GG

il n'y a eu Seigneur en ces païs qui plus ait travaillé pour le service de l'Empereur Charles que lui : et alFin que je ne m'estende à reciter ce qui est tant cogneu, seulement je vous dirai en un mot que c'est lui qui a mis la couronne Impériale sur la teste de l'Empereur, aiant poursuivi tellement cest affaire lors que l'Empereur pour son jeune eage, et pour son absence (car il estoit en Espaigne) n'estoit capable de le poursuivre, qu'il persuada aux Electeurs de préférer lEmpercur au Roi de France qui conlendoit aussi pour le faict de ladicte élection. Et comme il est notoire à un chacun que ceste couronne Impériale a esté le pont, qui parapres a faict passage à l'Empereur pour t-ant de conquestes, on ne peult denier que la recognoissance n'en doibve estre faicle audit Seigneur Conte. Mais me pourra on à présent monslrer une seule marque de recompense, un seul bienfaict que nostre maison aie receu de celle d'Espaigne? On veoit en plusieurs places de ces païs les pièces d'artillerie aux armes de Hongrie, que le Roi de Hongrie a donné à mes prédécesseurs, pour tesmoignagc et mémoire de leur vertu qu'ils avoient emploiéeà leur service contre les Turcqs, desquelles pièces aulcunes m'ont esté violentemenl emportées par le Duc d'Alve hors de ma maison de Breda lors qu'il tyrannisoit en ce pais, et aulcunes y sont encores demourees, ce que je mets en avant pour dire que tant que ces pièces dureront, tant aussi dureront les marques de la vertu de mes ancestres, et un illustre tesmoignagc qui leur a esté rendu par le Roi de Hongrie. Mais comme mes prédécesseurs ont esté si nobles, et par la grâce de Dieu et leur bon mesnage n'estoient i)oint paoures, ils n'ont rien demandé des Princes de ces païs, ni aussi n'ont rien receu de gratuit. Et toutesfois pour le moins la couronne Impériale meritoil bien quelque recompense. J'

confesse que la succession de Chaallon et du Principaulté d'Orange, a esté un grand accroissement à nostre maison. xMais si nous en sommes obligez à quelqu'un, vraiement cest au grand Roi François, qui donna en mariage à Monsieur mon oncle la seur de Monsieur le Prince Philibert, fille de Monsieur le Prince Jehan, laquelle avoit esté nourrie avecq la Roine Anne, belle-mere dudict Seigneur Roi, et de laquelle estoit cousine ladicte Princesse. EtYoiez ici, Messieurs, l'honnesteté de ce monarque. L'Empereur a receu sa couronne par les peines et travauls de mon oncle, le Roi François qui sçavoit ce que ledict Seigneur avoit faict pour son compétiteur ne laisse lui donner ceste Princesse en mariage, héritière presum^tive de son frère Monsieur le Prince Philibert, recognoissant ledict Roi ne debvoir sçavoir mauvais gré à celui qui avoit constamment suivi le parti qu'il avoit pris. Tellemont que je puis dire comme disent les historiographes de son temps, que c'a esté un gentil cœur de Prince et libéral. Et quand l'Empereur auroit concédé quelque chose à la mémoire de Monsieur le Prince René, et que suivant la disposition dernière, il auroit accordé à sa volunté quelque privilège et bénéfice extraordinaire : je vous prie estant un si valeureux Prince qui lui avoit tant faict de services, aiant par la force des armes non seulement reparé le dommage d'une bataille perdue pour l'Empereur, mais aussi lui aiant reconquis le duché de Gueldre, et par après venir icelui mesme mourir aux pieds de l'Empereur et pour son service, seroit ce toutesfois recompense condigne rendue à si loiaus et si signalez services ?

Que dirai-je du Prince Philibert, lequel seul luy a acquis la Lombardie, le Roiaulme de Naples, et avec Monsieur de Bourbon lui a asseuré Testât de Rome, et lui a pris le Pape,

en somme Ta rendu comblé de toute grandeur et félicité : et maintenant le filz viendra reprocher à la mémoire de tels Princes que l'Empereur a faict justice à leur successeur et Cousin? Que si ceus de Nassau n'avoient vescu par [cy devant, si ceus d'Orange n'avoient tant faicts d'armes devant que le Roi fust nai : il n'auroit pas mis tant de tiltres sur le front de ceste proscription, par laquelle faulsement et calumnieusemeivt il me prononce trahistre et meschant, ce qui ne tumba jamais et espère ne tumbera en aulcun de ma race. Mais qu'on me responde par le commandement de qui le Cardinal de Granvelle a empoisonné l'Empereur Maximilian dernier estant encores Roi des Romains? Je sçai ce qu'il m'en a dict, et que depuis il a eu telle crainte du R{^ et des Espaignols, qu'il en a esté plus craintif à faire profession de la Religion laquelle il cognoissoil lonlesfois esirc l;i nn-jlleure.

Il poursuit cl dict, qu'il m'a successivement coulinuè et augmenté déplus en plus j m'aiant faict de son ordres en après Lieutenant gênerai au gouvernement de Jfollande, Zelande, Vlrecht, et Bourgoigne, de son conseil d' Estât, et m'a faict plusieurs biens et hontieurs. Quant aux biens je ne piiis aulcuncment le recognoistre, si on ne vcull appeller bienfaicts les grandes despenses que j'ai faicles tant pour le service de l'Empereur que du Roi. Car ceus qui ont vescu de ce temps, et principalement du Roi, peuvent avoir souvenance comme la cour a tousjours esté grandement accomjiaignee de noblesse de plusieurs et diverses nations, et pour la pluspart de noblesse Allemande. Or chascun scait que ma maison a tousjours esté ouverte, et que j'avoi ordinairement la descharge et le defrai, soustenant les despenses de la cour pour le peu d'ordre qu'il y avoit de la part du Roi. Un chas.

cun sçait aussi la grande et excessive despense qu'il me convint soustenir au voiage, auquel contre ma volunté et plusieurs protestations faictes à l'Empereur et à la Roine de Hongrie, je fu contrainct de porter la couronne de l'Empireà l'Empereur Ferdinand, d'aultant qu'il ne me sembloit raisonnable que j'emportasse la couronne de dessus la teste de mon maistre, qui y avoit esté mise par mes prédécesseurs. Depuis je fis le voiage de France, auquel je fu envoie pour l'un des hostages pour l'exécution de la paix de Chasteau en Cambresis, qui m'apporta aussi une extrême despense, tellement que je puis bien asseurer en ces trois articles, joinct aussi aux frais que j'ai faicts aux dernières armées et principalement celles de Philippeville et de Charlemont ou j'estoi gênerai, avoir faict despense de plus de quinze cents mille florins, et toutesfois la chambre des comptes peult encores faire foi que je n'ai jamais eu recompense d'une maille pour ces services, mesmement estant Lieutenant gênerai d'armée que je n'ai receu pour tous gages que iij^ florins par mois, qui n'estoit pas pour paier les serviteurs qui tendoient mes tentes. Tout au contraire, si la Roine de Hongrie vivoit encores, elle auroit bien souvenance de ce qu'elle me dict, quand l'Empereur se trouvant en la plus grande extrémité qu'il fust jamais, par les armes du Duc Maurice et du Landtgrave Guillaume d'une part, et de l'autre par celles du Roi de France, fist la paix de Passau, à si grand interest de nostre maison, laquelle lui servit (avecq nostre grand perte et despens) de lui conserver l'empire qu'elle lui avoit acquis au paravant. Car comme en plaine assemblée de l'empire par advis des Electeurs l'Empereur élevé en son throsne et siège impérial nous eust adjugé et par arrest, le Conté de Catzenellenbogen avecci plus de deux millions de florins d'arricrage, il fit toutesfois sa paix à nos despens, remettant par l'accord de Passau nos

parties en possession, sans aulciine récompense : ce que je ne propose pour faire resusciter le procès, duquel nostre maison depuis a appointé avecq la tresillustre maison des Landtgraves de Hessen, desquels nous sommes bons parents et serviteurs : mais c'est pour faire entendre à tout le monde les grands biens que nous avons receu de la maison d'Espaigne, et que chascun entende qui c'est, qui peult à bon droictestre taxé d'ingratitude. Ce n'est pas, Messieurs, le premier semblable traict qu'on nous a faict : car Monsieur le Prince René aisné pour lors de nostre maison poursuivant si valeureusement la guerre de Cleves, l'Empereur lui promist de n'appointer jamais avecq le Duc de Cleves, sinon à condition de nous laisser paisibles du tiers du Duché de Juilliers, qui nous appartient par la succession de Monsieur le Conte Jehan de Nassau mon bisaieul, et Marguerite Contesse de Juilliers et de la Marck : toutesfois se voiant victorieus appointa comme il lui pleust, oubliant que ceste victoire lui estoit acquise par la sueur et vaillnntise de mondict sieur et cousin.

Quant aux honneurs, je ne dénierai jamais ronime jai dict ci dessus, que l'Empereur ne m'ait grandement honoré, m'aiant nourri et faict de sa chambre l'espace de neuf ans, et depuis en mes deus premières guerres m'aiant donné charge sur toutes les ordonnances de ces pais. Et combien que je n'eusse attaint encores l'cage de vingt et un ans, estant mesmes absent de la cour asçavoir à Bueren, neantmoins le Duc deSavoie faisant un voiage, l'Empereur me choisit pour gênerai de l'armée, combien que les Seigneurs du Conseil, et la Roine mesme en présentassent plusieurs aultres, desquels la capacité estoit tresgrande, asçavoir Messieurs les Contes de Boussu, de Lalaing, Martin van Rossem vieuls chevalliers, et les Contes d'Arenbergh, de Meghen, et d'Egmond cpii

osloit eagé de douze ans plus que moi : ce ncantmoins ores que je ne fusse nommé d'aulcun (comme depuis ils respondirent à l'Empereur) à raison de ma jeunesse, si est ce qu'il pleut à l'Empereur me choisir pour les raisons que lors il déclara, et lesquelles la Roine de Hongrie me contraignant de prendre la charge, me fit entendre par après, lesquelles aussi pour le présent j'aime mieus taire que les exposer, pour ne sembler vouloir moimesmes par trop me hautloucr et priser. Je di encores plus, qu'il pleust à l'Empereur me faire venir du camp, lors, Messieurs, qu'il vous déclara la volunté qu'il avoit de remettre ses Roiaulmes entre les mains du Roi, et lui pleut encores tant m'honorer, qu'il ne voulut faire cest acte solennel en mon absence, et mesmes voulut se présenter en vostre assemblée estant appuie sur moi à cause de 'son infirmité, ce que plusieurs estimèrent pour lors m'avoit esté à tresgrand honneur. Mais quand ainsi seroit que depuis le Roi m'eust faict quelques honneurs, toutesfois je ne voi point qu'il s'en puisse en sorte quelconque prévaloir, puis que contre tout droit et raison, et contre son propre serment, il me les a voulu oster.

Car quant à l'ordre si l'Empereur et le collège des chevalliers m'ont donné leur vois, je n'ai non plus d'obligation à lui qu'à un des aultres chevalliers, veu qu'il lui estoit nécessaire de trouver bon ce que le collège approuvoit, comme il sçait que contre son advis et sa volunté nous eleumes au dernier chapitre de l'ordre tenu en ces pais à pluralité de suffrages, plusieurs chevalliers, et les fismes recevoir. Mais quand ainsi seroit que je lui en seroi redevable, toutesfois tant s'en fault .qu'il me le puisse reprocher, qu'au contraire il en est lui mesme decheu. Il a juré et est contenu aus chapitres d'icelui, que les chevalliers de l'ordre doivent estre jugez par leurs frères. De faict il ne fut jamais en la puis-

sance du Duc Philippe surnommé le Bon de contraindre Messire Jehan de Luxcnbourg à 'quitter le serment qu'il avoit au Roi d'Angleterre remettant ledict Seigneur de Luxenhourg la décision de leur différent au collège des chevalliers. Mais les frères que le Roi a donnez à Messieurs les Contes d'Egmond et de Homes, Marquis de Bergues, et de Montigny, ont esté des facquins, des chicquaneurs et gens de néant, par lesquels aussi il m'a faict condamner contre toute voie de droit, ainsi que j'ai par ci devant protesté et ai allégué les nullités devant toute l'Europe. Tellement qu'aiant lui mesme contrevenu î\ son serment contre les chapitres du collège il n'est aulcunement à ouïr en telles reproches, esquelles se trouvent gravées les marques' de son serment rompu et violé. Et au reste si je doi rendre grâces à aulcun, de l'ordre, des gouvernemens et aultres dignitez : c'est à l'Empereur lequel l'a ainsi voulu et l'a ordonné devant que partir du païs, niant au paravanl cognu mes debvoirs et ma lidelité, nommément pour raison de mes services en la conduite de son armée, en laquelle j'avoi en teste Monsieur de Xevers, et feu Monsieur de Chastillon Admirai de France, qui a bien faict depuis cognoistre qu'il cstoit une rude partie, ce neantmoins Dieu merci n'emportèrent rien sur moi, ains j'édifiai à leur barbe Philippe-ville et Charlemont, ores que la peste affligea estrangement nostrc armée.

Quant au gouvernement de Bourgoigne, je puis bien asseurer n'en avoir jamais receu aulcunc chose, joint que mes prédécesseurs ont de tout temps maintenu qu'il leur appartcnoit héréditairement : et de faict Madame Philibertc de Luxembourg, estant Monsieur le Prince Philibert son fils en Italie, fist assembler les estats de Bourgongne en ma ville de Xozeroi : et sur ce qu'aulcuns le trouvèrent mauvais, pour cstre madicte ville sur l'une des frontières du Conté de

Bourgongnc, elle respondit qu'elle vouloit entretenir la possession des Seigneurs de la maison de Chaallon qui estoient gouverneurs héréditaires du Conté de Bourgongnc. Mais quoi qu'il en soit, les deportemens du Roi en mon endroit monstrent assez qu'il ne peut m'objecter ces honneurs lesquels contre toutes règles d'honneur il m'a voulu oster avecq la vie et les biens, m'aiant contre tout droict divin et humain, ravi mon propre enfant mesmes contre les privilèges du pais qu'il a jurez à la joieuse entrée.

Car quant à la charge de conseillier d'Estat, j'ai assez suffisamment monstre en ma défense faicte par ci devant en l'an soixante sept, que le Cardinal et aultres avoient practiqué que j'y fus appelle pensants se couvrir seulement de mon authorité envers le peuple, et pourtant je ne me doi sentir leur obligé, puis que ce faisant ils ne cerchoient pas tant liion advantage que leur proufit. Que si ils sont decheus de leur espérance, il fault qu'ils l'attribuent ou à leur incapacité de n'avoir peu assez sagement conduire leur entreprise, ou ce qui est le plus véritable (car ils n'avoient pas faulte de sens) leur meschanceté a esté si grande, si visible et si palpable que persone ne les a peu souffrir, ains ont esté jettez hors du pais comme un venin , poison , et une peste publicque.

