ET LE CLERC
La Femme commence.
r est-il mort , helas ! lielas !
Jenin Landore, mon mary,
Mon espoir, mon bien , mon soûlas .
Or est-il mort, helas ! helas !
Quand m'en souvient, je pers esbas, Et ay le cueur triste et marry.
Or est-il mort , helas ! helas !
Jenin Landore, mon mary.
Le Curé.
Quand U estoit ensepvely Il demandoit au clerc à boire.
Le Clerc, Toutesfoys (il) est mort.
La Femme.
Hélas ! voire.
22 La Résurrection
Le Curé.
Il mourut de soif.
La Femme.
Se fîst mon.
S[e] estoit un bon biberon ; En son voirre ne laissoit rien.
Le Clerc.
De cela vous ressembloit bien ; (Car) volontiers vins alloit tastant.
La Femme.
FaiUoit-il, puis que Taymois tant, Que mort le vint ainsi aljatre ?
Le Curé.
II estoit assez bon folastre, Et se marchoit de bon biès.
Jenin Landore.
Bona dies, bona journus, A dechifré par le menus, C'est-à-dire en latin : Dieu gard.
Retirez-vous à part, à part.
J'en viens, j'en viens, je y ay esté.
La Femme.
Qu'esse icy ? Benedicite , Nostre-Dame de Reconfort !
Jenin.
C'est vostre mary.
La Femme.
Il est mort.
DE Jemn Landore. 23
Jamais ne fus si esbahye.
Je>;iin'.
Je suis mort et je suis en vie. Tout aussy vray que je le dis.
La Femme.
D'où venez-vous ?
Jenin.
De Paradis.
Qu'esse icy ? c'est trop qiiaqueté ; Mon suaire en ay apporté, Et suis passé par purgatoire.
La Femme.
Vous n'estes point Jenin Landore ; Ne sçay que faire ici venez.
Jemn.
Si suis-je Jenin par le nez Et Landore parle menton.
Le Curé.
C'est luy sans autre.
Jenin.
Se suis mon.
La Femme.
Si ne veulx-je pas qu'il me touche.
Jemn.
Si je voulois ouvrir la bouche, Je vous dirois bien des nouvelles.
La Femme.
Et je vous prie, dictes-nous quelles ; Icy rien celer ne vous fault.
24 La Résurrection
Jenin.
J'ay veu faire ung terrible assault.
Y a-il eu quelque meschef ?
Jenin.
J'ai veu sainct Pierye atout sa clef Et sainct Paul atout son espée, Qui avoit la teste coupée A sainct Dcnys, se luy sembloit, Et sainct Françoys les combatoit.
Frappant sur eulx , patic , patac.
Alors y arriva saint Marc, Qui très bien secoua leur plisse.
Puis vint sainct Jacques en Galisce, Atout sa chappe bien doublée.
Quand Dieu vit toute l'assemblée, Ainsi frapper, il est notoire Qu'à Sainct Françoys donna victoire ; Mais je m'en vins de paour des coups.
Le Curé.
Jenin Landore, dictes-nous, Que faisoit alors sainct George ?
Jenin.
Il n'estoit point en bonne forge , Car il craignoit fort l'interest.
Le Curé.
Ainsi, comme il nous apparoist, Il y eut terrible bataille.
Jenin.
Il fault clorre la muraille
DE Jenin Landore.
De Paradis soiibclainemeut.
Autour a esté seuremeul
Plain de Suisses et Lausquenetz,
Qui eussent fait, je vous prometz,
Terrible guerre en Paradis,
Tout aussi vray que je le dis.
Dieu leur fist , plus tost que plus tard,
A cliascun (un j paradis à part ;
Car de long temps bayent l'un l'autre.
Le Clerc.
Tout beau, il y a de la faulte ; C'est donc un paradis nouveau Fait et construyt nouvellement.
Or c'est mon , par mon serment.
Mais, ainsi qu'on s'entrcbatoit , Saiuct Laurens, qui s'esbatoit A rostir sur son gril Souysses, Tout ainsi qu'on fait les saulsices A une taverne eu y ver.
