ET DE GRANDE VALUE
A tous les foulx qui sont dessoabz la nue , Pour leur monstrer à saiges devenir, Moyennant ce, que, le temps advenir.
Tous sotz tiendront mon conseil et doctrine ; Puis congnoistront clerement, sans urine. Que le monde pour sages les tiendra , Quant ils auront de quoy; notez cela,
Icy commence Le S E R M 0 >' N E U R , e? «/«> .•
,n nomine Bachi et Ciphi atque sancti Doli. Amen.
Ve qui sapientes estis in oculis vestris. \Hec verbaEsaye originaliterquinto capitula scribuntur et recitatii'e ad nostre collationis fondamentaliler exordium assumcntur.
0 présent assistoire , Grans, menus et tout populaire, Et, premiers, dames et seigneurs.
Tous bons pions et bons beuveurs , A celle fin que puissons dire Chose de quoy nous puissons rire ,
2o8 Sermon
Vers Bachns nous retournerons Tous ensemhle et le saluerons D'uug vouloir parfalct et bénin En beuvant ung verre de vin.
Ve qui sapientes estis, etc.
Affin que je ne soys confus En mes parolles , je conclus Que troys parties nous ferons.
In prima parte conclurons Qualitatcm fatuorum ; Pro secunda nous parlerons De quantitate stultorum.
Immo , pro tertia parte , Ut nostra reperitur in arte, De modo eorum vivendi.
Or, chut donc , mot , entendez cy , Ne dictes mot, cheut, paix, holà!
Et vous aultres , qui parlez là , Encore fauldra , par ma foy, Que je vous monstre atout le doy.
Estes-vous foulx? estes-vous bestes?
Regardez le lieu où vous estes.
Homo cum in honore esset et non intellcxerit comparatus est jumentis insipientibus et similis factus est illis.
Or, chut, mot! laissons les brouillis.
Ergo donc , pro prima parte , Parlerons de qualitate.
Levez tous vos cueurs.
Nous povons dire qu'il sont plusieurs sotz ;
Je demande qu'il sont.
Ferant gentes qiioniam homines sunt.
Les qualitez des fouz sont difficiles; Les ungz sont lours et les aultrcs habilles , Aulcuns privez ot les aultres estranges ,
Aussi merveilleux que beaulx anges
Descendus tout nouveau des cieulx ,
Et ceux-là sont sotz glorieux.
11 y a d'aultre qualité
De sotz, qui tiennent gravité
Et portent arrogance fière ,
Qu'on jugeroit a leur manière
Estre Socrates ou Virgile ;
Mais chascun d'eux est tout débile
D'entendement et bon propos ,
Et , pour le vrav dire , telz folz
Sont contens de la gloire avoir
Du monde , et rien ne sçavoir.
Quomodo ni'x in estate et pluvia in messe, sic in dccens est stiiJto , mo sexto capitula
dccens est stuïto gloria. Proi'erbiorum vigesi-
Je trouve une aultre qualité De foulx tous plains de nouveaulté Poui- dire de[s] motz à plaisance , Ou soit en banquet ou en dance.
Pour faire tout le monde rire ; Ces sotz icy, pour le vray dire, Selon noz bons docteurs devotz , Nous les appelons sages sotz.
Et voulentiers , au temps qui comt , Telz sotz si se treuvent en court , Et maintes foys mengent le pain
T. II. it
210 Sermon
A plus folz que eux , il est certain.
Entre tous ces folz. que je ditz,
[Tous] incensez et estourditz ,
J 'en trouve d'aultres fantastiques
Qui valent pis que lunatiques.
Et si me demandez : Beau père ,
Qui sont ces sotz? — Certes, beau fi'ère,
Les plus sotz et enragez foulx
Qui soyent au monde, sont jaloux.
Qu'en dictes -vous donc, mes seigneurs?
N'est-il pas vray? Levez vos cueurs.
N'en a-il nulz en ceste ville?
Si a , certes , plus de deux raille ,
A qui vauldroit mieulx , par mon ame,
Jamais n'avoir espousé femme.
Hz ont femme honneste , gracieuse ,
Belle, plaisante, amoureuse,
Mesnaigère fort diligente,
Et de mal aussi innocente
Que Judas de la mort Jésus.
Helas ! povres sotz malostrus ,
N'estes-vous pas bien folles testes
De vouloir gai'der telles bestes?
Note les ditz et retien-les
Que dit le saige Socrates :
In animaUhus bis foratis in visceribus bassis non est adhibenda fides.
Pour tant , je te prie , laisse-les ; Car, si tu estoys aussi saige Que Salomon , si elle a couraige De mal faire , (ja) ne se gardera Pour toy, mais façon trouvera
De parvenir à son dessus.
Se tant de gens en ont esté deceuz, Comme Sanson, Aristote, Virgile, Est-tu saige plus que iceulx ou habille ?