Or d'aultant qu'on ne s'est pas seulement addressé à ma persone pour m'accuser d'ingratitude et d'infidélité, mais aussi comme la rage et fureur mord egallement tout le monde, aussi bien l'innocent comme celui qu'on juge estre coulpable, ainsi leur pétulance a esté si grande que de vouloir toucher à l'honneur de ma compaigne par le blasme qu'ils cuident mettre sus à mon dernier mariage. Je ne sçai si je les trouve plus à condamner en impudence ou en bestise, n'aiant sceu ces sçavants hommes qui se vantent d'estre si bons pein-

— Titres practicquer la leçon chantée et rechantee par les plus petits escoUiers, Celui qui s'appareille pour mesdire d'aul- Irui do\bt estre exempt de tout crime. Car c'est une impudence et témérité si ils cognoissent leurs faultes si notables, et neantmoins passent pardessus leurs espines et chardons comme si c'estoient roses : ou si ils ne les cognoissent, quelle bestise est ce, quelle stupidité, de ne point veoir ce qui se présente à toutes heures à leurs yeus? Ils voient touts les jours un roi incestueus qui est à un seul demi degré près un Juppiter mari de Junon sa propre seur : et ils m'osent reprocher un mariage saint, honeste, légitime, faict selon Dieu, célébré selon les ordonnances de l'église de Dieu! Et derechef je suis ici contraint de vous prier, Messieurs, ne penser ce que vous n'avez jamais veu en moi que je soi esmeu par mesdisance à descouvrir ces abominables ulcères, et mettre devant les yeus de tout le monde le cautère de telles consciences : mais qu'il vous plaise l'imputer à ceste rage et fureur désespérée des ennemis de Dieu, de toute la Chrestienté, et les voslres en particulier, qui ne sont enflambcz contre moi pour aultre raison que pour ce qu'ils cognoissent quel a esté mon soing, ma diligence, et fidélité à vostre conservation. Celui doncq qui a espousé sa nièce, ose me reprocher mon mariage ! un mariage di-je légitime et selon Dieu ! Celui lequel pour parvenir à un tel mariage a cruellement meurdri sa femme, fille et seur des Rois de France! comme j'enten qu'on en a en France les informations : Sa femme légitime! mère de deus filles vraies héritières d'Espaigne! comme je ne doubte que la couronne de France, laquelle par ci devant a donné la couronne de Castille à un bastard duduquel Philippe est descendu, dépossédant un tyran, toutesfois légitime, n'aura moins de puissance de la maintenir aux vraies héritières, si Dieu qui est juste juge et qui ne laisse

jamais telles meschancetez impunies n'en faict la vengeance durant sa vie le privant de son estât, comme il l'a tresbien mérité, quand il n'auroit faict aultre faulte qu'en cest inceste accompagné d'un meurdre si abominable. Mais il a eu dispense. De qui? du Pape de Rome qui est un Dieu en terre. Certes c'est ce que je croi : car le Dieu du ciel ne l'auroit jamais accordé. Or quel a esté le fondement de cestc terrestre-divine dispense? c'est qu'il ne falloit pas laisser un si beau Roiaulme sans héritier : et voila pourquoi a esté adiousté à ces horribles faultes précédentes un cruel parricide, le père meurdrissant inhumainement son enfant et smi héritier, affin que par ce moien le Pape eut ouverture de dispense d'un si exécrable inceste , abominable à Dieu et aus hommes. Si doncq nous disons que nous rejettons le gouvernement d'un tel Roi incestueus, parricide et meurdrier de sa femme, qui nous pourroit accuser justement? combien y a il eu de Rois bannis de leurs Roiaulmes et chassez, qui n'avoient pas commis des crimes si horribles? Car quant à Don Charles, n'estoit il pas nostre Seigneur futur et maistre presumtif? Et si le père pouvoit alléguer contre son fils cause idoine» de mort, estoit ce point à nous qui y avions tant d'intcrest, plustost à le juger, qu'à trois ou quatre moines ou Inquisiteurs d'Espaigne? Mais peult estre qu'il faisoit conscience de laisser pour héritier celui qu'il sçavoit estre nai en mariage illégitime, d'aultant que du temps qu'il faignist espouser l'infante de Portugal mère de Don Charles, il sçavoit estre marié à Donna Isabella Osorio, de laquelle aussi il a eu deus ou trois enfans, dont le premier se nomme Don Pedro, et le second Don Bernardino, duquel mariage pourroit donner bon tesmoignage Rigomes Prince d'Yvoli s'il estoit vivant, car il en fust le négociateur, dont lui est venu ce grand crédit, et tant de biens en Espaigne, lesquels

à présent ingratement on ressiice de sa vefve comme d'une esponge. Que si il s'est si bien porté en ce présumé mariage, celui qu'il a contracté avecq la fille de France n'a pas gueres esté plus heureus : car oultre le meurdre de la Roine sa femme, il a aussi esté ennobli d'un adultère qualifié entre tous aultres. C'est qu'il a tenu inesnage ordinaire avec Donna Eufrasia, laquelle estant enceinte de son faict, il contraignit le Prince d'Ascoli l'espouser, et au bout de quelque temps (comme les serviteurs de la tyrannie disent) le paovre Prince mourut de déplaisir, pour ne pouvoir remédier (aiant trop forte partie) à ce qu'un bastard du faict d'aultrui ne fust son héritier. Mais ceuls qui en parlent plus certainement, afi'erment qu'il receut un morceau plus aisé à avaller que non pas à digérer. Et maintenant celui qui est orné d'une couronne de trois tels mariages, estant dis-je un tel mari trois fois, ose me reprocher mon mariage !

Mais ores qu'il ne fust tellement souillé et qu'on peult le tenir pour innocent, si est ce que je ne crain point qu'il me puisse reprocher aucune faulte : et Dieu merci je n'ai rien faict que bien meurement et avecq le conseil de plusieurs personagcs d'honneur, sages, et discrets. Et «'est besoing qu'il se donne beaucoup de peine de chose en laquelle il n'a que veoir, et de laquelle aussi je ne suis tenu de lui rendre aulcun compte. Car quant à ma defuncte femme elle appnrtenoit à Princes de très-grand lieu. Princes sages et d'honneur, lesquels je ne doubte qu'ils n'aient toute satisfaction. Et quand je vouldroi entrer plus avant en ce discours, je lui pourroibien faire cognoistre que les plus sçavants de ses docteurs le condamnent. Quant à ce qui touche le mariage auquel je suis allié à présent, quoi qu'ils facent bouclier^du zèle qu'ils veullent faire paroistre avoir aus traditions de l'église Romaine : si est ce qu'ils ne feront jamais croire à

persone de ce monde qu'ils soient plus grands zélateurs d'icelle Eglise que Monsieur de Montpensier Monsieur mon beaupere, lequel ne faict pas profession de sa religion comme faict le Cardinal de Granvelle et ses semblables, mais comme il pense sa conscience lui commander, et toutesfois aiant bien poisé ce qui est passé, et aiant ouï l'advis de plusieurs des principauls de la cour de Parlement de Paris assemblée à Poictiers pour les grands jours, aiant aussi ouï l'advis des Evesques et Docteurs, a trouvé comme telle est la vérité que non seulement ores qu'il y eut eu promesse de la part de ma compaigne, elle estoit nulle de droict, pour avoir esté faicte en bas eage, contre les canons, ordonances de France, et arrests des courts souveraines, mesmes contre les canons du concile de Trente auquel mon ennemi défère tant: mais que jamais n'y eust aucune promesse faicte, ains plusieurs protestations au contraire, dont est apparu par bonnes informations faictes mesmes en absence de ma compaigne. Et quand tout cela ne seroit point, si est ce que je ne suis pas si peu versé en la bonne doctrine, que je ne sache tous ces liens de conscience retors par les hommes ne pouvoir estre à aulcune obligation devant Dieu. Et ne me peult empescher ce qu'on dict, que si telle chose estoit permise à Seigneur de ma qualité, pour le moins que le Pape en debvoit donner dispense. Car il y a long temps Dieu merci que je sçai bien que peult valloir ceste trafficque de dispenses de Rome : et tant s'en fault que je veuille avoir recours à celui qui m'a jusques à présent procuré tout le mal qu'il a peu, que j'espère bien comme ce bon pasteur me faict et à toutes gens de bien du pis qu'il peult, aussi que Dieu me fera la grâce d'advancer la ruine de ce règne mysticque qu'il a dressé en sa speluncque de Rome, au moien du quel il a dominé par ci devant sur toute la terre faisant baiser sa pantouflle aux

Princes et Rois, voire foullant aux pieds un Empereur. On m'objecte aussi que je suis estranger. Comme si le Prince de Parme estoit un grand patriot qui n'est point nai en ce païs, n'y a un patard de bien ni tiltre aulcun, et lequel neantmoins commande à baguette à quelques maladvisez et qui se rendent ses obéissants comme des paovres esclaves. Mais qu'est ce qu'ils appellent estranger? A sçavoir celui qui est nai hors du païs. Il sera doncq aussi estranger comme moi : car il est nai en Espaigne païs naturelement ennemi des païs bas, et je suis nai en Allemaigne païs naturelement ami et conioint à ce païs. On respondra qu'il est Roi : et je di au contraire que ce nom de Roi m'est incognu. Qu'il le soit en Castille, en Arragon, à Naples, aux Indes, et par tout ou il commande à plaisir : qu'il le soit s'il veult en Jérusalem, paisible Dominateur en Asie et Africque, tant y a que je ne cognoi en ce païs qu'un Duc et un Conte, duquel la puissance est limitée selon nos privilèges lesquels il a jurez à la joieuse entrée. Quant à ce qui me touche, il est notoire que moi et mes prédécesseurs desquels je suis descendu en droitte ligne masculine, avons commencé de plus de deus cents ans de posséder Contez et Baronies es païs de Luxembourg, Brabant, Flandres, Hollande. Car environ l'an mil trois cents quarante. Monsieur le Conte Otlhon, duquel je suis descendant en septiesme degré et duquel je suis héritier aisné, espousa la Contesse de Vianden, et depuis le Conté dudict Vianden n'est parti de nostre maison, ains en avons tousiours iouï paisiblement, jusques à ce que le Roi m'en a injustement dépossédé. Depuis Monsieur le Conte Enghelbert premier, fils du fils dudict Conte Otthon, espousa la Dame de Leck et de Breda, duquel aussi je suis descendu en ligne directe masculine, et en cinquiesme degré. Puis-je doncestre à bon droict appelle estranger? Sans que je touche

pour le présent à mes biens de Bourgoigne, ou j'ai Dieu merci assez bonne part. Et je vous laisse à juger. Messieurs, qui cognoissez mieus nos lois que gens du monde, comment nos ancestres en ont usé de temps immémorial, et si les Sieurs de Ravestain, de Luxembourg, et de Saint-Paul, de Nevers, d'Estampes, et aultres Seigneurs tenants Contez et Baronnies en ce païs, ont esté tenus pour estrangers, et si encores aujourdhui vous ne tenez pas pour naturels touts ceus qui possèdent telles Seigneuries, moiennant qu'ils veullent suivre le parti de ces païs, et mesmes n'en en avons nous pas loi expresse entre nous tant en Brabant qu'ailleurs? Car quant au tiltre de Duc de Brabant, Conte de Flandres et aultres qu'il porte, encores que je confesse ces dignitez estre grandes : toutesfois si lui et les Espaignols ne le sçavent, il fault qu'ils apprennent que les Barons de Brabant, àvecq les bonnes villes du païs, quand les Ducs de Brabant se sont tant oubliez que de sortir des termes de raison, leur ont bien enseigné quelle estoit la puissance des Barons et généralement des estats du païs de Brabant. Or il est notoire que je suis descendant de Seigneurs lesquels par aulcuns siècles ont possédé des principales Baronnies et Seigneuries de Brabant, Flandre, Hollande et Luxembourg. Mais j'espère que Messieurs les estats ont si bien commancé à lui monstrer combien il a failli en son debvoir, et que lesdicts sieurs lui en feront encore une si bone leçon, que les paovres Siciliens, Calabrois, Lombards, les Arragonnois et Castillans apprendront par nostre exemple ce tyran ne debvoir estre souffert en la terre : et les paovres Grenadins mesmes, sçauront comment il fault traicter ce tyran, lequel du temps de la guerre des Morisques fît emprisonner environ cent marchants habitants de Grenade et touts Chrestiens, dont le moindre avoit vaillant cinquante mil ducats, et puis par un

tumulte populaire les fist massacrer, mettant en ses coffres tout le bien de ces paovres gens. Et en somme ^ïessieurs les estats Dieu aidant lui enseigneront comment il fault traicter cens qui faulsent leurs serments faicts et donnez à un si bon peuple à leur joieuse entrée.

Mais, Messieurs, si je vien à passer plus oultre, et que je vienne à vous déduire le long temps passé auquel mes prédécesseurs ne sont pas seulement originaires mais Seigneurs et tenants grands biens, tiltres et dignitez en ces païs : je vous dirai du temps que ses prédécesseurs estoient Contes de Habsbourg et demeurants en Suisse, que les miens estoient long temps auparavant Seigneurs du païs de Gueldre, dont encores à présent sont demeurées les armes de nostre maison de Nassau, pour les armes des Ducqs de Gueldre : et n'avons pas tenu comme en passant ledict païs, mais depuis que Monsieur le Conte Otlhon eust espousé la fille et héritière du Voght ou régent de Gueldre (car ainsi nommoit on les Seigneurs de Gueldre en ce temps là) ce qui advint Tan mil trenteneuf jusques en Tan 1550 mes prédécesseurs ont esté Seigneurs Contes et Ducs du païs de Gueldre, comme encores on peult en veoir les monuments : et je m'asseure, tant s'en fault que celui qui m'appelle estranger puisse monstrer telles marques qu'il est originaire de ces païs, qu'au contraire audict temps sa race estoit incogneue du tout en ce païs.

Et d'aultant qu'il s'emploie à faire un narré faus, sot et ridicule, contenant ainsi qu'il dict le progrès de mes entreprises, par ce que plusieurs d'entre vous ou lors que ces affaires ont esté commancees n'estoient en eage compelant pour les entendre, ou bien pour ne s'estre lors encores entremis es affaires publicques ne pouvoient veoir comment toutes choses se conduisoient par l'astuce des Cardinalistes, et par le Conseil venant d'Espaigne lecjuel a tousjours voulu

commander à ce païs comme il faict aux aultres, estant selon leur opinion le Chef des Seigneuries et nous leurs subjects et esclaves : je vous reciterai comment toutes choses ont esté conduites par ces bons cerveaus qui pensent le reste du monde estre des bestes auprès d'eus, jusques à nous avoir ammenez à dcus doicts près de nostre ruine et d'une servitude misérable si Dieu par sa providence n'avoit veillé sur nous, et ne nous avoit délivrez de leurs cruels conseils et mains sanglantes. Et vous supplie, Messieurs, comme j'ai ici besoing encores de vostre patience, de continuer à me donner aussi bonne audience comme vous avez faict : et je ne doubte comme plusieurs d'entre vous ont veu le tout ou partie de mes gestes et deportemens, ou l'ont entendu de leurs pères et aultres gens de bien qui en ont esté tesmoings, que m'aiant ouï vous ne jugiez facillement mes parolles estre aultant véritables que celles de mon ennemi sont faulses et impudentes. Je ne vous toucherai rien. Messieurs, de ce que j'ai veu du temps de l'Empereur, non pas que je ne me soi apperceu de plusieurs choses mises en avant et practicquees par les Espaignols que je ne trouvoi point bonnes, et que je n'entendisse assez que la maladie avecq le temps pourroit tellement accroistre qu'il seroit en fin nécessaire d'user d'une forte et puissante medicine, et purger le païs de ces pernicieuses humeurs Espaignolles. Mais pour ne point cognoistre lors à raison de mon cage et peu d'expérience la profonde malice des Espaignols et de leurs adherens, je ne m'eusse peu persuader que nous eussions esté contraints d'apporter le cautère à ce chancre d'Espaigne ou bien en venir jusques au rasoir. Mais depuis qu'avecq l'eage j'ai aussi esté d'un jugement plus confirmé, j'ai bien eu contraire opinion à plusieurs qui n'eussent sçcu penser la rage et cruauté des Espaignols pouvoir venir si avant, car rien

n'est advenu à quoi pour avoir eu cognoissance bien particulière de leur naturel cruel, avare, orgueilleus, je ne m'y soi bien et certainement attendu long temps auparavant. Je passerai doncq ce temps la, lequel aussi ne vient aulcunement à estre comparé en sorte de débordement et tyrannie à celui qui a passé depuis au temps du Roi son fils, non que les Espaignols fussent lors meilleurs qu'ils ne sont à présent, car ils faisoient trop évidente preuve aus Indes et aultres lieus ou ils commandoient absolutement, de leur naturel pervers, et tyrannicque volonté : mais leur ambition et orgueil estoient aulcunement retenus par la bonne affection que l'Empereur portoit aus paovres subjects de ce païs, et d'aultant que ces provinces estoient plaines de braves Seigneurs, hommes sages et vaillants ressentants leur ancienne noblesse (et pleust à Dieu qu'ils eussent des enfants semblables à eus) qui servoient de bride à leur insolence et de contrebatterie à leur orgueil et témérité. Je viendrai doncq au temps qui a suivi, pour ce aussi que celui qui a esté héritier des biens et non des vertus de l'Empereur est celui, qui me vient assaillir d'une façon plus-que barbare et tyrannicque. L'Empcreiir de treshaulte mémoire et la lloine Marie voiants leurs affaires tellement cmpirees par l'issue tout aultre que le Pape et les Espaignols ne s'estoient promis de la guerre d'Allemaigne s'estant joint le Roi de France avec aulcuns des principauls Princes d'Allemaigne, sa Majesté fust contrainte appointer avecq son ennemi estants ses affaires en tel estât, que désespérant de pouvoir garder ses païs délibéra de se retirer en Espaigne pour y démener une vie privée, après s'estre demis de tous ses Roiauimes, terres et Seigneuries sur la personne de son fils. Et combien que le Roi pour raison de la condition de son estât et de ses Seigneuries nommément des pais bas cust besoing (comme

aussi il en avoit tresexpres commandement) d'entretenir ses subjects en bonne volonté et affection envers lui, veu que de leurs moiens et valeur dépendoit entièrement le salut du païs et le maintiennement de son bonneur : toutesfois soit ou pour la nourriture qu'il avoit prise en Espaigne ou par le conseil de ceus qui l'avoient et l'ont depuis possédé, il a tousjours retenu en son cœur la volunté de vous assubjettir à une servitude simple et absolue, qu'ils ont appellée entière obéissance, vous privants entièrement de vos anciens privilèges et libertez, pour disposer de vous, vos femmes et vos enfants, comme font ses ministres des paovres Indiens, ou pour le moins comme des Calabrois, Siciliens, Neapolitains, et Milanois, ne se souvenants pas que ces païs n'estoient païs de conqueste, ains patrimoniaus pour la pluspart, ou qui volontairement s'estoient donnez à ses prédécesseurs soubs bonnes conditions. Et d'avantage qui avoient servi tant à l'Empereur son père qu'au Roi son aieul de fondement pour eslever l'édifice des Roiaulmes et Seigneuries ausquels on voit la maison d'Autriche estre parvenue, estant aujourd'hui sans contredict la plus grande et plus puissante de toute la Chrestienté. Geste affection ne s'est que trop manifestée incontinent après le département de l'Empereur, comme si les Seigneurs qui vivoient lors nous restoient encores, vous en pourroient rendre suffisant tesmoignage. Car aussi tost qu'il fust contraint de rentrer en guerre avecq le Roi de France, veu la puissance de son ennemi, joints aussi les sages advertissemens de l'Empereur, s'il eust eu une seule estincelle de bonne et sincère affection envers ces païs, il devoit au moins entretenir ses subjects en bonne dévotion. Mais au milieu de ses grandes affaires (tant estoit le désir de tyranniser desbordé) il fist trop claire et trop certaine démonstration de sa mauvaise volunté. L'empereur, Messieurs, qui cognoissoit

mieus que Prince ni homme du monde, la superbe et orgueilleuse nature des Espaignols, et peult estre linclination du Roi son fils, d'autre part Testât de ce païs, ce qui le pouvoit perdre ou conserver, advertit sérieusement le Roi, si il ne retenoit cest orgueil d'Espaigne, qu'il prevoioit bien qu'il seroit cause de la ruine entière de cest estât, lequel à la longue ne pourroit souffrir ceste insolente domination, que les Espaignols exercent par tout ou ils peuvent. Et lui fist ceste remonstrancc en la présence de feu Monsieur le Conte de Roussu père du dernier decedé, moi et plusieurs autres Seigneurs de la chambre dont il y en a encores de vivants. Mais ni l'authoritc et commandement paternel, ni le bien de ses affaires, ni la justice, ni (ce qui retient les plus barbares nations) son serment, n'ont peu en rien modérer ce naturel et volonté de nous tyranniser : ains au contraire comme s'il eust esté par dessus toutes lois, privilèges et libertez du païs, sur l'equitc mesme et justice, a rompu touts liens pour se desborder en toute sorte de haine irréconciliable et (le cruaulté.

