FILZ DE TIIEVOT LE MAIRE
Qui vient de Naples et amène ungTurc prisonnier
A quatre personnaigeSf c'est assavoir
THEVOT LE MERE LA FEMME COLINsonfilz LEPELERIN(I)
ThevOT commence.
I ive Thevot monsieur le maire Et aussi mon grant filz Coiin.
I Or pleust à Dieu qu'il peust tantfai- I De mettre le Grant Tui'c à fin. [re
Il reviendra quelque matin.
Il y a tantost six mois passez
Qu'il partit, sans point de procès.
Se une foys il a entreprins,
Rende soy Naples , il est prins ,
Et se garde qui se aymera,
Car jà homme n'eschappera
Qu'il ne soit prins ou mis à mort.
Ou soit à droict, ou soit à tort ;
(1) Cette pièce fait partie àa Recueil de plusieurs farces, Paris, Nicolas Rousset, 1612, ini^. Nous donnons quelques variantes prises sur la réimpression Caron.
Farce de Colin 889
Car il est fier comme ung lyon.
Jamais ne fut tel champion
Ne plus vaillant homme de guerre.
Pour tost s'en retourner grant erre.
Mon grant père par hardiesse,
En cuidant acquérir noblesse,
Pour ce qu'il reculoit derrière,
Tomha dedans une carrière.
Et fut leans pour se retraire (t).
La Femme.
Dieu [vous] gard, monseigneur le maire ; Je viens vous demander justice.
Thevot.
C'est grant faict que d'avoir office.
Et bien, bien, je la vous feray.
La Femme.
Ha, monseigneur, je vous diray.
Il est venu ung gentilastre L'autre jour jusques à mon astre.
Après diner la relevée.
Tuer ma poule grivelée, Celle qui ponnoit les gros œufz.
Thevot.
Estoit-il tout seuUet, ou deux ?
Declairez-moy bien votre cas.
La Femme.
Deux? Nenny, ilz n'y estoyentpas ; 11 n'y avoit que ung grant testu , Qui avoit ung Jacques vestu.
Qui mist ma grant jeliue à fin.
(1) Yar. Où mourut sans qu'on l'en peust traire.
390 Farce de Colin
Thevot.
Seroit-ce point mon filz Colin ?
Il frappe de taille et d'estoc.
La Femme.
Monseigneur, il tua mon coq , Et il me fit de grans oultraiges , Encore prist-il deux fromaiges ; Ma foy, c'est ungmaulvais garçon.
Thevot.
Il fault faire information Pour sçavoir lequel se peult estre.
La Femme.
Encore raist sa jument paistre En mon jardin pour me pis faire.
Il est vray, monseigneur le maire ; La vérité sera trouvée.
Colin.
Le diable y ayt part à l'année.
Mon père, hau! je suis venu.
Thevot.
Colin, es-tu jà revenu ?
Comment se porte la bataille ?
Colin.
Vous n'avez garde que je y aille, Tant que j'auray la vie au corps.
Thevot, En y a-il beaucoup de raortz ?
Racompte-moy de tes nouvelles , Et où sont Vicestre et Grenelle ?
Tu n'en faictz point de mention.
FiLZ DE Thevot LE Maire. 891
Je les layssay en iing buisson, Où ilz se tindrent pour l'assault.
Ils tremhloyent, et si faisoit chault, Mais c'estoit de paour seulement.
Mais dictes-moy, vostre jument, Mon père, est-elle pas venue ?
Thevot.
La jument ! mais l'as-tu perdue ?
Colin.
Par ma foy, quelc'un la liappa.
Veez vous , elle ra'eschappa ; Je ne sçay qui c'est qui la print.
Je luy avoye dit ([u'elle s'en vint, Par bien, et si luy eu feiz signe.
La Femme.
Vous avez tué ma geline ;
Je vous congnoys bien maintenant.
Colin.
Et puis quant je alloye escoutant , Et que fusnics près de l'armée, On dit qu'il y avoit journée.
Par ma foy, vous debvez penser Qu'ilz estoyent tous vestus de fer, Et j'avoye mou Jacques de touelle.
Thevot.
Ne feites-vous pas du rebelle.
Quant à l'armée anivastes ?
La Femme.
Ha, par ma foy vous la tuastes
392 Farce de Colin
D'une dague à large rouelle.
Troys jours devant je vius à elle ; Doibs-je dire, j'ouys sonner Clairons, et moy de l'etourner ; Il ne faisoit pas bon au lieu.
La Femme.
Vous la prinstes, par la croix bien, Alleluya, coquelicoq , Et puis vous tuastes mon coq ; Monsieur, faictes m'en justice.
