SCÈNE I

Biaise^ serviteur ; Fidence, pédant, et Madame Elisabeth.

Blaise.

oicy un grand cas ; ceci me semble la plus estrange chose du monde. Depuis cinq ans que je demeure en ceste maison, j'ay tousjours pensé que c'estoit un sainct monastère, joint que 1 on ne se resjouissoit en icelle non plus en charnage qu'en caresme, et maintenant en moins de rien tout va c'en dessus dessoubs. Si mon maistre et ma maistresse avoient des enfans, je pourrois croire qu'on feroit quelque mariage, et par conséquent des nopces ; mais, n'en ayant jamais eu, je ne sçay que dire. Je m'estois soudain, comme est ma coustume, en-

196 Larivey.

dormy sur le point du jour, et commeuçois à songer les plus doulces choses du monde, quand ma seconde maistresse m'a fait lever en liaste pour m'envoyer je ne sçay oii. Ha a! ha a! je u'ay encores les yeux bien ouverts ny estendii ma lasche peau, c'est pourquoy je ne suis encore bien esveillé. Mais je n'avois pas prins garde que monsieur le Pédant est sur le pas de Thuys, et, frottant ses yeux , escoute ce que je dis. 0 lict sainct ! combien es-tu doux à ceux qui , ayant la pause plaine , comme je Fay bien souvent, jouyssenl de toi sans se soucier de chose quelconque! Si j'estois maistre comme je suis serviteur, je crois que je serois la plus part du temps au lict; et quand j'y pense... Ho! bon jour et bon an, monsieur nostre maistre !

FiDENCE.

Non per dormire poteris ad alla venirc , Sed per studere poteris ad alla sedere.

Blaise. Hé ! que le chancre vous vienne, avec ceste vostre sottise ! N'estes-vous pas bien aise de dormir aussi bien comme moy ! Le soir vous allez coucher quand les poulies vont au joue, et le matin vous levez au son des escuelles !

FiDENCE. Ains de l'estrille, puisque tu immori^ere, sans avoir tant soit peu de respect à ma personne, me donnes tous les matins l'aubade au son d'icclle, chantant à gorge desployée : Magdelon^ mon tout , mon bien, que j'ayme bien, etc. Mais que dis-jc? tu ne me romps pas mon somme seulement , ainçois tu apportes un grand empeschemcnt à mes îucubrations.

Blaise. Mais plustost culubrations, sçavoir est à vos pets et vesces , qui vont coulevrinant com

La Constance, Comédie. 197

me petits coulevreaax. Et, si c'estoit à moy affaire, vous ne mangeriez si meschamment le pain d'autruy comme vous faictes, ains in sudore vultus tui. Pensez-vous que je sois un asne?

FiDENCE. Je ne me soucie pas que tu croyes que je dors lorsque tous viribus litterarum studiis, etc. Ne sçay-tu pas que les hommes oyseux ne prennent plaisir qu'à dormir ? Ils sont comme toy, veliit pecora campi.

Blaise. Ony, pecora , car vous estes de ceste confrairie, portez la bannière au jour de la feste, et, quant à l'oysiveté, qui est-ce qui galle et flatte plus son ventre que vous ? Et de quoy servezvous au monde, sinon de nombre, d'omLre et de litière?

Fidence. Nos numerus sumus et fruges corisumere nati , voulois-tu dire. Ces mots se trouvent en Laurent Vale, enregistrez au Calepin; mais je ne veux , quia non decet , m'arrester à disputer avec toy, qui n'es qu'une beste. Contra verbosos verbis contendere noli. J'aurois le courage, si je voulois te le prouver, que , quand je dors, je suis plus animal raisonnable que quand tu veilles et es gaillard et dispos. Or prend l'argument.

Blaise. Et s'il me venoit en fantaisie vous prouver, ou à tout le moins vous faire confesser, que vous estes asinus vigilando et dormicndo, que diriéz-vous ?

Fidence. Abiin malam crucem, furcifer., id est va au gibet, meschant que tu es. Faut-il ainsy parler à un semblable à moy ?

Blaise Seigneur Fidence, vostre asnerie me pai'donnera : je me joue avec vous, et ne voudi'ois

pourtant que me fissiez tancer par ma maistressc. Mais laissez-moy aller où madame Elisabeth m'envoye, car il me semble que je la voy devant la maison. A Dieu.