Forte venient fortis rcx et impugnabilis grcx. Fortiorcs sont mulieres.
D'aultre part , c'est grande Ibllye A homme d'avoir jalousye De chose où n'a aulcun dommaige.
Quel desplaisir te l'aict un personnaige
S'il te croist ou eslargit tes biens?
Femme a cul , c. , et ses membres sont siens, Et me semble, par loy exquise.
Qu'elle en peult bien faire eu sa guise. Vous en avez la belle loy.
En Yostre droit, qui en distle vroy.
Quilibet est moderator clericus vel laboralor et arbitcr rei sue. L. in rc mandata. Codice mandati.
Je ne suis ne fol ne yvre ; Je metz cela à la peine du livre.
Oultre plus, ce te vueil monstrer, Pour en ton couraige entrer.
Une belle similitude.
Et , si n'as entendement rude , Tu pourras clerement congnoistre Que jaloux tu ne doibs pas estre.
Or sus donc , nouveaulx mariez , Levez voz cueurs et entendez :
Voylà , contre une paroy ,
212 Sermon
Ung pertuys; tu y iiie[t]s le doy, Et ï'aultre vient qui luy boute, , Ou cinq ou six tout d'une route.
Et, par ta foy, n'ez-tu pas bcste De t'en rompre ainsi la teste?
Si le pertuys ils emportoyent.
Je dys que bien se forseroienl ; Mais il demeure en son entier, Et si en venoit un millier Jà pour ce n'en amoindrira.
Or escoute ung petit cela , Qui est escript en beau décret En la glose, tout en secret :
Mulier non dicitur mcretrix nisi ipsa receperit viginti tria millia hominum. Glosa in capitulo Vidiia, distinctione trigesima. qnarta.
Je trouve aussi à mon propos Une autre quantité de folz Qui s'en vont de nuyt par les rues , Estendant les colz comme grues , Et regardant par les fenestres S'ilz verront point dedans les astres Celles de qui sont amoureux.
Helas ! pouvres sotz malheureux , N'estes-vous pas bien abusez, Foulx , estourdiz et incensez , D'estre , tant comme la nuyt dure , A la pluye, au vent, à froydur Les dentz cliquetans à la gorge Aussi dru que marteau de forge ; De chanter devez faire raige , Car vous gringotez davantaige.
DES FOULX. 2i3
Stultus per platects noctitrno tenipore currit , et fornirator per celidas : exclusus carmen flebilc cantat amans.
Ainsi chantant devant sa porte ,
Ta folye sottement déporte.
Et par adventurc t'amye
Sera au llcl bien endormve,
Ou peult bien estre qu'elle aui'a
Ung aultre qui la secourra
Au son de ta plaisante aubade.
Mais si elle est ung peu rusade ,
Commencera fort àtoussir. (Hem.)
Hélas ! Dieu sçait le grand plaisir
Tu as , alors que l'as ouye ;
Ta pensée est du tout ravye ,
Et n'as eu toy froyt ny douleui'
Qui ne soit tournée en chaleur.
Ressemblent les chiens à la lune
Ses sotz icy, par voix commune, Quant d'amours ne scevent [pas] proffiter : La lune est hault , nul n'y peult habiter. Qui vouldroit chercher les passaiges
De tous ceulx qui ne sont pas saiges ,
Les fassons et les qualitez
Des sotz de sens débilitez,
\\ fauldroit séjour et espace.
Pourtant, seigneurs, en ceste place,
Grans et petis , sans plus tarder,
Ung chascun pense de loller
Affin de affolye [à folye?] satisfaire.
Posé que ne le debvons faire ,
Toutesfoys c'est bonne raison
De folyer ceste saison ,
2i4 Sermon
De nuyct et jour, sans se coucher, Et c'est de quoy je veulx toucher En mon thesme preallegué.
In fore assumplis prepositionibus procedcntibus. Ve qui sapientes estis in oculis vestris.
C'est de Esaye les paraboles; Voylà, seigneurs, que disent les paroles.
Pro secunda parte.
Or ça , pro secunda parte , Je trouve , de quantitate , Que numerus stultorura est infinitus.
A savoir mon , si toute arismetique Sçauroit nomljrer le sexe folatique , Je ditz que non : il est inestimable.
La raison? car, par tout le monde, Folye plus que science habonde.
Allez chercher du monde les passaiges , Vous trouverez plus de fous que de saiges : Thebains, Grecz, Assyriens, Sotz Mores, Indiens, Athéniens, Foulx de Judée, sotz de Turquie, Sotz de Naples et Lombardie.
Les Lombars , selon leurs usages , Sont foulx par force d'estre saiges.
Les Alemans sont au contraire :
Hz sont foulx par force de boyre ; Mais qu'ilz ayentbien mouille la gorge, Hz sontvaillans comme sainct George.
