SCÈNE
Aurelian , Spinette.
combien je suis ayse que Gérard a prins résolution de venir ce soir avec inoy à ïroycs , et beaucoup plus de ce qu'il m'a descouvert les tromperies et trahisons de celle qui faisoit semblant de m'aymer sur toutes choses, voire plus que sa propre vie! Se pourra-il jamais faire que je croye plus aux parolles et larmes des femmes? C'est une pure vérité, et le louche avec la main , dont je doy remercier Dieu, qui m'a faict ceste grâce. Mais pour ce que Gérard ne demeurera guères à revenir icy, où je luy ay dict que je l'attendroy jusques à ce qu'il fust allé prendre congé de Louys, ce ne sera que bien faict que je m'expédie au plustost. Tout à point, je voy madame Spinette sur le pas de la porte.
Spinette. 11 est desjà bien tard, et Aurelian ne vient point. Il aura oublié de passer par icy, et peut-estre demeurera ce soir avec son amy . Mais le voicy.
Aurelian. Dieu vous donne le bon soir.
Spinette. Tout à ceste heure je pensoy si passeriez par cy à ce soir ou demain matin. Bon soir et l)on an.
Aurelian. Et bonne heure encores davantage à vous, Madame.
La Constance, Comédie. 263
Spinette. Je suis infiniment ayse qu'estes venu icy, affin de vous retirer d'une vostre opinion, et pour vous faire ouyr chose qui vous fera csl)ahir. Avez-vous point puis naguères sçcu le tout ?
AuRELlAN. Commancez, de grâce.
Spinette. Pour ce que je pense que le sçavez, il n'est pas besoin de vous répliquer ce qui s'est passé entre dame Constance et Anthoine avant qu'elle se raariast.
AuRELiAN. Je sçay bien tout cela.
Spinette. Et combien grande a esté Thonnesteté et continence des deux.
ÂURELiAN. J'auray tousjours cela en ma mémoire, estant chose qu'on ne peut dire estre souvent advenue.
Spinette. Peut-estre moins que ne pensez. Que diriez-vous si on vous disoit que madame (Constance est autant pucelle que quand elle sortit du ventre de sa mère ?
AuRELiAN. Je diroy que je n'en croy rien, icelle ayant esté avec son mary environ dix ans.
Spinette. Je suis contante qu'il y ayt dix ans qu'elle a un mary , mais elle ne l'a jamais hanté ni cogneu.
AuRELiAN. Madame Spinette, trouvez qui croira cela ; car, quant à moy, je ne voy point qu'il y ait de vray semblable.
Spinette. Escoutez-nioy, s'il vous plaist; c'est un autant grand mal d'estre obstiné que de ne croire ce qui peut estre, jaçoit que difficilement , comme de croire tout ce qu'on ovt dire.
AuRELiAN. Il est vray.
Spinette. Outre cela, croyez et tenez près-
264 Larivey.
que pour miracle que le mesme luy est advenu avec Anthoine, lequel elle ayme tant, et ne voulez vous induire à croire ce que sans doute je vous rendray très facile. Mais escoutez-moi... Vous sçavez qu'Ânthoine , mon frère , l'a fiancée, et comme elle luy a promis ne vouloir un autre mary que luy, qu'aussi il lui a faict le semblable de ne vouloir jamais autre femme qu'elle.
Al'RELIAN. Vous me dites icy uue belle chose; mais combien a elle esté en celle volonté?
Spinette. Elle y a tousjours esté, et y est continuellement.
AuRELiAN. Toutesfois depuis, peu de jours après , elle a prins Léonard , encores qu'on dise qu'on eut bien de la peine à la faire consentir.
Spinette. Si consentir à ceux qui peuvent quasi forcer les pauvres filles à faire ce qu'ils veullent, et qu'avant le consentement et libre volonté on face le mariage, vous auriez raison, Aurelian.