En ce temps la, Messieurs, vous lui accordastes l'aide qui fust appellée Novenale, par laquelle aide et par la vaillantise et sage conduite des Seigneurs et nobles de pardeca, et de plusieurs braves Seigneurs et soldats Alemands, ses affaires furent si bien et si heureusement conduites, qu'après le gaing de deux batailles, prises de villes et prisonniers de grande part et en grand nombre, contraingnit son ennemi de recevoir une paix aussi desadvantageuse au roi de France, qu'elle estoit honorable et prouffitablepourleRoi d'Espaigne, et s'il m'e^st licite de dire quelque chose de moi, s'il lui resloit une goutte de gratitude, il ne pourroit denier que je n'aie esté l'un des principauls instrumens et moiens pour le faire parvenir à une telle paix et si advantageuse, l'aiant

traictee en privé avec Messieurs le Connestable de Montmoranci et Mareschal de St. André, à l'instance du Roi, qui m'asseura que le plus grand service que je lui pourroi faire en ce monde c'estoit de faire la paix, et qu'il la vouloit avoir à quelque pris que ce fust pour ce qu'il vouloit passer en Espaigne. Or tant s'en fault que ni lui ni son conseil composé d'Espaignols et d'aulcuns de ce païs qui ont tousjours continué en inimitié contre vous, vostre liberté, et tout le païs, vous «ceussent aulcun gré ni d'un si beau secours, ni dé l'heureuse exécution qui en ensuivit, qu'au contraire ils jugèrent ceste subvention avoir esté un crime de leze Majesté, et pour lequel vous aviez encourra (et par dessus touts, feu Monsieur de Lalaing) à bon droict sentence de punition. Etpourquoi? d'aultant. Messieurs, que vous ne voulustes rien accorder sans la convocation des Estats generauls,et que vous voulustes coupper les ongles à ses harpyes de Barlemonts et leurs semblables, quand vous ordonnastes les deniers estre distribuez par vos commis aux conditions proposées. Voila ^ à la vérité deux grands crimes, le premier, à sçavoir requérir l'assemblée des Estats : car d'aultant qu'elle sert de bride et de barre à la tyrannie, c'est un crime aultant haï des tyrans, mangeurs de peuple, ennemis de leurs subjects et de leur propre couronne, que ceste noble assemblée est aimée, honorée, et révérée par les vrais Rois, vrais Princes et les bons pères du peuple, vrai fondement d'un estât, l'asseurance de la Republicque, et le seul repos des Princes. L'aul- . tre crime ne se pardonne jamais, car ces rongeurs de peuple, vivants du sang des paovres gens, ont de si long temps faict estât de leurs larrecins et concussions, qu'ils reputent leur peculat estre un revenu aussi bon et aussi asseuré, mais beaucoup plus fructueus que de leurs champs et jardins, et

dissimulants la vraie cause du mal qu'ils cachent à leurs Princes, cerchent des prétextes en les flattant et en mentans pour embraser leurs cœurs contre leurs subjecls. J'ai veu, Messieurs, leurs gestes, j'ai ouï leurs propos, j'ai esté tesmoing de leurs advis, par lesquels ils vous adjugeoient tous à la mort,ne faisants non plus d'estat de vous que de bestes, s'ils eussent eu la puissance de vous massacrer comme ils font es Indes, où ils ont faict mourir misérablement plus de vingt millions de personnes, et ont exterminé trente fois plus de pais que n'est grand le païs bas, avecq des excès si horribles-que toutes les barbaries, cruaultez et tyrannies qui furent jamais faictes, ne sont que jeu au pris de ce qui est advenu aus paovres Indois : comme par leurs propres Eves- (jues et docteurs a esté laissé par escrit, et pour rendre le Roi inexcusable devant Dieu et devant les hommes, lui en a esté dédiée l'histoire par un de ses subjecls auquel il rcstoit quelque peu de justice. De ce temps là doncq, Messieurs, moi et les aultres Seigneurs et plusieurs des plus gens de J)ien et entendus de la noblesse et du peuple trouvions bon de faire sortir du païs les Espaignols, estimants bien ores qu'il y eust encores quelque sang corrumpu entre nous , comme on en veoit rester plus qu'il ne seroit de besoing (qui est issu de cestc race infectée de la contagion des pères) qui servoient lors à l'ambition des Espaignols et traflicqucs du Cardinal : eeneantmoins que le meilleur nombreettouts lesSeigneursde la plus grande qualité, seroient ennemis de ccste tyrannie Espaignolle : mais partie pour aultres occupations, partie pour mon voiage et de qu( Iques autres Seigneurs en France où nous fusmes en\oi(îZ en hostoge, aussi pour assister au mariage de la fille de France, l'affaire fust interrompue et l'exécution empeschee. Maintenant tants'en fault, Messieurs,

que je yeulle denier une grande partie de ce qui est proposé contre moi, que je le tien au contraire à grand louange, et vous en dirai peult estre d'advantage que ne sçavent mes ennemis : et d'aultant plus qu'ils s'escricront contre moi , et donneront tesmoignage de leur fureur et cœur ennemi contre ce païs, d'aultant plus je me resjouirai de ce, qu'il a pieu à Dieu me faire la grâce d'aider à coupper le cours de ceste desmesuree tyrannie, et par ce moien aussi avoit aidé à l'ouverture de la vraie Religion.

Ils disent des que le Roi eust tourné le pied de ces pats bas que fai par sinistres practicques, trames, et astuces \enté de guigner les voluntez des Malcontents chargez de debtes, hayneusde la justice jStudieus de nouveaultez,et sur tout cens qui estoient suspects de la Religion. Quant à ceus qui avoient la cognoissance de la Religion, je confesse que je ne les ai jamais haïs. Car puis que des le berceau j'y avoie esté nourri. Monsieur mon père y avoit vescu, y estoit mort, aiant chassé de ses Seigneuries les abus de l'église, qui est ce qui trouvera estrange si ceste doctrine estoit tellement engravee en mon cœur, et y avoit jecté telles racines qu'en son temps elle est venue à apporter ses fruicts? Car combien pour avoir esté si longues années nourri en la chambre de l'Empereur, et estant en eage de porter les armes, que je me trouvai aussi tost enveloppé de grandes charges es armées, pour ces raisons, dis-je, et veu le peu de bonne nourriture quant à la Religion que nous avions, j'avoi lors plus à la teste les armes, la chasse et aultres exercices de jeunes Seigneurs que non pas ce qui estoit de mon salut : toutesfoisj'ai grande occasion de remercier Dieu, qui n'a point permis ceste sainte semence s'estouffer, qu'il avoit semée lui mesme en moi, et di d'advantage que jamais ne m'ont pieu ces

cruelles exécutions de feux, de glaive, de submersions, qui estoient pour lors trop ordinaires à l'endroit de cens de la Religion, ainsi que l'escrivain ou le peintre comme il se dict de ceste infâme proscription, les appelle : en quoi ores qu'il flatte, qu'il mente, qu'il calumnie par tout ailleurs, neantmoins a tresbien parlé en cest endroit, disant ceus lesquels il condamne estre de la Religion, comme véritablement icelle seule mérite ce nom par excellence, et ce que la vérité mesme lui a arraché de la bouche, tant est grande la force et vertu d'icelle vérité. Mais quand estant en France j'en entendu de la propre bouche du Roi Henri que le Duc d'Alve traictoit des moiens pour exterminer touts les suspects de la religion en France, en ce païs et par toute la Chrestienté, et que ledict S^ Roi (qui pensoit, comme j avoi esté l'un des commis pour le traiclé de la paix, avoi eu comnbnication de si grandes affaires, que je fusse aussi de ceste partie) m'eust déclaré le fond du conseil du Roi d'Espaignc et du Duc d'Alve: pour n'estre envers sa Majesté en desestime, comme si on m'eust voulu cacher quelque chose, je respondi en sorte que ledict S*^. Roi ne perdit point ceste opinion, ce qui lui donna occasion de m'en discourir asses suffisamment pour entendre le fond du project des Inquisiteurs. Je confesse que je fu lors tellement esmeu de pitié et compassion envers tant de gens de bien qui estoient vouez à l'occision, et généralement envers tout ce païs auquel j'avoi tant d'obligation, et auquel on vouloit introduire une inquisition pire et plus cruelle que celle d'Espaigne, voire que c'estoient des filets tendus pour surprendre les Seigneurs mesmes du païs aussi bien que le peuple, de façon que ceus que les Espaignols et leurs adherens n'a voient peu supplanter par aultre voie, fussent tombez par ce moien en leurs mains, dont il eust esté impossi-

ble d'eschapper, puis qu'il n'eust fallu que regarder une image de travers pour estre condamné au feu. Voiant dis-je ces choses, je confesse que des»lors j'entrepri à bon escient d'aider à faire chasser ceste vermine d'Espaignols hors de ce pais, et ne me repen point de l'avoir faict, ains j'estime que moi et Messieurs mes compaignons avecq tous ceus qui ont favorisé une si louable entreprise, avons faict un acte digne de louange immortelle et qui eust été accompli de tout poinct et eussions acquis la mesure comble d'honneur si nous eussions aussi bien fermé la porte après leurs talons, tellement qu'ils n'y eussent jamais rentré, que nous avions lors trouvé les moiens d'ennettoier le païs. Et vous di encores, Messieurs, d'advantage, et veuil bien que tout le conseil d'Espaigne, voire que tout le monde l'entende : si mes frères et compaignons de l'ordre et du conseil d'Estat eussent mieus aimé conjoindre leurs conseils avecq les miens, que de faire si bon marché de leurs vies, que nous eussions tous emploiez corps et biens pour empescher le Duc d'Alve et les Espaignols de rentrer dedans le païs, et encores à présent je suis content qu'ils entendent, comme desja une partie est tellement nettoiee de ceste ordure, qu'il n'y a plus de mémoire en icelle sinon de leurs ossements, aussi que je ne cesserai avecq l'aide de Dieu et moiennant vostre faveur (laquelle j'espère ne me defauldra point) de m'emploier de toute ma puissance avecq vous, Messieurs, pour purger tout le païs en gênerai de ceste vermine, et pour la faire repasser et tous ses adherens de là les monts pour y troubler leurs propres païs, et nous laisser vivre en paix et repos, du corps, des biens et de la conscience. Ils se trompent doncq bien fort quand ils pensent que j'ai entrepris un tel ouvrage après leur partement de ce païs : car je l'ai faict lors que j'estoi en France à la

chasse avecq le Roi, eux estants encores ici, et ne cessai que par le moien de fcuë de tresbonne mémoire, Madame de Savoie je n'eusse obtenu congé de revenir en ce païs sur ma foi, et avecq promesse de retourner à Reims pour le sacre du Roi François second, et estant ici venu je sollicitai non pas des bancquerouttiers mais des gens de bien et d'honneur, et des premiers et plus notables personages du païs , pour demander au nom des Estais que les Espaignols fussent contraints de se retirer, ce que fust final lement exécuté, et se peuvent souvenir les ennemis, qui estoient ces bons et honorables personages qui leur portèrent ce trcsdesaggreable message, et se les représentants, ils cognoistront leurs impudences et calumnies.

Mais quant à ce qu'ils disent que j'ai esté le principal autheur de la Requeste présentée, je veuil bien dire. Messieurs, ce qui en est : c'est qu'aianl bien senti le mal estre tellement accreu, qu'il n'estoit plus question de brusler seulement des paovres gens qui se laissoient jetter dedans un feu, mais que plusieurs de la meilleure noblesse et des principauls d'entre le peuple en murmuroient, craignant quelque dangereuse issue, comme je veoi devant mes yeus la France avoir endure un dangereus accès de guerre civile pour semblable occasion, et aiant doubte que nous ne fussions assaillis en ce païs d'une mesme maladie qui a ordinairement des accidents tresdangereus, et plus difliciles à guarir que la maladie mesmes (comme helas nous ne le voions que trop) Voiant dfs-je ces choses, pour l'obligation ({ue j'avoi à raison de mon serment, et pour mon dobvoir envers le pais : je priai Messieurs mes frères et compaignons chevalliers et principauls conseilliers d'Estat de s'assembler à Hoochstratcn, en intention de leur rcmonstrer le danger

apparent auquel estoit le païs, à sçavoir de tumber en guerre civile, et que le vrai et unicque moien pour l'empescher estoit, que nous qui par raison de nos grades et offices avions authorité au païs prinsions le faict en main pour apporter le remède que nous trouverions convenable au bien du païs, et faire seulement que les créatures du Cardinal, qui ne demandoient qu'effusion de sang, bannissemens, confiscations de biens, en somme plaies et meurdres n'y missent la main, qui eust apporté une ruine certaine au païs : aultrement que cens qui ne trouvoient bon qu'on brusla à l'accoustumee, n'auroient faulte de chef qui le vouldroit empescher. Et combien que je leur remonstrasse beaucoup de raisons pour les faire condescendre à mon advis, et que j'y adjoustasse oultre la bonne amitié qu'il y avoit entre nous, aussi l'advis de Monsieur le Conte de Schwartzenbourg mon beau frère, et le Seigneur Georges vanHol, qui avoient pour lors tresgrand crédit envers les Seigneurs pour les signalez services faicts à ces païs : toutcsfois il ne fust en ma puissance de rien impetrer, et ne me prouffita ceste entreveuë d'aultre chose sinon d'un tesmoignage à tout le monde, que prevoiant de loing le mal que nous voions à présent, j'avo/ cerché tous bons moiens pour le prévenir et divertir. Mais ceus desquels j'ai parlé qui trouvoient ces persécutions dures, et qui ne voioient icelles durantes aulcun repos asseuré en ce païs (comme il advient tousjours en semblables affaires) se mirent à proposer nouvelles entreprises, lesquelles pour raison de mes charges je trouvai moien de descouvrir : tant y a que craignant qu'il n'en ensuivist une tresdangcreuse issue, et estimant que ceste voie esfoit la plus doulce et vraiement juridicque, je confesse n'avoir trouvé mauvais que la requeste fust présentée, ce que tant s'en

fault que je veulle desguiser que je tien à tresgrand advantage pour mon honneur et réputation et pour le service du Roi et du pais : car si les sages conseillers du Roi eussent esté si advisez de l'accorder , tant de misères ne fussent ensuivies, par lesquelles peu s'en est fallu que tout le pais n'ait esté consumé. Mais s'ils désirent sçavoir la vraie et prochaine cause de ladicte requeste et de ce qui en est ensuivi, qu'ils s'en prennent à leur cruaulté insatiable qui ne S(! contenloitpas delà rigueur intolérable des placarts, mais suivant l'exemple de cefolRoboam, etencroiants le conseil d'une femme mal advisee, d'un Cardinal créature du Pape, et aultres semblables, ils disoient : Le père vous a chastiez descourgees, et le fils vous chastiera de scorpions. La dessus est mise en avant la poursuite à toute instance de la réception des nouveaus Evesques qui avoient esté érigez quelque temps au paravent, c'est à dire aultant de bourreaus pour brusler les paovres Chrestiens, les privilèges fouliez aux pieds, et par qui? par une femme passionnée et cependant armée du masque de puissance d'un Roi, de trahisons, perjures, finesses Cardinales. Voila dis-je l'enclume, Messieurs, sur laquelle a esté forgé tout le mal qui est ensuivi, pour n'avoir pas faict telle raison à la requeste présentée par la noblesse qu'il estoit nécessaire : en quoi je sçai et le puis protester devant Dieu et devant vous. Messieurs, que je ne fis aulcune faulle à mon honneur et à mon serment, ains j'adverti la Duchesse et touls les Seigneurs du Conseil, de ces grands inconveniens qui depuis ont ensuivi, tellement que tout le mal leur en doibt estre imputé. Car tant s'en fault qu'ils voulurent me donner audience, qu'ils pensoicnt au contraire avoir trouvé un subject propre pour exécuter ce qu'ils avoient de long temps projette, à sçavoir

après avoir ruiné ceus qui estoient soupçonnez de la Religion, pouvoir par après facilement réduire le reste soubs une misérable et intolérable servitude. Et non seullement de ma part, Messieurs, mais aussi par plusieurs autres leur furent faictes diverses remonstrances publiques et particulières ; et par gens de bien et amateurs du païs, voire du Roi, plus qu'il ne meritoit, et l'advertirent en temps et lieu du danger futur, et quel estoit le debvoir du Roi, à raison de son serment, de ses obligations, des conditions ausquelles il avoit este receu pour S^ de ces païs, et auparavant lui, ses prédécesseurs. Mons^ le Conte d'Egmond mesme fust envoie en Espaigne pour faire lesdictes remonstrances à la propre personne du Roi : ce neantmoins tant s'en fault qu'on y ait peu prouffiter quelque chose, que ledict Seigneur Conte au contraire estant abusé soubs couleur de la parolle du Roi qui lui a depuis cousté bien cher, apporta lettres toutes contraires à ce que le Roi lui avoit de bouche donné charge de dire : tellement que lors il fust contraint de confesser que j'avoi bien preveu devant son voiage ce qui en adviendroit. Et encores ces disciples de Machiavel nous vouldront ici esblouïr les yeus de ces beaus masques de loiaulté fidélité, naturelle clémence, et semblables mots dorez et specieus , et ce pendant ils ne feront difficulté de se jouer des serments qu'ils font, ni des parolles données à personnages de telle qualité! Voilà donc les autheurs, promoteurs et instructeurs des troubles survenus à raison de la première requeste : et vous avez entendu. Messieurs, quel a esté le conseil que j'y ai donné.

