SCÈNE III
Anastase^ Gillette.
Anastase.
E ne sçay si je songe ou si je veille,
mais je sçay bien que je n'oy jamais
parler de cas plus estrange que cestuy-
*cy, qu'une fille eust deux mariz tout a
la fois! Gillette, viendras-tu?
i52 Larivey.
Gillette. Vous estes bien abusé : elle eu a bien trois. Bon prou luy face.
Anastase. Qui eust jamais pensé qu'aujourd'huy pioprement cestuy-cy deust retourner, ou, pour mieux dire, deust resusciter? 11 ne pouvoit, depuis le jour de sa prinse, arriver en saison plus fascheuse pour moy que maintenant, par ce que, s'il fust venu plustosl, ma fille estoit sienne, car il n'y avoit encor rien d'arrcsté avec Contran. Si aussi il ne fust arrivé que d'icy à cinq ou six jours, il n'y eust plus eu d'espérance, d'aultant qu'il l'eust trouvée mariée. Gillette! te dcspcscheras-tu , dy, maraulde?
Gillette. Me voicy ! me voyez-vous pas?
Anastase. Hoo! tu nedisoismot.
Gillette. Je vous voulois laisser dire , puis qu'avez commencé le premier.
Anastase. Tant y a qu'il failloit que cela advint.
Gillette. Vous ne sçavez pas tout.
Anastase. Que dis-tu, bavarde? Tu ferois mieux de te taire.
Gillette. Je dy qu'il eust esté meilleur...
Anastase. Quoy, meilleur?
Gillette. Que cestuy-cy fust retourné plustost ou plus tard.
Anastase. Qui, cestuy-cy?
Gillette. Faictes vostre conte que je ne suis pas sourde; je vous ay bien oy.
Anastase. Regardez! comme elle estoit coye sur le pas de l'huis, pour escouter.
Gillette. Or sus, que voulez-vous?
Anastase. Que tu ailes quérir mon manteau ; despesche.
Les Escolliers, Comédie. i53
Gillette. J y vas.
Anastase. 11 ue seroil mauvais que, touchant cet affaire, j'allasse prendre advis de quelque advocat homme de bien. A qui m'adicsseray-je ? C'est tout un Que j'aille où je voudray, il n'en y a pas un de qui l'oracle veuUe respondre à mon intention que je ne face luyre le soleil en la main Je m'en vas à M. Serrant, encor qu'il soit de mesme farine que les autres, affin de ne m'esloigner trop de ma maison.
Gillette. Tenez, voilà vostre manteau.
Anastase. Je suis many que tu n'as apporté ma robbe fourrée.
Gillette. Vous ne me l'avez pas dict.
Anastase. Il est vray. Or sus, retourne en la maison , et regaide que le soupper soit prest à mon retour. Il me tarde que je m'alle reposer.
Gillette. Il tarde encor plus mille fois à Susaune et à Lactance de se reposer entre deux di'aps , parce qu'icelle ayant toute la journée , et avec bien grande peine, gousté de la doulceur de ce monde, elle ue pense jamais voir l'heure que...
Anastase. Voyez ! il me sembloit bien que j'avois oubl'éje ue sçay quoy Gillette!
Gillette. Que vous plaist-il?
Anastase. Gardes-toy bien de babiller au logis ce que tu m'as oy dire à Silvestre , enten-tu ?
Gillette. Bien, Sire, bien.
Anastase. Si les femmes sont naturellement causeuses, ceste-cy l'est par dessus les autres.
Gillette. Par mon euda, je voudrois qu'il fust desjà de retour, et bien couché et endormy, affin que Susaune peust retirer le seigneur Lactance du coffre où elle l'a caché , pour faire avec
Larivey.
luy la culbute sur les poix verdz. Je n'oy jamais dire qu'une fille se levant au matin sans raary en eust trois devant que la nuict fust venue. Il est vray qu'il y en a assez qui en ont plus de demye douzaine ; mais c'est d'une aultre façon que ma maistressc, laquelle, pour chose que luy ayt dict sa mère quand elle l'a advertie de la venue de cet amoureux à qui son père la veult aujourd'huy marier, ne s'en est emeue en façon quelconque ; ains muette , sachant à quoy elle se doibt tenir, se monstre plus joyeuse et délibérée. Quant à moy, n'y voyant autre remède, je délibère demain au matin l'advertir de toutes ces brouilleries ; et, si je ne me trompe, je n'ay pas peur que tout ne se porte bien, parce quejesçay que Lactance ne manquera jamais de sa promesse. Mon Dieu ! j'enten ma dame qui m'appelle. Que je suis mal'heureuse ! Si elle sçavoit que je fusse maintenant icy, ce seroit pitié ; elle enfageroit. Dieu soit loué que j'ay desjà mes excuses toutes prestes ! Qu'elle me dise ce qu'elle voudra, je ne la crain plus.
