SCÈNE III

Dom Dieghoa , Gaster»

DiEGHOS.

e croy qu'il s'approche de midi. Gaster I m'a bien faict attendre ; je ne sçay qu'il \ peut tant faire. Si ne me suis-je point I fasché en ceste grand' église , car là où je me promenois il y avoit bonne compaignie de femmes qu'il ne faisoit point mauvais voir. Leurs dévotions ont esté bien courtes. Je leur faisois souvent haucer les yeux, et peut-estre le cœur, ailleurs qu'aux saincts et aux sainctes. Je les y ay en-

Les Neapolitaines, Comédie. 289

cores laissées , et pense que tant que j'y eusse esté elles n^en fussent jamais bougées.

Gaster. Il est temps de m'en retourner à mon Dieghos. J'ay peur d avoir trop tardé; si ay-je mon excuse toute preste. Je m'en voy vers luy.

Dieghos. Et je croy que tu m'as oublié, Gaster? Où as-tu tant esté?

Gaster. Ce n'estoit pas pour mon plaisir. Monsieur, c'estoit pour voz afiaires, et pour le service très humble que je doy à vostre seigneurie.

Dieghos. Et donc ! n*iray-je pas après disuer la voir?

Gaster. Je vous diray, Monsieur, elle se lavoit la teste , et Beta m'a dict que c'est la coustume de son pays de n'estre lors visitées de ceux qu'elles ayment, car elles ne sont eu estât pour leur faire bonne chère ; et pour ce que je ne suis point de légère créance aux choses qui vous touchent, je ne me suis arresté au dire de Beta , que j'avois ti'ouvéeen chemin; mais, craignant quelque fourbe , j'ay voulu attendre jusques à ceste heure , me promenant autour de son logis pour voir s'il y entreroit quelqu'un qu'elle attendist.

Dieghos. Qui y as-tu veu?

Gaster. Personne.

Dieghos. Je n'en ay point de peur : elle y perdroit.

Gaster. Elle n'est point si sotte; et, si Beta ne m'a point menti , je l'ay entre-veuë par le dehors du logis , se seichant la teste au soleil à la haute gallerie.

Dieghos. Mais après que sa teste sera sechée?

Gaster. Vous avez assez de temps pour y

ago François d'Amboise.

adviser ; il faut premiirement penser de disuer, car il en est l'heure. J*aj les dents bien longues ; il est ad vis k mon venti-c qu'on ma couppé les deux mains.

DiEGHOS. Est-il couvert? Que Ton serve !

Gaster. Voylà un beau mot. J'ay restomac creux comme une lanterne. Et Dieu sçait comme j'ay grignotté chez le paticier ! mais je n'en auray que meilleur appétit.