SCÈNE II

Constance^ Fidence, Elisabeth^ Biaise et Spinette.

Constance.

'est un grand cas que cest homme ne iveut oublier ces siennes folies, ny dame Elisabeth de s'amuser à babiller avec un chacun. Bref, qui est d'une telle nature ne peut faire autrement, tesmoing le bruit qu'on a faict ce matin.

Fidence. Salve, Domina mea; soitbien venue Yostre seigneurie.

Constance. Je ne sçay quel diantre d'homme vous estes ! Estant si docte et sage comme le pensez estre, pourquoy entrez-vous en dispute avec cest animal ? Mais, pour le vous dire comme je l'entend, le monde se trompe d'appeler ou docte, ou sçavant, ou prudent, tout homme qui sçait seulement dire quatre mots de latin, et que tous les autres sont ignorans, comme si aucun ne pouvoit estre habile homme ne se rendi'e vertueux sinon par le moyen d'une ou de deux langues estran gères.

Fidence. Tôt us korreo t remoque.

Constance. Peut estre qu'en latin vous estes un grand docteur, mais en françois vous n'y entendez rien.

Blaise. Vous estes un grand bœuf, vcrbi gratia, et ignorant en quatrogue.

Fidence. Audaces fortuna juvat. Je veux

La Constance, Comédie. 207

respond^'e pour ne sembler estre uu ignorant. Je rends grâces à Dieu, ma très honorable dame, que, si je n'ay apprins autre cbose de ceste tant négligée science, pour estre, comme dit le Doctrinal, paratum adutramque fortunam.

Constance. Bon jour et bon an.

Blaise. Et quoy ! n'eussiez-vous peu apprendre le mesme au traicté de consolation ?

Fidënce. Je ne te veux pas respondre.

Constance. Biaise, va t'en à tes affaires, et vous, maistre, ferez bien d'aller escrire : Léonard retournera tantost, et n'aurez pas escrit la moitié de ce livre qu'il vous a laissé pour le coppier. C'est assez dit, contentez-vous. Dame Elisabeth, puisque nous sommes despestrés de ceux icy, allons vistement ouyr la messe. Il me desplaist, voyant le temps si beau, que je n'ay faict de grand matin ce que j'avois envie de faire, et ay tant attendu que le soleil est déjà si haut.

Elisabeth. Nous cheminons trop laschement, estant si tard, comme vous dictes. Mais c'est tout un, je vas prendre ma cappe et reviendi-ay incontinent.

Constance. Outre plusieurs autres bien-faits que je recognoy avoir reçu de la bonté de Dieu, je luy suis grandement tenue de ce qu'il m'a faict venir entre les mains^ ceste bonne dame, l'hounesteté et la douce compagnie de laquelle m'a depuis plusieurs années tousjours esté consolation. Mais la voicy qui revient. Cheminons un peu, dame Elisabeth, afin que quand madame Spinette arrivera nous soyons de retour.

Elisabeth. Nous n'avons que faire de nous haster, car la voilà.

2o8 Larivey.

CONSTAiNCE. Je voy Lien, madame Spiuelte, qu'estes soigneuse et fort diligente. Vous soyez la tresbien A'enue.

Spinette. Et vous la Lien trouvée. Comme vous portez-vous, madame Constance '^

Constance. Bien, Dieu mercy , et me semble, à vous voir, qu'il est ainsy de vous.

Spikette. Il eu est ainsi, grâces à Dieu.

Constance. Je suis marrie qu'estes venue à pied.

Spineïte. 11 n'y a pas si loiug, ce ne m'a esté qu'une promenade ; et puis je m'en porteray mieux.

Constance. Dame Elisabetli, vous pouvez vous en retourner en la maison , sans vous ennuyer icy. Et vous autres, retournez au logis. J'ose m'assurer, madame Spiuelte, que ne vous esmerveillerez pas peu de ce que je vous ay envoyé prier de venir demeurer icy avec moy quatre ou cinq jours, et le serez encores davantage quand vous entendrez roccasion pourquoy je l'ay faict. Mais, d'autre costé, j'espère qu'ayant enfin considéré la foy et amitié que j'ay envers vous, oublierez tout cela. Or, avant qu'entrions plus outre en discours , puis que je ne m'en suis pas souvenue plus test, je veux que mes servantes et les vostres aillent quérir vostre fille, affin que durant ce peu de jours elle soit aussi avec nous.

