ET LA VOYSINE
Le Ramonneur commence en chantant.
[amonnez voz cheminées, [Jeunes femmes, ramonne2>
Le Varlet.
En nous payant noz journées, Ramonnez voz cheminées.
Le Ramonneur,
En nous payant noz journées, Retenez-nous, retenez.
Le Varlet.
Par le corps bieu, vous m'estonnez.
Tant menez lourde melodye.
Le Ramonneur.
Que dyable veulx-tu que je dye ?
igo Farce
Encor ne sçay-je tant crier
Que gaigner puisse ung seul denier ,
De quoy je m'esmerveille assez.
Le Varlet.
Si fais-je plus que ne pensez.
J'ay veu que , quant vous aviez grâce De bien ramonner, vostre tasche Estoitbien d'ung aultre plumaige.
Le Ramonneur.
A, tu dis vray ; je faisoye l'age, Quant premièrement tu me veis.
Le Varlet.
Chascun vous mettoit en ouvraige.
Le Ramonne ur.
A, tu dis vray; je faisoye rage.
Le Varlet.
Il eust alors plus faict d'ouvraige En ung jour qu'il ne faict en dix.
Le Ramoj^neur.
A, tu dis vray; je faisoye rage, Quant premièrement tu me veis.
Le Varlet.
Gens qui sont ainsi massis Comme gros prieurs ou gras moynes INe furent jamais guère idoynes De bien cheminées housser.
Le Ramonneur.
Pour quoy ?
Le Varlet.
Hz ne font que pousser
n'u^ Ramoneur. 191
Et sont pesans comme une enclume, Et vous en suyvez la coustume, Car vous estes gras comme lart.
Par Lieu, j'ay aussi bien faict l'art Du mestier que homme du royaulme ; Mais, pour l'exercer, sur mon ame.
Ma puissance fort diminue.
Le Yarlet.
Se elle fust aussi bien venue Devers vous comme déclinée.
Vous eussiez mainte cheminée A ramonner, qu'on vous trespassc.
Le Ramonneur.
Je ne sçay que c'est ; tout ce passe , Ce que nature a compassé ; Car je suis jà tout passé.
Bien joueroit de passe passe Qui me feroit, en brief espace, Corps bien compassé.
Je suis jà cassé, Faulcé, Lassé, Et tout mon bien se trespasse De l'or que j'ay amassé A Gaultier et à Massé De leur bonne gi'ace, C'est d'estre en ung vieil fossé.
Poussé, Troussé, La où personne ne passe.
192 Farce
Le Va RLE t.
Qui vous diroit à voix basse :
Prens dix escus en ma tasse, Qu'en diriez- vous?
Le RAMO^^EUR.
Rien.
Ou de vuyder une tasse Et humer la souppe grasse , Vous le feriez ?
Le Ramonneur.
Bien.
Le Varlet.
Et, vous fussent assignées A dormir grans matinées.
Quel estât, quel ?
Le Ramonneur.
Bon.
Le Varlet.
Mais pour housser cheminées, La où vertus sont minées , Il ne vous en chault.
Le Ramonneur.
Non.
Je souloye avoir le resnom, Mais maintenant je metz Tant que mestier je congnoys Doresnavant à quinsaine.
Par mon ame, c'est très grand peine Que de ramonner ajournée.
d'un Ramonneur. igS
Le Varlet.
Voire pour gens à courte alaine.
Le Ramonneur.
Par mon ame, c'est très grand peine.
Le Varlet.
Croyez qu'il n'y a nerf ne vaine Qui ne soit bien examiné.
Par mon ame , c'est très grand peine Que de rammoner à journée.
Le Varlet.
Or sa, faison quelque trainée Ou quelque cryée joyeuse Pour veoir se quelque malheureuse Ne nous mettra point en ouvraige.
Le Ramonneur.
Nous y perdrions nostre langaige.
Ne faisons cy plus long séjour.
Car tu scez bien que tous les jours, Puis que la court est en la ville, Par ma foy, ilz sont plus de mille, Tous nouveaulx et jeunes Lousseurs.