FiDENCE. S'il m'estoit permis disputer avec toy, je te rendi'ois en toutes façons plus doux qu'un mouton; mais quomodocumque , j'y engagerois mon honneur, pour ce qu'on diroit : pares cum pari/jus. Mais que dit en soy-mesme la sage Sibille?

Elisabeth. Enfin, nous sommes toutes femmes et toutes folles, et en nous n'est aucune stabilité n'y asseurance quelconque.

FiDEîNCE. Yarium et mutabilefoemina semper^ et en françois : la femme est tousjours variable et mobile de nature.

Elisabeth. Et celles qui pensent estre les plus sages sont plus folles que les autres. Madame Constance, qui ne fait jamais autre chose que dire sespatenostres, estant au reste en toutes ses actions ti'ès modeste, depuis deux jours ençà me semble estre devenue toute autre.

FlDENCE. Sopicntis est mutare consilium.

Elisabeth. Ces tant dévots fout les chaitemittes, affin qu'on pense qu'ils sont saincts ; mais quelques fois ils monstrcnt qu'ils sont hommes.

Fidence. Ceste-cy blasmc en sa maistresse ce qui mérite estre souverainement loué, assavoir la religion et la bonté. Et quand elle manqueroit en quelque chose, aucuncfois le bon Homère ne s'endort-il pas?

Elisabeth. Elle faict nettoyer la maison et icelle agencer en sorte qu'il semble qu'on y doibt faire quelque grand banquet. Et ce qui me faict

La Constance, Comédie. 199

le plus esmerveiller est qu'icelle , qui tient moins conte d'elle qu'aucune autre de ce pays, s'en va tousjours toute gaye et cointe ?

FiDENCE. Quomodo latine dicimus cointe?

Elisabeth. Mais que dis-je? ee qui ne se faict à temps se faict après, quand on n'y pense plus, et ce qui est permis à un aage est blasmé en un autre. Depuis quelques jours ençà, elle s'est plus que jamais n'avoit faict adonnée à se mettre en bon ordre, et se tenir plus proprement. Etpourquoy? C'est qu'elle est jeune. Mais cela n'importe.

FiDENCE. Quia mulier appétit placere eultii, et impatiens est injiiriarum. En toute façon , pourtant, l'homme est un estrange animal, semper et ubique II se plaint d'avoir trop de soin et trop d'occupations, et au contraire, comme s'il ne se contentoit de ses affaires, il se mesle de celles d'autruy. Mais ceste-cy est fort pensive; or sus, puisqu'elle m'a veu, c'est de mon devoir de la saluer à la françoise, ci'ainte de luy faire mal au cœur par mon élégant parler ciceronien. Dieu vous gard, mon très doux baiser.

Elisabeth. Bon jour et bon an, maistre. Vous vous estes aujourd'huy levé bien matin ! Quel miracle est-ce cy?

FiDENCE. Vostre mal apprins Biaise, qui ressemble (^itt vulgo dicitui-) au chien du jardinier, par antiquaire coustume estant tousjouis , pour quelques affaires, contraint de se \e\er summo mane , de grand matin , ne cesse à mettre tout c'en dessus dessoubs jusques à ce qu'il entende que je suis levé. Mais le voicy qui vient deçà : il vaut mieux me taire, car estant un animal ..

Elisabeth. Te voilà. Biaise, desjàde retour?

Blaise. Oiiy, Madame. Je ne pouvois mieux arriver : le magister est avec sa maistresse Elisabeth.

Elisabeth. Tu as esté diligent.

Blaise. Je le veux un peu faire escliapper la patience. Jesçay que mes besongnes sont prestes, n'en sçavez-vous rien ?

Elisabeth. Non , je n'en sçay rien, beste chaussée.

Blaise. Quoy qu'il en soit, voicy le jour de caresme prenant : faictes vostre conte que ceste matinée ne se passera comme vous pensez. Mais dictes-moy, de grâce, ma chère dame , et me pardonnez...

FiDENCE. Il captive labencvolcnce et s'excuse uno eodemque tempore.

Blaise. Doibt-on demeurer toute ceste année en ce bourg ?

Elisabeth. On a accoustumé d'y estre quelque partie de Fan, et, les jours gras passez, l'etourner à Troyes et y estre au moins tout le long du caresme; et, quand j'aj)perçoys qu'on faict son pacquet pour s'en aller, et que je voy qu'on accomode toutes choses au village pour un temps, il me semble que c'est pour y demeurer éternellement.

