TOUT MESNAIGE
Besongne aicte, a-vous dict vray?
Ce sont deux noms assez plaisans.
Or, tenez : voyla douze blancs Pour aller à la boucherie.
Besongne faicte.
De grande joye ma bouche rie ,
A chascune foys que je yray.
De bonne chère achepteray,
Se je puis , (pour) ma bonne maistresse ;
Pausa en allant.
Le mal d'amours si fort me blesse Que je ne sçay que j'en feray , Et croy fermement qu'en mourray Si n'en suis bien tost assouvie.
Le Fol.
Et qu'avez-vous , madoulce amye?
Vous me scmblez bien fort malade.
DE Tout Mesnage. 4h
Vous fault-il chanson ne ballade Pour vous esjouir ung petit ?
Besongne faicte.
Nenny , j'ay perdu l'appétit, Car je n'ay joye ne lyesse.
Le Fol.
Qu'avez-vous , dictes, quel mal esse?
Tant vous estes descouloui-ée Que vous faictes la pippe souée.
Vous estes bien en grant dangier D'estre folle, et de enragier Du mal dont vous estes frappée ; Car vous estes bien attrappée Du mal d'amours, qui fort vous picque .
Besongne faicte.
Estes-vous donc de la practique ?
Il semble que le saichez bien .
Le Fol.
Ouy dea , je suis surgien ; Je vous congnoys in facie Que le mal d'amours hodie Vous a féru jusques au vif.
Mais il vous fault ung retrainctif Et de la vraye médecine.
Besongne faicte Que je paye pinte ou chopine , Et que j'en aye pour de l'argent , Car je ne puis, pai mon sei'ment.
Faire ouvraige de mes deux mains.
Le Fol. II vous fault de l'huylle de rains;
4i2 Farce
Par ainsi vous serez guarie.
Et puis prendre la raverdie Âvecques quelque verd gallant.
Besongne faicte.
Et qui vous en a aprins tant ?
Que vous estes grant escollier !
Le Fol.
Je fus maistre au sollier
Avec les veaulx à ma grant mère,
Et estudié en grammaire ,
En poyterie et plusieurs ars
Que n'y gaignay pas deux liars.
Ce fut autant de temps perdu.
Mais maintenant suis entendu
En médecine, et davantaige,
A ceste heure suis aussi saige
Qu'oncques puis ne fourniasmes nous.
Besongne faicte.
Estre vouldrois âvecques vous ; Vous sçauriez ma desconvenue ; Mais j'ay paour que ne soye batue , Car je demeure longuement ; Vers ma maislresse vistement Je m'en revoys. Adieu vous dy.
Je vous reverray près d'ici Quelque journée plus à loysir , Si c'est de Dieu le doulx plaisir. Adieu vous dy et grant raercy.
Le Fol.
Mais la vostre que l'avez pris.
Faictes tout ce que vous ay dit , Et vous serez , sans contredit ,
DE Tout Mesnàge. 4*3
Bien tost de vostre mal guarie.
Besongne faicte.
Forger fault une menlerie En m'en retournant à Thostel ; Une en ay soubz mon hasterel ; Je ne m'en soucie desjà plus.
Pausa en s"en retournant.
Hau ! maistresse , ouvrez Fhuys ; Le bouchier Tiendra à ceste heure.
Tout mesnaige.
Que tu as faict longue demeure !
Elle deust desjà estre cuytte.
Besongne faicte, Il tuoit ung mouton d'eslite , De quoy il vous doibt apporter , Et n'ay osé riens apporter.
Mais il m'a promis , sur ma foy, Qu'icy sera si tost que moy , Et luy ay baillé de l'argent.
Tout mesxaige. '
Tu es bonne fille, vrayment.
Pense à faire ta besongne ; Prens ung fizel et ta quelongne, Et tu allumeras ton feu , Tandis que m'en iray ung peu A la messe pour Dieu prier.
Le Fol.
Perdu suis que ne puis pier ; Car j'ay si grand soif, sur mon âme, [me. Que (je) ne sçay si (je) suis homme ou fem- Yeoir je m'en voys Besongne faicte ,
4i4 Farce
Sçavoir se sa besongne est faicte, Car sa maistresse est à. la messe.
Besongne f m cte, en chantant.
En douleur et tristesse Languiray-je tousjours?
Ce fust assez, en quinze jours, Que de filler une fisée, Tant je suis bien embesonguée.
Je fille d'une si grand sorte, Et n'ay auii qui me conforte.
Au moins se j'eusse ung amoureuix , J'en auroys le cueur plus joyeulx.
Fille sans amy est bien beste.
Le Fol.
Que faictes-vous , Besongne faicte?
Faict-on point en ceste contrée Plus tost ung pet que une fisée?
Yray dieu, quelle grand(e) fiUeresse.
Besongne faicte.
Je suis en si grant destresse Que je ne sçauroys besongner.
Mon doulx amy, sans séjourner , Dictes-moy qui me peult tenir.
Le Fol.
D'ung doulx penser, d'ung souvenir , Et d'ung aultre mal, par sainct James, Qu'on dit la maladie des femmes ; C'est dangereuse maladye.
, ,; Besongne faicte.
C'est donc du mal de jalousye.
Ou du mal de sainte Quaquette ?
DE Tout Mesnage. 4i5
Le Fol.
L'ung et l'autre fort vous moleste ; Mais c'est d'une aultre maladye.
Besongne faicte.
Que je le saiche , je vous prie , - Et je seray large du vin.
Est-ce point de saint Mathelin Ou de quelque autre mal de sainct?
Le Fol.
Encore n'avez-vous point attaint Au vif le mal que ce peult estre.
Toutesfois que povez bien estre Entachée de plusieurs maulx ; Mais deux en a plus principaulx Qui vous rompent ainsy la teste.
Besongne faicte.
Ennement , c'est donc à la feste De sainct Trotin et sainct Beset ?
Le Fol.
En ung des deux qui est [iljlec , Et l'autre, c'est, ma belle iille , La maladye de la trop fille.
Aultre chose ne vous tourmente.
Besongne faicte.
Sans point de double je me vante Que j'en seray bien tost guaiye , La trop fille! Vierge Marie, Vous en dictes la vérité.
Le Fol.
Pour passer vostre infirmité ,
4i6 Farce DE Tout Mesnage.
Allez vous en à la fontaine , Et ne filiez de la sepmaine.
Par ce point vous serez guarie.
Besongne faicte.
J'avoys prins run , mais , sur ma vie , J'ay faict cent pièces de ma cane.
Allons-nous en nous deux ensemble , Devant que ma maistresse viengne.
Le Fol.
Adieu , messieurs , et vous souviengne De plusieurs chamberières folles , Et prenez en gré nos paroUes.
Finis.
Imprimé à Lyon.