Le Varlet.
Les jeunes ne sont point [plus] seiu-s Que les vieulx, vous le sçavez bien.
Le Ramonneur.
Il n'est abay que de vieil chien ; Pour dire je ne le nye point Qui nous faict estre tous chetiz.
194 Farce
Le Varlet.
Et quoy?
Le Ramonneur.
C'est que les aprentis Tousjours les meilleurs raaistres sont.
Le Varlet.
Et aiusi vous ayez —
Le bout.
Les jeuues m'appellent vieiilart Pour ce que j'euvre de viel lart, Et que je suis plus blanc que carmes.
Scés-tu quoy? Je me rens aux armes ; Mais pour cause que ma mignonne Ne me faict point chère si bonne Quand je lui raporte pécune, Ne revelle point ma fortune Mais que j'ai bien besongné Et que j'ay aujourd'huy gaigné Bien quarante soulz qu'on me doibt.
Je ne sçay de vray, s'elle entendoit Par trop parler ou sermonner Que ne peussc plus ramonner, Vêla Jehan du Houx rué jus, Plus n'en auroys esbat ne jeulx; Jamais ne me vouldi'oit aymer.
Le Varlet.
J'aimerois mieulx estre en la mer Que voslre honneur j'eusse frauldé.
Le Ramonneur.
Où estes-TOus mal fardée
d'un Ramonneur. 196
Ou lardée.
Que ne parlez-vous à nous ?
Le Va RLE t.
On vous a bien regardée
Et dardée Au cueur d'un regard très doulx.
La Femme.
Et qui a-ce esté ?
Jehan du Houx Par dessoubz.
La Femme.
Je ne m'en suis point gardée.
Le Varlet.
Toutesfoys il vous a dardée
Bien serrée La flesche.
La Femme.
Des poulx, des poulx, J'aymeroye mieulx quatre solz En ma bource de bon acquest Que son regard ne son caquet.
Bref, je n'ayme point ses esbatz.
Le Varlet.
Pour quoy?
La Femme.
Il craint le bas Plus que cheval de poisonnier.
Le Varlet.
He dea, si mangea (du) poisson hier,
196 Farce
Ne l'ayés pourtant indigné ; Pensez, quant il a bien digne, Encor est-il plus redelet.
Le Ramonneur.
Jehan du Houx est itel qu'il est ; Il n'en fault point tant sermonner.
D'où venez-vous?
Le Ramonneur.
De ramonner Tout ce jour, et Dieu scet comment.
Demandez-luy.
Le Varlet.
Tout bellement.
Par mon ame, c'est grant pitié.
La Femme.
Pis quanlem
Le Varlet.
Mais pis la moytié ; Il sera tantost maistre es ars.
La Femme.
Pour quoy ?
Le Varlet.
Il a [a]prins ses pars ; Il est à ses déclinaisons.
Le Ramonneur.
De quoy parlez-vous ?
Le Varlet.
De l'oyson Qu'on vous donna hyer à disner
d'un Ramonneur. 197
Après qu'on vous fîst ramouner La cheminée que sçavez.
Le Ramonneur.
Il dit vray.
Par dieu , vous bavez ; Ne vous vantez jà de beau faict.
Le Ramonneur.
Hola, j'ay faict ce que j'ay faict.
M'avez-vous si bien repoulsé, Encore ai-je aujourd'huy housse Des cheminées plus de douze ; Vêla qui le scet.
Le Varlet.
Il se house.
La Femme.
J'en vueil bien croyre ses recors.
Le Varlet.
Pensez qu'il a assez bon coips , Mais n'a membre qui rien vaille.
La femme, Dictes-vous ?
Le Varlet.
Pas maille.
Je vous ay declairé le point.
Le Ramonneur.
Se vous me voyez en pourpoint , Vous esprouveriés (plus)tost mes fais.
Le Varlet.
Il est fasonné comme ung fais
igS Farce
Defagotz ou de paille d'orge.
Le Rasionneur.
