SCÈNE IL Luqvain^ Sylvestre, vieillard; Gillette, Anastasc

LuQUAIN,

on maisti'e, m'ayant faictdire que je ne bouge d'icy, sera obey, encores que je n'en dusse aucunement tenir conte, ny m'en soucier, non plus que beaucoup d'autres serviteurs font aujourd'liuy de leurs maistres, puisqu'il s'est plus fié en iNicolas qu'en moy, qui ay esté nourry avecques luy et layme plus qu'autre qui vive. D'autre part, je ne puis croire (quand j'y pense) qu'il ayt faict cela sinon pource qu'il ne pouvoit faire autrement. Il n'y a pas long temps qu'Eugène est de retour. Je suis bien ayse qu'il s'est enfermé en son estude. Quant à Lactance, je ne sçay où il est, mais il n'a pas accoustumé de revenir que la nuict ne le cbasse. Je me doute qu'il y a quelque ordure en sa flûte. Mais voilà un vieillard merveilleusement joyenx. Il va droict à la porte du sire Anastase. Je veux veoir qu'il veut dire par ce haussement de mains et autres singeries qu'il faict.

SiLVESTRE. 0! combien grande est la bonté et miséricorde de Dieu, qui n'abandonne jamais ceux qui espèrent en luy ! et si quelque fois il envoyé des adversitez, il le faict pour nous admon-

i48 Larivey.

nester, nous resveiller, et nous ramentevoir que nostre demeure n'est icy éternelle. A raison de quoy, nous ne devons non plus mettre nosti'e affection es choses terriennes qu'un pèlerin aux lieux par où il passe , jaçoit qu'il les voye beaux, plaisans et délectables. A ceste cause, nous devons avoir nostre fiance en luy seul, et non en autre. Qui eust jamais pensé qu'au temps que j'y avois moins d'espérance, je deusse retrouver...

LuQUAiN. Je gaige que ce viellard aura trouvé un trésor, ou quelque bourse. S'il estoit plus tard!

SiLVESTRE. Et je le puis ainsi dire, parce que je le tenois plustost pour perdu qu'adiré. 0 ! mon cher et très doux ! hu, huu 1

LuQUAiN. Encor ne le puis-je entendre, car il m'est advis que qui trouve quelque chose qui luy plaist en rit ordinairement, et cestuy-cy en pleure.

SiLVESTRE. Il me tarde que je conte à Anastase ces bonnes nouvelles, qui ne luy touchent moins qu'à moy. Et ce qui me console d'avantage, c'est que la fortune m'a esté tant amye que Susanne n'est encore mariée à autre, et que ce qui dès long temps est commancé s'achèvera, avec l'ayde de Dieu.

LuQUAlN. Que veut dire cestuy-cy de Susaniie ?

SiLVESTRE. Or, voicy la maison d'Anastase ; j'y vas hurter. Tic, tac.

Gillette. Qui est là!

SiLVESTRE. C'est moy. Dictes au seigneur

Anastase

LuQUAiN. Il dict vray, c'est luy.

Les Escolliers, Comédie. 1^9

SiLVESTRE. Qu'un sien amy désire luy dire quelque chose où il prendra plaisir.

Gillette. Il est empesché, vous ne sçauriez pour ceste heure parler à luy.

SiLVESTRE. Dictes-luy, je vous prie, quil vienne jusqaes icy ; il n'en sera marry.

Gillette. .\yez donc patience, je le vas appeller. Que diable demande ce griffon !

SiLVESTRE. J'atteudray icy.

LuQUAlN. Je veux sçavoir qu'il y a de nouveau : il me semble que c'est Silvestre.

Anastase. Qui me demande?

SiLVESTRE. Vostre amy Silvestre.

A>'ASTASE. Vous soyez le bien venu. Voy, que vous estes resjouy 1 Et bien, que dictes-vous?

LuQUAIN. J'en entendray quelque chose, si je puis.

SiLVESTRE. Je vous veux faire part de mon allégresse et bonheur.

Anastase. Quelle allégresse ? quel bonheur ? Vous ne dites mot.

LuQUAliX. Je pense qu'il crèvera en ses panneaux.

SiLVESTEE. Je ne puis quasi ravoir mon halaine. Mon —

Anastase. Vostre quoy?

SiLVESTRE. Mon fils, vosti'e gendre, que nous avon^ si long temps pleuré pour mort, vient d'arriver.

Anastase. Comment, arriver?

SiLVESTRE. Oy, vient d'arriver , et a la meilleure volonté du monde que ce que nous avons traicté ensemble en son absence sortisse l'effect que desirions lors.

i5o Larivey.

LuQUAlJV. 0 Lactance, où es-tu, qui pensois ceste-là devoir estre tienne !

Gillette. Il a plus grande part en elle qu'homme qui vive.

SiLVESTRE. Que songez-vous ?

Anastase. Je suis fort ayse que vostre fils soit de retour , tant pour l'amour de vous que pource que je l'ayme comme mon propre enfant; mais quant au mariage, je ny voy point de moyen.

SiLVESTRE. Jésus ! Et pourquoy?

Anastase. Pource qu'il y a si longtemps qu'on disoit qu'il estoit mort que c'est merveilles , et vous-mcsmes m'en avez acertené plus de cent fois ; à raison de quoy, me semblant estre temps de marier ma fille, je l'ay aujourd'liuy promise à Contran pour son fils.

SiLVESTRE. Aujourd'huy seulement? En avezvous passé le contract?

ÂiNASTASE. Non; mais je luy ay promise de jiarolles.

SiLVESTRE. C'est tout un : s'il n'y a que cela, ce n'est pas grand cas.

Anastase. Ma parollc m'oblige autant que tous les contracts du monde.

SiLVESTRE. Il est vray; mais, en ce cas, où vous estes premieiement oblige par escrit, vos parolles ne vous en peuvent dispenser, si vous aymez vostre honneur et avez soin de vostre réputation. Contez à Contran comme le tout en va, et je m'asscure que le trouverez tant raisonnable, qu'il ne voudra que ce que je veux.

Anastase. Je croy qu'estes tout asseuré ipic j'y feray ce qu'il me sera possible ; toulcsfois , je

Les Escolliers, Comédie. i5i

pense que vous y estes venu à tard. Mais, dictesmoy, comme vostre fils est-il reschappé?

SiLVESTRE. Je le vous diray tout à loisir; faictes seulement que nous puissions parler à Contran : c'est un homme de bien , qui est fort raisonnable. Je vous prie prendre ceste peine pour l'amour de moy, qui ne seray moins joyeux de ceste aliance que d'avoir retrouvé mon fils.

LuQUAiN. Je me contente d'en avoir sceu jusques icy. Je vas veoir si Lactance est de retour, pour l'advertir de toute ceste menée.

A^ASTASE. Que je suis marry que je n'ay attendu encor aujourd'huy ! Mais voyez nu peu quel mal'heur !

SiLVESTRE. Il est encor assez à temps. Bon soir et bonne nuict. Je me vas retirer, car il est tard.

Anastase. Attendez , je vous feray accompagner .

SiLVESTRE. Il n'en est besoin, grand mercy. Adieu.

Anastase. Adieu, jusques au revoir. Cillette! hé! Cillette! vien çà.