Quant à ce qu'ils parlent de dcfunct Monsieur le Conte Louis mon frère, ils feroient mieus de laisser un si bon chevalier en paix, veu qu'il a esté plus homme de bien et sans

comparaison qu'ils ne sont, et meilleur Chrestien : et ne fai non plus d' estât de ce que ils l'appellent hercticque, que nostre Seigneur Jesus-Christ faisoit quand d'aussi gens de bien que sont nos ennemis l'appelloient Samaritain. Quant aus presches publicques qu'ils appellent à leur mode hereticques, il \ous est assez notoire, Messieurs, par qui et comment ils furent introduits : tant y a que je n'avoi pas lors tant de crédit qu'on m'en demanda advis et ne le conseillai jamais : toutesfois les choses estant venues en tels termes, je confesse avoir esté d'advis que la Duchesse de Parme les accordast, en quoi si j'ai mal conseillé, pour le moins ce qui a suivi par après monstre assez que ceuls qui ont trouvé mauvais mon conseil ont tresbien mesnagé les affaires de leur maistre, et quant et quiant Dieu a monstre combien que pour un temps il a affligé les siens, que neantmoins il ne laisse jamais un perjure si bien qualifié que celui du Roi et de la Duchesse de Parme sans le punir grièvement, affin que tout le monde sache qu'il ne dict pas sans cause, qu'il ne tiendra point pour innocent celui qui prendra son nom en vain.

Quant aus abbateurs d'Images et autres désordres, je croi, Messieurs, qu'il n'y a aulcun de vous qui ne sache assez que telles voies et manières de faire ne me plaisent aulcunement, et que plusieurs de ccus qui me debvroient aider et soustenir, m'ont d'aultre part h grand tort deschiré, pour n'avoir jamais voulu consentir que telles choses se fissent sans ordonnance des Supérieurs.

Ils ne sont aussi mieus fondez en ce qu'ils disent que la providence de la Duchesse de Parme fiist si grande que je fu contraint de sortir du pan. Ils diroient peult estre quelque chose s'ils disoient les tromperies de la Duchesse

et ses pcrjures : et si ils parloicnt du peu de resolution et trop grande facilité à croire d'aulcuns qui attendirent les bourreaus, et de la trop grande affection vers le Roi de moi et aultres Seigneurs, qui persuadasmes à Messieurs de Berghes et de Montigni d'aller en Espaigne estimants que pour leurs bons services et la noblesse de leur race, le Roi seroit content d'entendre par leur bouche ce qui estoit nécessaire pour la conservation du pais, plus tost que par les Espaignols : mais voiant qu'ils avoient esté traictez epmme chascun sçait, je pensai avoir juste occasion de prendre garde à moi de plus prest. Si dis-je ils disoient ces choses, ils diroient une partie de vérité. Mais un an au paravant j'avoi résolu de me retirer et remettre mes charges, comme appert par les lettres escrites de la main propre du Roi et lesquelles sont joinctes à ce présent escrit, ce qui monstre assez la falsité de leur propos. Et si quelqu'un veult sçavoir pourquoi un an après je me retirai en Allemaigne ma défense mise en lumière l'an soixante sept en monstre asses les causes, à sçavoir principallement pource que je ne vouloi consentir que l'inquisition d'Espaigne fust receuë en mes gouvernements, à raison dequoi je les avoi remis au paravant entre les mains de ladicte Duchesse, en intention de vivre en paix et en repos avecq mes parents et amis, et en attendant ou qu'il pleust à Dieu de mieus conseiller le Roi, ou s'il empiroit encores,que Dieu lui mesmes ouvrist la porte pour délivrer ce paovre païs, que je veoi plongé en un abisme de maus et de calamitez. Car qui recitera sans estre transpercé de deuil les bannissements, les ravissements des biens, les emprisonnements, les torements soufferts, les espèces de morts horribles et misérables dont ces gents sanguinaires surmontants en cruaulté Phalaris, Busyris, Néron, Domitian, et tous tyrans, ont per-

secuté les paovres subjecls de ce pais? Et non obstanl ces choses, ne voient pas le moien de le soulager de ceste misère, je me contenoi paisiblement : et pour le moins par ce qu'ils disent en ceste proscription m'avoir esté offert durant le traicté dernier de Cologne ils doibvent cognoislre, qu'ils se pouvoient contenter de mon bannissement volontaire, et ne me poursuivre plus avant : veu mesmes que je leur avoi faict sçavoir par personnage de qualité et qui est encorcs vivant, s'ils entreprenoient de toucher à mon honneur et à mes biens, qu'ils me contraindroient de donner tel ordre à mes affaires que je pourroi. Mais comme gens forcenez après ne m'avoir peu attirer par leurs paroles emmiellées et blandissantes, le Roi me pensant amuser par ses lettres par trop honnest^'s, et que je cognoissoi clairement estrc pleines de déception, ils s'addressent premièrement à mon fils jeusne enfant escollier, et contre les privilèges de l'université le tirent violentement de Louvain : mesmes sur la remonstrance faite par l'Université, ce barbare de Vergas respond barbarement, Non curamus vestros privilegios. Ils le tirent hors de Brabant contre les privilèges du pais, contre le serment du Roi, et l'envoient en Espaigne pour l'e^loigner de moi qui suis son père, et jusques à présent détiennent ccst innocent en prison dure et cruelle : tellement quand ils ne m'auroienl faict aultre tort, je seroi indigne non seulement de ma race et du nom que je porte, mais aussi du nom de père si je n'emploioi tous le sens et tous les moiens que Dieu m'a donnez, pour essaier de le retirer de ceste misérable servitude, et me faire reparer un tel tort. Car jene suis'point,Messieurs, tant desnaturé que je ne sente les affections pat< rnelles, ni si sage que souvent le regret d'une si longue absence de mon fils ne se présente à mon entendement. Ils ne se contentent

pas encores, mais contre toute forme do justice ils appréhendent mes frères les Chevaliers de l'ordre, ils me poursuivent par adjournements, saisissements de biens, et me poussent comme par force à entreprendre plusieurs choses à quoi je n'avoi jamais pensé, ils mettent le procès de mes compaignons et le mien contre les articles de l'ordre contre le serment du Roi, qui eh estoit le chef, entre les mains de je ne sçai quels facquins, qui n'estoient pas dignes d'estre les vallets de mes compaignons et de moi : ils me dégradent, ils me privent de mes biens, ils me condamnent à la mort : et qu'est-ce cela aultre chose sinon me quitter de mes serments? (ie me mettre en liberté de venir assaillir mon ennemi, par touts les moiens que Dieu m'auroit donnez ? Voilà comment lors que je ne cerche que repos, ils suscitent le trouble, je cerche la paix, ils me jettent en guerre : et quelle guerre? une guerre entreprise pour délivrer mon enfant, pour guarantir ma vie, recouvrer mes biens, et qui est le plus cher pour mon honneur,et je ne vous touche ici, Messieurs, encores rien de ce qui appartient au gênerai. C'est donc. Messieurs, ce qu'ils passent legierement et soubs silence, et ce que de propos délibéré ils obmettent comme véritablement ne servant pas de beaucoup à leur cause. Si doncq n'estant subject naturel du Roi (comme lui mesme dict) si estant absous de mes serments par ceste inique ban et sentence, si aiant si juste fondement de demander par la force mon fils et mes biens, si dis-je je l'avoi chassé non seullement du païs bas, mais de toutes ses terres et Seigneuries, et quand mesmes j'affecteroi les faire mon propre, puis que contre tout droict et équité, contre son serment, il m'a par force contrainct d'entreprendre une guerre nécessaire, lors que de toute ma puissance je la fuioi, et m'a faict ces oultrages du temps mesmes ou peu

après que par ces propres lettres et escriltes de sa propre main, me rendoit si grand et si solennel tesmoignage de fidélité, que personne du monde n'en eust peu désirer d'advantage, comme appert par la copie de la lettre insérée ci après : qui est ce qui me pourroit accuser d'aultre faulte, sinon d'avoir trop temporisé devant que prendre les armes, et de ne vouloir jouir de ce que le droict de la guerre et des gens me donne, à moi dis-je qui suis nai Seigneur libre, et qui ai cest honneur de porter le nom de Prince absolut, encores que mon principaulté ne soit de longue estendue?

Mais puis que leur principal fondement est que j'ai pris les armes contre mon supérieur, je suis aussi content d'entrer en ceste matière ou ils se trouveront avoir aussi bon fondement qu'ailleurs. Et en premier lieu je vouldroi qu'ils me dissent à quel tiltre le Roi Philippe héritier du bastard Henri de Castille, possède le Roiaulme de Castille et de Léon : car il est trop notoire que Henri son prédécesseur estoit bastard, qui se rebella contre le légitime héritier qui estoit son propre frère et seigneur, lequel il occist de sa main propro. Quel droit donc avoit ce basiard grand aieul du Roi ? Ils respondcnt que Don Pedro estoit un tyran : et de faict ils lui donnent communément le nom de cruel. Mais si à ce tiltre Philippe tient la Castille, pourquoi ne voit il qu'on le peut chausser à la mesme mesure qu'il chausse les aultres? Et si ja mais il n'y a eu plus cruel tyran, qui plus ait violé, plus superbement et avecq moins de respect les privilèges du païs, qui ait avec moins de pudeur rompu sa foi jurée, que Philippe, ne sera il pas plus indigne de porter la couronne de Castille, que Don Pedro? car pour le moins Don Pedro n'estoit incestueus ni parricide ni homicide de sa femme. Et si on dict que cela ne me touche en rien, je suis

content d'approcher de plus pres,combienque je n'ai pas delibéré de m'arrester sur ce que je vous dirai présentement. Mais quand je prendroi les armes contre lui, et qu'il seroit simplement mon supérieur, et que je seroi nai son subject (ce qui n'est pas, comme lui mesmes le confesse) que feroi je que son prédécesseur n'aist faict contre l'Empereur Adolf de Nassau son supérieur. Un chascun qui cognoist quelque peu es affaires d'AUemaigne sçait, comment Albert premier Duc d'Austriche de ce nom et race (car auparavant il portoit le tiltre de Conte de Habsbourg)s'arma contre ledict Seigneur Empereur mon prédécesseur : et combien que Dieu voulust que ledict Empereur mourust en bataille, toutesfois je sçai ce que les plus sages escrivains en ont jugé, quoi que Gérard lors Archevesque de Màience principal autheur de la conjuration l'aist voulu desguiser et obscurcir. Et de faict si on veult prendre garde de près à l'histoire, on trouvera que ceste partie fust dressée par le Pape Boniface (duquel il est dict Intravit ut Vulpes, regnavit ut Léo, moritur ut Canis) pour ce que l'Empereur ne l'avoit voulu recognoistre pour tel qu'il se disoit, et pourtant lui suscita Albert qui desja estoit assez malcontent, pour avoir esté Adolph préféré à lui en l'élection, quelques Evesques aussi par trop adonnez au Pape, s'adjoignirent à lui. Mais qui est-ce qui eust voulu adorer un si meschant homme, qui faisoit en son Jubilé, porter en triumphe devant lui deux espees, faisant crier par celui qui en portoit l'une : 0 Christ voila ton vicaire en terre, et par i'aultre : 0 Pierre voila ton successeur? Et de faict aiant faict un si meschant tour à l'Empereur, et aiant à sa dévotion Albert voulust pour une mesme raison en faire aultant au Roi de France Philippe le bel, donnant son roiaulme audict Albert, lequel il fist se nommer Roi des Romains et des Fran-

cois : mais il trouva les probstrcs de France moins à sa dévotion et moins puissants, et tout le Roiaulme réveillé par les doctes plaidoiers de maistre Pierre de Coignieres,et un Roi résolu qui fist prendre sa fatuité (comme le Roi l'apelloit en ses lettres) à Anania, par un des Seigneurs et Taisné de la noble maison des Colonnes et par un Gentilhomme de Languedocq nommé iVogaret qui le menèrent à Rome, ou, ils le firent mourir comme il avoil tresbien mérité. Mais comme j'ai dict je ne veuil point m'appuier sus ces fondements, ains je veuil venir aus obligations mutuelles qui sont entre lui et nous. Prenons doncq que tout cela ne soit point, ne sçait il pas bien s'il est Duc de Brabant, que je suis à raison de mes Baronnies un des principauls membres de Brobant? Ne sçait il pas à quoi il est obligé à moi, mes frères, et compagnons, et aux bonnes villes du païs? à quelles conditions il tient ce^t estât? ne se souvient il non plus de son serment? ou s'il sVn souvient faicl il si peu de compte de ce qu'il a promis à Dieu et au païs et aus conditions attachées à son chappeau Ducal? Il ne seroit pas besoing,Messieurs,*que je vous représentasse ce qu'il nous a promis devant que nous lui aions donné le serment, car plusieurs d'entre vous le sçavent. Mais d'aultant qu'aultres verront aussi ceste défense, je vous ai bien voulu remettre en mémoire le sommaire de son serment. Vous sçavez, Messieurs, à quoi il est obligé, et comme qu'il n'est en sa disposition de faire ce que bon lui semble, ainsi qu'il faictes Indes. Car il ne peult par violence contraindre un seul de ses subjects à chose quelconque, sinon que les coustumes du banc Justicial de leur domicile le permettent. Ne peult par aulcune ordonnance ou décret en façon quelconque altérer Testât du païs. Se doibt contenter de ses revenus ordinaires. Ne peult faire lever ni exiger aulcunes im-

positions, sans le gré et du consentement exprès du païs, et selon les privilèges d'icelui. Ne peult faire entrer gens de guerre au païs sans le consentement d'icelui. Ne peult toucher à l'évaluation des monnoies sans le ( onsentement des estais du païs. Il ne peult faire appréhender aulcun subject sans information faicte par le Magistrat du lieu. L'aiant prisonnier, il ne peult l'envoier hors du païs. Je vous prie, Messieurs,oiants. seulement reciter ce sommaire, ne voiez vous pas, si les Barons et nobles du païs qui ont pour raison de leurs prééminences la charge des armes ne s'opposent, je ne di pas quand ces articles sont violez, mais quand ils sont tyrannicquement et superbement fouliez aux pieds, quand non un article, mais touts : non unefois, mais un million de fois : non seulement par le Duc, mais par des Barbares sorft enfraints et corrumpus :*Sidis-je les nobles suivant leur serment et obligation, ne contraignent le Duc à faire raison au païs. ne doibvent ils pas eus mesmes estre condamnez de perjure, infidélité, et rébellion envers les Estais du païs? Et quant à moi j'ai bien une raison particulière et qui me touche encores de plus près, c'est que contre tous lesdicts privilèges, j'ai esté privé de touts mes biens, sans garder aulcune forme de justice. Mais ce qui est advenu en la personne de mon fils le Conte de Bueren, est un tesmoignage si cler de la dcsloiaulté de l'ennemi et de la transgression des privilèges, que personne ne peult à bon droict doubler pourquoi j'ai pris les armes.