Tu as menty parmy la gorge , Je suis ung bel homme et robuste , De corps et de membres.
Le y a RLE t.
Tout juste ; Par mon arae, c'est bien soufflé.
La Femme.
Regardez , il est plus enflé Q'ung rat noyé dedans ung puis , Tant a mange de souppe(s).
Le Ramonneur.
Et puis Fondez-moy , si am'ez le sain.
La Femme.
Quel visage de sain et Poursain.
Comme il a en remply ses bouges.
Le Ramonneur.
Sont esté ces gros vins rouges Qui nous ont paincturez ainsi Les narines de cramoysi , Ainsi que sçavez qu'on le joue.
La Femme.
La couleur demeure en la joue ; Elle n'est pas tombé es mains.
Le Ramonneur.
Mon compaignon n'en a pas mains.
Ne voyez-vous le domine?
Il a le groing enluminé
d'un Ramonneur. 199
Comme le B de Beatus vir.
La Femme,
Mais vos yeulz me font grand plaisir; Carilz n'ont point la couleur nette.
Quels sont-ilz ?
La Femme.
Doublés d'escarlate.
Le Ramonneur.
J'ay tant par yilles et par bours Housse, qu'ilz en vont à lebours, Des pouldres qui sont cheux dedans.
Le Varlet.
Il a menty parmy ses dens ,
Il ne luy vient que de trop boyre.
Le Ramonneur.
Pour Dieu , ne le vueillez point croire, Ma doulcinette , ma mignonne, Ma gogette , ma toute bonne , Car, quant je ne suis point en serre, Je ramonne aussi bien...
Le Varlet.
Un g voirre Qu'oncques fist gorge de pion.
Le Ramonneur.
Escoustez cest escorpion, Comme il me point ; que je suis ayse , Et je sçay bien, plaise ou non plaise Qu'entre tous housseurs je suis homme.
200 Farce
Le Varlet.
Il a perdu le plait à Romme, Il peult bien appeller à Rains.
Esse débilité de rains , De housser en une journée Seize foys une cheminée Qui estoit bien grande et bien haulte?
Le Varlet.
Il dit yray ; il fist une faulte :
Ce fut quinze , et , somme toute , Une foys houssa tout de route , Encore Dieu sçait à quel peine.
Le Ramonneur.
Et je fis , ta fiebvre quartaine , Se aujourd'huy je t'os mot dire
Et mesdire Contre moy aulcunement, De mon poing , sans contredire ,
Par grant ire En auras ton payement.
Le Varlet.
Cil qui payement.
Vrayement Au moins s'on ne l'en retire Et TOUS envoyez celle tire.
Qui VOUS tire A mentir si lourdement ?
Dictes or , par mon serment , Tant qu'est à luy , il en est faict.
La Femme.
11 me faict enraiger, de faict ,
d'un RaMONNEUR. 201
De dire que si villainement [vaillamment?] A huy ramonné.
Hé , il ment.
Jamais ne luy eusse accordé.
La Femme.
Il est doncques. . . .
Le Varlet.
Il est cordé.
Jamais n'en aurez....
La Femme.
Grant ayde.
Le Varlet.
On luy eust bien....
La Femme.
Lasché la bride ;
De courir n'est point
Le Varlet.
Enrengé.
Je vous eutens.
Le Ramonneur.
Je l'ay songé ; Ouy j'ay faict ce que je vous dis.
Le Varlet.
Dictes en ung de profundis.
Il en est faict, vous le voyez bien.
Le Ramonneur.
Dictes en ung estronc de chien En ton nez. Fault-il tant baver.
Mais comment m'oses-tu b[r]aver,
Or, sanglant paillai-t contrefaict, Moy quit'ay faict —
Le Varlet.
Qu'avez-vous faict?
Le Ramonneur.
Je l'ay faict
Le Varlet.
Vous l'avez faict belle.
Le Ramonneur.
S'on ne te pent , paillait rebelle ; Je t'ay faict —
Le Varlet.
Quoy, apoticaire?
