SCÈNE II

Loys^ le sieur Augustin,

Loys.

Monsieur!

Augustin. A! es-tu là, Loys? Je [ t^attendois en grand dévotion ; une de- I my-heure m'a semblé demy-an ; ta présence me resjouit , et ton yisage, qui ne monstre rien de triste.

LoYS. Aussi n'en ay-je point d'occasion. J'ay faict ce que je voulois : le sieur Camille est tout vostre , ses biens et sa personne , trippes et boudins , et n'y a lien quil ne face pour vous , et mesmement il dit qu'il vous sçaura bien seconder, et s'asseure que vous en ferez autant pour luy en quelque autre endroit: car. Dieu mercy, vous avez assez de cognoissances en ceste ville. Quant au brave Espagnol , il dit que ne vous en devez soucier ny faire conte non plus que d^une pomme pourrie , pour ce que vous l'effacerez de bonne

a88 François d'Amboise.

grâce et luy de force , s'il est besoin : il a assez d'escholiers à son commandement.

Augustin. Je ne sçaurois mieux souhaitter pour ceste heure ; je cognois bien par efiect ce que j'ay souvent ouy dire, qu'il se trouve parmy les Italiens des meilleurs amis du monde. Mais où est-il?

LoYS. Il m'a dict que je me misse devant , et que incontinent après il viendroit vers vous au logis que sçavez.

Augustin. Il vaut mieux donc que je Taille attendre. Et ce pendant tu t'en iras vers la seignore Angélique sçavoir si il ne luy desplaira point que nous l'allions voir après disner. Tu y peux aller sans danger : elle m a permis d'y envoyer quand J'en aurois affaire , à cause qu'elle te craignoit avant que je ne l'en eusse asscurée.

LoYS. C'est très bien advisé. J'y vois. Je vole,