Farce
Qui le croira. Quel lanternier !
Le Triacleur.
Laisse-moy faire mou mestier.
Suis-je pas en ville jurée?
Si suis , ou le diable t'emporte.
J'avoys ma sauté recouverte
Avant qu'aler à ceste porte ;
Car il n'y a poison si forte ,
Soit reagal ou arsenicq ,
Avant que vous eussiez dit picq ,
Vous seriez guéri trestost sain ,
Et , feussiez-vous mors d'un aspicq ,
Par bien, il n'est riens plus ceitain.
Le Pardonneur.
Mes amis , pour le peuple humain , Pour vous garder de grand essoyne , Je A'ous ay apporté le gi'oing Du pourceau monsieur sainct Anthoiue.
Le Triacleur.
Messcigneurs, vccy l'œuf d'un moyne Qui fut ponnu en Barbarie, Qui est plain quand la lune est plaine , Et tary quand elle est tarye.
Encore ay-je de droguerie Beaucoup, que jca'ous monstreray.
Le Pardonneur.
Il ment , le ribault , croyez lay, Sang bien, ce n'est quejoncherie :
Tout partout y a tromperie , Fors a gens de nostre mestier.
Le Triacleur.
Cuydés-vous qu'il est fort ouvrier?
d'un Pardonneur. 55
11 ciiyde faire les gens bestes.
Le Pardonneur.
Je vous Tueil inonstrer la creste Du coq qui chanta cheuz Pylate ; Et la moytié d'une late De la grand arche de Noë.
Le Triacleur.
Je viens du mont qui est gelé, (Kl j'ay cueilly ceste racine.
Le Pardonneur.
Ce n'est que merde de geline.
Le croyez-vous? le ribault ment.
Le Triacleur.
Seigneurs , voicy de l'oignement Qui croist empres la saincte terre.
Le Pardonneur.
La forte fiebvre serre Qui en ment; sang bieu, c'est boullie.
Le Triacleur.
Il a menty. Dieu le mauldie ,
Se ce n'est vraye médecine
Que j'ay prins au mont de Turgine,
En la montaigne d'Arcana.
Le Pardonneur.
Ha , par le ventre bieu , non a.
Coquelicoq.
Le Triacleur.
Tenés , quel prebstre !
Par la chair bieu , on le deust mettre En bonne prison. Comme (nt) il jure !
56 Farce
Mais esse pas bien grand injure A un prebstre d'ainsi juier?
Le Pardonneur.
Comment ! ne sçais-tu endurer Et atendre que j'aye fait Ma collation? EnefFait, Si tu ne te tais , j'en appelle.
Regaidez , seigneurs , vecy Telle D'un des séraphins d'emprès Dieu.
Ne Guidés pas que ce soit jeu :
Velà la, affin qu'on la voye.
Le Triacleur.
Sang bieu, c'est la plume d'une oye Qu'il a mengée à son disner.
Ha ! que tu scez bien affiner Et abuser les bonnes gens.
Le Pardonneur.
Et , par la vertu bieu , tu meus !
Coquelicoq, alleluya.
Le Triacleur.
Tenés , esse juré cela?
Je pense que ouy pour ung coup.
Je porte des di'ogues beaucoup.
J'ay cy, en mes deux petis caques
De la teste de Cerberus ,
Que je conquis le jour de Pasques
Es parties d(e l)'infernal paluz.
Le Pardonneur.
Benedicite, dominus.
Tu mens bien à bon escient.
d'un Pardonneur. 57
Le Triacleur.
Et j'ay cy tout pareillement De la barbe de Proserpine , Et si ay cy d'une racine De quoy on joue d'arquemie , Et Tay prinse, je vous affie, En la racine jusqu'au fons , Et m'y portèrent mes griffons, Qui sont tous duis à cella faire.
Le Pardonneur.
Et très doulx Jésus, roy de gloire, Et que tu mens terriblement.
Le Triacleur.
J'ay [i]cy tout pareillement Du premier fiuict d'une chastaigne , Que j'ay prins en un mouvement Au fons de la grand mer d'Espagne.
Le Pardonneur.
Escoutez, cuidez-vous qui plaigne A bien mentir? Corps bien, nenny.
Que pleust à Dieu qui fust ennuy A la grant rivière de Seine , Ataché d'une bonne chesue , Au moins tant que j'eusse presché.
J'ay cy, seigneurs, d'ung coeuvrechef De Nostre Dame de Laval.
Le Triacleur.
Voicy du pied de Hanibal Et de la teste et des cuysses.
Le Pardonneur.
Il ne m'en chault, non que tu disses.
58 Farce
Tu mens de tout ce que tu dis.
Le Triacleur.
J'ay cy des murs de paradis Un petit caillou : vêle là.
Le Pardonneur.
As-tu [donc] monté jusques là?
Il est à la plus liaulte notte.
Le Triacleur.
G'y fus porté en une hotte Le jour du vendredy aourez
Le Pardonneur.
Or ça, messieurs, escoutez ;
Je vous veulx compter un miracle.
Le Triacleur.
Sa ; qui veult avoir du triade ?
J'en ay icy du medragan , J'ay roreille d'un pélican, Et les piedz de quatre phénix.
Et les ay prins dedans les niez Près [de] la montagne d'Ârtos.
Le Pardonneur.
