SCÈNE II

Nicolas , Luquain.

Nicolas.

ela dépend de toy, Luquain : tu me peux , si tu veux , mettre en grâce de ton maistre et le mien.

Luquain. Cela deppend de vous, maistre Nicolas : vous le pouvez, si vous voulez, mettre en la bonne grâce de ma dame Lacresse.

Nicolas. Vous vous trompez tous deux, pensans que je puisse disposer d'elle à ma volonté et que j'aye puissance l'insinuer en ses grâces. Toutesfois , si tu me veux promettre me r appointer avecques luy , je feray en sorte qu'il congnoistra que je luy suis serviteur.

LuQuÀiN. Laissez-moy faire quant à cela ; aussi je m'asseure que , quand voudrez représenter devant vos yeux le dommage qui vous peut advenir ne tentant l'affaire , et le proffict et commodité que recevrez vous employant pour luy en ce qui vous sera possible , que vous cognoistrez à la fin que ne perdrez point vostre temps luy faysant plaisir.

Nicolas. Je crain, si je me descouvre à elle, qu'elle ne me veulle escouter , et que du beau commencement elle ne se mette à crier, tempester, et faire en sorte que je sois envoyé aux gal- 1ères ; que sçay-je?

LuQUAiiN. N'ayez peur de cela, ains pensez que tout se portera bien, et, quand ilenadviendroit au-

120 Larivey.

trement , vous n'avez qu'à vous retii'er chez le père du sieur Hippolite, où n'aurez faute de lien, d'autaut , comme vous sçavez , qu'il est très riche et que mon maistre luy est fils unique , lequel il aime tant qu'il ne désire sinon luy complaire en toutes choses, et, comme je vous ay dit mille fois , c'est son œil droit. Mais j'espèi'e en Dieu que nous n'en viendrons pas là, ains que tout nous succédera à souhaict, pourveu que vous vous gouverniez sagement.

jNicolas. Tiens l'en pour tout asseuré , car j'y penseray devant qu'il soit nuict. Ce pendant, fay que tu sois homme de promesse , et tu verras que je feray mon devoir,

LuQUAlN. Il n'y a qu'à faire cela ou le payer. Choisissez, et ne prenez le pire. C'est à ce coup que serez riche à jamais, si vous jouez bien vostre personnage.

Nicolas. Mot ! voyci le laquais du médecin. 11 me semble tout despit, escoutons ce qu'il veut dire.

Fremi