SCÈNE III

Nicolas^ Luquain^ serviteur d'Hippolite ; /f«/?/)olite.

Nicolas.

Il diable trouveray-je dix escus, pour Y] rendre à Hippolite? Lactance n'a jamais un denier. D'aller au frippicr, je n'ay aucun gage ; et ceste espèce d'hommes ne preste jamais sur la foy : ce leur est faulse monnoye. Et de trouver en ceste ville qui me face crédit d'un lyard, il n'en est point de nouvelles. Je vas resvanl si je doys employer le médecin ; les services infinis que je luy ay faicts et fais encores tous les jours, ne méritent que je sois refusé. Toutesfois, le cognoissant très avaricicux, comme

Les Escolliers, Comédie. 107

sont quasi tous docteurs, et principalement les médecins, me faict douter qu'il ne tire le cul arrière, sans avoir égard à ce quej'ay faict pour luy. Mais quand il me les presteroit, quelle asseurance luy en pourroy-je faire''

LuQUAiN. Cestuy-cy pense à trop de choses.

Nicolas. Je n'en sçay rien. Jésus ! que je suis fol de penser à tout cela, et que, maniant ses affaires, je ne luy ay pour le moins ferré la mule de cinq ou six escus! Je conterois le reste tellement quellement; petit à petit on va bien loin. D'une chose naist une autre chose. S'il me donne terme d'un an, je suis trop heureux.

LuQUAlN. Ses figues sonttrop hautes.

Nicolas. 11 pourra mourir ce pendant, encores qu'il soit médecin.

HiPPOLiTE. La fortune me seroit trop amye.

Nicolas. Ou bien,jepourray moy-mesmes aller visiter le royaume des taulpes. Et si cela advient, qu'ay-je affaire qui paye mes debtes? Je me veux hazarder, et faire en sorte que je puisse trouver de l'argent.

LuQUAiN. Cestuy discourt comme celuy qui vouloit entreprendre enseigner l'ours à lire et escrire.

Nicolas. Bref, comme dict Luquain, il vaut mieux estre coqu que coquin.

H1PPOLITE. Il allègue la bouche de la vérité.

Luquain. Tant y a que je dis vray.

Nicolas. Plus j'y pense, plus je me soucye. Baste ! je ne me veux plus rompre la teste : ce sera pour le médecin.

Luquain. S'il te les preste, il me trompera.

H1PPOLITE. Tais-toy, beste, ou parle plus bas.

io8 Larivey.

Nicolas. Mais (helas!) je suis perdu, encores qu'où me veuUe prestercest argent.

LuQUAlN. Le diable le puisse emporter !

Nicolas. Parce que, si Hippolite sort de chez moy pour aller demeurer ailleurs, je u'eu trouveray gueres...

Hippolite. Dieu me veulle ayder !

Nicolas. Qui despendeul comme il faict.

Hippolite. La médecine commance à opérer.

LuQUAlN. H est bon que je parle à luy, afin de luy tirer les vers du nez.

Hippolite. Tu me fais rire, et si je n'en ay point d'envye. Escoute, si tu veux.

Nicolas. La pi us grand part de ces escolliers regai'dent de si près, qu'on ne peut non plus profiter avec eux qu'à tondre un œuf. J'en ay eu tels en ma maison qui serroient jusques à un morceau de pain qui leur restoit du disner et du soupper.

LuQUAiN. Dieu mercy à vous, qui remuez les mains comme un paladin.

Nicolas. Il n'est pas bon avoir tels liostes, parce que nous mourrions de faim si nous avions à vivre du gain ordinaire qu'on faict avec eux, et n'alongissions l's, tantost d'un grand blanc, et maintenant d'un autre.

LuQUAiN. 0 pauvres escoliersî quels larrons discours !

Nicolas. Mais je ne me puis imaginer pourquoy Hippolite s'en veut aller do mon logis, attendu mcsmes que celle qu'il avme bien est nostre voisine, et a commodité de la vcoir.

Hippolite. Ce n'est assez.

Nicolas. Pcut-cstrc qu'il ne s'en soucye plus. Ces jeunes hommes aymeut et n'aymeut pas en un

Les Escolliers, Comédie. 109

mesme instant. Si tost que j'ay eu dict à Hippolite qu'il torchas t hardiment sa bouche, et que la dame n'estoit proye pour ses lévriers, je pense qu'il s'est pourveu d'une autre.

HiPPOLiTE. Vous en estes mal informé, mon hoste, mon amy.

Nicolas. Mais je veux veoir si je scaurois tendre un filet pour empescher que ceste proye ne m'eschappe des mains.

LuQUAiN. Je ne sçay lequel des deux doit estre l'oiseleur ou l'oiseau.

Nicolas. Feste de ma vie ! il ne passe pas tous les jours de tels estourneaux.

LuQUAiN. C'est à mon maistre à qui cela s'adresse.

Nicolas. Je suis résolu. Bref, je veux faire ce que je pense, quoy qu'il en puisse advenir. Mais comment?

