ANNALES HISTORIQUES DU BARHOIS

Année 1387.

Sentence arbitrale de Robert, rendue sur un différend qui s'était élevé entre les habitants de Mécrin et les chapelains de la chapelle Saint-Éloy de Saint-Mihiel, à V époque et par suite de la construction d'une forteresse à Mécrin.

Robert duc de Bar, marquis du Pont, à tous ceulx qui ces lettres verront, salut :

Comme sur ce que les maire justice habitans et communauté de nostre ville de Mescringnes , auoient prins et approprié a eulx conuerti et appliqué à lusuaire de la forteresse quil par nostre ord<» et auctorité font et édifient en leurdite ville , une maison , la grange dicelle et le coulombier, ensemble certaines places de terre, jardins et fossés, estans des circonstances de ladite maison et aucune quantité de preiz, tous appartenant aux chapellains de la chapelle Saint Éloy, fondée par feu Humbelet de Gondrecourt, en leglise parochial de Saint-Mihiel , fust venu à nostre eognoissance que les chapellains auoient entention de pour ce approchier et faire conuenir lesdis habitans et communauté, à fin de restitution de ce que prins en auoient et le surplus réparer et delaissier ausdis chappellains , sans y attempler, et lesdis maire, justice, habitans et communauté, fussent mehus deulx défendre, soubz vmbre de plusieurs causes assez coulourees de raison et autrement, quil disoient auoir contre lesdis chapellains, parquoy peust être venus grans inconvéniens et le* dis chapellains auoir lieu détriment es rentes quil prennent en ladite ville, tans par le moien de la labour desdis habitans, comme autrement . et se peussent lesdis parties, estre mises et enveloppées en procès longs, grans et sumptueux , dont espoir heust convenu cesser louvrage de ladite forteresse on grant préiudice du bien et seureté de noz paiz et subjetz se sur ce n'estoit pioueu de bon et couvenable remède.

Pour lequel faire et estre mis en ce fait , nous qui tousjours volons nourrir paix et concorde entre noz subiets et eulx à nostre bon pooir, escbieuer de pairies et trauaulx et relouer de frais et missions, aiens par plusieurs fois fait appeller lesdites parties par deuant nous , et eulx admonester et fait induire par bonnes et amiables voies , comment sur leur dit débat se vousissent accorder ou au moins laissier trailtier pour veoir que on les peust accorder, à eulx otTrans en oultre de en cestc matière procéder et faire procéder si sommerement et de plain , quil leur deueroit souffire. laquelo chose faire delaioent lesdis chapellains, espoir parmi ce que il leur sembloit quo sans l'auctorité de leur souuerain ne pooienten ce fait procéder, considéré que ce touchoit leritage de ladite chapelle et pour ce demouroit la choss en voie de rigoreux procès, comme parauant et peut auoir longuement demouré se de nostre auctorité ny procèdiens.

Et pour ce nous , considérant la rigueur des parties et le domaige qui scn ensieuoit , volons en ce proueoir, lesdis parties appellees et présentes, aiens fait informations sur la valeur des reuenues desdites

PIÈCES JUSTIFICATIVES. 469

maisons-, grange, coulombier et autres choses que lesdis chappellains disoient estre prinses et appropriées à ladite forteresse du leur, par lesdis habitanset communauté et quel proutfitcn auoient heu en temps passé auoient de présent et pooient auoiren temps auenir, par l'extimation de prudens hommes qui lesd. informations ont faites et ycelles à nous rapportées , lesquelles veuos et diligemment examinées , et sur ycelles heuo bonne , grant et mehurc délibération de conseil , tant auec clers sages et expers comme auoe plusieurs autres sages couslumiers et 2 bons prudens hommes, par lesquelz meismes auons fait sentir entre les d. parties que nonobstant la raison que nous y sauiens, vousissent que de leurd. débats poussent, par leur consentement ordonner et par ce moien de tout leurd. débats nous aient pleinement chargie.

