SCÈNE I

Biaise, l'Espagnol , Elisabeth.

Blaise.

•1 y a icy je ne sçay quoy de nouveau. Ces si longs discours engendi'erontquel- 1 que chose ; ces tant d'allées et venues 1 me font penser qu'il y a hazard sur les balets. Or, puis que cest homme vient par deçà , je veux appeler madame Elisabeth; mais, m'ayant veu, joint que je le cognoy aucunement, il pourroit penser que je le desdaigneroy si je m'en alloy. Madame Elisabeth ! madame Elisabeth ! venez.

L'Espagnol. Bon jour, mon bon aray Biaise ; que fais-tu icy?

Blaise. Bon jour et bon an. J'attendoy que vostre Seigneurie passast, pource qu'une certaine dame vous veut dire trois ou quatre mots.

L'Espagnol. Elle veut parier à raoy?

Blaise. Ouy, Monsieur; la voilà. Je me recommande à vostre Seigneurie.

L'Espagnol. A Dieu, Biaise, je suis vostre.

Elisabeth. Demeurez tous deux derrière la porte. Dieu vous doint le bon jour, seigneur capitaine.

L'Espagnol. Bon jour. Madame. Que veut dire cecy?

Elisabeth. Je voudroy, sans vous incommoder, dire trois ou quatre mots.

La Constance, Comédie. 287

L'EsPiGNOL. Ce me sera un grand contentement vous pouvoir faire quelque service.

Elisabeth. Je prie vostre Seigneurie ne s'esmerveiller et m'excuser si je luy dy chose qui ne luy plaise, puis que je ne puis faire autrement , cela estant de la volonté de Madame.

L'Espagnol. Que vostre Seigneurie parle librement.

Elisabeth. Si en toutes les choses qui se font on pouvoit satisfaire à soy, à la conscience et à rhonneste, ce seroit assez bien et vertueusement besongné, sans chercher plus avant; maispourcc qu'il est encores besoin satisfaire au monde et à l'universel, ainsau vulgaire, de là procède que ce n'est seulement assez de bien faire , mais faire en sorte que le monde le croye , et ne voye autre chose , tant petite soit-elle, qui luy puisse faire croire autrement. Je sçay que vostre Seigneurie, suivant la jeune dame qui demeure icy, ne le fait à mauvaise intention , et que madame Constance ne peut dire avecque vérité avoir jamais vu en vous aucun acte deshonneste , ny sortir de vostre bouche une meschante parolle. Toutesfois, pource que la suivez ainsi, je ne dis pas par les églises de Troyes, pour ce que ce vous est une chose ordinaire, mais au village et quasi partout où elle va, luy pourroit causer quelque infamie et donner occasion de parler aux mauvaises langues, qui ne cherchent qu'à raesdirc, elle et moy vous prions, par la gentillesse et courtoisie qui règne en vous, qu'il vous plaise en ceste affaire procéder plus modestement, affin que, comme vous estes honneste et d'un bon cœur, chacun voye que tel vous estes en apparence. De quoy, si nous faictesce plaisir,

238 Larivey.

nous vous serons, elle et moy, perpétuellement obligées, sans ce que vous esterez l'occasion de parler mal à ceux qui cherchent à calomnier madame Constance envers son mary d'estre peu honneste, et vous, envers le monde , d'estre un gentilhomme mal aprins : là oi!i elle est très honneste dame, et vous très honneste gentilhomme et bien sage.

L'Espagnol. Puis que si beuignement et avec tant de modestie et bonne grâce, vostre Seigneurie m'a déclaré vostre bonne intention et l'ambassade de Madame, je vous en rend grâces immortelles. Je ne sçay que je dois respondre, sinon que si, cherchant la veoir, j'ay failly, ce n'a esté par malice, et ce que j'en ay faict, ce a esté pour ce que je pensoy que , pour conserver son honneur, c'estoit assez ne passer les termes de Thonnesteté, ny aller plus outre que ce qu'il est requis ; mais , pour ce que comme vous pensez cela n'estrc assez, je seray a l'advenir plus advisé que je n'ay esté par cy-devant. Bien vous puis-je dire qu'il n'y a personne qui ayt jamais plus honnestcment aymc femme que j'ayme Madame, de quoy elle peut rendre bon tesmoignage, pour ce que, n'avant eu aucune volonté sinon bonne, je n'ay aussy jamais, ny avec elle ny avec aucune autre, faict ou dict chose qui me peust faire paroistre mal aprins ou deshonneste. Jusques icy je me suis contenté de la veoir. En cela je satisfaisoy honnestcment à toutes mes volontez et désirs; mais, puisque eiicorescccy m'est dcsnié, affin qu'elle et vous cognoissiez que j'ayme mieux faire sa volonté que la mienne, je m'en abstiendray.

Elisabeth. Nous ne vous requérons de cela ,

La Constance, Comédie. 289

et ne sommes tant sottes que voulions empescher aucun d'aller par les rues publiques ou par les églises. 11 nous suffit seulement qu'en certains lieux, comme au village, vous alliez avec un peu plus de respect.

L'Espagnol. Je feray de bonne volonté tout ce que vostre Seigneurie me commande, et, si en autres endroits je puis vous servir, dictes-le-moy : car vous me trouverez tousjours à vostre commandement.

Elisabeth. Nous vous remercions; et, en récompense, disposez de nous comme si nous estions vos sœurs, pource que vostre grande courtoisie mérite que nous vous tenions au lieu de frère. Dieu soit avec vous!

L'Espagnol, Je vous baise les mains. Qui est bien nay et vrayment homme de bien le demonstre en toutes actions. Quelque sotte, ou femmelette de petit entendement, et non d'un beau et gentil esprit comme est ceste jeune dame , ayant à desdain ma façon de faire, auroit monstre sa folie, parce qu'il y en a aucunes qui croient ne pouvoir estre tenues pour bonnes femmes si elles ue font quelques bravades ou ne monstrenl un visage de gens d"arme à qui les regarde , ou si en toutes actions elles ne se fout paroistre vilaines ou superbes, faisant la nicque et cracbans deraescliautes parolles, ains du venin, ou faisant telles ou semblables choses peu convenables à personnes d'honneur. Madame n'en afaict ainsi, laquelle en tous ses faicls et ses dicts s'est monstrée estre une sage et bien aprinse damoiselle, comme elle mous tre bien à son visage, lequel (sans qu'aucunement l'amour me déçoive) soupire un je ne sçay

24o Larivey.

quoy d'angelique et de divin. Mais est-il possible que mon laquais, que j'avoy envoyé, il y a plus de deux heures, quérir en mon logis ma harquebuse et m'amener mon cheval, ne soit de retour ? Il me semble que je le voy. Ouy, c'est luy-mesme ; il lie le cheval là-bas; le voicy. Tu es bien eschauffë !