Spinette. Je luy avois commandé aller au monastèie se tenir avec ma sœur jusques à mon retour. Toutesfois , puis ([u'il vous plaid qu'elle vienne icy, nous la pourrons envoyer (jucrir après disné.

Constance. C'est bieudict, il sera faict ainsi.

La Coînstance, Comédie. 209

Spinette. Madame Constance, je vous remercie de la fiance qu'avez en moy, et suis en opinion que ce ne sera en vain , si en quelques endroits je vous puis servir; aussi nostre longue amitié, ayant quasi esté nourries ensemble, le requiert. Occasion pourquoy, sans user d'autre cérémonie, je vous prie croire qu'en amitié je vous suis et veux estre comme vostre bien affectionnée sœur.

Constance. Je croy qu'avez souvenance que nos pères estans jadis si proches voisins l'un de l'autre qu'il n'y avoit que la muraille entre deux, et que lors entre nous, petits enfans, estoit une si grande privante , que, quand nous aurions esté engendrés d'unmesme père, elle ne pourrait estre plus grande, et que j'estois tousjours en vostre maison, ou vous et vostre frère estiez en la mienne , jaçoit que les moyens de mon père fussent très grands et les vostres médiocres.

Spinette. Je m'en souvien bien , et ores réduisant cela en ma mémoire, est cause que les larmes m'en viennent aux yeux , pensant combien durant ce temps-là j'ay vescu avec peu de liesse et moindre consolation, et ce, pour plusieurs occasions.

Constance. Doncques, hantans ensemble, comme est la coustume des voisins , estans devenues un peu plus grandettes et fermes d'âge, fut si grande l'amitié que portions l'une à l'autre, et encore vostre frère Anthoine et moy, que par avanture ou n'entendit jamais parler de telles et semblables amours que les nostres. Seulement alors estions contans de nous veoir, de parler et de nous recréer ensemble. Quand après, selon le

2 10 La RIVE Y.

temps, quelque occasion nous separoit, nous nourrissions nos cœurs et nos esprits de très douces pensées.

Spixette. 0 combien grandes sont les forces d'amour !

Co>STA>CE. Finablement, croissant ensemble les ans avec Tamour, vint jusques à là que, ne nous contentaus d'estre bonnestement ensemble, quelques fois le jour, mais par occultes voyes, environ l'espace de trois ans continuels, une mesme chambre nous a recuz tous deux quasi toutes les nuicts, au moins deux ou trois beures. Et qui le croirait jamais, si par hazard quelqu'un n'a receu de Dieu une pareille grâce, qu'une fille de quinze ans et un jeune homme de dix-huit ou vingt , ayant esté si longtemjis, quasi vescu ensemble et demeuré en une mesme chambre, ains sur un mesmelict,toutvestuz,etque cependant toute deshonneste pensée a tousjours esté esloignée d'eux ? Personne, comme je crov.

SpiNETTE. Sinon celuy qui, par un singulier don de Dieu, comme vous avez dit, s'est trouvé en un pareil faict. Vous me contez, madame Constance, un amour vrayment sainct et une chose malaisée à croire à plusieurs.

Constance. Dieu, qui sçnit tout, dame Spinette, sçait encore si en cecv je dis autre chose que la vérité. Mais il ne peut quasi estre que ne vous souveniez de quelque chose.

Spinette. .Je me souviens seulement de je ne sçay quov, pour ce que, comme vous sçavez, nous estans encore fort jeunes , mou père estant mort, je fus par mou frère, qui catoit un peu plus âgé queuioy, et par mon oncle, mariée à Fabian,

La Constance, Comédie. 211

qui deceda, il n'y a pas encore deux ans passez, me laissant chargée d'enfans et de peines.

Constance. Ainsi vont les affaires de ce monde.

Spinette. a la vérité, j'enten aujourd'liuy (retournant à nostre propos) un des plus grands cas dont jamais j'ay ouy parler; mais quand je considère quelle a'Ous avez tousjours esté , et combien modeste et bien apprins a esté mon pauvre frère , je m'accorde aysement à croire que (comme vous dictes) voslre amour a esté très chaste et bon. Mais poursuivez vostre discours.