Garde n'avoys de m'y trouver.
Le Curé.
Raison ?
Jenin.
Je crains trop coups de picques.
La Femme.
Dictes nous, sans plus de replicques, Que c'est de paradis.
Jenin.
Je vous prometz que ce n'est pas Ainsi comme le temps passé.
26 La Résurrection
Le Cler,
C'est Lien dit , massé ?
La raison ?
Jenin.
Il n'y a rien qui change.
Soubz les piedz de saint Michel l'ange A une femme en lieu d'un dyable.
Le Curé.
Cela n'est pas bien convenable.
Jenin.
Si est-il ainsi, demi dieulx [semi dieulx?] Il y a sainct Benoist le vieulx Qui tient bien la loy ancienne ; Mais certes sainct Benoist le jeune De l'Eglise ne prent pins soing; Il porte l'oyseau sur le poing Et conti'efait du gentilhomme Et trenche du bragaid.
Le Curé.
En somme , Jenin Landore en parle bien.
J ENIN.
J'en puis parler quand j'en viens Tout aussi droit qu'une faucille.
Se j'eusse esté bien habille, Je ne serois pas retourné.
La Femme.
Âvez-vous long temps séjourné En Paradis ?
Jemn, Certes, m'amye.
DE Jenin Landore. a;
Je vous prometz qu'i n'y ennuyé, Non plus que quand on est à table.
Le Curé.
Je croy bien qu'il est véritable Et qu'on n'y endure nul mal.
Jenin.
Sainct Christofle y va à cheval.
Le Cl erc.
Sainct Martin , qu'esse que de luy ?
Jenin.
11 va à pied pour le jourd'huy.
La Femme.
Dictes, qu'i faisoient les apostres?
Jenin.
Hz disent tous leurs patenostres.
Le Curé.
En Paradis fait-on excès ?
Jenin.
Il n'y a ne plet ne procès, Guerre, envie , ne desbat ; Car il n'y a qu'un advocat , Parquoy il n'y fault nulx plaideurs.
Le Clerc.
Combien y a-il de procureurs ?
Dictes-nous s'il y en a point ?
Jenin.
Ma foy, je n'en mentiray point. Je lediray devant chascun, Je n'y en ay veu pas un ;
28 La Résurrection
La vérité vous en raporte.
Il en vint un jusque(s) à la porte, Mais, quand vint à entrer au lieu, Il rompit tant la teste à Dieu Qu'on le chassa lioi's de leans.
Le Clerc.
Çà, Jenin, quant est de sergens , Paradis en est bien pourveu ?
Jenin.
Corbieu, je n'y en ay point vcu.
Le Curé,
Tout fait, tout dit et tout comprins, Quelque chose y avez-vous aprins ?
Jenin.
Say mon dea.
Le Curé.
Or nous Taprenez.
Jenin.
J'ay aprins, si le l'etenez ; Mais faictes silence.
Le Clerc.
Quoy?
J ENIN.
Une science.
Quelle ? Ne la vueillez celer.
Jenin.
Garder les femmes de parler, Quant je veulx.
DE J EN IN LaNDORE. 29
Le Cu RÉ.
C'est une graut chose.
Parl'ame qui en moy repose, Je verrois voluntiers l'usage.
Jenin.
Voyre.
La Femme.
Et comment, Jenin?
Jenin.
Baillez-leur à boire.
Car je croy, tandis qu'ilz bevront, Que alors point ilz ne parleront ; Il est tout vray, la chose est telle.
Le Clerc.
Quelle autre science nouvelle Sçavez-vous , Jenin ?
Jenin.
J 'en sçays bien une :
Je dis bien la bonne adventure Des gens, si tost que voy leurs mains.
Le Clerc.
Est-il vray ?
Jenin.
Tout ne plus ne moins.
Voyre, par sainct Pierre l'apostre, Curatc, monstrez-moy la vostre Hardiement.
Le Curé.
Tenez, beau sire.
3o La Résurrection
Jenin.
