V. c. xxxi
Son corps est mys à reposer en byere Mais le regnom de luy n'est en orbière (1).
Très hault seigneur , saches que le lundy De Sainct Gervais, vray comme je le dy , Puys le jeudy (2), servy en tel divise , Ce noble corps fust saisy en l'Eglise Environ les sept heures du matin , La messe dicte au temi)le Sainct Martin Par le colliége ainsi que de coutume .
Ce temps pendant luminaire s'allume De tous coustéz , si très habondamment , Que ce semble estre ung eblouissement.
Toute la ville entreprint si bel ordre Qu'il n'y eust onc ung seul poinct de désordre . Car les bourgeoys , manans et habitans , Tretous , en noir , noblement se acquitans , Puys Sainct Martin jusques audict colliége Se tindrent coy sans partir de leur siège . Des deux costés tenant torches par rang , L'un près de l'aultre en ordre equiparens , Chascun sa torche allumée armoyée (3), Dont à les veoirs ressembloit une armée . Chascune torche avoit deux ecussons Dont , pour te dire en deux mots les faczons , De l'un costé les armes du bon prince Apparoissoint , il convint que l'apprinsse Pour tout entendre ainsi que desgousse (4) : Il y avoit aussi , d'aultre costé ,
(1) En orbière : En oubli.
(2) Puys le jcudy : Depuis le jeudi.
(3) Armoyée : Armoriée.
{A) Ainsi que desgousse , desgoise : Ainsi que je raconte.
240 V. c. xxxi.
Ung ecusson des armes de la ville .
La pompe estoit très piteuse et civille . Puys Saine t Martin jiisques à Sainct Tugal Sont trois gects d'arcs mys en pas coëqual (1). Puissant seigneur , advise quante (2) torches , Des deux costés estoient mises au porches ; Geste ordre ici , jamais ne démarcha, Et par entreulx onc homme ne marcha.
Car ilz faisoient des deux costés barrière , Tant que on ne alloit ne avant , ne arrière . Debout , toujours tindrent leur place et lieu . Faisant passer l'ordre par le mellieu .
Noble seigneur pour déclairer les armes D'icelle ville , entends que les alarmes De Julius César (3), tant renommé , Fust Empereur premier , César nommé.
Laval estoit alors dicte Dunelles , Lequel la print , par armes solemnelles. Mais ce ne fust sans estre combattu.
Après qu'il eust par ung mois débattu , Il les vainquit en cruelle bataille , Et au conflit il reçeut mainte taille Dont il tomba, tant lui que son cheval , Lors mua mon Dunelles en Laval .
(1) Coèqual : Somblable.
(2) Quante : Quarante.
(3) On appréciera à sa juste valeur l'opinion de notre chroniqueur sur l'origine de Laval.
Elle nous fait voir cependant combien dans les temps anciens le nom de César était répandu , et comment l'on attribuait à ce conquérant lo'.it ce que l'on voulait relever par une origine illustre. (Voir p. 6, à la marge où déjà Le Doyen a donné cette histoire.)