Que si je n'ai peu la première fois prendre pied ferme au païs, comme il me le reproche : qu'y a il de nouveau et qui ne soit advenu aux plus grands Capitaines du monde? et è lui mesme qui est entré si souvent avecq des armées grandes et puissantes en Hollande et Zelande, et neantmoins avec

une poignée de gens et avec l'aide de Messieurs les Estais desdicles provinces il a este chassé honteusement hors dudit païs, et ce grand Capitaine le Duc d'Alve et son successeur, sans qu'aujourd'hui il ait ausdicts païs un pied de terre en sa disposition? comme j'espère moicnnant vostre honne aide qu'il n'aura de bref en tout le reste du pais. En somme par son serment il veult qu'en cas de contravention nous ne lui soions plus obligez, nous ne lui rendions aucun service ou obéissance, comme appert par Tarticle dernier. Si doncq je ne lui suis obligé, si je ne lui doi plus aulcun service ou obéissance, pourquoi est il si téméraire de dire que j'ai pris les armes contre mon Seigneur. Certainement entre tous Seigneurs, et Vassaus y a obligation mutuelle, elledire du Sénateur à un consul sera tousjours loué : Si tu ne me tiens pour Sénateur aussi je ne te tiendrai pas pour Consul. Mais entre les Vassaus y a beaucoup de différence, demeurants les Uns sans comparaison en plus grande liberté que les aultres, comme nous sommes en Brabant aiants tels droits jusques à donner grâces en nos terres, qu'excepté l'hommage que nous dcbvons, nous ne pouvons rien avoir d'advantage : et entre aultres droicts, nous avons ce privilège de servir à nos Ducs, ce que les Ephorcs servoient à Sparte à leurs Rois, c'est de tenir la roiaulté ferme en la main du bon Prince, et faire venir à la raison celui qui contrevient à son serment. On dira qu'il y a une condition apposée, c'est que nous serons absouls denostre serment jusques à ce qu'il ait reparé la faulte. Mais si jamais il ne la vouloit réparer. Si quand TEmp'^renr Maximilian et les Princes de l'Empire le prient et intercèdent pour nous alïïn que lui plaise descharger le païs, pour toute response, on leur dict, qu'ils se meslent de leurs affaires, et que le Roi sçaura bien gouverner ses sub-

jects, si quand par infinies remonstrances, par envoi des plus illustres Seigneurs de ce païs, nous le requérons de nous faire droict,il rejecte orgueilleusement nos requestes, il faict mourir lesdicts Sejgneurs, et ceuls qu'il peult appréhender les faict passer par les mains du bourreau, il poursuit les aultres par toutes voies indignes et cruelles : s'il nous amené nouvelles armées pour nous ruiner de fond en comble : demeurerons nous là tousjours attendants la miséricorde jusques à ce que la cruaulté Espaignolle nous aura couppé toute espérance de respit? Mais il veult reparer la laulte, et en a envoie les moiens par le Seigneur de Selles : il a desadvoué le Duc d'Alve. Nous verrons toutes ces choses en leur ordre, pour le présent je me contente de monstrer qu'à bon droit j'ai pris les armes contre lui, premièrement avecq les estats de Hollande et de Zelande, etpar après avecq vous, Messieurs, qu'il s'est perjuré contre tout le païs, et en mon endroit contre les articles du Chapitre de l'ordre, contre les privilèges de Brabant, enlevant mon fils et le menant en Espaigne, me privantde mes biens et dignitez, m'aiânt assez rendu absoubs de mon serment envers lui, et à présent monstrant son cœur trop bas, et neantmoins tyrannique, publiant ceste cruelle et barbare proscription comme le comble de toute injustice et indignité.

Maintenant, Messieurs, puis qu'il lui plaist de s'estendre aus temps qui ont suivi, je veuil bien aussi y entrer, et ce plus volontiers d'aultant que je n'ai rien faict de ce dont il m'accuse par ci après, que par l'advis, gré, et consentement des Estats de Hollande et Zelande premièrement, et par après par le vostre en gênerai, tellement que s'il y avoit de la faulte, elle ne me debvroit estre imputée : mais au contraire je seroi grandement à louer pour vous avoir si bien

et si fidèlement servi. Je viendrai doncq ans aultres accusations, mais ce sera, Messieurs, avecq ceste condition, que ce qu'il obmct malicieusement pour couvrir son cœur mauvais et cruel, et neanlmoins ne laisse de le faire sonner par petits libelles diffamatoires, jç le ramentoive et le mette en évidence comme j'ai faict cy dessus.

Or j'ai observé. Messieurs, que toute ceste accusation ou plustost mesdisance qui vient après est divisée en deux parties. L^me touche ce qui est conjoint à la venue du Duc d'Alve, et ce qui en est ensuivi, et principalement de ce qu'après ma venue en Hollande et Zelande a esté exécuté par ma conduite et Messieurs les Estats desdicts pais : l'aultrc ce qui est advenu depuis (fue Dieu vous eut ouvert les yeus par le raoien des insolences des Espaignols, et que pour délivrer finalement ce paovre païs de ceste maudicte race, vou> le^ declarastes et leurs adherens pour rebelles et ennemis du païs. Je suivrai doncq cest ordre : et premièrement je ren' grâces à Dieu que par le silence mesmes de mon ennemi vous cognoissez, Messieurs, et j'espère que tout le monde eognoistra que je ne suis pas mesmes soupçonné d'avoir applicqué à mon prouffit un seul denier du publicq. Car si en aultres choses comme desja vous avez commancé à veoir, ils n'ont faict difficulté de mettre en avant des faulses accusations et me charger de calumnies par trop évidentes, puis que mesmes ils ne m'objectent le moindre soupçon d'avarice, ils monstrent assez que non seulement je suis pur de ce crime, mais con\bien qu'ils soient impudents et mes ennemis mortels, ils n'ont toutesfois oncq osé m'objecter ceste faulte, de laquelle ordinairement sont blasmez les gouverneurs des provinces, soit à tort soit à droit. Mais j'ai Dieu merci appris des long temps, que celui qui commande doit sur toutes

choses avoir les mains nettes, et mesmes vuides de tout soupçon si faire ce peult, qui fust cause que des ma jeunesse je me deschargeai de la surintendance des finances, qui fust fort volontiers recueillie par aultrés. Et combien, Messieurs, qu'il n'estoit aulcunement bcsoîng que je fisse mention de ces choses, parlant à vous qui sçavez que jamais je n'ai eu maniement d'un seul denier du publicq, et quant à ce qu'il vous a pieu m'ordonner tant pour mes estats que pour les frais extraordinaires de la guerre, vous sçavez le peu que j'en ai receu, et de ce qui me reste de moiens comment je m'en suis entretenu, et soustenu plusieurs grands frais depuis que je suis entré en vostre service, ce que je n'impute toiitesfois à faulte de vostre bonne volonté en mon endroit, ains à la condition du temps auquel nous sommes. Mais puis que par la tacite confession de mes ennemis je puis avoir un tel advantagc, je ne l'ai voulu laisser passer soubs silence, pour faire cognoistre à aulcuns petits serpens qui ont esté parmi nous, qu'ils doibvent demeurer honteus d'avoir semé, ou contre leur conscience, ou par une extrême sottise et malice, ce que les ennemis mesmes, conjurez contre moi et la patrie, n'ont pas esté si impudents que de m'objecter, sentants bien qu'en le proposant le lustre de la vérité descou ■ vriroit la turpitude de leur mensonge.

Puis doncq qu'ils me jettent en un si beau champ de narrer non ce que j'ai faict, mais ce que les Estats de Hollande et Zelande ont faict avecq mon aide et service, je ne refuse point et devant vous, Messieurs, et devant tous les hommes de la terre d'entrer en compte avecq eus : mais aussi puis que vous esteslessouverainsjugesdece qui est géré en ce pais, il est plus que raisonnable que vous considériez ce qui a esté faict par eux iniquement en toutes lesaultres provinces, pen-

dant que Messieurs de Hollande, Zelande, et moi servions d'arrest et de barrière au cours de leurs entreprises.

Premièrement on dict que f ai practiqué de retourner en Hollande et Zelaiide. Quand ainsi seroit qu'auroi je faictaultre chose que mon debvoir? Et si j'a>^oi auparavant avecq si juste fondement comme je l'ai dcduict ci dessus, entr(5 avecq armée dedans le païs, pourquoi eusse-je faict difficulté d'entrer en ce qui estoit de mon gouvernement, auquel j'avoi plus de serment et d'obligation? auquel je tien des premiers rangs entre la noblesse? Mais tant s'en fault que j'aie faict telles recerches, veu qu'au contraire je suis prest de monstrer les lettres desprincipauls des villes et des principalles, par lesquelles j'estoi appelle pour la délivrance du païs contre la tyrannie des Espaignols, et nommément du Duc d'Alve. Et quant aus promesses que je fi' en y entrant, ce qu'ils disent que je promi' ausdicts Estots de les conserver si le duc d'Alve les vouloit presser au dixiesme et vingtiesmc: il ne se trouvera véritable. Mais bien que je vin' exprès au païs, et en armes pour la seconde fois, pour délivrer le pois de la tyrannie qui ja les pressoit, non seulement pour le regard du dixiesme, mais pour mille aultres espèces de cruaultez plus que Barbares, et mesmes pour le carnage que faisoit le Duc d'Alve des paovres habitants desdicts païs. Et quant à ce qu'ils disent les Ecclesiasticques Romains avoir esté persécutez par moi, chassez de leurs biens, la religion introduite, me fault il. Messieurs, aultre défense sinon ce que vous en çognoissez, à sçavoir que toute la mutation qui est survenue, a esté plus tost un œuvre de Dieu que des hommes? Vous sçavez combien de fois j'ai esté accusé pource que je m'opposoi trop froidement aux adversaires, que je les enduroi trop, que je seroi cause de la ruine du païs pour estre

trop lent à les chasser et extirper. Et quand il a esté question de ce défaire d'aulcuns, les debvoirs que j'ai faicts affîn que un chascun peult \ivre en paix et les uns avecq les aultres. Mais les Estats qui avoient trouvé du commencement propre et utile pour la conservation du païs, que l'une et l'aultre Religion fussent entretenues, si depuis par les insolences entreprises, et trahisons des ennemis meslez parmi nous, ont appris que leur estât estoit en danger de ruine inévitable, sinon qu'ils empeschassent l'exercice de la religion Romaine, et que ceuls qui en faisoient profession, au moins les prcbstres, avoient un serment au Pape (comme ils ont par tout) lequel ils preferoient à celui qu'ils avoient au païs : tellement qu'à l'assemblée des estats faicte à Leyde, comme aussi en la conjonction des païs de Hollande avecq Zelande, cest article fust unanimement accordé : et ne peuvent les ennemis ignorer ces choses, veu qu'au traicté de Breda, sur le poinct de la Religion, estant proposé de la part d'iceus ennemis que ce changement estoit advenu par la conduicte d'aulcuns particuliers, leur fust monstre l'accord de toutes les villes avecq le seau d'icelles. Quelle obligation me restera il maintenant, quand cens ausquels j'ai falct une promesse non seuUement me la remettent, mais aussi eus mesmesla rescindent, cassent et annullent? Et toutesfois si j'ai bien ou mal faict, j'en laisserai le jugement aux sages : tant y a, quand telles choses furent mises en avant je desiroi qu'on s'en fust passé, et encores plus, quand on les' a exécutées : dequoi Messieurs de Hollande et Zelande me donneront si bon tesmoignage et mesmes aulcuns fascheux et chagrins d'entre nous, et qui ont espandu contre toute raison es païs estranges leurs mesdisances contre moi, que j'espère je n'aurai besoing de grande défense contre telles accusations,

lesquelles estants par moi desniees comme feulses, ainsi qu'elles sont, je ne crains pas qu'ils en puissent donner aulcune preuve : vous laissant à juger, Messieurs, combien est ridicule une accusation, qui se peult repoulser par une simple négation, et neantmoins la plus part des belles couleurs dont ce peintre se vante qu'il me depeind, se peuvent effacej' par une seule telle esponge. Si on allègue, que neantmoins cens qui ont esté dechassez ont juste occasion de se plaindre, d'aultant que la promesse ne leur a point esté tenue : ores que cela ne s'addresse point à moi, ce neantmoins je dirai pour la défense des Estats de Hollande et Zelande, que ceste plainte seroit tresmal fondée, d'aultant qu'il n'est pas raisonnable que telles gens jouissent d'un privilège, par le moien duquel ils ont voulu livrer 1« païs es mains de l'ennemi. Ils ont voulu trahir les vies, les bic^s ^es subjects : non un privilège, ou deux, ou trois : mais toutes les franchises et libertés conservées de temps immémorial et d'eage en cage par nos prédécesseurs et ancestres.

Ils entrelasscnt que fai procuré liberté de conscience. S'ilz entendent que j'ai faict ouverture à telles impietez qui se commettent ordinairement en la maison du Prince de Parme, ou l'athéisme et aultres vertus de Rome sont jeu, je respon' que c'est chez les héritiers du Seigneur Pierre Louys, qu'il fault cercher telle liberté ou plustost licence ( ffrenee. Mais je confesserai bien, que la lueur des feus esquels on a tourmentez tant de paovres Chrestiens, n'a jamais esté aggreable à mes yeus, comme elle a rejoui la veuë du Duc d'Alve et des Espaignols, et que j'ai esté d'advis que les persécutions cessassent au païs basi Je vous confesserai d'advantage, afïin que les ennemis cognoissent qu'ils ont affaire à une partie qui parle rondement et sans fard, à sça-

voir que le Roi, quand il partist de Zelande lieu dernier qu'il laissa en ce païs, me commanda de faire mourir plusieurs gens de bien, suspects de la Religion, ce que je ne voulu faire et les en adverti eus mesmes, sachant bien que je ne le pouvoi faire en saine conscience, et qu'il falloit plustost obéir à Dieu que non pas aus hommes. Que les Espaignols donc disent ce que bon leur semblera, je sçai que plusieurs peuples et nations qui les valent bien, et qui ont appris que par les feus et les glaives on n'advance rien, me loueront et approuveront mon faict. Mais puis que vous, Messieurs, avecq le consentement universel du peuple l'avez depuis approuvé, en condamnant la rigueur des placarts et faisant cesser ces cruelles exécutions, je n'ai aulcun soulci de ce que les Espaignols et leurs adhérons" en murmurent. Et ne me puis assez estonner de. leur sottise, quand ilz n'ont eu honte de m'objecter les massacres des gens de leur Eglise, veu que non seulement ils sçavent mon naturel estre du tout esloigné de telles violences : mais aussi qu'il vous est notoire et à tout le monde, que par mon commandement et ordonnance pour raison de tels excès qu'ils me veuillent imputer, aulcuns furent exécutez à mort, et auîtres de marcque et de maison illustre, arrestez par mes principaus sdvviteurs domesticques, et après avoir esté détenus long temps prisonniers, ils n'ont esté délivrez, sinon pour raison de la maison dont ils avoient eu cest honneur d'estre sortis, la longue détention de leurs personnes leur estant allouée pour la peine qu'ils avoient méritée. Mais ce qui a esté fàki par ma charge, est tellement cognu à tout le monde, qu'ils ne le peuvent desguiser, ni obscurcir : seulement comnie ils sont bien appris à dire vérité, ce que j'ai faict vertueusement, ils disent que j'ai faint la chose me desplaire. Mais qui leur a

dict que j'ai faint? qui est ce qui leur a tant révélé de mes secrets? ils voient ce que j'ai faict, ils ne peuvent juger mon cœur, et n'y a homme si malicieus, si ce n'est le forgeron de cest escrit ou un Espaignol, qui ne doibvc plustost asseoir jugement sur ce qu'il veoit, que sur ce qu'il soupçonne malicieusement. Ils jettent des blasmes infinis sur nostre religion, ils nous appellent Hereticques : mais il y a si long temps qu'ils ont entrepris de le prouver, et n'en ont encores peu venir à bout, que ces injures resemblantes aux parolles de femmes eschauffécs de cholerc, ne méritent aulcune response, et encores moins ceste bestise de dire, que je ne me suis fié enaulcun prebstreou moine s'il ne s'est marié, et que je les ai contraints de se marier. Car qui est ce qui ne cognoit qu'ils jettent contre ma teste sans chois sans discrétion, tout oe qu'ils trouvent au chemin, tant est grande leur fureur et leur passion desmesuree? Et neantmoins quand ces choses seroient vraies, comme elles ne sont pas, ni raisonnables, (car nous apprenons par nostre Religion que le mariage doibt estre libre, et ne doibtestreni forcé, ni défendu :) si est ce que ceste faulte ne seroit h comparer à la tyrannie des consciences, qui a défendu le mariage h une partie de la Chr.eslienté, à laquelle non seulement les Eglises d'Orient se sont opposées, ains aussi les Eglises Germanicques et Gallicanes. Mais ce qui est, Messieurs, grandement à priser en ceste tant véritable et si bien fondée proscription, c'est que le Roi navoit point commandé ati Duc (VAlve d'imposer le dixicsme et vingtiesme sinon du gré du peuple. Si doncq le Duc d'Alve en un affaire de si grande importance, et qui a esté cause de la mort et ruine de tant de milliers de personnes a passé sa commission, quelle punition en est ensuivie? Le Duc d'Alve pour avoir faict à son fils un tel office pour

espouser sa Cousine, et délaisser une qu'il avoit abusée soubs couleur de mariage accompli, que Rigomes avoit faict auparavant au Roi, comme ci dessus est dict,est faict prisonnier, est mis hors de grâce, et n'auroit encores esté délivré si on eust peu trouver en toute Espaignc un tyran plus propre à tyranniser les Portugais que lui : il est donc chastié pour une faulte légère, et pour une si grande il est honoré, caressé, et rempli de biens. Et qui presserôit le Roi sur la mort de Messieurs d'Egmont et de Homes, il en diroit autant et desadvoueroit derechef le Duc d'Alve. N'est ce pas un bon moien de se descharger de toutes faultes? et du moins s'ils eussent attendu après la mort de cest ennemi du monde. Mais qu'ils choisissent tel parti qu'ils vouldront. Ou le Roi l'a commandé et alors il ne peult éviter le nom de Tyran : ou il ne l'a point commandé, et le mesme nom lui demeurera, puisqu'il n'a point chastié celui lequel de son authorité privée auroit usurpé une telle tyrannie sur un peuple libre et francq : dont il appert qu'il en est coulpable. Et combien que j'ai tousjours tenu le Duc d'Alve pour l'ennemi du païs, et qui s'est baigné volontiers en nostre sang et de tous les Chrestiens, portant à couvert un cœur Mahometan : si est ce que je l'ai trop cognu, et trop practiqué pour croire qu'il ait esté si sot et si oultrecuidé, que d'oser entreprendre mettre sus une imposition de telle conséquence, de l'avoir poursuivie si long temps et par moiens si extraordinaires, et du tout insupportables au païs, sans en avoir bons commandements, non- unefois, mais plusieurs. Je vous prie. Messieurs, de bien penser, si celui, qui a osé condamner, ou favoriser cens qui ont condamné le Bourgemaistre d'Amstelredam à vingtcinq mil florins d'amende en son propre et privé nom, pour s'estre opposé au dixiesme, n'estoit pas bien asseuré et

n'avoit pas suffisante descharge de son supérieur? Et ne nous fault, Messieurs, aultre passage que cestui, pour rccognoistre les fraudes, dissimulations et artifices, dont le Roi nous a menez et trompez si long temps, et délibère encores de faire, si nous nous laissons navrer par l'aiguillon de sa langue, ou estonner par les menaces de ses armes. Et d'aultant qu'il en veult encores faire resonner le bruit pour les villes prises et forcées en Hollande, à sçavoir en quatre ans deus ou trois, et avec plus de force qu'il n'a combattu le Turc : je lui respon' qu'il devroit considérer aiant les advantages dont il se vante, si ce ne lui est tresgrand' honte d'en avoir esté entièrement chassé. Et ne lui sert d'alléguer la mutinerie des Espaignols : car un chef, et principallement avecq si grands moiens qu'il avoil, faict assez cognoislre son insuffisance et indignité de commander, quand il ne peult avec tels moiens tenir en obéissance ses soldats : au contraire s'excusant si ineptement, il ne veoit veuUe ou noTi, qu'il est contraint de confesser avec bien peu de moiens et quattre ou cincq mil hommes, que moi et Messieurs de HoUande et Zelande, lui en avons rompu et faict consumer plus de soixante mil. Et ce pendant, Messieurs, qu'il pefdoit ainsi son temps, ses hommes, et son argent en ce païs, il perdist aussi en deux mois le Roiaulme de Tunis et la Goulette, avecq la plus grande honte et confusion que jamais fistPrince puissant qui aist esté chassé de sa terre, quoi qu'on veuille rejetter la coulpc sur les jeunesses de Don Jean, et sur les paillardises du Cardinal. Car ce pendant qu'il emploioit ici si mal ses forces, Sinam Basscha lui enleva ce Roiaulme et cesle forteresse qu'on estimojt imprenable, à la veue d'Espaigne et de Sicile, sans que jamais aulcun de la part du Roi osa monstrer sa teste pour le combattre ou seulement divertir. Et