Des Bourguinons la grant folye, Qui disoyent leur duc estre en vie.
Les Picquars ilz sont trop eureux ; Et que sont-ilz ! foulx amoureux :
Si une chièvre portoit coiffète , Hz en feroient leur amyète.
Foulx de Paris sont si grant nombre Que aux autres foulx portent encombre.
Foulx Normans rians des oreilles A tant que c'est grandes merveilles.
Après viennent les folz Bretons A cent , miliers et milions ; S'ilz sont saiges , c'est adventure :
Car ilz sont tous foulx de nature. Touchant de ses sots Angevins , Ilz ne sont foulx que de bons vins :
Car Jehan des vignes , qui est tant beau , Incontinantleur gaste le cerveau.
Foulx Poytevins etLymosins, Se sont sotz rusez et bien fins :
Car eulx , le fol contrefaisant, Us mordent les gens en riant; Leur language les rend robustes , Mais plus fins sont que tu ne cuydes.
Foulx Gascons ont legière teste ; Hz courent fort comme tempeste.
Après T nous avons tout en bloc, Ung tas de foulx de Languedoc , Foulx de Guyenne et de Quercy, Rouergues et Tholose aussy ; Soit en leurs faictz ou en langaige , De cent ung n'en a pas un saige, Foulx d'Avignon et de Prouvence Voulentiers n'ont point de science ; Hz donnent les bagues jolyes A qui fera plus de follyes ;
2i6 Sermon
Qui mieulx luttera et courra , C'est celuy qui le pris aura.
Foulx de Lyon en leurs usaiges Ne sont ne trop foulx ne trop saiges; Et fussent saiges par sus tous , Mais les femmes si les font foulx.
Foulx de Forestz et de Savoye Sont aussi couars comme une oye; Si les chièvres lentreprenoyent , Hors leur pays les getteroyeut ; Leurs folyes va jusques au cieux , Et pourtant sont folz glorieux.
Sotz d'Auvergne et de Bourbonnoys , Autant en ung mot comme en troys, Foulx sont et foulx demoureront.
Et jamais saiges ne seront.
Foulx de Rome et Hierusalem , En effect in omnem terram Exivit sonus eorum. Si Lien cherchons nous trouverons
Foulx à monceaux en toutes régions.
L'on a bien veu , par plusieurs foys, De sotz papes et de sotz roys.
Sotz empereurs , cardinaux , arcbevcsques , L'on a veu, et de sotz evesques , Abbez, curez, aussi chanoynes
Y a partout, et de sotz moynes, Sotz gendarmes et chevaliers.
Y a par cens et par milieis [Sotz] cordeliers et Augustins , Croisez, carmes et jacopins.
Après, nous avons ung graut tas De foulx juges et advocatz.
Foulx capitaux, cchevins et cossous
DES FouLx. ai7
Y a de toutes nations .
Foulx docteurs, foulx licenciez.
Pas ne vueil que vous (n)oabliez , Avec (des) nombres inestimans , De sotz et foulx estudians , Foulx médecins et marechaulx Qui tuent les gens et les chevaulx , Et ne sceyvent tant procurer Qu'eulx mesmes se puissent curer.
Entre tous ces foulx que je ditz, [Tous] incensez et estourditz , J'en trouve encor à mon propous, En folye maistres dessus tous , Comme chantres , musiciens , Voulentiers ne sont pas sciens :
Car ilz ont , à boysseaulx et mines Les testes plaines de minimes.
Astrologues , géométriens , Folz artistes et phisiciens , Escripvans et arismetiques , Peintres , verriers , imprimeurs lunatiques , Tous ses sotz, par ma conscience, Sont foulx par force de science Après arrivent en frontière Les grands foulx qui portent banière Où pourtraicte est dame Folye ; Qui sont ces sotz foulx d'arquemie ; Arquemistes , se sont les foulï Que font de la lune cinq soulx ; Se homme avoit la science De Platon , par ma conscieiîce , El se veult meller d'arquemie , Il est sot et plein de folye.
Ergo donc , je conclus icy
2j8 Sermon
Le nombre des foulx infini.
Et puis fais une question En demandant à sçavoir mon S'il est plus de saiges que foulx.
Par vostre foy, qu'en dictes-vous ?
Levez tous vos cueurs ; La question est difficille ; Vous avez dedans l'Evangille :
Muiti sunt vocatif pauci vero electi.
Que dit cela? Cela veult dire Que tous ceux qui ont eu martyre, Qui de science estes vestus , Fuir les vices et ensuyvre les vertus , Ainsi que l'Evangille dit, Que le nombre est bien petit.
Touchant de ceulx qui , en leur vie , N'eurent onc de science envie , Ainsi qu'il a escript dessus , Numerus est infinilus.
