SCÈNE VI

Aurelian, et Gérard^ son amy.

AURELIAN.

\iy esté en la maison de Louys , plus pour trouver Gérard , mon grand amy, que pour autre chose; ce que je n'ay faict, pour iceluy s'estre allé esbattre je ne sçay où. Neautmoins, je désire surtout le veoir avant mon partement, d'autant que, faisant autrement, je ferois tort à nostre amitié : car je me doute qu'ayant sceu pourquoy je veux partir si tost, comme très courtois et amiable , il me crira et s'efforcera en tout ce qui luy sera possible d'empescher mon voyage. Mais qu'il face tout ce qu'il voudra, je suis en resolution de partir. Je confesse que je fais mal, mais je ne puis faire autrement. Le voicy tout à propos qui, doublant le pas, vient devers moy, retournant de la maison. Peut-estre que Louys lui aura dict que je n'y estoy pas , ce qui l'aura occasionné de venir après moy, et à ce faire a esté induict par Louys. Et pourquoy, mon bon amy Gérard , vous hastezvous ainsi?

Gérard. Pour vous r'ataindre, et bon pour moy d'avoir faict ainsi, pour ce que peut-estre, si je ne me fusses hasté, vous eussiez party sans me dire à Dieu.

Aurelian. Ha! pensez-vous que je voulusse faire cela ?

Gérard. Ceux qui sont serviteurs d'Amour,

25o Larivey.

comme vous pouvez eslre , peuvent croire toute chose, et qui s'oblie soy-mesme ne peut-il aysement oublier ses amis ? Mais si , comme on m'a dict, devez encores estre cy pour quelques affaires, expediez-les au plus tost, puis irons nous promener un peu de compagnie,

AuRELiAN, Non, non; je veux premièrement sortir d'affaires avec vous, affin qu'au plus tost retournez à Louys, qui me prie que ce soir je ne le prive de vostre compagnie. Quant à moy, je veux , quoy qu'il en soit, partir pour aller en Bourgongnepour les affaires que sçavez,et pourrai là demeui'er deux mois pour le plus. Je ne vous veux réduire en mémoire que , comme j'ay esté cy devant , je seray tousjours vostre , pour ce que ces cérémonies sont mal séantes entre nous. Demesmes,je vous recommande mes affaii-es, dont je vous parlay il y a environ deux jours , de quoy toutes l'ois il n'est pas beaucoup de besoin, veu nostre amitié ; vous priant neantmoins bien fort que, si avez affaire de quelque chose, m'en advertissiez avant mon partement. Vous sçavez que moy et ce qui en despend sont à vostre commandement.

Gérard. Je me suis hasté de vous venir trouver pour vous prier me faire un plaisir que ne me devez aucunement desnier.

AuRELiAN. Je veux quesçachez que ce que me sçauriez demander ne vous sera jamais par moy refusé, etfust-ce ma vie, nostre amitié n'estant vulgaire, mais telle que vous sçavez.

Gérard. Il ne vous est pas caché, Aurelian, qu'au rang des bons et vi'ays amis on ne met sinon ceux qui, au grand besoin et où il va de la vie et de l'honneur de l'amy, s'cmployent ny plus

La Constance, Comédie. 25i

ny moins que pour eux-mesmes et ce qu'ils tiennent de plus cher. Or, pour ne vous tenir plus en longueur, et selon mon pouvoir satisfaire à ce que je doy, comme vostre très affectionné amy, j'ay esté assez long-temps à attendre si la médecine opperoit d'elle-mesme ; mais enfin, ayant cogneu que la chose alloit de mal en pis et qu'avez plus besoin de conseil que jamais, et encores qu'estes plus proche du danger eminentque néfastes oncques, je veux satisfaire à mon devoir envei's vous, pour n'avoir à en rendre conte à Dieu.

AuRELiAN. Je ne suis pas devin, mais il pleuvera après tant de tonnerres.

Gérard. Je sçay bien qu'en Bourgongne avez des affaires d'importance, mais je sçay bien aussi que ne partez pas pour cela , ains pour aller après Gismonde, qui partit hier pour aller en ces quartiers-là. Je ne dors pas, ainsi que pensez, non. AijRELiAN. Si cela est vray, je prie... Gérard. Ne jurez point, pour l'amour de Dieu.

AuRELlAN. Vous estes en grande eiTeur, croyezmoy.

Gérard. Pleust à Dieu que je fusse en erreur ! Mais sçavez-vous queje vous veux dire? Et si par adventureje passe plus outre queje ne le devroy, vous excuserez l'affection que je vous porte. Je crain que ceste ne soit vostre dernière ruyne. Vous avez esté et estes pour devenir amoureux, mais ce qui est le plus à craindre, c'est que vous estes donné en proie à la plus meschante et desloyale femme qui vive. Quoy plus? elle est femme du monde, pour ne dire putain, et des plus fines et meschantes qui furent jamais. N'avez-vous

252 Larivey.

pas desjà esté au moins par deux fois en danger d'estre tué à son occasion ?