Thevot.
Colin, ce fut à toy grant vice, Se tu fciz tout ce qu'elle dit.
Colin.
Cuydez-vous que j'ay grand despit Quant je perdis mon grand bonnet?
La vieille me prist au collet Et me vint bailler sur le groing, Par bieu, cinq ou six coups de poing, Et print mon bonnet sur ma teste.
Thevot.
Et comment estoys-tu si beste De te gouverner de telle sorte ?
Colin.
Le corps bieu, la vieille es toit forte.
Pensez c'clle m'eust battu.
Pai- ma foy (elle) ne m'eust pas battu (i)
(l) Var. Si ne m'eust-elle pas battu Sans m'avoir premier abbatu.
FiLZ DE Thevot LE Maire. SgS
Mais toutesfois j'en euz très bien.
Thevot.
lié dea, Colin, je t'avoye bien, Par bien , racompté ta leçon ; Tu ne congnoys pas la façon.
Du temps qu'à la guerre j'estoye.
Scez-tu bien comme je faisoye?
Je tenoye tousjours pied à boulle.
La Femme.
Vous eustes mon coq et ma poulie.
Je vous supplye, despeschez-moy.
Thevot.
Colin, ce fut mal fait à toy (i) De perdre ton Jacques en ce point.
Colin.
Ne pensez-vous pas qu'en pourpoint On coure mieubc que tout vestu ?
(1) Yar, Les cinq vers qui suivent sont remplacés pti ceux-ci :
Te laisser battre à une femme !
Qu'eusse-tu faiet contre un gendarme S'il t'eust présenté te combat ?
Colin.
J'ai tousjours fui tel débat Plain de péril et hazardeux.
Thevot.
C'est bien loin d'en combattre deux A la fois ; niaiz je ne voy point Ton Jacques dessus ton pourpoint.
Où est il ?
Col in. Je l'abandonnay A qui le voulut , et donnay Pour fuir plus légèrement.
394 Farce de Colin
Thevot.
Ce fut à toy bien entendu ; Tu as ung bel entendement.
Colin.
Je le feiz si secrètement
Que je eschappé par devant tous.
La Femme.
Et par ma foy, ce f Listes tous Qui montastes en ma cbasière ; J 'esloye en nostre cbenevière ; Il fault dire du bien le bien.
Monsieur le juge, de rien Je ne vouldroye jamais mentir.
Colin.
Mon père, pour vous advertir, Pensez que j'ay esté vaillant, Combien que j'ay perdu contant A l'armée mainte bonne brague.
Thevot.
Colin, et monstie ça ma dague ; Long temps a que ne l'ay tenue.
Colin.
Â, tresdame, je Tay perdue ; La vieille la print au fourreau ; Se n'eusse recullé tout beau, Je cuide qu'elle m'eust frappé.
Mais toutesfoys j'en eschappé. Car, pai- ma foy, je m'en fouy.
La Femme.
Vous la prinstes dedans le ny;
FILZ DE ThEVOT LE M AIRE. SqO
Aussi tost que vous arri vastes.
Je sçav bieu que vous la fourastes Incontinent en la Lesace.
Colin.
Quant nous fusmes dedans (i) la place, Je ouy sonner drain, drain, drain.
Et moy de regarder le train, L'ung crioit : Torche, frappe, tire.
Thevot.
Qu'en scez-tu ? r:^.
Colin.
Je Tay ouy dire.
Quant je ouys crier à l'enseigne, Je vins derrière une montai gne, Et laissay tous mes compaignons.
La Femme.
Vous les mengeastes, mes oysons, Qui menoyent les petis pires (2).
Thevot.
Vous ne venez pas à propos ; Vous ne faictes que fatrouiUer.
Colin.
Que venez-vous icy brouiller ?
Je regni.
Thevot.
Ha, tout beau, Colin ; Reculez-vous ; il est hardy.
(1) Var. Devant.
(2) Var, Ou seul ou avec vos suppostt.
396 Farce de Colin
La Femme.
Tout aussi vray comme je dy.
Ha, je vous ay bien advisé, Combien que soyez desguisé.
Vous aviez un hocqueton Tant espés.
Thevot.
Nous en jugerons En tems et en lieu, ne vous chaille.
La Femme.
Vous qui mangeastes ma poulaille, Et aussi feistes-vous mon coq , Faictes-moy justice, Thevot.
Se doibtz-je dire , monsieur, Il me fait plus grand deshonneur, Et je vous diray la manière :
11 empoigna ma chambrière, N'estoit-il pas bien mal courtoys ?
Et si luy fist deux ou trois foys.
Thevot.
Est-il vray ?
La Femme.