Ergo donc, il y a plus de sotz Que de saiges , c'est mon propos , Y a-il prou sotz , gloses et notes , Encores y a-il plus de sottes.
Qui vouldroit escrire des femmes , Il fauldroit de papier dix rames; Toute femme fillant quenoille Est plus sotte que n'est gribouille.
Je dy donc pour conclusion
Que : cogitationes hominuni vane sunt.
Comme dist l'apostre sainct Pol ,
Que quasi tout le monde est fol.
Corrupd sunt et abhomînabiles facii sunt ; non est qui faciatbonum; non est usque ad unum.
Puisque la plus gi-ande partie Du monde est subjecte à folye, Pensons (donc) à folye satisfaire , Et, posé que ne devons faire Folye , toutesfoys c'est (bonne) rayson De follyer quelque sayson De nuyt et de jour, sans se coucher, Et c'est cela de quoy je veux toucher En mou tesme preallegué
In verbis preassumptîs et prepositionibu-s pre-
cedentibus.
Ve qui sapientes estis in oculis vestris.
Pro tertia parte.
Seigneurs , mes qu'il ne vous ennuie , Nous aurons la tierce partie Très legierement racontée, Et puis , la partie desclairée , Si Dieu plaist, nous aurons la fin.
Vous aultres qui entendez latin , Levés voz cueui-s , ouyez que c'est :
Sapientia hiijus mundi stultitia est, etc.
Nous avons dit de qualitate , Similiter de quantitate.
Reste donc sur ce point icy De modo eorum vivendi.
220 Sermon
Leurs façons et manière de faire Fault descîarer : il en est nécessaire. L'ung bat les chiens en cuysiue ou estable, L'aultre en mengeant va cifflant à la table, Les aultres prennent leur soûlas et dclict Toute la nuict chanter dedans le lict.
Aulcuns si vont frappant de huys en huys ; L'aultre est plus sot, qui crache en ung puys, (Et) d'aultres aussi , qui ne sont gueres saiges , Qui a l'église vont riant aux ymages.
D'aultres en a, qui sont plus nouveletz, Quant vont par ville, ilz parlent tous seuUetz;
D'aultres combatent à leur umbre ,
Car leur umbre leur faict encombre.
L'ung faict la moue et si rit à par soy, L'aultre se plaint et si ne sçait de quoy.
Et les aultres , sans nulle faulte , ^ Prennent plaisir à compisscr l'ung l'autre. Sainct Augustin nous dit à ce propos
Que telz gens foulx rapiunt celos.
Or ça, seigneurs, qu'en dites-vous:
Par vostre foy, a-il nulz foulx
Icy de ceulx que je vous ditz?
Or vrayement j'en voy plus de dix
Devant mes yeulx , ce n'est pas jeu.
Ha ! se Moyse fust en ce lieu,
Il vous feroit rougir le front.
Si tous les foulx qui icy sont
Estoyent esleuz et mis à part ,
Je oseroye gaiger que le quart
Se seroit le nombre des sages ;
Encor(es) je reserve les pages.
Car ceulx-là ne sont que innocens.
S'il y a donc icy trois cens
Hommes , à les comprendre tous , Je dy que les deux cens sont foulx.
On les congnoist à leur manière :
Les ungs s'en vont par la charriera Chantant , et les autres cifflant Ainsi comme ung petit enfant.
Or ça , parlons des tabourins , Lesquelzs'en vont tous les matins Aux dames donner les aubades.
Ha ! povres sotz ! ha ! povres fades ! Escoute et enten bien mes ditz , Je m'en acquite et toy enhorte Que n'yras point en paradis , Si le grant dyable ne t'y porte.
Or, chut, mot, voyre; mais, beau père, Dictes-nous que [nous] pourrons faire Pour estre saiges? (Je) vous diray Et à tous foulx enseigneray Comme il seront les bien venus Partout, et pour saiges tenus.
Or ça , voicy que vous ferez :
Ung chascun jour amasserez , Tant que pourrez , or et argent , Et puis vous serez saiges gent.
Qui n'a d'argent, on le tient foui, Et saige est qui en a son saoul.
Quant tu auras d'argent grant somme , Tu seras tenu pour saige homme.
Servit aut imperat pecunia collecta unicuique. Oratiiis in epistnlis.
Or ça , seigneurs , gi-ans et petis , Il est temps de vous dire adieu.
Se j'ay rien dit, c'est tout par jeu;
22a Sermon des Foulx.
Pourtant vueillez-moy pardonner.
Au surplus vous vueil supplier Que ung chascun de vous à part soy Luy plaise de prier pour moy ; Je suis sol et vous estes foulx :
Priez pour moy et je prieray pour vous.
Fin du Sermon des Foulx. Imprimé nouvellement à Lyon en la maison de feu Barnabe Chaussard, près Nostre Dame de Confort.
