FARCE NOUVELLE DES CHAMBERIÈRES
Qui vont à la messe de cinq heures pour avoir de l'eaue beniste.
A quatre personnag^es , c'est assavoir
DOMINE JOHANNES TROrSSETAQUEUE LA NOURRICE ET SAUPIQUET
SaupiCQUET commence.
»^>'2=^roussetaqiieue, hastons-nous viste; Si voulons estre à l'eaue beniste 'De cinq heures, il nousfault partir.
Saupicquet, pour vous advertir, Enda, je suis toute fresche [faschée?].
Saupicquet.
Pourquoy ?
Troussetaqueue.
M'amye, de nuictée Ne reposay. Geste bigotte, Par sainct Velu , qui est mon hoste , Youloit faire la reucherie Hier au soir, et , par fâcherie ,
436 Farce
Ne vouloit point aller coucher Avec monsieur, ne luy toucher, Mais "vouloit faire un lit à part.
Saupicquet.
Quant clic se trouve à Tescart , Par ma foy, elle entend bien jeu.
El(le) disoit qu'elle avoit fait veu A madame saincte Nytouche De ne coucher, mais bonne bouche.
Jamais avecques son mary, Pour l'amour de son amarry, Les vendredis et samedis.
Saupicquet.
Il sembloit doncques, à ses ditz.
Qu'il fut tendre du petit ventre ?
Troussetaqueue.
Je croy, par ma foy, qu'on y entre Assez souvent sans chaussepied.
Saupicquet.
Ma maistresse est femme de pied , El n'a garde (de) faire telz veux ; Elle en logeroit avant deux Que son logis ne fust fourny.
Troussetaqueue.
Si est mon maistre bien garny De vitaille pour un repas.
Il luy dit : Viendrez-vous pas Coucher tost en vosti'e lieu ?
— Nenny, j'ay promis à Dieu , Se disoit ma maistresse. — Adonc
DES Chamberières. 43;
Dist mon maistre : Je m'en vois donc Coucher avec Troussetaqueue, Nostre chambrière.
Saupicquet.
Si la queue Fust dressée, tu eusses, se croy.
Esté bien fière. Mais, par ta foy, L'eusses-tu pas bien voulu ?
Troussetaqueue.
Pourquoi non ? S[e] il fust venu Que mon maistre m'eust accolée , J'estois maistresse.
A la voilée Se fait des bons marchez, sans doute.
Monsieur et madame j'escoute Aulcunes fois quant sont couchez :
Ma maistresse dit : Aprochez, Mon ami , et pour ce matin N'oubliez pas le picotin.
Et mon maistre respond tousjours :
M'amye, nous sommes en decours ; Attendre fault la plaine lune Et le croissant.
Troussetaqueue.
C'est la commune Deffaite ; que faict Saupicquet Quand telz motz oyt ?
Saupicquet.
Je vous promelz , M'amye, que de force de rire
438 Farce
Je suis contrainte , à bref vous dire , Mordre mes draps à belles dentz.
La Nourrisse.
Je suis venue assez à temps Pour aller ensemble à la messe De cinq heures.
Troussetaqueue.
Puis , nourrisse , esse, Par ta foy, après desjeuner?
La Nourrisse.
Ma foy, je n'y puis plus jeusner., Tant ay mal au cueur au matin ; Si je ne boy troys doigtz de vin , Je ne fais bien de la journée.
Troussetaqueue.
Il semble que soyez debiffée.
Vous avez la couleur tant pasle.
Saupicquet.
Elle sent trop souvent le masle ; Je croy qu'elle encharge d'un filz.
La Nourrisse.
Si a-il longtemps que ne fis Bonne chère entre deulx tresteaux.
Saupicquet.
Tu n'es point orde à tes drappeaulx , Car tu es souvent remuée.
Troussetaqueue.
Elle veult faire bonne buée ; Elle manie souvent le pissot.
DES Chamberières 439 La Nourrisse.
Par ma foy , il seroit bien sot Qui te penseroit rescourre.
Troussetaqueue.
[Ne] te sens-tu point desgoustée?
Le moixeau te semble-il amer?