Je voy ce que je n'ose dire.
Le Curé.
Je A^ous avoue que l'on propose Tout ce qu'on vouldia proposer.
Jenin.
Pour la vérité exposer, Vous estes yvre et gourmant , Parquoy vous vivrez longuement.
Et si aymcz le femenin Et appetez boire bon vin.
Ailleurs ne vous voulez esbatre.
Le Curé.
Dieu met en mal an le folastre.
Jenin.
Tibi soli.
La Femme.
Et dea , Jenin , Qu'esse cy ? Vous parlez latin ?
Je ne puis entendre voz dis.
Jenin.
C'est du latin de paradis, Qui m'avoit enflé tout le corps.
Se ne l'eusse bouté debors , Crevé feusse pour tout certain.
Le Clerc.
Sa, sa , regardez ma main.
Jenin.
Que tu es une ])onne beste.
DE Jenin Landore. 3i
Le Clerc.
Dca, Jenin, vous hochez la teste.
Jenin.
C'est pour le sang de ma cervelle, Qui dedans ma leste se mesle ; Car mon engin est trop subtil.
Le Clerc.
Sus, que suis-je ?
Jemn.
Poyssou d'apvril .
Le Clerc.
Poysson d'apvril ?
Jenin.
Voylàle cas.
Le Clerc.
Et voire, mais je n'entens pas Que c'est à dire.
Jenin.
Voicy l'âge :
Quand on met une pie en cage, Que luy aprent-ou de nouveau A dire? Parle.
Le Clerc.
Macquereau.
Jenin.
Clerice, tu es tout gentil.
Maquereau c'est poisson d'apvril ; Ainsi es-tu, je te le jure ; La fin de ta bonne adventure.
C'est que tu aymes ton repos.
Sa La Résurrection
La Femme.
Or ça , mon amy, quelz propos Direz-vous de moy ?
Jenin.
Par ma foy, Je ne veulx rien savoir, ma femme, De paour de trouver quelque blasme.
Car, s'en voz mains je regardoye, Peut-estre que je trouveroye.
Quelque cas qui me desplairoit.
Et puis....
La Femme.
(Et puis) quoy ?
Jenin.
Jenin se tairoit.
La Femme.
Et auriez-vous bien le courage?
Jenin.
Ma foy, ma femme, un homme sage Ne s'enquiert jamais de sa femme, Que le moins qu'il peult.
C'est la game.
Cela évite mains courroux.
La Femme.
Jenin, quel(le) science avez-vous Encores aprins en Paradis ?
Jenin.
Se vous n'estes Ions bien hardis, Belle paour vous fcray tautost.
DE Jenin Landore. 33
Le Clerc.
Et comment ?
Jenix.
Or, ne dictes mot, Et vous verrez chose terrible , Car je me feray invisible Quand je veulx , plus n'en fault enquerre. Voicy les rethz de quoy sainct Pierre Et sainct Andry peschent tous deux.
Le Clerc.
Je vous en croy bien, par mes dieux ; Vous sçavez procurer [prouver?] vostre cas
Jemn.
Ma foy, vous ne me voyez pas.
Le Clerc.
Mais dis-nous, où esse que tu vas ?
Jenin.
Le corps bieu, vous n'en sçaurez rien.
Or sus, vous ne me vovez pas Maintenant, et je vous aov nien.
Dea, Jenin Landore, combien Serez-vous bien en ceste mode ?
Jenin.
Autant que fut le roy Herode A decoler les innocens.
Ennuict verrez que par mon sens, Auray bruyt entre les hardis.
Le Curé.
Gens qui viennent de paradis
34 Résurrection de Jenin.
Sans fauhe sont tous invisibles.
La Femme.
On ne voit point, sans contredis, Ceulx qui viennent de paradis.
Jenin.
Bonjour, bonsoir, adieu vous dis.
Le Clerc.
Jenin fait choses impossibles.
Jenin.
Je ferois des choses terribles Se j'estoys un peu reposé.
Adieu vous dis. Je prens congé.
Finis.
FARCE NOUVELLE