Aurelian. Elle a esté si long-temps avec son mary, et jamais , ainsi que l'on dit, n'a esté une mauvaise parolle entre eux ; n'est pourtant à croire que Léonard l'ayt tenue en sa chambre comme sa sœur.
Spinette. Ains ne l'a pas tenue autrement.
Aurelian. Madame Spinette, on peut croire toute chose ; mais ceste-cy est trop malaisée. Je sçay que Léonard est jeune homme, qu'aussi madame Constance est jeune et belle femme : pourquoy, posé le cas qu'elle eust délibéré en soyraesmc de demeurer ainsi comme vous dites , il n'auroit pourtant une mesme volonté, si Dieu n'a ainsi opéré en eux miraculeusement. Je sçay bien
La Constance, Comédie. 265
que là où joue obstination des femmes, elles veulent tousjours vaincre et emporter au dessus; mais, d'autre part, je sçay aussi que les hommes sont hommes, mesmes en certaines choses.
Spinette. a vous autres ne semble possible qu'une femme, et particulièrement en ces affaires, puisse faire chose digne de merveille et de louange; mais en cela vous estes tiompez comme en plusieurs autres affaires des femmes.
AuRELTAN. Je ne dy pas que cela soit impossible, car y en a eu d'autres, si les histoires sont vrayes; mais nous ne sommes plus en ces tempslà. Or, poursuivez : je vous prie de me dire comme la chose est passée.
Spinette. Madame Constance , après tant de batailles que vous sçavez , ayant consenti à son père, fut mariée avec Léonard, et le banquet des nopces faict. Le soir d'après qu'elle fut avec son mary, et estant avec lui en la chambre, elle (ainsi qu'elle m'a dict) lui parla eu ceste manière : Les lois, tant divines qu'humaines...
AuRELiAN, 0 bon Dieu! qu'est-ce que j'oy? Spinette. Veulent, ô Léonard! que toute personne se garde autant que luy est possible de faire injure à son prochain, et de celles principallcment qui, trop griefves, offensent en l'honneur ou l'homme ou la femme. Après d'offenser Dieu directement, les hommes se doivent tant garder, que plustost ils s'offrent endurer mille morts que d'y avoir jamais pensé.
AuRELiAN. A quoy vouloit conclure ceste-là? Spinette. Parquoy, si dignes du dernier supplice sont jugez ceux qui offensent le prochain en choses ordinaires (pour parler ainsi), quelle peine
266 Larivey.
meriteroit une personne qui, en un mesme temps, offense grietVement Dieu et les hommes ? Moy, ô jeune homnie! que vous pensez eslre fille etvostre femme, ay promis et juré à Dieu de ne vouloir jamais avoir autre mary qu'Antlioine tant qu'il vivroit; et luy, me acceptant pour telle, appelant Dieu à tesmoin, m'a fiancée. Après est advenu , pour l'obstination de mon père qui m'a donné à vous pour femme, qu'à ceste occasion Anthoine s'est esloigné de moy de corps , mais non de volonté et de cœur, qui sera esternellemenl joint avec le mien .
ÂURELIAN. Que respoudit Léonard à cela?
Spinette. Ayant demeuré longtemps tout jiensif, dict : A Dieu ne plaise. Constance, que je veuille que tu l'offenses, ny Anthoine ou moymesme ! Que ferons-nous donc? Je ne puis, dictelle, continuant son propos , estre légitimement vostre femme tant qu'Anthoine vivra; mais où il se trouveroit en vous tant de bonté et plus de courtoisie qu'en tous les autres hommes, je vous prie, à mon si grand besoin, qu'il vous plaise me faire ceste grâce de me laisser en vostre chambre sans me toucher par l'espace de cinq ans, jouyssant neantmoins de mon douaire et grands biens ; au bout de ce temps , si de fortune Xnihoine ne revient, et de bonne volonté , présupposant qu'il fust mort, je consentiray que me preniez à femme, estimant estre vraysemblable que qui en un si longtemps peut revenir cl ne tient conte revenir en son pays , le renonce tacitement. Mon père cependant pourroit cncores...