Blaise. Je m'esmerveille de telles choses, le maistre n'estant pas au pays.

Fidence. Téméraire et imprudent!

Blaise. Quoy ! pensez- vous que je sois sourd? Je vous prie, ne me rompez point la teste. Vous cherchez à ce matin. . .

Fidence. Si le maistre retourne, je t'en feray bien d'autres !

La Constance, Comédie. 201

Blaise. Et d'avantage que, n'estant coutumlère de perdre un seul sermon , se peut-il faire qu'elle vueille estre tout cet an sans en ouyr aucun?

Elisabeth. La plus grande partie de nous , femmes, y va plus par usage et pour faire l'une comme l'autre qu'en intention d'aprendre, et bien souventpour autre chose. Et qu'il soit vray, qu'on voye le beau fruit que nous en raportons ! Si j'estois homme et eusse une femme soubs moy... Blaise. Que diantre fe riez-vous?

Elisabeth. Ou , pour mieux dire , si j'estois mère de famille...

Blaise. Que feriez- vous, par vostrefoy, dame Elisabeth ? Comme vous gouverneriez- vous ?

Elisabeth. De la façon qu'autrefois j'ay ouy conter à un galant homme, lequel disnoit av^ec nous, il y a quelques moys.

Blaise, Le sire Agreste dit en ceste façon : De quoy serA^ent vos cujus , ne sçachant rien dire qui puisse être entendu d'autre que de vous? Et encores Dieu vueille que sçachiez bien ce que vous dictes !

Elisabeth. Maistre, c'est vostre faute; vous l'avez ainsi bien enseigné.

FlDE>'CE. Verum est, et, paitant, patior telis ruinera facta meis.

Elisabeth. Je me leveroy de grand matin, et la première chose que je feroy estant sortie du lict, je rendroy grâces à Dieu d'avoir passé ceste nuict en repos, sans danger.

Blaise. Note bien, babouyn. FiDENCE. Patienter ferre mémento.

Elisabeth. Le suppliant, après, qu'aussy il me

202 LaRIVEY.

concède passer la journée sans péril et franche de tout mal.

FiDENCE. Erasmus noster in colloquio cui titulus Pietas puerilis.

Elisabeth. Puis, ayant ouy messe en Teglise plus proche , non par une accoutumance , mais par dévotion, je m'en retourneroy en la maison pour songner au gouvernement d'icelle et des enfans, les enseignant vivre en celle sorte de mesme. Le soir, je rendi-oy grâce à Dieu, le priant pour la future nuict et pour le salut de toute ma famille.

Blaise. Mon bon maistre , dictes la vérité : ceux-là n'ont-ils pas bonne raison de tenir madame Elisabeth pour telle qu'elle est? Si je disois ce que tesmoigne le voisinage de sa sagesse , elle s'en fascheroit.

FiDENCE. Ouy, à la vérité; mais telles choses ne se disent en présence.

Elisabeth. Je ne vous entend pas.

Blaise. Je dis que ceste façon de vivre me plairoit beaucoup.

FiDENCE. Madame, cestuy-cy faict trop le compagnon avec un chacun.

Elisabeth. Bon prou vous face, puisque le voulez ainsi; avec telles sortes de gens, il ne faut pas trop se hastcr.

FiDENCE. ha niant ^ ah œqitnli enini conversatione nascitur di^nitatis cnntcinptio.

Elisabeth. Ha! Biaise, tu t'en ris!

Blaise. Et qui diable ne riroit des sottises de cethoumie? Poursuivez.

Elisabeth. Je n'en ay pas dict la moitié.

Blaise. Que faut-il après?

La Constance, Comédie. 2o3

Elisabeth. Je te le vas dire en deux mots: c'est qu'il faut estre homme de bien.

Blaise. Comme peut-on estre homme de bien?

Elisabeth. C'est, comme je croy, de n'offenser à escient personne , d'ayder à un chacun selon sa puissance.

Blaise. 0 ! cela n'est pas possible.

Elisabeth. Tant y a que celuy qui s'aproche plus de ce but est le meilleur et le gaigne , et sont toutes ces choses ayscment exécutées par ceux qui ont la crainte de Dieu devant les yeux , joint aussy qu'on doibt avoir considération au temps, aux lieux, aux aages et autres circonstances.