AuRELiAN. Nenny , que je sçache.

Gérard. Vous le sçavez bien, et encores ne voulez retourner en vous. J'ay vacillé quelque temps, si je devoy vous faire ce discours ou non ; enfin, jeme suis lesolu, en advienne ce qui pourra, de vous dire comme je l'entend. Et quand pour autre chose ne me devriez croire, vous le devez pour la pratique que j'ay (ainsi ne l'eussé-je à mon dommage !) de semblables personnes. Aurelian , tandis qu'avez esté jeune, vous avez vescu comme un vieillard ; et maintenant qu'avez trente ans et plus sur les espaules, estes devenu fol.

Aurelian. Que voulez-vous quej'y face ? Vous me conseillastes ne la tenir plus avecque moy, ce que j'ay faict pour vous complaire. Si l'ay esté veoir une fois en un mois, est-ce si grand cas ?

Gérard. Je ne sçay trop comme le tout en va.

Aurelian. Que voulez-vous, par vostre foy, que je face?

Gérard. Que vous effaciez de vostre mémoire ceste-là, et que redeveniez le mesme Aurelian qu'estiez il y a dix mois : car on ne parle d'autre chose par Troyes.

Aurelian. 11 faut avoir le pouvoir.

Gérard. Il faut avoir le vouloir. Vous avez commancé par mocquci ie et fini à bon escient. Y a-il une ])lus misérable et malheureuse vie que celle de ccluy qui se donne en proye, comme avez faict, à une très deshonneste feumie, qui, outre qu'elle vous desrobbc l'ame, les biens, et vous faict A'ivre très mal contant, vous oste encores ou sera cause de vous oster la vie par quelqu'un?

La Constance, Comédie. 253

Si je vous puis dire la vérité, vous estes tant changé de cet Aurelian que vous estiez , que, quand à moy, je ne sçay si je doy penser si vous estes le mesme ou non; enfin, trop se trompe le jugement humain. Vous ne respondez rien?

Aurelian. Que puis-jc autre chose respondre, sinon que je voy ce que je fay, et que le vray, mal cogneu, ne me déçoit point, mais que l'amour me contrainct.

Gérard. Ce que vous dictes sont toutes chansons : aucun ne l'aict mal sinon par soy-mesme. Mais passez plus avant, et vous souviendrez de vostre Gérard; et adonc vous voudriez avoir faict à sa mode, mais ce sera trop tard. Pensez-vous que, comme je vous ay dict, je ne sçache pas que vous allez après Gismonde, qui est desjà partie pour aller en Bourgongne? Et pourquoy faire? Pour despendre à sa poursuite autres trois cens escus, et peu après la vie. Ne voyez-vous pas, pauvre homme que vous estes, qu'elle vous a mis le lyen au col, et vous tire où elle veut? Vous courez à la mort et ne vous en appercevez pas.

Aurelian. Tout cecv ne sont que bayes. Gérard, vous vous trompez. Pardonnez-moy si je dis cela.

Gérard. Je sçay que ces propos vous sont coups de poignard, mais je ne puis faire autrement ; et soyez neantmoins asseuré que j'auroy pensé toute autre chose que venir en cest altercas avec vous, et que vous, qui depuis un an avez baillé conseil à tout le monde, estes venu à ce point que chacun en sçaitplus que vous-mesraes. Vous estes aveuglé. Je vous dy qu'avez perdu toute cognoissance, et je cognoy d'où procède tout vostre

254 Larivey.

ma], comme aussi de tous ceux qui se trouvent au tenne que vous estes.

AuRELiAN. D'où procède ce tant grand mal? Gérard. De vous faire entendre que ceste-cy est amoureuse de vous, et le naturel de toutes ces femelles est de faire la pasmée pour l'amour de ceux qu'elles sçavent avoir bonne boinse, puis se mocquent d'eux en deriière, et ne vous recompensent de tant d'argent que déboursez pour elles sinon de quelques reverances, tendant les bras à tel que j'ay honte de dire, et saoulant leiu's deshonnestes volontés avec des hommes de mesme farine qu'elles sont.

AuRELiAN. Elles ne sont pas toutes pareilles, Gérard, car il s'en trouve aucunes assez gentilles et bien apprinses, selon leur qualité.

Gérard. Je le vous accoi-de; mais si rares sont celles qui ont tant soit peu de bon, que c'est beaucoup d'en trouver une entie mille. Et jaçoit qu'il s'en trouvast grand nomlne , je vous sçay dire que vostre Gismonde n'y peut estrecomprinse, ains si aucune est au rang des mauvaises, elle tient entre elles la principauté, ou à tout le moins une des plus signalées charges.