La Nourrisse.
Je persle boire et le menger Alors que le mal me presse.
Saupicquet.
Tu semble aux sainctz de la paioisse , Tousjours as la cheville au trou.
Il ne luy chault pas beaucoup où, Mais qu'elle rue son coup àTemblée.
Saupicquet.
Il y aura bonne assemblée S'elle n'emporte la victoire.
La Nourrisse.
Il y a un prothenotaire Qui vient souvent à nostrc hostel , Mais entendez , le cas est tel , Qu'il baise souvent ma maistresse ; On y songe de la finesse Plus fine que vous ne pensez.
Troussetaqueue.
Ne la fait-il point dancer Aulcunes fois la basse note?
La Nourrisse.
Ma foy, m'amye , cela desnote ,
44o Farce
Mon maistre est bon à appaiser De peu de chose.
Saupicquet.
De baiser De chambrières ou de maistresses , C'est un adjournement de fesses.
TrOUSSETAQ L'EUE.
Voire qui seroit dangereuse Du bas.
Saupicquet.
Vous estes bien heureuse , Nourrisse , d'avoir à bandon Pain et vin en vostre maison.
Et puis le beau vin de coucher. Par ma foy , il n'y a rien cher Quand le prothenotaire y vient.
Troussetaqueue.
Ma foy , ra'amye , à rien ne tient Que nostre maison ne soit riche.
Mais ma maistresse est si chiche , Enda , qu'elle me fait bien tirer Tout en gros ung demy septier.
Pour elle et mon maistre ; mais mot : Elle me fait mettre (de r)eaue au pot Bien largement , n'en doubtez point , Pourtant que monsieur n'en met point Dans son vin durant le disner.
Saupicquet.
Nous pourrions tant séjourner Que nous perdrions l'eaue beniste.
DES Chamberières. 44* Troussetaqueue.
La messe n'est pas encore dicte , On la sonne de tous costez.
La Nourrisse.
Où irons-nous?
Troussetaqueue.
Mais escoutez, Allons à Sainct-Paul hardiement.
Saupicquet.
Aller à Sainct-Paul ! Mais, comment?
On dit , après que le vicaire Eut fait tout ce qu'il vouloit faire De sa chamberière, il luy met jus Qu'elle a desrobé ses escus.
La Nourrisse.
Montons là hault vers Sainct-Estienne ; Nous y trouverons quelque moyne Qui dira la messe de prime.
C'est bien dit; car, comme j'estime , L'asperges d'ung moyne, sans double, Est si bon qu'il n'en gette goutte Qu'elle ne soit béniste deux fois.
La Nourrisse.
Enda, je voys aulcunesfois A Sainct-Benoist.
Saupicquet.
Ce n'est pas jeu.
J'entends que les basions à feu Y ont cest an sonné si ferme ,
iiU Farce
Qu'ils ont estonné tout le germe De toutes mes dames des Carmes , Qui n'a peu proffiter ne croistre En sorte que ayent peu engrossir.
Troussetaqueue.
Je ne prens point trop grant plaisir A leurs eaues bénistes ; j'entens Qu'on y a fait puis peu de temps Un asperges , mais assez oi'[d] , Non pas là, mais au mortier d'or.
La Nourrisse.
Comment?
[Troussetaqueue.] En lieu de verjus, J'ay entendu qu'on mist du jus D'un clistère au moine, (se) dit-on Pour l'eaue beniste d'un chappon.
Saupicquet.
Hz estoyent bien à de loysir.
Nous avons assez beau choisir ; Nous sommes au plus fort de Paris.
La Nourrisse.
Voicy trop de charivaris , Et fusse pour un pèlerin De Romme.
Troussetaqueue.
Allons à Sainct Severin.
Domine Jobanues dit la messe , Qui fait si bien que c'est noblesse
DES Chamberières. 443
L'asperges à ses chamberières.
Saupicqlet.
Dea, je ne croy pas que son père Ne fiist du mestier comme luy.
La Nourrisse.
Ne tenons pas mesluiy icy.
Troussetaqueue.
Nounisse, vous avez grant haste.
Saupicquet.