— lio —

neantmoins s'il n'avoit plus de respect au bien de la Clirestienté (ce qu'il na jamais eu, tesmoing son alliance fardée qui a tant cousté aux Vénitiens) ni esgard à son honneur : pour le moins la mémoire de l'Empereur son père, qui n'estimoit rien touts ses liaults faicts et exploicls d'armes, au pris de ceste conqueste, le debvoit esmouvoir et pousser d'un désir genereus et véhément, pour maintenir sagement ce que l'Empereur son père lui avoit conquis et à toute la Chrestienté si valheureusement. Mais ceste rage et fureur de nous ruiner qui le transportoit, lui ostoit les yeus pour ne veoir ce mal, et l'entendement pour ne le discerner, aimant trop mieus faire preuve de son impuissance contre les siens propres, que de ses forces contre l'ennemi commun et universel de la Chrestienté,

C'est, Messieurs, ce qu'il m'objecte et qui est advenu devant vostre conjonction générale, à quoi il n'estoit peult estre pas du tout nécessaire de respondre, sinon qu'il n'est point seulement requis de vous satisfaire, mais aussi de leur fermer la bouche et faire cognoistre à tout le monde leurs impudences et calumnies. Car s'il n'estoit question que de ce qui vous touche et cens qui estoient par ci devant des noslres,et qui se sont neantmoins tant mal à propos retirez d'avecq nous : vous, et eux avecq vous, avez par ci devant assez monstre que vous aviez beaucoup meilleure opinion de moi. Car premièrement l'accord traicté par vous avecq moi et Messieurs de Hollande et Zelande à Gand m'a suffisamment justifié, veu que si vous m'eussiez estimé tel que ceste infâme proscription me descrit, vous n'eussiez pas voulu ni deu entrer en traicté avecq moi : tant d'honorables ambassades que vous m'avez depuis aussi envoiez à S^ Geertrudenberghe, et encores en Anvers, tant pour me faire venir

en Brabant, que pour me faire approcher de vous à Bruxelles, pour assister au conseil : et ce que vous avez voulu nvhonorer du tiltre de Lieutenant gênerai : toutes ces choses dis-je monstrent assez, qu'elle est l'opinion et jugement que vous avez eu de toutes ces faulses et frivoles accusations : ce que j'estime seul trop suffisant pour les réfuter.

Mais voions maintenant, comment ils se sont gouvernez de leur part auparavant ce temps, avecq quel orgueil, quelle insolence et me^pris de toute nostre nation. Je ne répéterai point ni les perjures et tromperies de la Duchesse, ni du Roi à l'endroit de Messieurs les Contes d'Egmont et de Hornes, ni les appasts qu'ils m'ont apprestez, et généralement ce qui est advenu au paravant la venue du Duc d'Alve, mais seulement ce qui a esté faict depuis jusquesà vostre conjonction generalle :affin comme la mémoire des mauls et douleurs passées vous apportera plaisir et contentement, et (comme j'espère) à moi qui vous y ai aidez quelque gré : aussi par icelle que vous vous confermiez de plus en plus en cestc resolution sainctc et digne de louange immortelle, que vous avez prise pour vous opposer aux Espaignols et h leurs adherens. Or tant ledict Duc d'Alve que ccus qui ont commandé soubs lui, et depuis lui, nous ont assez faict cognoistre quel a esté de tout temps le Conseil d'Espaigne, A sçavoir de nous exterminer et asservir. Car comme Ilannibal des l'eage de neuf ans jura sur l'autel de ses Dicus, qu'il seroit toute sa vie ennemi des Romains : ainsi a esté ce Duc d'Alve des son enfance nourri et eslevé en une haine irréconciliable contre ce païs, laquelle par tant de sang qu'il a humé, n'a peu jamais estre rassasiée : ains tant plus il en a faict ruisseller en toutes les villes de ce païs, jusques à avoir faict mourir, comme lui mesmes s'en est vanté, dixhuict mil pao-

— Ho —

vres hommes innocents et plus, par les mains du bourreau, n'a jamais peu toutesfois assouvir ceste cruelle cupidité. Tellement que si quelqu'un veult cognoistre quels sont les secrets conseils d'Espaigne, quelle est la volonté du Roi, et combien il nous aime, il verra le tout déchiffré es gestes sanguinaires du Duc d'Alve, comme s'il l'avoit représenté devant ses yeus et depaint en un tableau : car il n'y a eu espèce de dissimulation, trahison et perfidie, dont il n'ait usé, pour avoir à sa dévotion les principauls Seigneurs de ce païs, avecq offres, promesses et nouveauls tiltres d'honneur conférez. Mais les gens de bien qu'il a peu attirer, il les a faict cruellement mourir, sans aulcun esgard à leur innocence ni aus privilèges du païs. Et toutesfois rien n'a esté faict sinon par le commandement du Roi. Il a faict le semblable à l'endroit des bourgeois et bons marchants, foullant aus pieds si arrogamment nos libertez et franchises anciennes, tout ce qu'il y avoit entre nous restant de la splendeur de nos ancestres : qu'il sembloit que vous ne fussiez pas dignes d'estre mis au nombre des hommes. Et ou est ce que nous en pourrons avoir preuve plus certaine, plus illustre, plus en veuë, et comme en spectacle de toute la Chrestienté, avec un mespris insupportable de tous ces païs, qu'en ceste superbe, ambitieuse, profane, païenne et ensemble sotte érection de sa statue au milieu de la citadelle d'Anvers, marchant impudemment sur le ventre des S", des estats, de tout le peuple de ce païs, monument de sa tyrannie, tesmoignagc de son orgueil. Que dirai-je de ses serviteurs et toute ceste vermine venue d'Espaigne parlants de nous, non point comme de vel lacos mais comme de bestes? Vous en avez, Messieurs, encores les oreilles toutes battues, et vous pouvez représenter leurs gestes , leur desmarche , leurs parolles

pleines d'audace, d'orgiKMl, mespri^, leurs faicts insupportables, et quand ils ont esté dedans vos villes, avecq quelle insolence ils vous ont commandé. Si doncq il est vrai ce que disent les sages, pour cognoistre je naturel d'un Seigneur, qu'il fault examiner celui de ses amis et familiers : d'un maistre, de ses serviteurs : par les vertus du Duc d'Alve principal ministre de son maistre, et exécuteur de ses conseils, vous pouvez juger, Messieurs, quelle bonne affection vous perte le Roi qui vous l'a envoie pour vous tourmenter, et ce que vous en dcbvez attendre, si vous n'y donnez ordre comme vous le devez, et tout ce bon peuple s'en attend à vous. Je ne dirai rien des violements, rançonnements, exactions commises par les Espaignols: seulement je m'arresterai sur le principal : jamais vous n'avez sceu obtenir l'assemblée libre des Estats generauls, sachant bien vostre ennemi qu'empescher la convocation d'iceuls, est couppcr par le pied l'arbre de vos privilèges, faire tarir la sourcede vostre liberté. Car de quoi sert à un peuple d'avoir les privilèges en beauls parchemins dedans un coffre, si par le moien des Estats ils ne sont entretenus, et qu'on n'en sente les effects? Et de faict long temps auparavant le Roi avoit pris dispense du Pape, pour le serment qu'il vous avoit faict de garder vos privilèges, en quoi non seulement il violoit sa foi, mais il croioit aussi trop légèrement et pernicieusement des fols Conseilliers, et monstroit par trop combien estoit grande sa prudence. Car ne pouvoit il pas bien cognoistre, se tenant absous du serment qu'il vous avoit faict, que vous estiez aussi quittes du vostre envers lui? tellement que lui, voulant eslre deslié de son serment envers vous, vous ne lui (.'ebviez aussi aucune obéissance et subjection? afîin que je laisse pour le présenta aullres et plus exercez en telles matières que moi.

à dcsmesler ccstc question : si le Pape se pcult à juste tiltre vanter d'avoir une telle puissance et authorité, et s'il restera encores aulcune chose ferme et asseuree au monde, si les serments faicts si solennellement peuvent estre violez soubz une telle couverture. En mcsme temps les mariages hors du pais sont entièrement défendus. Ce qui n'avoit jamais esté practiqué, est prohibé : à sçavoir que les enfans ne puissent aller pour estudier en aulcune escolle du monde hors du païs sinon à celle de Rome,condemnans par ce moien toutes les aultres escolles, qui est une arrogance par trop grande> voire mesmes {tant ils estoient imprudens) ils condamnoient sans y penser celles^ des Jésuites : mais qui est bien le pis, traçoient le chemin à une vraie barbarie. Car comme une fréquentation de toutes sortes de gens de lettres, nous a produits en ce païs plusieurs bons esprits, qui ont grandement ennobli ces provinces : aussi ceste interdiction ne pouvoit sinon avec le temps causer une ignorance plus que Turquesque, sans que je dise que par ce moien ils assubjettissoient ce païs à conditions non jamais ouïes. En ce mesme temps la publication du Concilie de Trente fust faicte, lequel concilie a semblé mesmes aus François si inique, que jusques à présent n'a peu estre publié au Roiaulme de France.

Quelque temps au paravant avoit esté poursuivie et obtenue, l'installation des nouveaus Evesques, laquelle avoit esté si long temps auparavant débattue, pour les inconveniens que touts gens sages et amateurs du païs, et ennemis de la géhenne des consciences prévoient devoir ensuivre, comme j'en escrivi' mesmes au Roi : sans que je parle des remonstrances que j'en ai faictes à la Duchesse en plain conseil, et souvent ailleurs : tout ce desseing ne servant à aultre fin que pour cstablir la cruelle Inquisition d'Espaigne et les-

-- il8 —

dicts Evesques, pour servir d'inquisiteurs, brusleurs do corps et tyrans de conscience. 11 est vrai qu'au jourd'liui ils dénient avoir voulu introduire ceste mauldite Inquisition : mais si jejeur produi homme digne de foi, qui estoit pour lors Pensionnaire du Francq, et auquel fust deux fois présenté le bancq pour estre torturé, affin de confesser quiestoienl ceus des Seigneurs dudict Franc q qui avoient este d'advis de refuser Tlnquisition, diront ils que c'est un |,esnioing forgé ? et toutesfois il est tel qu'ils ne peuvent lui objecter aulcune chose, et s'il estoit de besoing je Irouverois assez d'autres preuves claires et trop manifestes. Les placarts plus rigorcus suivirent avecq commandement de ne rien remettre de l'ancienne rigueur, et de faict la bulle expédiée par le Pape pour l'érection desdicts Evesques, porte notamment que chascun Evesque pourroit conférer en son Eglise cathédrale deux prébendes, que chascun des Chanoines seroit tenu lui assister au faict de l'Inquisition, et que particulièrement deux d'entre iceus seroierit actuellement Inquisiteurs. Et comme les Princes ou tyrans qui occupent nouvcaus Roiaulmes et Seigneuries, leur imposent un tribut en signe de leur victoire, aussi le Duc d'Alve en tesmoignage de sa conqueste (car c'estoit son commun langage, à sçavoir que ces païs appartenoient au Roi non en tiltre de patrimoine, mais comme estans conquis par les armes), lors dis-je pour faire cognoistre à tout le monde la condition à laquelle il avoit assubjecti ce païs,il lui impose par le commandement desonmaistre le dixiesme perpétuel, sans consentement des Estats, sans consentement des villes et provinces, il se resoult avecq les siens de l'exécuter par force : quand il entend que quelques cœurs genereus commençoient à s'esmouvoir, tellement que justement à l'heure (voiez. Messieurs,

quelle est la providence de Dieu) qu'il reçoit nouvelles de la prise de la Briele, il avoit résolu de faire la nuict mourir les principauls bourgeois de Bruxelles, d'aultant qu'ils s'estoient opposez à ccste imposition violentement publiée contre leurs privilèges. Le bourreau nommé maistre Charles, avoit commandement de tenir prest dixsept cordes, et des eschelles de dix à douze pieds de hault : les soldats estoient en armes : Don Federigo venu en la maison du Président Viglius pour arrester le dictum de la condemnation, quand ces heureuses nouvelles pour les bons bourgeois de Bruxelles arrivèrent. Le Lieutenant de l'Amman en estoit l'un, pour avoir refusé d'exécuter les opposants. Et de faict le Duc d'Alve lui vouloit tenir promesse qu'il lui avoit dict peu auparavant : Por eatas^sivos nolohazeiSj yo os haré ahorcar. Et sur la réplique: Losjuezesson vellacos : basta que yo os lomando. Et je confesàe qu'au mesme temps estant derechef solicité, tant par plusieurs gens de bien, que par mon propre serment et debvoir au païs, je revin' pour la seconde fois avec armée : de laquelle expédition je ne toucherai d'advantage, car il n'y a personne d'entre vous qui ne sache quels en ont esté, et sont encores à présent les événements. Maintenant donc, Messieurs, s'il vous plaist considérer d'une part ce que le Duc d'Alve a faict devant que ceste guerre ait commencé, quelles occasions justes il m'a données, et aus Estats de Hollande et Zelande d'avoir eu recours aus armes, ce que lui et le grand Commendador ont faict jusques au jour de la révolte et rébellion des Espaignols, et comment je me suis conduit depuis et gouverné : je ne refuse point que vous n'en jugiez et déterminiez comme vous trouverez convenir. Mais vous avez desja assez monstre ce que vous en sentez par la Pacification de Gand, par l'expulsion de Don Joan, et par

tant d'actes et tesmoignagcs qu'il n'est bcsoing d'en avoir d'avantage, et mesmes ne ni'aiant voulu décharger ores que si souvent je vous en aie requis.

Je viendrai doncq à ce qu'ils touchent en leur cruelle proscription en second lieu, à sçavoir à ce qui a suivi le temps auquel les Espaignols furent déclarez rebelles et ennemis du païs.

