SCÈNE X

Lactance, Hippolite, Gillette.

Lactance.

aintenant. que nous sommes seuls , coni tcz-moy, je vous prie , comme voz af- ^ faires se sont passées ; car, pour entièrerement me contenter, il ne l'este sinon que je sache si vous estes content.

HipPOLiTE. Comme j'ay commancé à vous dire , j'entray desguisé en tonnelier en la maison de ma dame Lucresse , par le moyen de Nicolas, nostre lioste , lequel avoit charge du médecin de luy agencer quelques tonneaux de vin. Ce faict, et quelque temps après, iceluy, ayant donné à entendre à ceux du logis qu'il m'avoit renvoyé (parcequ'on n'avoit que faire de tonnelier) , s'en alla, me laissant caché en une petite chambre borgne, où j'ai demeuré jusques à ce qu'ayant sceu que le mari ne venoit souper au logis, ny peutestre coucher, je sorty, et cntray en la chambre de la dame , laquelle , jettant sa veuè" sur moy, qu'elle recogneut, ne m'eut pas plutost aperceu qu'elle se print à crier. Adonc, m'aprochant d'elle, l'ambrassay ; et, mettant ma main contre sa bouche (affni qu'elle nefust entendue), la flattay le mieux qu'il me fut possible. Touttesfois , voyant que les prières ne servoicut de rien, je fus contrainct lui dire que, si d'amitié elle ne me vouloit cscouter, que je publierois partout qu'elle m'avoit baillé l'assignation de l'aller trouver en cet

Les Escolliers, Comédie. i83

accoustrement , et que pour ce que je ne lui dounois ce qu'elle me demandoit elle faisoit ce bruit. Mais tout cela ne servit encores de rien. Enfin, m'estant assis , je la prins entre mes bi'as , et, essuyant par mille amoureux baisers les larmes qui tomboieut le long de ses belles joues , je commançay à lui remonstrer combien grande estoit Famitié que je luy portois , et comme à son grant honneur elle pouvoit soulager mes passions , et tant de longs travaux que je soufFrois à son occasion. Elle, ayant ententivement preste l'oreille à mes propos, demeura assez long-temps sans respondi'e. Finablemant, tirant un profond soupir du plus creux de son blanc estomac, me dit : Hippolite , voz prières ont eu plus de puissance sur moy que monobstinée opiniâtreté. Voilà pourquoy je suis contante et veux estrc entièrement vostre , m'asseurant, si vous estes tel que je vous estime , qu'en recompense de la faveur que je vous fais , vousueblasmerez ma trop grande privante. Après, faignantestre touttc marrie, se coucha, et moy auprès d'elle, où j'ay demeuré jusques à ce qu'avons entendu mettre la clef en la serrure. Adonc, par l'advis d'elle , m'cstant armé d'une brigantine, et faignant estre un larron , j'ay sorty comme le médecin vouloit entrer avec son serviteur, après, toutefois , avoir prins assignation quand je la doy aller retrouver.

Lactance. Puis que cela seul empeschoit l'entier de mon contentement est advenu, je te pardonne, ô fortune! toutes les injures que j'ai receues de toy. Or vous avez entendu comme mes affaires se sont passées ; et , s'il reste quelque chose à vous dire , vous le sçaurez tout à loisir. Mais

i84 Larivey.

pensez-vous que le médecin croye que celuy qui est soity de son logis soit un larron?

HiPPOLiTE. Je pense qu'il croit plutost tout le contraire, et que neantmoins, comme pratique et sçavant , il est pour n'en dire mot et monstrer tout le rebours de ce qu'il pense , attendant l'occasion de s'en esclaircir ; mais il se trompe , car aucun de son logis ne s'en est aperceu , et je sçay que vous ny Nicolas n'en parlerez jamais.

Lactance. Si la dame, comme sage et accorte, élisant le moindre mal , pensa conserver mieus son honneur et bonne renommée en faisant vostre volonté qu'à s'obstiner , ainsi qu'eussent faict beaucoup de nyaises , croyez qu'elle vous apprendra désormais à manier plus dextrement l'amour que n'avez faict jusques icy.

HippOLiTE, Je n'en doubte , et suis plus que résolu , ne deussé-je avoir autre contentement que de la veoir, de l'aymer toute ma vie , pour le respect de sa beauté , prudence et grande doulceur ; mais nous en parlerons une autre fois plus à loisir. A Dieu , il faut que je m'en aile.

Lactance. Et moy aussi. A Dieu, jusques à demain .

Gillette. Bonsoir, seigneur Lactance. Vous sçavez bien ce que j'ai faict pour vous?

Lactance. Hé ! te voilà, Gillette ! Asseure-toy que je t'en sçauray bien recompenser, aydant Dieu.

Gillette. Je l'espère ainsi. Allez ! allez ! vous vous faites trop attendre. Messieurs , il me semble vous oyr dire entre voz dentz que Gillette est plus vaillante que Roland le furieux, puis qu'elle a sceu faire ce marché et se gaigner un maistre et son pain pour tousjours. Elle l'est encores plus

Les Escolliers, Comédie, i85

qu'on ne sçauroit dire ; et, en ceste opinion, mes dames , elle vous ose asseurer que, si laissez perdre le beau de vos ans , que vous vous en repentirez , quand ne trouverez plus aucun chien qui vous abbaye. Voilà pourquoy elle vous prie prendre l'occasion tandis qu'elle se présente. Et vous, Messieurs , si la comédie vous a pieu , monstrezle-nous par quelque signe d'allégresse. Mais pourquoy dis-jecela? car je sçay qu'elle vous adonne plaisir, ne fust-ce qu'en ce qu'elle a esté cause qu'avez eu assez de loisir de contempler les divines beautez des dames de Paris.