MESSIHE DOMINE DE ET LE BOSCHERON
Le Mary commence.
Il estes-vous, hay, dame Niche?
Se vous fussiés gente et faictice, 11 fustbien temps que je disguisse.
La Femme.
Vostre mesnage est si très misse Qu'il n'y a céans pain ne miche , e de quoy faire souppe grasse.
Le Mary.
Sainct Jehan, si a, c'est vostre grâce. Devant que a ma journée allasse, J'ay trouvé des pois là dedans.
La Femme.
Mais des febves.
Le Mary.
Tant d'incidens !
36 Farce
Ma femme , vous m'estes trop fine.
La Femme.
N'en parlon plus, je vous entens ; ïlz sont tous prestz à la cuisine.
Le Mary.
Et à quoy tient-il qu'on ne disgne ?
La Femme.
Allez faire bouillir le pot.
Dya, c'est office de meschine. Dya, c'est office de varlet.
Le Mary.
Si servirez-vous.
La Femme.
Si me plaist.
Le Mary.
Vueillez ou non, vous servirez.
La Femme.
Ce sera donc un vif esplaict', Que je serve et vous vous servez.
Le Mary.
C'est la raison, tant que vivrez, Que de nous vous portez la peine.
Aussi en ce point le ferex, Ou bien batue vous serez.
La Femme.
Je feray, ta fiebvre quartaine.
DU Pont aux asgnes. 3;
Le Mary.
Femmes doibvent couvrir la table, Mettre dessus linge honorable ; Aux gens de bien, s'on les admeine, Monstrer un semblant amyable Et faire chère convenaljle.
La Fejime.
Et ilz font, ta fiebvre quartaine.
Le Mary.
Femmes doibvent pour leur honneur Tenir leurs barons en doulceur, Et faire loyaulté certaine ; Et, si leur font quelque rigueur, Hz prennent le dyable a seigneur.
Et ilz font, ta fiebvre quartaine.
Meschant, malheureux, tel est-ille.
Le Mary.
Aussi vray comme TEvangille, Et qu'alouettes sont grenouUes, Il est, au livre des quenouUes , Recité eu catholicon...
La Femme.
Et quoy ?
Le Mary.
Qu'il faut que nous vaincon Et que les hommes soyent le[s] maistres.
La Femme.
La croix bieu, si je tiens les lettres, Hz seront en aussi mal an
38 Farce
Entrez que le cul quoniani Qu'on reforma derrainement.
Somme, dessus lappoinctement, Je metz une opposition.
Le Mary.
C'est un arrest de parlement ; Il va sans appellation.
Il fault que nous seigneurion.
Droict le veult et force l'emporte.
La Femme.
Et esse ton oppinion ?
Me veulx-tu puguir de tel sorte ?
Ce sera quand je seray morte
Doncques que je t'obeiray ;
Car tant que l'ame du corps (me) parte,
Un pas pour toy ne passeray.
Le Mary.
Si obeyras-tu.
La Femme.
Non feray.
Le Mary.
Si feras.
La Femme.
Je fais veu à Dieu ; J'auroys plus cher te veoir du feu Brusler au marché de la ville.
Le Mary.
Si obeyras-tu,
La Femme.
Se je fille.
DU Pont aux âsgnes. 39
Le Mary.
Tu obeyras.
La Femme.
Demain, demain, On obéira à ce villain, Qui est plus yvre que un bracquet.
Tire du vin.
La Femme.
C'est tout acquest.
Le Mary.
Saque le pot.
La Femme.
Hz sont tout cuytz.
Le Mary- Digneray-je point ?
La Femme.
A Tautre huys Fi'appe tes varîcts par les fesses.
Le Mary.
Sang bieu , se sont droictes dyablesses Que femmes qu'il sont abeurtées.
Cha, des febves.
La Femme.
Hz sont mengées.
Le Mary.
Cha donc, des pois.
La Femme.
ilz sont en cosse.
4o Farce
C'estoit pour une femme grosse,
De paour qu'el(le) ne perdit son fruyî.
Et mon dieu, je suis bien destruit, Bienpeneux, bien tablativé.
Or dit un proverbe approuvé Que besoing fait (la) vieille trotter.
Je n'y voys plus du cul frotter ; Car je suis au bout de mon sens.
Aurai-ge des pois ?
La Femme.
Hz sont baynes.
11 ne les fault que empotager.
Le Mary.
Il me cuide faire enrager.
Par mon serment , se Dieu ne m'ayde, Ha, vrayment, j'y mettray remède, Devant qu'il soit trois jours d'icy.
La Femme.
Je ne te crains.
Le Mary.