Constance. Les affaires estant en ces termes, mon père délibéra me marier ; ce qu'estant venu à mes oreilles , je pai'lav un soir à Authoine en ceste manière : Anthoine, puis que depuis quelque temps ton père est mort, tu es maistre de toi-mcsme ; je cognoistray maintenant si cesî amour que tu as tousjours monstre me porter est tel que je l'ay creu ou autre. Toy-mesme tu m'as dit, et j'en suis très certaine, que le bruit court presque partout que mon père m'a donnée pour femme à Léonard, son compagnon d'eslat: de quoy on peut conjecturer qu'au moins ils en ont tenu quelques propos. C'est pourquoy, avant que l'affaire passe plus outre, je seroy bien aise que toy-mcsmes allast à mon père me demander en mariage. S'il advient qu'il en soit content, nostre long et houueste désir prendra fin ; si autrement, je penseray à ce qu'aurons affaire. A cela me respondit Anthoine : Combien que ce soit une folie entreprendre cela, qui ne peut réussir en façon quelconque, puisque la fortune (le propre de laquelle est tousjours s'opposer aux honnestes désirs des hommes) le veut

ainsi , ce neantmoins je feray de très bonne volonté ce qu'il vous plaist me commander ; mais pour ce que vostre père, comme vieillard et très riche, fera ce que la plus part des autres hommes ont accoustumé faire , je ne doute point qu'à moy, jeune homme peu riche, et pauvre, en son esgard, au respect de luy, il n'en face refus , et d'avantage m'estimera sot et de peu de jugement. Mais à quoy m'amusc-je ainsi à raconter ])ar le menu toutes ces choses? 11 parle à mon père, duquel il eut la responce qu'il s'estoil imaginée ; parquoy, estant soudain retourné à moy, prenant à tesmoin celuy qui gouverne toutes choses, il me fiança de mon bon gré , et me promist ne vouloir jamais autre femme que Constance, et moy, au semblable, que je ne voulois autre mary qu'Anthoine.

Si'iNETTE. Helas ! que me dites-vous, madame Constance? Avez-vous deux marys ?

Constance. Escoutez, de grâce. Le jour suivant,l'affaire se conclud entre mon père et Léonard, et en fut dressé le contract. Et mon père, estant retourné au logis, me dict : Constance, je t'ay mariée. Faictes en sorte, toy et ta mère, que tout soit bien net en la maison, et puis mets-toy en ordre et te pare, pour ce qu'à ce soir nostre Léonard le viendra veoir et toucher en main. Quoy entendu par moy, sans penser à ce que je devois dire ny jeter une seule larme, luy rcspondy : Vous avez mal faict de me marier sans premièrement entendre quelle estoit ma volonté ; mais vous en aurez le plaisir et l'honneur que vous méritez.

Spinette. Quelles choses font quelques fois ces hommes ! Votre mère, que disoit-elle? Constance. Ma mère estant malade au lict,

La Constance, Comédie. 2i3

comme vous sçavez, d'une maladie qu'elle a porté plusieurs années, voire jusques à la mort, eu estoit bien faschée, luy semblant que mon père avoit tenu peu de comte d'elle à la conclusion de ceste affaire sans l'en advertir avant la dernière resolution, combien que quelques jours auparavant il luy en eust tenu quelque propos. A. la responce donc que je fis à mon père, il commença à crier, et moy à luy respondre , neantmoins avec toute révérence et doucement, que je m'estois donnée à Dieu, et voulois estre religieuse. ^lais tout cela ne servit de rien, pour ce que , s'estant mis eu la tesle que l'affaire iroit selon sa volonté , sortant dehors me dit : Constance , tay-toy et ne m'en parles plus ; il convient à une lionneste fille de se contanîer de la volonté de son père , mesmeraent en ces choses qui sont de si grande importance. Moy, ayant ouy ces propos, me mis à penser ce que je devoy l'aire, et me résolus finablement à chose fort périlleuse.

Spinette. Et quelle resolution prinstes-vous, par vostre foy ?

Constance. Je me résolus... Mais qui est cestui-cy qui vient droict à nous avec un laquais derrière luy ?

Spinette. Il me semble, et il est vray, que c'est le grand amy de mon frère Anthoine.

Constance. Dieu nous soit en ayde ! Que pourroit-ce bien estre?

2i4 Larivey.