En ce temps. Messieurs, fust traictee et conclue la Pacification de Gand avecq une si grande joie et contentement du peuple, de toutes les provinces en gênerai et en particulier, qu'il n'est mémoire d'homme qui puisse se souvenir d'une pareille. Un chascun se peult souvenir des promesses mutuelles d'amitié, d'intelligences, communications de conseil qui y sont compris. Mais quoi ? cens mesmes qui ont bien faict depuis cognoistre, quelle estoit la malice invétérée de leur cœur, et touteslois qui estoient du nombre de ceus qui la traictoient avecq mes députez, et ceus de Hollande et Zelande, en la traictant jettoient à la traverse tous les empesrhemens à eus possibles pour la faire mourir en herbe : à quoi sans contredicl fussent parvenus s'ils n'eussent craint de lumber en danger, et si le peuple et toutes les provinces (jui sentoicnt et prcvoioient de loing ccste pacification devoir c^tre le fondement de leur liberté, et la restitution de leurs anciens privilèges, ne les eussent comme d'une voix contraincts à la conclurre. Et d'aultant, Messieurs, que souvent en ceste exécrable proscription et en leurs petits ineptes livres diffamatoires et lettres clandestines, ils m'objectent que je l'ai rompue et violée : voions comment ils l'ont maintenue de leur part. Elle ne fust pas si tosl jurée que le Sieur de Haulsi, suivant vostre commandement fist plusieurs voiages en Zelande vers moi, pour obtenir secours d hommes et de

munitions de guerre, pour le siège du Chastcau de Gand ' l'un des nids de la tyrannie Espaignole, ce qu'il impetra. Mais un quidam indigne de sa race et de son pais ne se peult contenir, ains au mesme temps commença à Yomir son venin, chargeant de blasme ledict Sieur en recompense d'un si bon service, et qui a esté la vraie porte à la liberté du païs et Conté de Flandres, et nommément delà ville de Gand, si long temps auparavant tyrannisée : et ne tint pas audict Sueveghem, au Conte de Rcus, Mouqueron et aultres, que les Espaignols touts sanglants encores du massacre d'Anvers et chargez des despouilles des bons bourgeois, ne fissent une pareille exécution en la ville de Gand, qu'ils avoient faict en la tresrenommee ville d'Anvers, ce qu'ils eussent exécuté (ainsi que les lettres de Rhoda et aultres en font foi) sans ledict secours. Voila comment lors que la trompette sonnoit pour publier la Pacification de Gand, ces gens de bien commençoient à la rompre. Là dessus arriva Don Jean, et quoi que mon ennemi veuille ici falsifier et déguiser, n'ai je pas encores les lettres signées de la main du Roi, et d'un des secrétaires de son estât, et cachettees de ses armes, qui font foi de la charge donnée à Don Jean ? n'ont elles pas esté publiées à tout le monde? s'est il encores trouvé Espaignol si impudent qui ait osé les débattre ? Par icelles nous avons cogneu que toute la différence entre Don Jean, le Duc d'Alve etLouys de Requesens estoit, qu'il estoitplus jeune et plus sot que les aultres, et qu'il ne pouvoit pas si long temps cacher son venin, dissimuler ses charges, et retenir ses mains brillantes du désir de les tremper en nostre sang. Je ne vous en ferai ici* Messieurs, aulcun récit, car elles sont cognues aus petits enfans, et toute la terre en est abbreuvee. Combien doricq que ces choses fussent mises en lumière devant tout

le monde, combien que les pacilieurs le cogneussenl, le sceussent, toutesfois la haine invétérée contre ce paovre peuple estoit si grande,ils estoient si accoustumez d'aider à cens qui opprimoient vos privilèges, servir à la tyrannie leur estoit tellement passé en nature : que comqie sangliers escumants de rage, viennent eus mesmes se lancer dedans l'espieu <lu cœur sanguinaire de Don Jean, accordent avec lui contre mon advis, de ceus de Hollande et Zelande, contre leur serment donné à la Pacification de Gand. Et puis ceus ci m'osent objecter la Pacification et mon serment, comme si ces liens ne fussent apprestez que pour me tenir et Messieurs de Hollande et Zelande entravez, cependant que ces bons et loiaus pacificateurs aiants rompu toute obligation de loix,de loiaulté et fidélité, eussent une licence de faire, commettre et perpétrer tout ce que leur cœur desloial leur suggeroit? Ils ont faict promettre (ce diront ils) à Don Jean de faire retirer les Espaignols : comme si tout nostre accord et alliance gisoil en ce seul point. Mais devant que conclure avec Don Jean, ne devoient-ils pas me remettre en mes gouvernements, en mes biens, me restituer mon fils qui estoit du nombre des prisonniers? Y ont ils seulement pensé, combien que plusieurs d'entre eus lui estoient parents ? Rien de tout cela : car leur but estoit bien aultre, comme ils le monstrerent assez par tant de consultations qu'ils firent pour trouver le moien de m'opprimer, assubjectir la ^nollande et Zelande, cognoissants que j'estoi encore seul audict temps avec les Estats desdicts pais, qui empcschions ouvertement leurs pernicieus desseings, qui estoient d'entrer en la place des Espaignols, exercer pareille tyrannie que les Espaignols, mais comme il leur sembloit avec plus de puissance et autliorité, et aussi pour estre en leur païs, avecq plus d'impu-

nité : je me rapporte de ceci aus iiislructions données à cens qui vindrent traicter avec moi à S*<'. Gertrudenberge, desquelles je ferai apparoir s'il en est besoing. Au mesme temps ils envolèrent vers la Roine d'Angleterre pour l'abbreuver de toutes choses faulses, et pour l'induire à s'armer contre moi et 3Iessieurs les Estats de Hollande et Zelande : mais la cognoissance qu'elle avoit de la vérité, et la prudence singulière de laquelle est douée, lui firent prendre toute aultre resolution qu'ils n'avoient espéré. Bref, ils machinèrent tout ce qu'ils peurent pour remettre sus, les mesmes practicques des Espaignols : et voila, Messieurs, quelle a esté leur observation de la Pacification de Gand des le commencement. Et quant aus Espaignols que Don Jean leur disoit avoir renvoiez, ils voioient (au moins si leur restoit quelque peu de lumière, car ils n'avoient faulte d'advcrtissemens) que les uns s'amusoient en Luxembourg, les aultres en Bourgoigne, les aultres en France soubs l'umbre de la guerre civile qui y estoit resuscitee, en attendant le mot de guet, pour revenir en un instant, comme aussi ils firent. Ce neantmoins ils scavoient que Don Jean retenoit quatorze mille Allcmans, des vielles bendes, qu'il tenoit en garnison es villes principales du païs, qu'il traictoit à Malines avecq lesdicts AUemans, qu'il leur disoit d'un et à vous, Messieurs,<i'aultre, retiroit le chasteau d'Anvers d'entre les mains du Ducd'Arschotet du Prince de Chimai son fils, le laissoit entre les mains cfe Treslon. Ils voioient dis-je ces choses, et neantmoins y aidoient et favorisoient, et éncores ils diront qu'ils gardoicnt la Pacification de Gand. Car quant à ce que mon ennemi dit que Don Jean^^ l'avoit jurée, je confesse d'advantage,que le Roi mesmes l'a promise, qui le rend d'autant plus convaincu : car au mesme temps il commandoit à Don Jean de la rompre, ainsi qu'il

appert par ses lettres. Et quant à Don Jean, il est vrai qu'il Ta promise et jure4?,mais ce fustavec une Condition, qu'il avoil predict en présence mesmes d'aulcuns de vos députez y debvoir adjouster, à sçavoir jusques à ce qu'il s'en repentiroit : laquelle condition escheut bien tost après. Car ce jeune homme estimant estre au dessus de ses affaires, et avoir entre ses mains (à raison des garnisons Allemandes et plusieurs trahistres à leur patrie) les meilleures villes, se saisit (non sans faire un tort indigne à la Roine de Navarre) du chastcau de Namur, lieu qui lui sembloit propre et nécessaire pour faire repasser les Espaignols. Mais aussi tost par la rendition du chasteau d'Anvers qui vous fust faicte, il se trouva un peu loing de son compte, ce que lui fist perdre pour un temps beaucoup d'amis, qui commenc^^rent aussi tost à changer de robbe : et fust rendu Don Jean si perplex, qu'il n'oust aultre recours, sinon aianl corrumpu aulcuns de vos propres députez, gaigner le temps, et vous amuser par une espérance fardée de paix. Et pleust à Dieu, que des lors vous n'eussiez esté empeschez, Messieurs, par ces bons observateurs de la Pacification de Gîtnd, de croire mon conseil : car par une bien petite armée nous pouvions estre quittes de Don Jean, de ses Espaignols et adherens, et de tant de calamitez qui ont ensuivi. Je vouldroi doncqencores ici sçavoir, Messieurs, si lors Don Je^in gardoitceste Pacification, et son uuion si sollennelement jurée (comme ils parlent) qu'il avoit faicte avec ces Espaignolisez. Et pourquoi me viendra reprocher la Pacification de Gand, celui, qui nous a faict déclarer ,par le Sieur de Selles, qu'il ne la vouloit garder. Jouira il à mon préjudice d'un privilège auquel lui mesmes renonce ? Et quant tout est dict, ce n'est point avecq lui, que moi et les Ëstats de Hollande et Zelande avions contracté : c'est avecq

vous, Messieurs. Que si après tant de ruptures de la Pacification, et en tant de sortes,apres que contre ladicte pacification ils ont exterminé des villes où ils ont peu exercer leur domination tyrannicque, les meilleurs bourgeois, alléguants contre eus choses faulses et meschantes : si donc après ces choses. Messieurs, vous avez jugé que pour vostre seureté vous debviez amplifier aulcun des articles, les changer, voire quand ainsi seroit que vous les auriez voulu du tout rompre, rescinder, et revocquer : qui est ce qui vous en pourroit accuser, si vous avez usé de ce qui estoit vostre, conîme vous l'auriez trouvé convenir à vostre bien, sinon celui qui se vouloit servir de son serment comme d'un rets pour vous surprendre? Car quant à ce qu'ils disent que de ma part y a eu changement, ores qu'il fust vrai, si est ce que je n'y avoi plus d'obligation pour le regard des contractans avec moi, puis qu'ils l'avoient en tant de sortes violée : et puis que de vostre part estoit trouvé convenir, que le changement se fist, vous aviez aultant d'authorité et puissance d'en disposer, qu'un Seigneur a de droict en son héritage : car la Pacification estoit vostre, de laquelle vous pouvez usez à vostre plaisir.

Mais il a tant de fois esté remonstré et de bouche et par escrit, que rien n'y a esté violé, qu'il n'est besoing que j'emploie d'advantage le temps à le vous déclarer. Seulement je dirai, qu'il estoit bien défendu à cens de Hollande et Zelande, de rien innover en ce païs : mais que les aultres Estats en leurs provinces ne peussent pourvcoir par quelque condition à leur seureté, il ne se trouvera point qu'il y ait une telle obligation, ce que par la lecture de l'article unziesme et douziesme se peult veoir et cognoistre manifestement. Et de faict, sur la confection de ladicte Pacification,

comme un de cens qui estoient députez de ijostre part, remonstra à quelqu'un des principaus de Tautre, que telle chose pourroit advenir, et pourtant qu'il eust esté meilleur d'accorder quelque liberté pour les subjects des provinces pour lesquelles ils contractoient : on lui respondit, qu'il ne se falloit donner peine de telles choses, et que cens de Brabant, Flandres, et autres pa'is ne demanderoient jamais changement en Testât de la Religion. Que si maintenant ils ont esté trompez, pourquoi est ce que furieusement ils s'addressent à moi? Je leur apporte aussi la mesme response pour le faict du changement survenu en quelques villes de mes gouvernements. Car je puis bien asseurer devant Dieu, . que je n'y ai donné aulcun advis ni consentement, et que plusieurs choses y sont survenues qui ne me plaisoient pas, comme aussi en Flandres. Mais je leur maintien, s'il y a eu quelque insolence militaire, que ce n'estoient que roses au pris des intolérables excès faicts par eus : et pour le moins il n'y a poinct eu d'infidélité, ni de trahison et intelligence avec l'Espaignol de nostre part, comme il y a eu de celle des ennemis. Car n'ont ilz pas à main armée commencé une guerre contre leur foi et leur promesse, assailli leurs conf > derez, quand nous estions à deux jours prest de donner bataille à nos ennemis, n'ont ils pas poursuivi l'exécution de leur complot et conjuration contre leurs confederez, et leur défection au temps que la bonne ville de Maestrichl estoit assiégée? Que s'il y a en ce monde acte détestable, est ce point cestui ci? Lors que vous vous attendiez aus forces de vos confederez, pour seoourrir une bonne ville assiégée, avecq laquelle ils avoient alliance jurée, de laquelle ils ne pouvoient se plaindre en façon anlciine, ou à tort ou à droict, lors disje non seulement ils vous abandonnent, mais ils vous font la

guerre, le plus chauldement qu'ils peuvent. On raconte que Suffetius fut tiré à quattre chevaus jsour n'avoir bougé et s'estre rendu spectateur lors que Tullus Hostilius son confédéré combattoit. Quels gibets doncq, quels supplices pourroit on inventer qui fussent suffisants pour chastier ceste perfidie et perduellion? Et de qui? De cens là, Messieurs, qui avoient au paravant mis la main sur le Conte de Mansfelt, Viglius, Fonc, Assonville, Berti et aultres du conseil d'Estat, lors que je n'estoi encores lié si estroittemcnt avecq eux que depuis j'ai esté, et n'estoi passé encores en Brabant, de ceus la dis-je qui par telle appréhension avoient donné à cognoistre à tout, le monde, le jugement qu'ils faisoient des gestes du Roi et de son conseil : vous laissant juger. Messieurs, quel grand discours il y a en telles gens, qui ne peuvent prévoir nous faisants la guerre qu'ils aiguisent les espees de ceus qu'ils ont faict prisonniers, pour leur lever la teste. Ils diront que je ne me suis pas rendu ennemi de ceus de nostre parti qui ont passé les bornes. Vraiement je n'ai point approuvé les excès d'aulcuns. Mais pensent ils que je sois si imprudent pour leur faire plaisir, de donner ouverture à la ruine du païs, et faire Escovedo Prophète? Ont ils jamais ouï qu'un sage père ait pour le contentement de son ennemi cerché la ruine de ses enfans? ains c'est son debvoir de corriger les faul'es, et en les cmendant conserver sa famille. Mais Bours, Montigni, et aultres ne sçavent ils pas les debvoirs que j'ai faicts pour remettre tout en bon ordre? ont ils oublié les articles accordez tels qu'ils les ont demandez et qu'ils ont depuis violez contre leur serment? C'a doncq esté rage, folie, ambition, et haine contre la religion, envie de dominer qui a transporté leurs cœurs et agitez comme de fureur, et qui les a premièrement esmeus, et qu'ils depuis ont couvert du raan-

teau de la pacification de Gand. Car je sçai, Messieurs, la peine en laquelle ils furent pour donner couleur à leur entreprise, et qu'un simple capitaine en ce conseil leur fist ceste ouverture, qui fust incontinent suivie.

Je sçai que plusieurs trouveront nouveau, qu'enfans de bonne maison, issus de tels pères, se soient tant oubliez que d'assembler tant de reproches sur leur race, et aulcuns penseront n'cstre croiable que jamais il eust peu se trouver une telle inconstance en eus : et ne puis encores de ma part que je n'en soi marri pour la bonne amitié et l'honneur que j'ai porté à leurs pères, et le désir que j'ai eu de les veoir advanc^z en toute verlu, honneur et réputation (ce qu'ils pouvoient faire, s'ils eussent seulement sceu patir un peu de tcms, et porter une partie de la calamité de leur patrie) et dcsireroi bien encores qu'ils peussent estre si sages, que par une bonne repentance ils emendassent le passé. Mais alTin que je ne parle de beaucoup de leurs actions particulières qui ne sont pas exposées en la veuë de tout le monde, qui sont toutesfois pleines de légèreté, si on vient A considérer ce qui est cognu d'un chascun, et mis devant les ycus de tout le monde, qui est ce qui se pourra assez esmerveiller de l'inconstance et vanité de leurs resolutions? Ils servent le Duc d'Alve, et le grand Commendador comme varlets, ils me font la guerre à toute ouUrancc : peu après, ils traiclent avec moi : ils se reconcilient, les voila ennemis des Espaignols. Don Jean revient : ils le suivent, ils le servent, ils machinent ma ruine. Don Jean fault à son entreprise du chasteau d'Anvers : ils le quittent incontinent, ils m'appellent. Je ne suis pas si tost venu, contre leur serment, sans en communiquer ni à vous. Messieurs, ni à moi, ils appellent Monseigneur l'Archiduc Matthias. Est il venu, ils voient qu'ils ne

peuvent venir à leur but : ils le laissent, et sans l'advertir vont quérir Monseigneur le Ouc D'anjou, ils l'amènent, ils lui promettent merveilles. Ils voient qu'ils ne le peuvent amener à ce point de se rendre chef contre vous, Messieurs, et contre cens de la Religion : ils le délaissent, et se joingnent au Prince de Parme. Y a il flots de la mer plus inconstants, Euripe plus incertain, que les conseils de telles gens, qui pensent estre si hault assis, tant eslevez et si affermis, qu'il leur soit loisible de se jouer ainsi de Princes de telle part? Si doncq ils ont faict telles choses comme il est cogneu à tout le monde, croiez qu'il n'y a rien si legier et si vain, qu'ils n'entreprennent. Et que peuvent ils faire plus énorme, que d'avoir consenti à ceste lasche proscription qui est bastie contre la teste de celui qui leur a guaranti la leur, a faict restituer les biens ans principaus d'entre eus? Et croiez, Messieurs, que ce n'est fias la fin : car si bien tost ils ne se recognoissent (ce que je desidere) vous les verrez encores changer de cheval et de selle plus de dix fois devant que cest affaire se desmelle.