Le Ramonneur.
Escoutez , il ne se peult taire ; Il me faict enraiger d'ennuy.
Le Varlet.
Je ne mengeay liuy ; De quoy dyable serois-je plain?
Le Ramonneur.
Tu es rempli de faulce envye , Contre moy, qui te tient en vye.
Je prins ce paillai't totilleur A Paris , chez ung rôtisseur, Et n'avoit pas vaillant deux blans, Et couchoit , dont il est si blans , Au four à quoy la paille on art.
Bref, je t'ay faict....
Le varlet.
Quoy?
d'un Ramonneur. ao3
Le Ramo^neur.
Ha, paillart , Je t'ay au moins faict tant d'honneur Que tu es maistre ramonneur, Passé par les maistres jurez.
Le Varlet.
Pas ne fault que vous en jurez , Je n'en donroys pas ung oygnon ; Depuis que je suis compaignon Je n'ay pas gaigné mes despens.
La Femme.
Par ma foy, à ce que j'entens, Il ne peult plus lever le boys Du ramon.
Le Ramonneur.
On dit maintes foys Qu'il atant faict qu'il n'en peult plus [mais?] On le doibt bien laisser en pays, C'est une autorité commune.
La Femme.
Las , je demeure ainsi comme une Povre femme , à qui Fortune Pour sa griefve importune.
Quant mon mary vient en bas, Puis qu'en si piteux esbats
On l'impugue, Plus je ne puys , par voye aulcune , Pour argent ne pour pécune , Avec luy prendre mes esbas.
La Voysine commence.
A qui esse que tu t'esbatz
2o4 Farce
Ma voysine et ma doulce amye ?
La Femme.
Croyez que je ne chante mye Mais ay le cucur triste et marry.
Car c'est de mon povre mary A qui Dieu bonne mercy face.
Je ne sçay plus que je face, De grand pitié qui me remort.
La Voysine.
Comment? vostre mary est(-il) mort?
La Femme.
Tout mort au paradis des chièvres.
Le Ramonneur.
Et je suis tes sanglantes fiebvres , Puis qu'il convient que je responde.
La Femme.
Il est mort, c'est-à-dire au monde, Comme ung chartreux ou reclus.
La Voysine.
Comment ?
La Femme.
Il ne ramonne plus Non plus qu'un enfant nouveau né.
Le Ramonneur.
Ramonner ! c'est bien ramonné ; Il n'est homme qui ne s'en lasse De ramonner par tant d'espace Que j'ai faict, ne par tant d'ans.
Il y a plus de soyzante ans
d'un Ramonneur. 2o5
Que le mestier je commençay, La Voysine.
Vous n'en pouvez plus.
Le Ramonneur.
Je ne sçay ; Ma femme me le dit ainsi.
La Voysine.
Comment le sçavez-yous ainsi?
La Femme.
Je le sçay par ma cheminée Qui souloit estre ramonnée Tous les jours bien cinq ou six foys ; Mais il y a bien troys moys , Voysine , qu'il n'y voulut penser.
Le Ramonneur.
C'est toujours à recommencer.
Qui fourniroit au résidu, Il vauldroit mieux estre pendu , Ou estre mis en gallée.
La Voysine.
Vostre peau sera gallée , Ou vous ferez vostre debvoir.
La Femme.
Voysine , vous pouvez sçavoir Qu'il ne fera jamais grand fais.
La Voysine.
Comment ?
Le Varlet.
Il est sec et mast Puis qu'aultrement ne s'employe.
2o6 Farce d'un Ramonneur.
Le Ramonneur.
Ma gaulle ployé Si tost que l'ouvraige regarde.
Pour Dieu , Messieurs , prenez garde , Qui vous meslez de ramonner.
Qu'a ramonner point l'on ne tarde Les cheminées qui ont mestier ; Et, pour la cause abréger, Et aussi qu'il ne vous ennuyé , Il est temps de nous eu aller.
Adieu toute la compaignie.
Cy fine la Farce du Ramonneur de cbe minées.