Je vous vueil cymonstrer les os De la teste de Bi gourdin ; L'ung est de monsieur sainct Boudin , Voicy l'auti'e de saincte Fente.
Le Triacleur.
J'apporte du ])ays de Tarentc La dent (de) (leofTroy à la grant dent, Qui va tout le monde mordant.
Pour Dieu , reculez-vous arrière.
d'un Pardonneur. 59
Je la prins à une fouldiièie, En la vallée de Golgotas.
J'ay cy encore un grand tas De coque-grues d'oultre mer.
J'ay du chevron qui porte l'air Et du pied qui porte la lune.
Le Pardonneur.
Par la mort bien, c'est d'une prune D'un prunier de quelque jardin.
Le Tri ac leur.
Voicy du bois du tabourin
De quoy David joue devant Dieu.
Le Pardonneur.
Il a raenty, par le sang bien, Car David jouoit de la harpe.
Le Triacleur.
Par la mort bien, se je te happe, Je t'envoyray prescher ailleurs.
La Tavernière.
Dea, il ne vient plus nulz beuveurs ; Je pers toute ma chalandise.
Tous ces triacleurs de Venise Et ses pardonncurs d'Amiens, Qui cueillent d'église en église, Souloicnt tous venir céans.
Le Triacleur.
Messieurs, j'ay beaucoup de biens , Dieu mercy, de baulx et de bons.
Seigneurs, vecy un des crampons De rhuys qui soubstient tout le monde, Et vecy uue pierre ronde.
6o Farce
Que jamais aveugle ne vit ; C'est la pierre de quoy David Tua Golias le geand.
Le Pardonneur.
Je me tiens icy pour néant.
C'y pers mon sens et [ma] mémoire.
Le Triacleur.
Que veulx-tu donc? Yrons-nous boire ?
Je te pry, allons-y, beau sire.
Nous ne faisons qu'entrenuire, Se nous ne faisons quelque accord. Tu scez, par ton mesme record, Que deux coquins ne vallent rien A un buys.
Le Pardonneur.
Tu dis très bien.
Il nous fault aller gourmander; A quelqu'un nous fault demander Où est le bon vin d'OrJeans.
La Tavernière.
C'est céans, seignem^s, c'est céans; Venez, entrez, j'ay de bon vin.
Le Triacleur.
Aussi l'entens-je en latin.
Tenez , gardez-moy ce coffret.
La Tavernière.
Messieurs, dictes, s'il vous plaist.
De quoy vous meslez-vous tous deux?
Le Pardonneur.
De quoy ? Nous sommes pardonneur,
d'un Pardonneur. 6i
Dame , à vostre commandement.
Au moins moy véritablement ; Mais cestuy cy est triacleur.
La Tavernière.
Par sainct Jehan, je me tiens seur, Se mon mary estoit icy, Certes, il seroit bien mai'ry Se très bien ne vous festoioit ; Car aussi certes il souloit Se mesler du mesme mestier.
Le Triacleur.
Comme quoy?
La Tavernière.
Il tstoit ouvrier Excellent d'arracher les dents.
Le Pardonneur.
Sangbieu, il estoit de nos gens.
La Tavernière.
Ha , c'estoit mon ; j'en suis bien ayse. Or, messieurs, ne vous desplaise, Faictes [donc] tous deux bonne chère ; Vous ne demourrez pas derrière Par ma foy jusques à un escu.
Le Pardonneur.
Je croy que nous avons vescu Céans, dame, à voz despens.
Il y a choses icy dedans Qui est, certes, un grant trésor; Il vault plus d'un million d'or ; S'il vous plaist, vous le garderez.
La Tavernière.
Et qu'esse ?
Le Pardonneur.
Vous le sçaiués ; C'est , ainsi comme je l'entens , Le béguin d'un des Innocens.
Gardez-le nous bien à point ; Mais ne le développez point.
La Tavernière.
Comment , est-il si précieux ?
Le Triacleur.
Guy dea.
La Tavernière.
J'aymeroye mieulx Mourir que le développer.
Le Pardonneur.
Or yrons-nous après soupper ; Nous en allons; adieu, pou fille.
La Tavernière.
A Dieu, seigneurs, qui vous conduise.
Le Triacleur.
Et benoiste soit tromperie ;
Le coqis bien , elle en a pour une.
La Tavernière.
Et n'est-il manière aucune Que je puisse veoir qu'est cecy ?
Par bieu, j'en suis à grant soucy ; Que feray-je? y regarderay-je ?
Ouy, nenny ; lequel feray-je ?
Et siferay par mon serment.
d'un Pardonneur. 63
Mais je prie premièrement
A Dieu que point ne me pugnisse.
Et, mon Dieu, que je suis nicc,
Fresle et de propre nature,
Se je regarde d'aventure
Ce qu'il y a icy dedans,
Pardon nés-moy ; car je pretens
N'y faire aucune violence.
Or ça, il fault que je m'advance
De veoir ceste noble relique.
Vierge Marie, et qu'esse sique?
Se sont brayes, par ma conscience ,
De quelqu'un; mon Dieu, pascience;
Vierge Marie, qu'ils sont breneuses !
Que de finesses cauteleuses
Se font aujourd'huy par le monde !
Je pry à Dieu quy les confonde.
Je le diray à mon mary ;
Je m'y en vois ; adieu, vous dy.
Et prenez en gré, je vous prie.
Adieu, toute la compagnie.