Sauoir faisons que nous, tout ce que dis est considéré , tout veu et oy ce qui en ce fait estoit a veoir et considérer, de tous led. débat et descord estant entre lesd. parties, à la cause que dessus , ycelles présentes auons ordonné , pacifié et accordé entre ycelles et par ces présentes ordonnons, pacifions et accordons en la manière qui sensuit :

C'est assauoir que lesd. maison , grange, coulombier et autres édifices , places, jardins, preiz et fossés et dont débat estoit entre lesd. parties heu regart a Testât ou elles et lad. forteresse sont de présent, sont, seront et deraouront en trefîons et en heritaige , ensemble les pierres des masures desd. édifices ausd. maire, justice, habilans et communauté de Mescrignes et à leurs successeurs habitans en lad. ville, au prou Ait et vsuaire de lad. forteresse, et lesd. chappellains aueront, prendront et osteront a leur proutfit , les mairien et tieule qui sont sur lesd. édifices et ès places et maisièresdiceulx, qui en seroient venus, cheus ou descendus, sans débat ou contredit desd. habitans, ne d'autres.

Et en récompensation de toutes les choses dessusd., aueront et emporteront lesd. chapellains, pour eulx et leurs successeurs en ladite chapelle de rente annuelle et perpétuelle , la somme de cent sols tournois, vn fran dor et de pois du coing de Mons. le roy, pour vint solz t. De laquele rente seront tenus rendre et paier, en renderont et paieront lesd. maire , justice , habitans et communauté, presens et auenir, chascun an, ausd. chapellains et à leurs successeurs en lad. chapelle, la somme de 60 s. monnaie que dessus, au terme de la saint Remy en chiefs d'octobre, commençant le 4*r terme à lad. saint Remy proch. ven. et nous les autres 40 s. Proueu toutevoiz pour lesd. habitans, que toutes fois qu'il leur plaira dedans huyt ans entiers, après la date de ces présentes, pouront et leur sera loisible racheter ladite rente de 60 s., en paiant tout à vne foiz ausd. chapellains presens et qui pour le temps seront, la somme de 60 frans d'or et de poix et du coing dessusd., ou bonne monnoie à lauenant, pour mettre et conuertir par lesd. chapellains en acquestde terre pour lad. chapelle et non en autres vsages, lequel acquest, sil auient quil se fait, ad mor tissons dèz maintenant pour lors et volons estre et demourez à ladite chapelle a tousiours mais pour en joir [lesd. chapellains comme de chose admortie à ycelle.

Et s'il auenoit que lesd. habitans ne rachetassent ladite rente de 60 s. dedans le temps et par la manière dessusd , nous volons et ordonnons que tantost lid. temps passé de ce meisme fait soit ladite rente asseize a lad. chapelle, sans ce que lesd. habitans la puissent, des lors en auant,

plus racheter, mais sera et demoura à ladite chapelle et la paieront lesd. habitans ausd. chapellains a tousiours mais, chascun an, au terme dessusd. en quel cas semblablement auons lad. rente ad mort ie et admortissons dès maintenant, se le cas y eschiet et de rendre et paier lad. rente de 60 s. ausd. chapellains et à leurs successeurs, en lad. chapelle aus terme dessusd. se obligeront lesd. maire, justice, habitans et communauté coniointement et sans division , loyalement, pour eux et leurs successeurs justice, habitans et communauté de ladite ville, par bonnes lettres soubz le Seel de nostre tabellion de Saint Miel, de laquelle chose faire leur donnons et auons donné licence et auctorité et parmi ce, lesd. chapelains bailleront ausd. habitans lettres dud. rachat, soubz le Seel dessusdis ou autre convenable.

Et quant aux 40 s. de rente dont nous serons demourez chargiez envers lesd. chapellains, nous pour y ceuîx , auons donné, cédé, quittié, laissié et transporté et par ces présentes quittons, délaissons et transportons pour nous, noz hoirs et aians cause , les preiz qui sensuient :

1ers on ban de Keures 2 fauchiées de prey ou environ, séant en Saulx en lieu que on dit le Pourrat en Montronsart et fièrent on bras entre les prez Aubriet de la ha'e de Saint Miel , d'une part , et le prey Collet Bauldin, Thierret des Sièges et le Lorain, d'autre.

Item, on dit lieu, prez dicellui prez, enuiron 3 quarterons de prey, séant entre le prey le maieur Lorent et le prey Colet de la crouée, d'une part et le prei les hoirs Eurart de Saint Miel, d'autre, et enuiron une faulchie de prei , séant entre les 2 bans de Keures et de Menonuille, partnnt aus hoirs feu le preuost Huon et Esthennes do Saint Miel, deles le prei le petit Henriet Bochet, a yceulx prez lesquels nous auons ad mort is et admortissons par les présentes en la quantité que dessus , tenir, joir et possider par lesd. chapellains et leurs successeurs chapellains en lad. chapelle à tous jours mais, comme de leur propre héritage et chose admortie a ycelle, retenu en tout, pour nous et noz hoirs, la justice, ressort et garde.