Ne moy aussi Non plus que un enfant de dix ans.
La Femme.
Se tu me veulx rien , me vecy ; Je ne te crains.
Le Mary.
Ne moy aussi.
Si ne deust-on pas faire ainsi.
DU Pont aux Asgnes. 4<
Somme , pour tous les mesdisans Je ne te crains.
Le Mary.
Ne moy aussi, Non plus qu'un enfant de dix ans.
Saincte sangbieu, quelz molz cuisans, Quel double mors, quel trenchefille ; El desvide plus qu'cl ne fille De babil sans comparaison.
Bien , bien , j'en diray la raison Se je parviens à mon entente.
Messire Domine de.
Jo so la persona prudente Acoucbat à nostre amente Fresto jam de tanty quante In amoriante vallente.
Le Mary.
Je voy, au long de ceste sente , Un homme très bien apointé.
Messire Domine de,
Jo so la persona prudente Acouchat à nostre amente Fresto jam de tanty quante In amoriante vallente.
Le Mary.
Se Dieu me le debvoit de rente.
Ou qu'il eust forme de soleil , Pour me donner quelque conseil 11 me servira à ma guyse.
42 Farce
Messire Domine de. Ve qui a donc malle prisse, Que homo per mo je l'eprisse Comme lo parfaict amante Débet servir ; en sa devise Dio lo commande et l'Eglise.
Le Mary.
C'est messire Domine de.
Messire Domine de.
Si queré juga de mestrisse , La dosne débet estre prinse De luy proximi parente , Et s'el no sa coûta ne misse Comme servante s'y amisse.
Le Mary.
C'est messire Domine de.
Messire Domine de.
Per scientia tant esquisse De long temps a me coulisse Jo so mestro cognossente ; De Calabria fina puisse Tout y segreite sy de vist.
Le Mary.
C'est messire Domine de.
A, Seigneur, le bien abordé, Le bien venant en ceste terre , Par amour je vous viens requerre De conseil, sans aller plus loing.
Messire Domine de.
Emin, te clame-tu'
du pom aux âsgnes, 4^
Besoing.
Messire Domine de.
Besoing , a la veritat , C'est verbo de nécessitât.
Ot , fradel , dy qui te maine Le Mary.
Helas, Monsieur, pour vostre peine.
Je suis bien contant qu'i me couste Un escu par dessus le couste, Puis qu'ilfault jouer d'estremye.
Messire Domine de.
Ot , fradel , favelle mye, Et jo te feray la raison.
Le Mary.
Helas ! c'est à nostre maison Un dyable, monsieur, un dyable ; Par ma foy, il est vei'itable ; Je suis mort si n'est conjuré.
[C'est ma femme ; elle a juré] L'ennemy, le pape et le roy Qu'el ne fera jamais pour moy Un pas, quelque petit qui soit.
Et que je serve tort ou droit, Et que je bate(s) et que je vanes.
Messire Domine de.
Vade, tenés le pont aux asgnes.
Le Mary.
Dya, monsieur, il y a bien pis.
11 me fault tirer l'eaue au puys, S'on Teult mettre le pot au feu.
4i Farce
Chascun mot el désavoue Dieu Qu'el ne fera ne lict ne couche, Et fault qu'en despit de ma bouche Que je faces les febvres baynes.
Messire Domine de.
Vade, tenés le pont aux asgnes.
Le Mary.
Le dyable m'emporte, monsieur, S'el (ne) me porte nom plus d'honneur Qu'elle feroit à nostre chien.
Mais pourtant je ne vous dy rien ; Je vous requier bouche cousue ; Il n'est chose qui ne soit sceue ; Elle est plus tristresse que Ganes.
Messire Domine de.
Vade, tenés le pont aux asgnes.
Et va[de] le mode de faire.
Le Mary.
Ce sont motz mauldictz ou prophanes.
Messire Domine de.
Vade, tenés le pont aux asgnes.
Le Mary.
Voir les faulcons voiler les cagnes, Dessus la rivière de laire.
Messire Domine de.
Vade, tenés le pont aux asgnes, Et vade le mo(n)de de faire.
Le Mary.
Et bien doncq, pour vous complaire, Je yray voir que ces asgnes font,
DU Pont aux Asgnes. 45
Et c'on leur fait dessus ce pont.
Et puis je vous diray, beau sire...
Messire Domine de.
Basta tant qui débet suffire.
Le Boscheron.
Sus, Nolly,sus, tire avant, tire.
Hury, ho ! le dyable y ait part, Tant tu me donnes de martyre ; Sus, Nolly, sus, tii-e avant, tire.
Le Mary.
