LE DEBAT DE LA NOURRISSE
DE LA CHÂMBERIÈRE
A trojs personnaiges , c'est assa^-'oir
LA NOURRISSE LA CHÂMBERIÈRE JOIIANNES
La ChamberiÈRE commence.
nourrisse, quant je m'advise, De tant parler deportez-vous.
Sainct Jehan , voicy bonne devise.
La ChamberiÈRE.
Ho, nourrisse, quant je m'advise, De tant parler deportez-vous.
La Nourrisse.
Dont vient ceste nouvelle guise?
Qu'est cecy? A qui sommes-nous?
La ChamberiÈRE Ho, nourrisse, quant je m'advise, De tant parler deportez-vous.
4i8 Le Débat
La Nourrisse.
Esse pour ris ou pour courroux ?
Pour quoy ne pour quelle matière?
La Chamberière.
Des chaniberières tous les jours Tenez vos plaitz en la rivière.
La langue avez si très legière Qu'à peine vous sçavez vous taire.
Nourrisse, qu'avez-vous affaire De parler sur les cliauilîenères ?
Mais, au fort, ce sont les manières D'entre vous bavardes nourrisses.
La Nourrisse.
Suis-je bavarde?
La Chamberière.
El voz complisses.
Il n'est mestier que plus en die .
Me cuide l'en estre assotie?
Tout vient à bon jeu seurement.
Fauldra-il donc que longuement J'endure de toy , dy , oi'dure?
Je te prometz et si te jure Quejeferay
La Chamberière.
Et quoy? la moue ?
Je deffens bien qu'on ne se joue De me frapper sur toute rien.
Hé, va chier, va.
La Nourrisse.
Mais vien cà, vien.
DE LA Nourrisse. 419
Ne scès-tu (pas) aultre chose dire?
Tu ne me peulx ayder ne nuire , Pas d'un senglant estronc de chien.
La Chamberière,
Diray-je tout?
La Nourrisse.
Ne celle rien.
La Chamberière.
J'avoue Dieu , si ne feray-je.
La Nourrisse.
Je suis blasmée par ton moyen.
Vengée en seray à bon passage.
La Chamberière.
Nourrisse , vien ça. S'on m'oustrage , Femme ne sçay si rigoureuse Que je ne frappe à son visaige, Tant soit-elle salle ou baveuse.
La Nourrisse, en menassant. Hé, paillarde, garse, morveuse.
Me viendras-tu cy marmoter?
Je te feray [bien] pilloter.
Par la croix bien.
La Chamberière.
Feras, putain?
La Nourrisse.
Tu pourras sentir de ma main , En despit du mot, truande infâme.
La Chamberière.
Tu mens , je me tiens preude femme ,
420 Le Débat
Voire, en despit de ton museau.
La Nourrisse.
Par saint Jehan, c'est donc de nouveau , Se preude femme es devenue.
Hé Dieu, qui ne t'auroit congneue, Que tu fcroys bien les gens paistre.
Vien ça, où est allé ton maistre De qui tu fus premier nourrisse ?
Et , puisqu'il fault que je le disse , Gésir tu fus à Thostel Dieu.
JOHANNES
se bouche d'une cornette le visaige.
Que homme ne bouge de son lieu.
Ne dictes point que (je) suis venu.
Je ne vueil pas estre congneu.
La raison? Il y a matière.
Je lairray notre chambei'ière Debatre avecques la nourrisse.
Je croy qu'on verra beau service Bien tost, ou je suis abusé.
Escouter vueil , comme l'usé , De loing ung peu l'esbatement.
Me railles-tu si faulcement?
Te mocque-tu point de moy ?
La Chamberière.
Mocquer ! Nenny dea , par ma foy , Ce que j'en dis est tout certain.
La Nourrisse.
Me tiendras- tu meshuy ce train?
Respond à ce mot, dy, bécasse.
DE LA Nourrisse. 421
La Chamberière.
Va te musseï' , orde crevasse ; Tu ne fus oncques mariée.
Quant premièrement fus louée , Pour nourrir l'enfant de céans , On cuidait à bon essians Que tu feusses très vaillant femme.
La Nourrisse.
Telle me tiens et preude femme ; Je te le dis et maintien.
La Chamberière.
Par sainct Paul, dame, n'en est rien.
Tu as plus couru l'éguillette , Plus tempesté qu'oncques fillette De plain marché ne courut tant.
Tu faysoys acroire [pourjtant Que c'estoit de ton premier layct.