LuQUAiN. Il pense prendre mon maistre, et mon maistre ne demande qu'à donner de la teste en ce filet.

HiPPOLiTE. Que causes-tu de filet?

Nicolas. Voylà le chemin, voylà le moyen.

LuQUAlN. Je dy que resemblerez au regnard qui contrefaict le mort afin d'estre jette sur la voiture des pescheurs, puis, s'estant bien emply le ventre, se mocque d'eux.

Nicolas. Je ne voy meilleur filet, ny plus ferme panneau pour tendre à cest oyseau, que le favoriser en l'amour. Que me sçauroit-elle faire ? Je vas tanter le gué, et vaille que vaille.

Hippolite. Voyla ce que je demande.

Nicolas. Elle est femme. Toutes les femmes se resemblent, et celles qui, en gestes et paroles,

110 Larivey.

se monstrent tant revesches et font le sanctificetur, qui jeusnent et ont tousjours un livre sous le bras, ou un chapelet enti'e les mains, sont pires que les autres. Foin ! foin ! qui est meschant (dict le proverbe) et a le renom d'estre bon peut faire assez de mal sans en estre mescreu. Elles seroient bien sottes si elles ne se donnoient du bon temps tandis que l'aage leur permet, qu'elles sont priées, bienvoulues et recherchées , sans attendre que la viellesse les rende laydes, malgracieuses et desprisées d'un chacun. Ce qui est propre à la jeunesse se doit exercer en la jeunesse, au moins une fois en la vie.

LuQUAiN. Au dire de cestui-cy, l'amour C5t comme la verolle : il faut l'avoir en ce monde ou en l'autre.

Nicolas. Qui s'offre est mesprisé ; qui est prié a l'advantage. J'aymerois mieux qu'on me priast cent mille millions de fois qu'estre contraint tant soit peu prier autrui. Hippolite est riche, vertueux, jeune, gaillard, d'amoureuse taille, d'honneste maintien, et la mesme bonté.

LuQUAlN. Eu voylà trop à la fois.

Nicolas. Quant à moy, si j'estois femme, j'aymerois mieux avoir affaire aux escoliers qu'aux plus braves et magnifiques courtisans de France. EscoUicrs, eh! c'est la perle du monde. Quelles paroles douces ! quelles bonnes grâces ! quelles gayes façons !

Llçjiain. De toute taille bons lévriers, et de tout mcslier bons ouvriers.

Nicolas. Si ceste femme est de chair, elle se pourra ayseraent plyer. Mais, quand j'y pense, j'ay ici beaucoup musé ; il faut aller aprcster à

Les Escolliers, Comédie, m

disner à mes escolliers, et veoir si je pourray faire mon accord avec Hippolite. Et quand il n'y auroit autre moyen, j'ayme mieux perdre le médecin que luy, jaçoit que j'aye bonne espérance m'entreteuir en la bonne grâce de tous deux, et, d'avantage, m'acquerir celle de madame Lucresse: car je m'asseure que, si une fois ils peuvent accorder leurs flustes ensemble , elle me bénira à jamais.

Hippolite. L'affaire est pour se porter bien, et me suffist qu'il en est content.

Llquai>j. Il m'est advis qu'il a la volonté bonne.

Hippolite. Vrayement, quiconquea dict qu'il n'y a vie plus misérable que celle des amans a dict la pure vérité

LuQUAiN. Elle est cncores beaucoup pire à qui est subject à autruy .

Hippolite. La maladie, la pauvreté, les travaux de la guerre, la fortune de la mer , bref, tout ce que l'homme trouve contraire au bien, heur et repos de ceste vie , sont , à mon opinion, plus supportables que les tourmens amoureux.

LuQUAiM. C'est tousjours l'ordinaire de l'homme avoir plus d'égard à ce qui luy est particulier qu'à ce qui regarde l'universel.

Hippolite. Ah! fortune, tu te devois contenter dem'avoir, par expérience, faict cognoistre qu'en tes mains gist la félicité et misère des mortels, que tu distribues à ton plaisir ! Tu devois désormais conduire ce Aaisseau, tant tourmenté des vagues de la tempeste d'amour, au port désiré, pour, après tant de peines, joyr d'untranquile repos.

LuQUAlN. Monsieur, il est tard, et crois qu'il seroit tantost temps qu'allissions disner, afin que, s'il advenoit quelque fortune , qu'elle ne nous print les boyaux, vuydes.

HiPPOLiTE. Allons!

LuQUAiN. Tassez devant, l'honneur vous appartient. Ce pauvre jeune homme icy s'esgare tant en ses pensées, qu'il ne se souAaent de boire ny de manger. Dieu m'a faict une belle grâce que je ne suis de son humeur, car nous mourrions tous deux de faim. S'il faict cccypour flatter ses ayses, je n'en sçay rien; mais je suis asseuré qu'autrefois j'ay joué à la fossette ; neantmoins, je n'en ay jamais perdu l'appétit.