Ouy, je ](es) y trouvay.
Le cas est congneu et prouvé.
Il n'y convient point d'autre preuve.
Mes cuidez-vous, quant on se treuve SeuUcment à les veoir de loing , Il est bien de fouyr besoing ; On y donne de maulvais coups.
La Femme.
Thevot, je vueil parler à vous.
FiLz DE Thevot LE Maire. 897
îe vous n'en faictes autre chose Je ma cause, je m'y oppose.
Fornicallement j'en appelle ; \ussi fault que je me rebelle, le mettray alligation , ^ans vostre jurisdiction, Kt m'en croyray aux accidens.
Thevot.
Par Lieu, en despit de vos dens, Meshuy rien je n'en jugeray.
La Femme.
Il me souffist, je m'en iray.
Colin.
Âffin que plus on ne devine, Ce fut moy qui tuay la geline.
Elle couroit : je saulx à cop, A tout ma dague , et fciz : sop ; Je la frappay en trahison.
Thevot.
Colin, la femme avoit raison De ce plaindre par devant moy.
Mes escoute que te diray.
Comme fus-tu si fort hardy (1) De la poursuyvre jusques à mort.
Colin.
Mon père, j'ay bien faict plus fort, Et pour cela, ne plus ne moins, J'ai bien autre chose en mains.
Ce n'est pas comme de la vasche
(1) Var. Comment eus-tu la hardiesse
De la poursuivre aiusi sans cesse Tant que lu l'eusse mise à mort?
398 Farce de Colin
Que vous emblastes une foys (i).
Thevot.
As-tu ouvré de plus grant poix, Mon fils Colin, pour abregier?
Colin.
Mon père, j'ay ung prisonnier Que j'ay attrapé en chemin.
Je croy que c'est ung Sarrazin, Car il parle barragonnoys.
Je le prins au pied de la croix En venant de Naples à Romme.
Oncques ne vistes ung tel homme ; J'ay esté vaillant, Dieumercy.
Thevot.
Colin, ameine luy icy.
Velà bien besougné à toy.
Colin.
Venez doncques avecques moy, Ou autrement je le lerray.
Il porte ung grant baston ferré.
Par Nostre-Dame, je le crains.
Thevot.
J'ay mon bon baston à deux mains.
Où l'as-tu bouté en prison ?
S'il n'est bien en forte maison, Je l'attraperay se je puis.
Colin.
Je l'ay bouté derrière l'huys
(4) Yar. Que comme vaillant et non lasche Vous amenastes une fois.
FiLz DE Thevot LE Maire. 899
Il n'a garde d'en eschapper Véez le là,
Theyot.
Yeult-il point frapper ?
Colin.
Regarde-le-moy à la trogne.
TlIEVOT.
Ça, maistre, ça, je vous empoigne ; Regardez se je suis vaillant.
L'as-tu bien conquesté si grant ?
Colin, tu estois vaillant homme.
Colin.
Et je le prins au premier somme, Cependant comme il dormoit.
Et j'escouté comme ilronfloit.
Alors le couraige me creut.
Thevot.
De paour qu'il ne t'aperceust ; 11 estoit saison de le prendre.
Combien de rançon veulx-tu rendre ?
Je regny.
Le Pèlerin.
Got fadracot gai'are vestud my, Touffe dulain mistrande.
Thevot.
Mais que dyable est-ce qu'il demande ?
Je n'entens point son jobelin.
Parle-il françoys ou latin ?
Je ne sçay, sur ma conscience.
Le Pèlerin. 0 filles aes dimplorare,
4oo Farce de Colin
Filos meretre salmeut.
Thevot.
Yeult-il faire son testament ?
(Colin), demaude-luy cujus casus.
De ton latin en scez-tu plus ?
Tu as tant esté à Tescolle.
Le Pèlerin.
Sardore, sore, basterolle, Hohart zohart belle fredi'ac.
Thevot.
A voit- il rien en son bissac Quant tu le prins premièrement ?
Tu le happas subtillement ; Tu fuz vaillant, il le failloit.
Colin.
Et je le prins où il dormoit ; Je n'en fusse pas arrivé.
Le Pèlerin.
Aaon mac god tu te rivé, Tison grac errac rencontre.
Thevot.
Mais quel lettre est-ce qu'il monstre ? Monstre-la moy, mon filz Colin ; Je cuide qu'elle soit en latin.
Uni... uni... universis ; Les lettres sont si très menues Que je ne sçay là où j'en suis.
Inspec... inspec... (inspec).
Inspecturis.
FILZ DE ThEVOT LE MaIRE. 4o t
Thevot.
Aa, tresdame, tu Tas trouvé !