La Nourrisse.
Aussi esse.
La Chamberière.
C'est ton gabet.
Vieille manteresse puante.
Tu acouchas d'une fille à Nante , Que tu conceus d'ung franc archier.
Et puis engroissas d'ung vachier D'ung filz ; (mon) Dieu , que tu es villaine !
Johannes.
Sus , sus, reprenez vostre al aine, Nourrisse; il vous fault deffendre.
La Nourrisse.
Cuides-tu que je puisse prendre
422 Le Débat
Tes grosses parolles à jeu?
Tu t'en desdiras , ou , par bieu ,
(Tu) congnoislras qu'il m'en desplaira.
JOHANNES
Sus, sus, couraige! Qui l'aura?
Laquelle restera maistresse ?
La Chamberière.
Tu ne fus oncques que prestresse.
Quand l'enfant tu portes jouer.
Tout le jour (tu) ne fais que jouer Aux Cordeliers, Prescheurs et Carmes.
Tu vois là faire tes vicarmes ; Tous les lundis c'est ung voyage.
JOHANNES
Le corps bieu, Jacquette dit rage; Raige dca, mais faict mieux que bien.
Sus , nourrice , direz-vous rien ?
Demourrez-vous ainsi vaincue ?
La Nourrisse.
Où, dis-tu, où c'est qu'on m'a veue?
Or, douze garse regratée, Toutes les fois qu'on t'a frottée , Tu ne me l'es pas venu dire , Tes miracles , tes fais , ta vie.
Jamais ne te prendroit envie D'entreprendre rien sur nourrisse.
La Chamberière.
11 ne m'en chault , quoy que tu disses ; Voyla pour toy ; fais en du pis ; Or dis ce que tu veulx , et puis Il ne m'en chault pas d'une maille.
DE LA Nourrisse. 423
La Nourrisse.
Ne t'en chault-il ? or ne te chaille , Je te dresscray tel mestier Que bien tost te fauldra vuyder.
Mais qui ton cas vouldroit escripre Comme bannie et diffamée ?
La Chamberière.
Hé , ribaude , louve affamée , As-tu blasmé les chambcrières , En toutes façons et manières Que tu ne sçavoys reparer Leur honneur , et veulx comparer Ton los à celuy des servantes ; Puis nous dis faulces et meschantes , Qui nous est ung desplaisir grief; Par bieu , il viendra du meschief Du mot; as-tu bien Tosé dire?
La Nourrisse.
La croix bieu, tu ne me peulx nuyre , Orde, puante, baveresse.
La Chamberière.
Tu as menty parmy la gorge.
Johannes.
Je ne demande , par sainct George , Âultre desduyt que les voir battre.
La Nourrisse.
Je te donray des souffletz quatre , Se tu me dis pis que mon nom.
La Chamberière.
Je ne te crain pas d'ung ongnon,
424 Le Débat
D'ung vieil estronc en ton museau.
Johann ES.
Sus, sus, n'est-il rien de nouveau.
Quelque bon [mot] qu'on n'ait point dit?
La Nourrisse.
Tu m'as dit, pire qu'Antecrist, Que [je] ne fus onc mariée ; Tu as menty, dyablesse enraigée ; Mais mon mary est trespassé ; Dieu en ayt l'ame.
La Chamberière.
Tout pensé, En toy n'a mot de vérité ; Car ton maistre si fut cité Pour ce qu'il t'avoit engrossée.
La Nourrisse.
Tu es tant trainée et brassée Que tu en es toute abbominable ; Désormais tu sens ton estable, L'ordinaire à pallefreniers ; A souillars et cuysiniers , Peu à peu te fauïdra réduire.
JOHANNES
Sanc bieu, je n'ouys onc mieulx dire. Toutes deux parlent bon latin, Et fusse pour mettre en parchemin.
Si disent-elles bien leur faict.
La Chamberière.
As-tu dit que ma seur l'a fait?
Tu en as donc esté macquerelle , Si tu maintiens ceste querelle ?
DE LA Nourrisse. 425
J'aymeroys mieulx que fusse arse Qu'elle l'eust fait.
La Nourrisse.
Hé, va, va, garce Chascuu congnoist assez tes faictz.
JOHANNES
Le corps bieu, je deffens la paix ; Voicy beau service divin.
La Chamberière.
Va, va, larronnesse de vin.
La Nourrisse la bat.
Larronnesse ! Tu mens, truande.
Or tiens, tu auras cest offrande Tout au fin plus liault de te[sj biens.
