ay mis les mains à trop dure et difficile entreprise , tant il m'est malaisé obtenir ia récompense deuë à ma trop ardente et amoureuse affection ! 0 Amour ! dieu que j'adore , fay sentir, je te supplie, à ceste ingrate, qui mesprise tes forces et desdaigne marcher soubs tes estendarts , la milliesme partie de mes peines , affin que par l'ardeur de ce tourment , simple eschantilloude mou martire, elle cognoisse ma vie estre une continuelle mort; car je m'asseure, s'il te plaist m'octroyer ma requeste, qu'elle aura quelque pitié de ma misère , si elle n'a le cœur plus endurcy qu'un rocher.

Lactance. Prenez courage et espérez jusques à la fin.

HiPPOLiTE. Vousdictes bien, pourveu que ceste espérance ne me déçoive ; mais que sçavez-vous si Gillette vous trompera point?

Lactaînce. J'en suis très asseuré, par ce qu'il n'y a pas long-temps qu'elle m'a apporté lettres escrites de la main de ma Susanne, par lesquelles elle me jure que, puis qu'il a pieu à Dieu prendic son fiancé , qu'elle n'en espousera jamais autre que moy.

IliPPOLiTE. Susanne a esté donc fiancée?

Lactance. Oy.

HlPPOLlTE. Et qui csloit-il?

Les Escolliers, Comédie. io5

Lactance. Un jeune homme de ceste ville, lequel, estant aux estudes à Poictiers, fut par les vieillards, pères de luy et d'elle, accordé qu'à son retour il espouseroit la fille ; mais par ce qu'il estoit fort jeune, et affin de ne le desbaucher de ses estudes, il sembla bon à son père le laisser là encores quelque temps , joint que la fille estoit encores petite.

HippOLiTE. Et qu'est devenu cet amoureux ?

Lactance. il y peut avoir un an qu'au siège de la ville de l*oictiers , luy et quelques autres ses compagnons firent une sortie sur l'ennemy, pensans le charger ; mais la fortune voulut qu'ils se trouvèrent eux - mesmes chargez , de mode qu'après quelque foible resistence, une partie fut taillée en pièces et l'autre prinse à rançon, entre lesquels on tient pour tout certain que ce jeune escollier fut faict prisonnier, mais qu'il estoit blessé en tant d'endroits, que trois jours après il en mourut.

HiPPOLiTE. Combien le père de Susanne luy baille-il en mariage ?

Lactance. Six mille francs, et qui plus est, elle et une autre petite fillette , sa sœur, demeurent seules héritières universelles du vieillard après son décès, par ce qu'il n'a autres enfans.

HiPPOLiTE. Poursuivez donc vostreadvanture, car elle ne peult prendie qu'une désirée et heureuse fin , soit par ce que la fille ne souhette rien plus que vous (s'il est vray ce que m'avez dict),soit par ce quevos facultez ne sont telles au pays , qu'il vous fust aisé trouver un tel mariage. Ainsi, maintenant que Dieu vous présente ce bien, il me semble que ne le devez refuser, et ne perdre

io6 Larivey.

ccste belle occasion de vous accommoder pour le reste de vos jours.

Lactance. Je suis aise que vostre conseil se rapporte à mon dessein. Mais voicy nostre hoste qui vient avec deux flaccons. Je ne l'ay point veu sortir.

HiPPOLiTE. Il est passé par Thuis de derrière. Je vous prie, attendons icv pour oyr ce qu'il dict.

Lactance. Je ne scaurois. Qu'y voulez-vous faire ?

HiPPOLiTE.Jeveux demeurer en ce coing avec Luquain pour veoir un peu sa contenance. Et vous, que deviendrez-vous cependant?

Lactance. Je vay faire mettre la nappe.

HiPPOLlTE. C'est bien advisé.