Alrelia>\ Je vous puis asseurer qu'elle me porte plus d'alfeclion que ne pensez.

Gérard. Quand vous monstra-elle vous porter si grande amitié, et quand commancastes-vous à la tenir à vostre poste?

AURELIAN. Ce fut lors qu'elle m'aymoit à bon escient.

Gérard. Et je vous veux faire toucher avec la main que lors voi-s n'estiez pas si lost sorty de la porte, qu'elle mettoit secrettcment et avec

La CoNSTAivcE, Comédie. 255

diverses excuses un amant son pai'cil en la maison, avec lequel, en se mocquaut de vous, elle jouissoit de ce que liiy aviez donné à pleine poignée. Cognoissez-vous sa main, je veux dire sou escriture?

AuRELiAN. Ouy, je la cognoy fort bien.

Gérard. Or, lisez (puis qu'il faut mettre la main à ces fers pour vous guérir, et aux armes pour vous vaincre) ces lettres, et vous esclaircirez tellement, que porterez hayne à vous-mesme tant qu'aurez souvenance de ceste-là. Et d'avantage, lors qu'il vous plaira (mais cela seroit trop), je vous en esclairciray d'autre façon. Lisez-les à voslre aise, et vous verrez avec quels mots honnorabîes elle parle de vous. Mais, pour réduire le mille en un, vos affaires de Bourgongne ne sont tels qu'un autre ne puisse faire ce que vous feriez. Partant, je seroisbien aise que ne fissiez autrement ce voyage, et qu'en change allassiez pensant de vous accompagner avec une belle et bonne femme, pour vivre avec icelle et les enfans qu'il plaira à Dieu par sa grâce vous donner , et comme il est honneste et requis à un gentilhomme. Quelle autre chose voulez-vous ou pouvez-vous faire qui soit plus louable que ceste-cy? Vous consoleriez vostre mère, qui ne désire autre chose ; vous mettrez vostre esprit en repos, et remplirez vostre maison, qui a deffaut d'homme. Et prenez résolution que, quant au monde, ne se peut trouver aucune vie qui soit plus chrestienne et civile, ne finalement plus honneste et tranquille, que celle d'un gentilhomme aisé comme vous estes, vivant avec sa femme et ses enfans pour servir à Dieu, au pays, au prince et à tous hommes. Et si vous vous disposez à cela.

2^56 Larivey.

comme ferez si aymez vostre bien, soyez asseuré qu'avant qu'il soit quatre mois vous me bénirez de bon cœur.

AuRELlAN. C'est grand chose, Gérard, qu'en ces affaires des femmes, la pluspart de ceux qui conseillent les autres à se marier n'en veullent eux-mesmes rien faire ; et vous estes un de ceux-là. Gérard. Si mon estât estoit tel qu'est le vostre, je vous monstrerois plus par effet que par paroUes combien je loue et approuve ceste vie-là, Faictes à ma mode, et avec un incredible contentement vous cognoistrez quelle différence il y aura de la vie que lors vous mènerez à celle qu'avez jusques à maintenant suivie. Jusques à un certain aage on souffre beaucoup de choses à la jeunesse, lesquelles après sont blasmablcs et à mespriser. Dites-moy, par vostre foy, en avez cogneu, sinon bien peu (je ne parle des gens d'église) qui sans femmes n'ayent esté infâmes, etn'ayent pour la plus part faict une mauvaise fin?

AuRELiAN.Helas!quemedictes-vous? Femme, hé !

Gérard. Ouy, femme : je n'ai pas blasphémé. AuRELlAN. Or, bien; nous en parlerons une autre fois. C'est assez que pour ceste heure je vous ay ouy en patience, comme celuy que je cognoy n'avoir esté meu d'autre chose sinon d'une pure et saine affection, et pent-estre encor par les prières de ma mère et de qui me veut du bien. Mais laissons cela pour ceste heure, et aux occasions qui se présenteront vous vei'rez combien je fay mon profit de a'os bons propos et amoureux conseils. Mais puisque jusques à maintenant vous avez, sans jamais estre interrompu, dict tout ce

La Constance, Comédie. 267

que vous aviez envie de dire, il est raisonnable qu'avec patience vous oyez mes raisons , lesquelles entendues, je suis contant que vous mesme rendiez la sentence et la prononciez. Mais pour ce que je suis las d'estre si longtemps debout en une place, vous irez retrouver Louys, et incontinent après je vous iray veoir tous deux , puis je reviendray icy, pour expédier ce que j'ay affaire avec Madame Spinette.

Gérard. Je vous en prie de grâce, et trouvez cependant leslettres que je vous ay données il n'y a pas fort longtemps.

AuRELiAN. Je pensois à cela. Allez donc, car je voy quelqu'un qui soit de la maison.