La Chamberière.
M'as-tu frappé ? Pour nulle riens L'andure que ne sois vangée.
Elle la bat.
Or prens cela, orde, enraigée, Veulx-tu commencer à frapper ?
Le diable m'en puisse emporter Se je ne te le rens, vieillesse.
La Chamberière.
Bren pour toy, breneuse nourrisse.
Fais du pis que tu sçauras faire.
Johannes.
Le sergent me fault contrefaire Pendant qu'elle presche à l'autre , Et, ce je les vois entrebatre»
4^6 Le Débat
Plus tost aujourd'huy que demain, Sur elle je mettray la main, Et vous verrez bien risée.
La ClIAMBERIÈRE.
Voicy la nourrisse enragée
A qui fault boire les matins ,
Pour mieulx disposer ses tetins
A dégoûter force de lait.
Elle n'en cessera ja plait
S[e] elle n'a boudins, saulcisses,
Pain blanc ou d'aultres fresches miches.
En elTect, c'est le plus d'affaire
Que l'on ayt que de luy complaire.
Aujourd'huy, dans nostre maison,
On ne luy sçait rendre raison,
N'argument propre à son entier.
Je te feray mercy crier
Par tes parolles controuvées.
La Chamberière.
Va, va, ce n'est d'huy ne d'hier ; Il est bien de plus grans havées A parolles tant desgorgées.
C'est le faict d'entre vous, nourrisses.
Johannes.
Bien serois aise que les veisses Bien entrebattre encore ung coup.
La Nourrisse.
As-tu tout dit, desclicqué tout ?
Garde de rien laisser derrière.
DE LA Nourrisse. 4^7
La Chamberière.
De tancer es trop coiistumière, Et d'oiiltrager à tout propos.
La Nourrisse.
Langue sei-penthie, loudière, Me viens-tu chercher de telz motz ?
Je te battray tant teste et dos Que je te froisseray les rains.
La Chamberière.
Par la croix bieu, de mes deux mains Je t'ai'racheray les deux yeux.
JoHANNES parle à elles.
Nostre-Dame, voicy beaulx jeux !
Je prise trop bien les manières.
Toutes deux vous fais prisonnières. Sus, devant, troussez en prison ; Voye de faict est deffcndue.
La Nourrisse.
Nous n'avons point faict mesprison.
JOHANNES
Sus, devant, troussez eu prison.
La Chamberière.
Etpourquoy, n'a quelle achoison?
C'est elle. Dieu, qui m'a batue.
JOHANISES.
Sus, devant, troussez en prison ;
Voye de faict est deffendue.
A coup devant ; qu'on ne m'argue.
La Nourrisse.
C'est elle qu'a tout cecy faict.
428 Le Débat
johannes.
Le juge s'enquerra du faict ; A luy en est la congnoissance.
En prison tost, et qu'on s'avance Légèrement, despeschons-nous.
La Nourrisse.
Feray? non feray pas pour vous.
La Chamberière.
Et par bien, ne feray-je moy.
Laissez cela, tenez-vous quoy, Et si vuidez sans arrester.
Johannes.
Se je vous y devoye porter
Ou trainer, si vous y meneray-je.
Je t'affoleray bien le visaige, Par la croix bieu, larron sergent.
Johannes.
Sus, allons et marchez devant Sans faire icy tant de fredaines.
La Nourrisse.
Nous ferons ? tes fiebvi"es quartaines ! Et par bieu, nous serions infâmes, Qu'ung seul sergent maine deux femmes Ainsi meschamment en prison.
Johannes.
Vous y viendrez, vueillez ou non ; Mort bieu , je feray mon office.
La Chamberière.
Frappons dessus, os-tu , nourrisse ?
DE LA Nourrisse. 429
Te lei'ras-tu mener, paillarde ?
Là Nourrisse.
Le feu sainct Anthoine m'arde Se je ne liiy baille sa part.
Elle le bat.
Tien, tien, mescbaut sergent coquart Voyla le coup d'une femme.
Johannes.
A l'ayde du roy ! je suis infâme !
Corps bien, il te coustera cher.
As-tu frappé ung officier ?
Je t'en feray couper le poing.
La Chamberière le bat.
Tu prendras cela sur ton gi'oing.
Tien, tien, congnois-tu point Jacquette ?
La Nourrisse.
Deffubler luy fault sa cornette ;
Si congnoistrons mieulx cest ouvrier.
Elle le deffuble.
Nostre-Dame, quel espicier.