AuRELiAN. J'entendbien ce que voulez dire. Poursuivez.
La Constance, Comédie. 267
SpîNETTE. Et si cela advient, tout se portera bien. Léonard, ayant entendu tout cela et longuement ravassé en son esprit , promit par un serment solemnel et le plus estroit qu'il peut à la dame Constance (ainsi qu'elle me la raconté n'a pas longtemps) tout ce qu'elle sceut demander , et commançant dès le soir, tousjours depuis. Tant que Léonard a esté en la maison, l'un couche en une chambre et l'autre en une autre ; ce qui n'a pas esté malaisé faire croire autrement aux sei'viteurs de la maison, Léonard estant cependant assez longtemps aux champs, tantost environ un an à Lyon , tantost six mois en un autre lieu , avec diverses excuses, et souvent, ains la pluspart du temps au village et en ses raestairies , et l'autre à la ville. Vous riez?
AcRELlATS. Je ne sçaypourquoy. Je suis oyant ces choses comme hors de moy, ne pouvant quasi parler; et à la vérité , on ne peut publier pour courtoisie extraordinaire d'un gentilhomme , sinon celle de Léonard, et la foy de madame Constance pour la plus grande qu'on ayt jamais trouvé en femme. Et si tous deux cognoissent la faveur qu'en cela ils ont receu de Dieu en ce monde , ou il n'y a amour, ny foy, ny courtoisie, sinon feinte et en apparence , ils sont vrayment très heureux.
Spiinette. Je pourroy adjouster plusieurs autres choses qui se sont passées durant l'espace de dix ans, et vous dire avec quelle grande amitié ils se sont réciproquement aymés , si le lieu et le temps le permettoit; mais je diray seulement que jamais couple d'amans, soit de ces plus signalez, lesquels vous, hommes , publiez et vantez tant,
268 Larivey.
n'a esté et ne sera pareille à Constance et Léonard , si le monde duroit mille fois autant qu'il doibt dui'er. Vous faictes merveille de cela? Et pourquoy entre l'homme et la femme ne peut estre une sincère et parfaicte amitié sans amour lascif, comme on voit souvent entre deux hommes?
AuRELiAN. 0 très heureux Constance et Léonard ! puisqu'avec le repos de ceste vie et l'éternelle gloire de vostre nom, vous vous rendez immortels et pouvez espérer de posséder le ciel, tant est grand le mérite d'une telle amitié et si grande foy ! Et les cinq ans passez, qui finirent il y a cinq autres ans , qu'en a-il esté?
Spin'ETTE. On ne conneut jamais que Léonard, aymant sa Constance à l'esgal de ses yeux et de sa propre vie, se faschast d'attendre si longtemps, ne qu'il luy semblast que ce fust pour tout le cours de ses ans , ains ne requeroit à Dieu autre grâce que ceste-cy : assavoir, qu'Anthoine , vray mary de Constance , retournast , pour avec luy avoir ceste mesme amitié qu'il a avec elle. Et cela a esté cause que voicy pour la troisième fois qu'il le va cherchant.
AuRELlAN. Et vous, madame Spinette , par vostre foy , croyez-vous cela?
Spinette. Comment ! si je le croy? J'en suis plus asscurée que de chose très certaine et qu'on touche avec la main.
AuREHAN. Je vous jure, dame Spinette , que ces discours m'ont tellement esmeu l'esprit, que je m'en sens tout remply d'une douce et louable envie. 0 ! combien, Aurelian, ton estât est contraire à ccstuycy !
Spinette. Helas! si l'œil ne me trompe,
La Constance, Comédie. 269
voicy Siret , serviteur de Léonard , lequel , à sa contenance , semble estre tout dolent et mal content.