Ma foy, j'estoye fort troublé.
Je la lisoye à revers.
Mais il est tant de maulvais clercs !
Pensez que voicy mal escript.
Je cuide que la lettre dit
Qu'il s'en va en pèlerinage.
Le Pèlerin.
Ouel, ouel.
Thevot.
Il me disoit bien nu couraige, Ma foy, qu'il estoit pèlerin.
Je le congnoys bien au latin.
Le dyable y ait part à la prise.
J'en eusses eu la robe grise.
Colin, et ta mère de mesme ; S'il eust esté Sarrazinesme, Il eust payé (plus de) six mille solz. Deslye le tost. Nous somme folz.
Tu n'as pas faict nouveaulx exploiz.
Il fault aller tenir noz plaiz.
J'ay bien aultre chose à faire.
Le Pèlerin.
Queste bore commil consere, Hort hort myne copue gigois.
Thevot. Il s'en va à Firlibois, Par bieu, à saincte Katherine ; Colin, la lettre le décline.
Colin.
Vous n'entendez pas la façon ;
4oa Farce de Colin
C'est Nostre-Dame de Cleron , Par ma foy, je croy, qu'il y a.
Thevot.
Par sainct Père, c'est donc cela.
Je n'avoye pas bien extringué, Ou je cuide que le curé Y mist de mauvais latinage.
Colin.
Quant je l'avisé au visaige, Affin que bien je vous die, Je cuidoye qu'il fust de Turcquie Pour ce qu'il estoit si très grant.
Thevot.
Laissons cecy pour maintenant.
Que av-je faict de mon escriptoire ?
Il me convient mettre en mémoire Le cas de mes memoriaulx.
Comment espeleray-je houseaulx ?
Colin.
Housiaulx, [s, i, a, u, x,] siaulx.
Thevot.
Ha, par sainct Jacques, tu dis bien.
Mais je ne sçay se je oublye rien ; llfault regarder hault et bas.
Et perdray-je l'oye et le jars, La poulie et le coq enseinble ?
Fault-il qu'on desrobbe et emble Aux poA^res gens ainsi le leur ?
Je m'en voys par devers monsieur, Et luy porteray de mes pommes.
FiLz DE Thevot LE Maire. 4o3
Monsieur, entre nous qui sommes Subjectz dessus vostre justice, Vous nous debvez garder police.
Escoutez, car vecy pour vous , Et pour Dieu, que me soyez doulx.
One ne tastastes de tel pomme.
Thevot.
Venez vous comparoir soubz Tonne ; Vous aurez expédition.
La Femme.
Vecy encore en mon gyron Du froumaige ung bon quartier.
Thevot.
Il faict bon estre officier.
Hz ont tousjours de grans proffitz.
Colin, escoute ça, mon filz.
Il est saison que ou desplace.
La Femme.
Je voys mener paisti-e ma vaschc.
Je reviendray incontinent.
Vous me trouverez seurement Soubz l'orme où vous m'avez dit.
Thevot.
Colin, par bien, j'ay grant despit Qu'il me convient aller à pied.
Le grant dyal)le en soit loué Quant tu perdis nostre jument.
Le dyable soit au perdement, Et quant onc je fuz à la guerre.
Jamais ne partiray ma terre.
4o4 Farce de Colin
Par le sang bieu, ne mon pays.
Thevot.
Que feras-tu ?
Colin.
Ventre sainct giis Tousjours me venez harier, Et brief, je me veulx marier.
Thevot.
Marier? Et à quelle fille?
Colin.
A la fille Gaultier Garguille.
Je seray son mary, par bieu.
J'ay parlé à elle en ung lieu, Et si el me dit l'autresfoys, Quant nous escossions les poys De mon cousin Pierre Truette.
Thevot.
Elle est assez belle fillette, Se ne fust que elle est boyteuse.
Colin.
C'est tout ung; (elle) en est plus joyeuse.
Thevot.
Or laissons icy ce propos ; Il fault aller [tenir] noz plès ; J'ay bien aultre chose à faire.
Allons , demourras-tu derrière ?
Colin.
Je voys après incontinent.
Thevot. Or sus, sus, allons vistement.
FILZ DE ThEVOT LE MaIRE. 4o5
[1 fault aller noz plaitz tenir.
\dieu jusques au revenii'.
[cy fine la farce de Thevot et Colin son fîlz.
Imprimé nouvellement à Lyon , en la
maison de feu Barnabe Chaussard,
près Nostre-Dame de
Confort.
Mille cinq cens quarante
et deux . Le XX
de juing.
FARCE NOUVELLE
A troys personnaiges f c'est assai^oîr