Qu'il est pencux, qu'il est nies !
Par mon sennent, c'est Johannes', Si semble, à tout son escriptoire.
Tu m'as faict presque avoir la foire De fiayeur que j'ay de toy eue.
Johannes.
Se d'huy je ne vous eusse veue, Je n'eusse point esté batu.
Va tirer à boyre, entens-tu?
Laissons en paix tous ces debatz.
43o Le Débat
La Chamberière.
Ce brouilHs ne vault ung festu.
La Nourrisse.
Va quérir à boire, entens-tu ?
La Chamberière.
Au moins en as-tu, mallostru, Receu deux bons coups de mes bras ?
JORANNES.
Va quérir à boire , entens-tu ?
Laissons en paix tous ces debatz.
Scés-tu quoy ? descens au plus bas Et nous apporte du meilleur.
La Chamberière va au vin.
De celuy que boit monseigneur.
Mauldit soit qui d'aultre en bura.
JOHANNES
Cependant l'autre amendera.
La Nourrisse.
Mais qui est-ce qui cuideroit Maintenant tenir noz degrés ?
Johannes.
Mauldit soit-il qui s'enfuiroit Pour ung assault d'entre nous trois
La Chamberière verse à boire.
Vous n'en beustes il y a ung mois De meilleur; tenez.
La Nourrisse, Mais duquel ?
DE LA Nourrisse. 43 1
La Chamberière.
l'est ung vin pour donner à roys ; ^ar ma foy, c'est du muscadet,
Johannes boit.
la, bon gosier!
La Chamberière.
Ha, franc cadet!
îruyt auront varletz et servantes.
n'est ung passetemps solemnel, r[a, bon gosier!
La Chamberière.
A , franc cadet !
Johann es boyt.
Il n'est point ung deduyt tel V telz gens qui n'ont pas grans rentes.
La Nourrisse boyt.
Ha, bon gosier!
La Chamberière.
Ha, franc cadet!
Bruyt auront varletz et servantes.
Johannes.
Disons quelques choses plaisantes , Par manière de digestion.
La Nourrisse.
Or ça , je fais une question :
Johannes.
Sans courroux.
432 Le Débat
La Nourrisse.
Que toute lyesse :
Se nostre maistre et la maistresse Ont si bon temps que nous avons ?
La Chamberière.
Et non pas , gens deçà les nions , Tant soyent-ilz riches et plains.
Johannes.
Jamais telz gens ne sont que plains ; Tousjours sentent quelque douleur.
La Nourrisse.
Et ci'aindre de perdre le leur, Qu'ilz ont si chèrement acquis.
Tousjours souvent à leur malheur Vivent comme demy languis.
La Nourrisse?
Sur tous plaisirs deduyt exquis Que nourrisses entr'elles font , Gouges, varletz des plus requis; Quand tout y est , la mer se fond.
Johannes.
Volée ne craignent ne bout , Ne hazard qui soit en fortune ; Crainte n'ont d'estre prins au bout , Car telz gens n'ont pas grant pecune.
La Chamberière.
Quant à moy, tousjours je desjeune Avant que la dame s'esveille.
Qui dort de la malle l'ancune ;
DE LA Nourrisse. 433
Tous les matins vêla ma taille.
Et boy d'autant, vueilie ou non vueille,
Tant que la lerme en vient à l'œil.
La Nourrisse.
Il n'est point plaisance pareille, Au monde , ne (de) plus bel acueil , Quant ung serviteur a bon vueil, A guerroyer à la meschine.
Ou n'y besongne point d'orgueil , Car on n'espargne rains n'escliine.
La Chamberière,
Entendons à nostre cuysine ; Je m'en voys voir si le pot boult.
La Nourrisse.
Allons, et faisons bonne mine.
JO H ANNE S
Entendons à nostre cuysine.
La Nourrisse.
Sans qu'on se chancelle ou trépigne , Vuydons la place à bon gousl.
La Chamberière.
Entendons à nostre cuysine ;
Je m'en vois veoir si le pot boult.
JOHANNES
Telz escotz n'ont pas de grant coust D'entre noz varletz et servantes.
Quant chascun a bauffré son brost.
Plus vault avoir pourchas que rentes.
434 Farce de la Nourrisse.
S'aulcunes choses (sont) desplaisantes Avons prononcé que desplaise , Content suis, et elles contentes, D'amender presens et présentes , D'ung pot de -vin ou de cervoise.
Cy fine le débat de la Nourrisse et de la Chamberière.