Nostre quelle ordonnance et toutes les choses cy-dessus contenues entre lesd. parties accepté et heu pour aggreable, réservé par lesd. chapellains rauctorité et consentement de leur souverain. Si prions à R. P. en Dieu leuesque de Verdun et tous autres à qui il appartenra, que pour bien de pais, estre et demeurer entre lesd. parties, nostre présente ordcc en tant qu'il leur pouoit appartenir, veillent autoriser et confermer; et nous mandons à tous noz justiciers et ofliciers ou à leurs lieulenans , presens et aduenir et a chascun deulx, si comme a lui apparlenra, que lesd. parties et chascuno dicelles sueffrent et laissent joïr des choses contenues en ce présent accort. Sans lesempeschier en auculne manière au contraire.

En tesm. de ce, nous auons fait sceller ces présentes de nostre Séel.

Donné à Bar, le tiers jour de novembre, lan 1387. Par Mons. présent maistre Regnault de Gondrecourt. — Clarin. — (Archives de Bar, titre en parchemin dans les papiers de l'ancienne abbaye de Saint-Mihiel).

PIÈCES JUSTIFICATIVES

Année 1394.

Reprises faites par Ferry de Lorraine, comte de Vavdémont, pour le comté de Vavdcmont , les seigneuries de Montierssur-Saxdx, etc.

Nous Jehan de Reuigny, doien de Bar, Jehan Cresticn, preuostde Bar, Adenet Mairesse et Jacques de Reiugny, clercs secrétaires de Mons. le duc de Bar, seigneur de Cassel , gardes du scel du duchié de Bar, faisons cognoissantà tous, que lan do grâce, Nostre Seigneur 4406, le 27e jour du mois de feurier, veymes, tenismes et de mot à mot legimes, vnes lettres en parchemin, saines et entières du scel et descripture, contenant la fourme qui sensuit :

En nom de Dieu, Nostre Seigne ur, amen. Sachent tous ceuls qui cest présent instrument et lettres patentes verront et oiront que lan de grâce Nostre Seigneur 4394, le 10' jour du mois de janvier, l'indiction seconde, régnant très Saint Père en Dieu, nostre seigneur pape Benoist le 43«, le 0« an de sa création , en la présence de nous tabellions notaires publiques et des tesmoings cy dessouz escripts et nommés, furent assemblés en leurs propres personnes au chastel de Wademont , en la chambre de parement di celui chastel , nobles et puissans seigneurs Mgr Henry de Bar, aisné filz de très haut et puissant prince et seigneur, M»r Robert , duc de Bar, marquis du Pont, d'une part, au nom et comme lieutenant dudit Mons. le duc de Bar, si comme plus clorement appert par la teneur des lettres sur ce faites et données sous le scel dudit Mons. le duc , d3s quelles la teneur sensuit :

» Robert duc de Bar, marquis du Pont, à tous ceuls qui ces lettres verront salut :

Sauoir faisons que comme nostre chier et amé cousin, Ferry de Loh er raine, soigneur de Rumigny, de Boue, comte de Wademont, soit entrez en nostre foy et hommage et à cause de nostre chiero et amée cousi ne, Marguerite, sa femme, dame propriétaire dudit conté de Wademont , ait reprins de nous, en fief lige, deuant tous hommes qui puelent vivre et morir, ledit conté et les forteresses de Wademont et les appartenant audit conte jurables et rcndables et promis à faire et faire faire et rendre certains deuoirs, obéissances et recognoissances , que à cause dudit fie f nous sont deues et pour iceuls prenre et receuoir, aiens donné jour à nostre dit cousin , au dimanche 10» jour de cest présent mois, lequel ait nostre dit cousin accepté audit lieu de Wademont.

Soit ainsi que pour certaine essonio de nostre corps, ne puissions estre audit lieu et jour, en nostre personne , nous , pour et en nom de nous auons ad ce commis et commettons, Henry, nostre aisné filz, en le faisant et constituant en ceste partie, nostre lieutenant et lui auons donné et donnons, par ces présentes, plain pouoir, auctorité et mandement especial de pour nous et en nostre nom, estre et comparoir audit jour et lieu de Wademont et autre part, là où il appartenra et les jours ensuiuant , de demander et requérir audit Ferry, nostre cousin, et tous autres à qui il appartenra, noz dis deuoirs, obéissances et recognoissances, yceuls prenre