Vecy ce que mon cueur désire ; 11 me fault tirer ceste part.
Le Boscheron.
Sus, Nolly, [sus] tire avant, tire, Hury, ho ! le dyable y ait part, Et da, hay, que de malle hart, Ou des loups soyes-tu estranglée ; Sus, Nolly, [sus] tire avant, tire.
Le Mary.
El ne marchera plus avant.
Le Boscheron.
Et sus, Nolly, [tire avant] tire.
Le Mary.
Midieulx, son asgne est arrestée.
L E Boscheron.
Et da, hay, que la clavelée Vous puis[t] serrer lemusel.
Agarez, le chemin est bel.
Et si ne marchera jà pas.
46 Farce
Le Mary.
Le bon vieil asgne craint les bas, Tout ainsi que fait nostre femme.
Le Boscheron.
Et da, hay, de par Nostre Dame, Sus, Nolly, si te merray paistre.
Le Mary.
El ne faist non plus pour son maistre. Que ma femme feroit pour moy.
Le Boscheron.
Il frappe.
Et hay, de par le dyable, hay !
Tout aussi bien vous yrez.
Puisque j'ay ce baston de boux, Je vous frotteray les coslez ; Trottez, Nolly, trottez, trottez ; Vous avez trouvé vostre maistre.
Le Mary.
Vertu bieu, comme vous frottez !
Le Boscheron.
Trottez, Nolly, trottez, trottez.
Gens mariez, notez, notez ; Tout se explique en ceste lettre.
Trottez, Nolly, trottez, trottez ; Vous avez trouvé votre maistre.
Le Mary.
Et ne fault-il que boys de haistre Pour frotter les costez (de) sa femme ? Ha, par le sainct jour Dieu, no dame, Vous vous sentirez de la feste.
Par mon serment, je suis bien beste ;
DU Pont alx âsgkes. 4?
Voilà le propre enseignement, Et j'ay bien pou d'entendement , Dont le sage homme me parla, Hau, sainct Jourd'hiiy, esse -cela?
J'en auray tantost la raison.
Ça, ça, qui est en ma maison ?
Que je soye seryy à soupper.
La Femme.
Et qui vous a fait tant truper ; Meschant, les febves estoient baynes.
Le Mary.
Dya, j'ay esté aux pont aux asnes.
Où j'ay aprins un tour de maistre.
Sus, tost, qu'on vous voye entremettre De me servir à l'oiel et au doy.
Despechez-vous.
La Femme.
Pour qui ? pour toy , Meschant villain? le dos, le dos.
Le Mary.
Qu'on ne me use plus de telz motz Si hardy.
La Femme.
Pour qui, nostre maistre ?
Le Mary.
Sus, sus, au vin; rinsez lespotz , Mettez la table sur le trahistre.
La Femme.
Par le vray Dieu qui me fist naistre, Je mourroys plus tost. A quel propos?
48 Farce
Qu'on ne me use plus de telz motz Si hardy.
La Femme.
Pour qui, nostre maistre?
Le Mary.
Et pour ce gros baston de haistre Dont je vous casseray les os.
La Femme.
Helas! helas! les rains, le dos!
Au meurdi'e sur ce trahistre Ganes !
Le Mary.
Dya, j'ay esté au pont aux asgnes ; Je sçay comme il fault les conduire.
La Femme.
Helas ! je suis morte, Johannes.
Le Mary.
Dya, j'ay esté au pont aux asgnes.
Ferez- vous point les febves haines?
Hen, quoy, ferez-vous le pot cuyre ?
Dya, j'ay esté au pont aux asgnes ; Je sçay comme il les fault conduire.
La Femme.
Helas ! besoing , je les vois frire, Et si (je) vois allumer le feu.
Pardonnez-moy, au nom de Dieu, Et je feray voz voulentez.
Le Mary.
Trottez, vieille, trottez, trottez, Et servez quant il est besoing.
DU Pont aux Asgnes. 49
Helas! espargnez mes costez.
Le Mary.
Trottez, vieille, trottez, trottez.
La Femme.
Vos cbausses seront descrotez , Et si vous chaufferay le baing.
Le Mary.
Trottez, vieille, trottez, trottez, Et servez quant il est besoing.
La Femme.
Nobles dames qui avez soing, Vous povez par cecy noter, Le pont aux asgnes est tesmoing :
Besoing fait la vieille trotter.
Le Mary.
Adieu, seigneurs, et près et loing, Qu'il vous a pieu nous escouter.
Le pont aux asgnes est tesmoing :
Besoing fait la vieille trotter.
Fin.
FARCE NOUVELLE
TRES BONNE ET FORT JOYEUSE
