SCÈNE IX

Anastase ^ Gobert^ Luquain^ Lactance, M, Théodore^ Hippolite^ Hubert,

Anastase.

'en seray content, s'il vous plaist , que \ ce soit en la présence de quelque hom- 'me de bien.

GOBERT. Qui pensez- vous trouver à ceste heure?

Anastase. Peult estre que le médecin n'est eucores couclié.

LuQUAlN. C'est bien advisé. Il ne faict que d'arriver.

Lactance. Luquain! frappe à sa porte et l'appelle.

LuQUAiN. Tic! toc!

M. Théodore. Qui est là?

Luquain. Il est en colère. Nous vous voulons dire un mot, s'il vous plaist.

M. Théodore. Que me voulez-vous ?

Anastase. Qu'il vous plaise estre présent pour tesmoigncr à l'advenir comme le seigneur Lactance , que voicy, promect prendre en mariage Susanne, ma fille.

GOBERT. A quoy pensez-vous?

M. Théodore. Il faut sçavoir d'elle si elle en est contente.

Anastase. Trescontente. Ils se sont desjà accordez entre eux , coiruae une auti'e fois vous entendrez tout à loisir.

Les Escolliers, Comédie. i8i

M. Théodore. Est-il ainsi, sieur Lactance?

Lactance. Oy, Monsieur.

M. Théodore. C'est assez. Ne me voulez-vous autre chose ?

Anastase. Non, pour ceste heure. Grand mercy, Monsieur !

M. Théodore. Il n'y a de quoy. Bon soir. Helas ! que feras-tu , pauvre maistre Théodore !

GoBERT. Cet homme semble fort travaillé ; il n'a pas peut estre trouvé bon qu'on l'ait appelle.

Hubert. A son commandement. Comme pensez-vous faire avec Silvesti'e , si son fils est de retour ?

Gobert. Le sire Anastase luy baillera son autre fille, qui est en religion. Le jeune homme n'en a veu ny l'une ny l'autre. Je m'asseure qu'il s'en contentera, et son père aussi.

Hubert. C'est bien dict, et me semble que cet advis n'est que bon.

Anastase. Je le croy ainsi et en suis très-content.

Lactance. Et quant au fils de Contran , il n'y a point de difficulté , pour ce qu'il n'y a eu qu'un pourpai'ler entre vous et luy.

Anastase. Or, Dieu mercy! tout va bien, vous promettant, seigneur Lactance, que tout ce tumulte ne fust advenu si j'eusse sceu vostre volonté ; mais je craignois qu'après qu'auriez prins vostre plaisir d'elle vous la laissassiez là, à mon grand deshonneur et scandale. Mais ce n'est icy qu'il enfant parler. Entrons au logis.

LuQUAlN. C'est bien dict. Marchez devant, je vous vay suivre.

i82 Larivey.