Puisqu'elle n'a plus ne pain, ne paste, Elle n'enrage que de bluster.
Domine Joiiannes.
Asperges me, Domine,
Ysopo, et lavabis me.
Miserere mei Deus.
Âprochez-vous. Qui dit : j'en veulx.
Gloria patri ; n'en vient-il point?
Nous sommes venus bien à point Pour l'eaue béniste recevoir Des premières.
La Nourrisse.
J'en veulx avoir Devant qu'il y ayt plus grant foulle.
Saupicquet.
Vostre eaue béniste bien me coulle.
Domine Johannes ; jettez fort.
Domine Johannes.
Mesdames, vous avez grant tort.
444 Farce
Troussetaqueue.
Tu lavabis me hardiement.
La Nourrisse.
Dea, Domine Johannes, et comment La nourrisse n'aura-elle rien ?
Domine Johannes Paix, là, je vous fourniray bien :
Asperges.
Saupicquet.
De ça, de ça.
Domine Johannes.
Attendez , chascun en aura ; Mais je ne puis tout faire ensemble.
Asperges. Je croy qu'il vous semble Que mon eaue fault ; non fait jamais.
Encore, Domine Johannes, Asperges me hardiment, Et lavabis me.
Troussetaqueue.
Jettez (plus) fort ; Vostre asperges est par trop court.
Domine Johannes.
Approchez-vous [un peu plus] près ; Mon coup ne s'estend pas si loing.
Saupicquet.
Par ma foy, je y mettray la main Se ne y faictes vostre devoir.
Troussetaqueue.
Ceste folle veult tout avoir.
DES Chamberières. 445 Sain et Jehan, j'en auray comme vous.
Saupicquet.
Au moins maniez-le tout doulx ; Vous y allez moult rudement.
Si vous romp[i]ez l'instrument De messire Jehan, quel dommage Se seroit !
La Nourrisse.
Et n'en auray -je ?
Par la mercy dieu, qui que en die.
Ou je vous happeray au collet, Et fussiez-vous messire Johannes De sainct Severin.
Troussetaqueue.
Vous romperez Son vipillon; laissez entrer.
S'elle l'a voit en son benoistier, Elle aymeroit plus cher mourir Que l'oster, (et) y deust-il pourrir.
Domine Johannes.
Par ma foy, je ne sçaurois
Ainsi fournir à toutes trois ;
Plus n'ay d'eaue à mon benoistier.
La Nourrisse.
La nourrisse en a bon mestier De si petit qu'il en y a.
Domine Johannes.
Or taisez-vous , on vous fera Bien mieulx.
446 Farce
Troussetaqueue.
Et quoy ?
Domine Johannes.
Vous (vous) en yrcz, Et puis (limenche reviendrez, Et je y fourniray, mais qu'on vueille Escouter ung peu à l'oreille, A chascune d'un vipillon.
Troussetaqueue.
Que j'en aye bon échantillon.
Domine Johannes.
Du meilleur endroit de la beste, Qui s'enfle au pot.
Pour ceste feste Je me passeray bien au vostre , Domine Johannes.
La Nourrisse.
Que le nostre Soit bon et gros.
Domine Johannes.
Pour tenir à plain poing.
Saupicquet.
Par ma foy il seroit bien gros Si elle en faisoit à deux fois.
La Nourrisse.
Quelle viande ce seroit Pour bien renouveler le laict Des nourrisses !
DES Chamberières. 4ij
Troussetaqueue.
Elle emprunte sur l'auti'e cuisse Souvent un pain pour son repas.
La Nourrisse.
Je vous prie, ne faillez donc pas.
Domine Johannes.
Ne vous souciez, croyez-moy.
Allez vous-en chascuu par soy,
Saupicquet.
Nourrisse , [que] vous estes caulte En pourchatz !
La Nourrisse.
Mais qu'il n'y ayt faulte , Car à vous nous [nous] attendrons.
Domine Johannes.
Allez-vous en [eu] voz maisons Veoir si l'endeuille est rostie.
Je m'en vois d'une autre partie.
Prou vous face la compaignie.
Fin.
Fin du Tome deuxième.