FiDENCE. Talemuxorem Euripidcs si habuissct, tam laudasset fœminas quamvitupercu'it.

Elisabeth. De grâce, maistre, si vous aymez me faire plaisir, laissez une autre fois ceste vostre pédanterie, et parlez françois. Et puis quand tous serez avec vos semblables et escoliers...

Blaise. C'est assavoir, en quelque Ludo literario, comme vous avez accoustumé de dire.

Elisabeth. Parlez tel langage que vous voudrez, mais non avec moy.

Blaise. Bic mihi cujum pecus, estant un lourdaud tel que vous estes, à quoy vous sert ne sçavoir sinon sauolotter et cracher certaines sentences latines qu avez apprises par cœur, non a autre occasion sinon pour faire le quamquam ?

FlDENCE. Omnes benignos reddit eriiditio. Voicyà quoy ceci me sert, que je suis homme, et lu esbeste. Homitiis opes pulchrce suntliterœ.

Elisabeth. Cela va bien, mais toute chose a son temps.

Fidence. Omnia tempus habent. Bref, je ne

âo4 Larivey.

puis me commander; mais sin'estoit que les bons sont mesprisez du monde et hayz et contemnez de tels comme tu es, Biaise , je veux dire ignorans, vous cognoistriez que je ne suis moins docte en la ciceronienne qu'en lafrançoise éloquence, comme mes œuvres le demonstrent. Lisez les Odes de Fidence, escritcs en rime françoise, et vous verrez si je sçay autrement parler que latin. Considérez, ma chère dame, quels vers sont ceux-ci :

Escoutez tous, d'une ententwe oreille , En vers français, le bruit et la merveille, et que sequitur. Ne voylà pas un beau commencement, et vrayment héroïque !

Blaise. Donc, Madame Elisabeth, pour retourner à nostre premier propos, ne laisserez pas la maison en desordre et toute chose en confusion, et, comme fontplusieurs enfans, mettre tout à l'abandon pour allerjene sçay où, et, ainsi que vous dictes, se donner assez souvent du plaisir depuis le lever du soleil jusques au soir, au grand détriment et scandale du mary et de toute la famille. Elisabeth. Quand à ce qui dépend de la maison, du mary, et des enfans, je m'^rccommoderay autant dcstrement que je t'ay tantost dict. Je trouve bon que quiconque n'est obligé par justes et raisonnables empeschemcns , ny encores en façon quelconque, au devoir de la charité, peut toute la journée employer son temps à ses honnestes plaisirs. Mais, Biaise, ceux qui ont charge delà famille !

Blaise. Madame, c'est assez, n'en parlons plus. A la vérité, vous me scmbicz par vos discours une profctcsse, tant vous dictes bien; mais pource que ne menez pas la vie que vous dictes,

La Constance, Comédie. 2o5

qui est cause que vous et la maistresse aussy ne vivez plus joyeusement, la maistresse vous tenant coinme sa sœur et ne vous voyant qu'à demy...

Elisabeth. C'est de sa grâce. Tu m'as faict dire ces choses je nesçay à quel propos ny à quelle occasion, madame Constance estant un vray miroir et exemple d'une vie chrestienne et civile, et sçaclies qu'il y en a peu au monde qui la ressemblent.

Blaise. Vous avez bonne occasion de parler ainsi, puisqu'elle vous tient comme sœur, vous reçoit à sa table, voire mesme en son propre lict.

Elisabeth. Aussy Dieu sçail si on peut plus aymer une sœur ou une fille comme je l'avme, aymeray et serviray toute ma vie.

FiDENCE. 0 mots dorez, dignes d'estre recitez au théâtre du monde! Je veux les enregistrer en ma mémoire, pour en compiler un docte et très élégant opuscule.

Elisabeth. Mais voyez d'où et avec qui j'ay, ce matin , entré en discours ! A la vérité, entre nous femmes, nous babillons volontiers et contons nos affaires à un chacun, et bien souvent faisons comme Rolin, ce savetier qui racontoit ses beaux faicts à qui ne les vouloit sçavoir.

FiDEKCE. Hoc latine dicimus narrare fabulam sur do.

Elisabeth. A Dieu, maistre. Je veux aller trouver Madame, qui sort dehors.

FlDElNCE. Me vobis commendo.

2o6 Larivey.