Quant à ce qu'on m'objecte que je me suis faict élire par force et tumulte Gouverneur de Brahantj il vous souvient, Messieurs, que jamais je ne vous en ai parlé, et que je ne vous en ai aulcunement solicitez : au contraire, vous avez mémoire de la grande résistance que je fi' et de mes remonstrances au contraire : et mcsmes quant à Testât de Lieutenant gênerai que j'en voulu avoir l'advis et le consentement des chefs qui estoient en l'armée, et laquelle bien tost après fust mise en routte (je ne di point maintenant par la faulte de qui) lequel ils m'envoierent, comme encores je l'ai signé de leur main. Que si aulcuns du peuple advancerent ceste élection, encores que ce ne fust à ma prière ni solicitation,

toulesfois je suis contraint de confesser qu'ils estoient plus sages et mieus prevoiants les affaires de ce pais que je n'estoi lors, car ils entendoient bien, laissant le maniement des affaires et l'administration de la chose publicque entre les mains de ces Espaignolisez, que c'estoit bastir sur un sable mouvant et peu ferme pour y asseoir un tel édifice. Il est aussi vrai ce qu'ils disent, que par les tumultes de Gand j'ai esté esleu Gouverneur de Flandres : car c'est une vraie ignorance de nos affaires, par ce que les quatre membres ont faict élection de moi non une fois, mais plusieurs, non point durant les tumultes, mais depuis, les choses bien pacifiées, l'ont plusieursfois pourchassée, tant envers vous qu'envers moi, et jusques à présent je ne l'ai voulu accepter.

Je ne pense pas aussi, Messieurs, qu'il soit raisonnable que je responde des moiens levez par vous, et qui ont esté administrez suivant vos advis sous vostrc authorité par vos trésoriers, commis, et recepveurs, sans que j'en veoie jamais un denier, ni moi ni les miens. Mais s'il convient en donner blasme à quelqu'un, estce pas à l'ennemi, lequel vous contraint cercher moiens pour vous défendre? et si lui pour faire du mal, exercer tyrannie, opprimer vostre liberté, faict de si grandes et excessives despenses : pourquoi pour bien, faire, pour reprimer le tyran, conserver vos privilèges, vostre liberté qui ne peult estre évaluée, ne feres vous quelque dépense? Que si il estoit question d'exposer tout ce que nous avons jusques à la dernière maille, jusques à la dernière goutte de nostre sang, que ferions nous à quoi nous ne soïons tenuz et obligez? et dequoi qous n'aions tant de beauls exemples es histoires anciennes tant des estrangers, que de nos braves et vaillants prédécesseurs et ance^tres? Mais tant s'en fault qu'il faille désister, qu'au contraire puisque nous

voions ce qui les picqiie, c'est ce sur quoi nous nous debvons d'advantage évertuer. Car de respondre à ce qu'il dict, que j'en ai faict emprisonner et tuer aulcuns de cens qui ont contredict aus contributions, je ne pense pas qu'il soit besoing de leur respondre devant vous, Messieurs, qui cognoissez que ce sont évidentes calumnies, et qui sçavez que j'ai plus esté blasmé de ma trop grande doulceur et patience à tolérer plusieurs esprits malings, qui par leurs artifices et secrètes menées retardoient nos affaires, que je ne suis accusé de mon ennemi de ma rudesse. Que si ce qu'ils m'objectent estoit vrai, il y en a plusieurs qui parlent aujourd'hui bien hault, à qui on auroit bien couppé le filet : et toutesfois je ne me repen' point encores d'en avoir ainsi usé, et me resjouirai tousjours d'avoir plus tost voulu recepvoir un tort, que de l'avoir voulu faire, ne doubtant point que Dieu qui est juste juge, ne face tomber sur la teste de ces trahistres et desloiaus,qui mangeoientlepainavecq nous et estoient participants de nos conseils, et neantmoins à présent, sont en leur conseil, le salaire de leur meschanceté comme desja la vengeance les poursuit d'une inquiétude perpétuelle et agitation de l'esprit.

Quant à la négociation du S^ de Selles, laquelle a esté recognue plaine de tromperies et de dissimulations, c'est à vous, Messieurs, qui avez si prudemment descouvert ses fraudes, et qui lui avez faict cognoistre, que cens qui n'ont point vcu l'Espaigne ne sont pas pour cela des bestes comme lui et ses semblables l'estiment, c'est vous dis-je contre qui s'addresse ceste accusation. Je confesse que j'ai esté de mesmc advis que vous, qu'il ne le falloit croire non plus qu'un affronteur et trompeur, et qu'un instrument choisi pour mettre tout en division, à quoi me résoudre

— iô2 —

persone ne mV a tant aidé que lui niosme. Car ce qu'il me disoit que j'estoi tant en la bonne grâce du Roi, qu'il n'y a Seigneur de pardeça duquel il eust meilleure opinion que de moi, qu'il me vouloit tant emploier : me faisoit de plus en plus penser, qu'on eust bien eu affaire de ma teste, si j'en eusse voulu faire tel marché que cest Espaignolizé me vouloit persuader. Je confesse di^je que j'ai esté de l'opinion mesme que vous avez esté et avez tresprudemmenf résolu, à scavoir suivant l'exemple de ce sage capitaine, de boucher vos oreilles à ces Sereines d'Espaignc. Mais que dis-je que j'ai esté de cest advis? ces misérables qui ont consenti à cestc manldicte proscription n'y ont ils pas aussi résisté comme moi? les mesmes Magistrats qui ont faict publier ceste proscription, n'ont ils pas aussi rejette le Sieur de Selles et toutes ces bourdes ? Qui est assez suffisant pour respondre à ce qu'ils touchent du changement des officiers Catholicques : et pleust A Dieu que j'eusse eu le pouvoir, ou que par la précipitation d'aulcuns, je n'eusse pas esté cmpesché de procurer le changement par tout : car il ne seroit pas ensuivi un tel déluge des maus qii'on a veu à raison de la disjonction des Provinces, et lequel e^t à craindre qu'il n'accroisse de jour en jour à la ruine générale du pais : pour le moins j'espère si ces Provinces qui nous ont si lasrhement abandonnées ne se repentent d'une telle faulte, qu'elles sentiront personne n'cslre jamais mieus chastié pour un meschant conseil, que ceus qui l'ont premièrement donné. Et sur ce point je ne me mettrai pas en peine de respondre A ceste calumnie, que j'ai mis en charge lesdi( ts officiers par mon authnrité privée, veu que par tout ou j'aT assisté au changement de la Loi, j'y ai seulement exécuté la charge qu'il vous a pieu m'en donner, et comme voslre commis et

député, n'y faisant rien contre Ic^^ loix et privilèges. Bien confesserai je que j'ai cerché le plus que j'ai peu, à y introduire gens de bien, gens d'honneur, de bonne conscience, et surtout, amateurs de la patrie. Mais je sçai bien ce qui les point, c'est que je n'y ai pas volontiers favorisé ceus qu'ils avoientà leur cordelle, gens sans foi, sans pieté envers leur pais, gens sanguinaires, et esclaves de leur tyrannie. C'est, Messieurs, ce qu'ils appellent confusion , à scavoir le règlement de nostre republicque selon nos loix, lesquelles sont aussi contraires à leurs intentions barbares que le jour est à la nuict. Mesmement, Messieurs, il n'est grand besoin'g de respondre à telles objections, quand nostre propre ennemi y respond assez. Car quelz estoient ces officiers, desquels ils disent que nous nous sommes desfaicts? //s esfoi'ew? (disent ils) bien ajfectionnez an Roi, qui est autant à dire que bons ennemis du païs : et par cela. Messieurs, vous entendez que c'a esté tresbien faict de les changer en plusieurs endroicts. Ils me reprochent le grand crédit que fai entre le peuple. Tant s'en ftmlt que j'en aie honte, que je suis bien marri que je n'en ai encores davantage, c'est à dire que je ne sçai bien leur persuader ce que je leur ai si souvent mis en avant tant de bouche que par escrit : car il y a longtemps que j'auroi avec l'aide de Dieu nettoie le païs de ces ordures d'Espaigne. Mais s'ils sont tels qu'ils se disent, et je suis tel qu'ils me descrivent (car. pour leur faire plaisir je leur veuil accorder ce point) il fault nécessairement qu'ils confessent leurs tyrannies et cruautez avoir esté excessives en toutes sortes pour avoir encourru une haine universelle de tout le peuple, qui leur estoit auparavant si affectionné, et a esté si loial à leurs prédécesseurs et à eus mesmes avant tels excès commis. El au contraire, si le peuple m'a choisi voluntairc-

ment pour estre asscrteur de sa liberté, que peult on dire aultre chose? que diront les nations estrangos? que dira la postérité, sinon que le peuple a jugé qu'il y avoit quelque chose en moi digne de faveur et amitié ? et en eus quelque chose digne d'une extrême haine? Je leur confesse doncq que je suis et serai toute ma vie populaire, c'est à dire que je poursuivrai, je maintiendrai, je défendrai vostre liberté . et vos privilèges. Voiez comment ces sages cerveaus sont despourveus de sens commun, et comment lors qu'ils me pensent blasmcr ils me louent. Il est vrai qu'estans cincq ou six testes maladvisees ensemble, ennemies de vostre liberté, desquels les conseils, pensées et sécrétées cogitations sont toutes tendues à cercher les moiens de vous assubjectir à leur tyrannie, qui seroit plus cruelle, et pour le moins plus indigne et plus servileque n'estoit l'EspaignoIlc. Ils mesurent la cervelle de tout le monde à l'aulne de leur entendement, et pensent que chascun trouvera mauvais ce qu'eus jugent estre tel : mais quand le tout sera poisé en la balance commune, alors ils trouveront qu'ils se sont grandement mescomplez. Car celui qu'ils jugent indigne de vivre pour servir au bien de la chose publicque (car qu'est ce aultre chose le bien publicq que le bien du peuple?) ils le rendront par leur folie d'aulUmt plus honoré, que le peuple estimera d'advantage celui qui le maintient , que celui qui le veull oppresser.

Je ne puis aussi assez m cshahir de ce (piils ont oublié rc que tant de petits mauvais escrivains ont menti en leurs ineptes libelles diffamatoires, que je hai la Noblesse. Car cx)mmencerai je ce^te haine par moimesnie, mes parents cl amis, qui sommes (Dieu merci) touts de race noble et illustre, et si ancienne et de telles richesses et dignitez, que je

— iô5 —

ne crain' pas que plusieurs de mes ennemis puissent à bon droit se préférer à nous, et s'en trouvera peu qui nous puissent egaller. Mais l'expérience a monstre si je ne fai pas ce qui est en ma puissance pour l'avancement des nobles. Qisc si j'ai de longtemps preveu qu'aulcunes testes ambitieuses qui nous ont depuis délaissez, se vouloient emparer de gouvernements et charges, pour abandonner par après le païs, et faillir à leur serment : si j'ai dis-je cognu leur légèreté, vanité, et inconstance, leur affection tendante à la tyrannie, pourtant je ne les ai voulu favoriser, et par ce moien j'ai aidé à conserver la meilleure et plus grande et plus saine partie de nostre estât, je n'ai pas pour cela haï ou mesprisé la noblesse, mais j'ai voulu par bon conseil venir au devant de la ruine du païs, qui eust peu ensuivre. Si leurs pères qui estoient plus sages, plus vaillants et plus vertueus qu'ils n^sont, et avecq lesquels j'ai vescu en si bonne amitié, si dis-je ils vivoient encores, ils mourroient de desplaisir, voiants une race forlignance de la constance et vertu de leurs ancestres, qui ont vescu si honorablement et sans reproche : s'ilz veoient dis-je qu'il n'y a aujourd'hui païs ausquels ils ne soient tenus pour gens inconstans et grans marchants : s'ils veoient mesmes les Espaignols ausquels ils servent, le Cardinal qui est leur pivot, sur lequel tourne leur moulin, jouer d'eus comme à la pelotte, en faire comme des enfans, les mener par le nez comme bestes, et les entretenir jusques à ce qu'il soit tempsde redemander ses statues, instruments, tappis, et aultres meubles qu'ils ont desrobez, et jusques à ce qu'ils soient assez en bon poinct pour estre menez à la boucherie, ainsi que mesmes il appert par ses propres lettres escrittcs de sa propre main que vous avez veues, Messieurs, et recogneues.

Et d'aultant que mon tniiomi comme s'il se dosfioit de son aulhorité, et qu'il fust en double si la pesanteur de ses tiltres seroit suffisante pour m'accabler, vient encores à y vouloir conjoindre celle de l'Empereur, et d'auleuns de Messieurs les Electeurs Ecclesiasticques , disant qu'ils auroient proposez articles si raisonfiahles que tout homme de bon jugement les juge estre tels. Il jie sçauroit en un mot , Messieurs, mieus dire que vous. Que dis-je vous? mais touts les habitans de ces païs qui ont dune voix rejette lesdicls articles comme impertinents, captieus et desraisonnables : tstes sans jugement et despourveus de raison. Mais à qui feront ils croire qu'un peuple battu de si longue guerre (qui ne peult estre sans un million d'inconvenicns) j*ejette une paix si elle est raisonnable? que des bons, voire trop bons subjects, et trop patients, refusent de s'accorder à leur supérieur, sinon quand ils voient que tels accords sont amorces pour les surprendre? telle paix est pire que guerre? et que le dous miel d'une langue est plus à doubler que le fer acéré des glaives? Il peult estre que l'Empereur qui estime une lelle condition et estât estre propre en ses terres patrimoniales, a opinion qu'elle seroit aussi propre pardeça. L'empereur est adverti de nostre estai par nos ennemis, par les Irahistres qui estoient parmi nous, et qui souIjs rouverfure de légation à Cologne essaioient de ruiner vos affaires : l'Empereur informe les aultres Princes, qui s'y reposent estimants ce qui vient de ceste part, estre oracle. Mais vous, Messifurs, quicognoissezle fond de l'estiitde ces païs, les commoditez,ou incommoditez, les vraies causes du maintien ou de la ruine d'icelui, qui y avez à perdre, qui estes obligez par tous droits à la conservation d'iceus, en avez jugé aullrement : tout le peuple en a esté consulté, le peuple unanimcnl a re-

jette telles conditions comme par trop desraisonnables, et non en une ville seule, mais en toutes. Il est vrai que nous avions supplié la Majesté Impériale, le Roi de France, la Roine d'Angleterre et Roi de Portugal, d'intercéder pour nous aflîn qu'on nous accordast une bonne paix. Mais prendre cela comme si nous nous estions submis à eus nous ne pensons pas qu'aulcun homme sage le pense.

Et quant à la défense qu'ils disent avoir esté faicte de la publication desdicts articles, vostre patience et debonnaireté debvroient plus tost estre grandement louées, quand vous n'avez point faict punir exemplairement ceus qui ont esté si téméraires de les publier sans vostre congé. Et tant s'en fault que nous aions craint qu'ils fussent communicquez et divulguez, qu'au contraire on les a faict imprimer avecq les déclarations de leur nullité, et ont esté envolez par toutes les provinces et villes pour estre délibérez, et pour avoir l'advis et resolution de tous , comme vous l'avez raportee uniforme : mais il y a beaucoup à dire si quelque chose se communique par ordre, par voie de droit, et par l'authorité de ceus qui en ont puissance, ou bien quand de petits espions sèment à la desrobbee parmi le peuple des livrets, quand aulcuns de ceus qui estoient envoiez à Cologne pour vostre service, font courrir soubs main ce qu'ils avoient négocié avec l'ennemi, auquel ils vous Irahissoient et la patrie, comme il appert plus amplement par leurs propres lettres, dequoi je ne parlerai plus avant, d'auUant que le tout est mis en lumière, et est à la veuë d'un chascun.

Ils trouvent merveilleusement maulvaise l'union des provinces faicte à Utrecht. Pourquoi? car tout ce qui nous est bon leur est mauvais, ce qui nous est salutaire leur est mortifère. Ils avoient mise toute leur espérance surunedesu-

nion : ils avoient practiqué quelques Provinces qui ont autant eu de conseils qu'il y a de mois en l'an : ils avoient à leur dévotion quelques pestes qui estoient entre nous. Quel remède pouvoilon inventer meilleurà rencontre de des-union, «ju'union? et quel antidote plus certain contre leur \enin de discorde, que concorde? au moien de quoi leurs desseings, leurs trames, leurs conseils nocturnes, leurs secrètes intelligences ont' esté en un moment dissipées, monstrant Dieu, qui est Dieu de paix et de concorde combien il a en abomination ces langues frauduleuses, et comment il peult facilement renverser telles faulses et abominables entreprises. Volez, Messieurs, que je leur donne un beau cbamp de crier, de se tempester. Je leur confesse que j'ai procuré l'union, je * Tai advancée, j'ai estudié à l'entretenir : et vous di'. Messieurs, encores, et le di si hault, que je suis content que non seulement eus, mais aussi que toute l'Europe l'entende. Maintenez vostre union, gardez vostre union : mais falotes, faictes. Messieurs, que ce ne soit pas de parolles, ni par escrit, mais qu'en effect vous exécutiez ce que porte vostre trousseau des flesches liez d'un seul lien que vous portez en vostre seau. Aillent maintenant et m'accusent d'avoir tout mis en confusion quand j'ai procuré l'union, pour lequel faict je ne rougirai jamais. Car si soubs l'umbre d'une paix ilz nous tramoient une division, s'ils s'assembloient tantost à Arras, tantost à Mons, en nous donnant tousjours de belles parolles, et ce, pour se desjoindre, et attirer à leurs cordi^lles des esprits légers semblables à eus : pourquoi ne nous estoit il licite de nous joindre et lier de nostre part? Sinon <]ue peult pstre ils pensent leur estre permis de mal faire, et abandonner le pa'is, et quand? quand Maestricht est assiégé (ne sentirez vous point paovres gens quand vous lirez

ces choses, le cautère qui vous bruslera la conscience?) et à nous il n'estoit loisible à lors de bien faire, et de garantir le païs. Apprenons doncq, Messieurs, ici ce qui nous est litile et nécessaire, et l'apprenons du plus grand ennemi que jamais ait eu le païs , et du plus grand tyran de la terre.

Ils m'objectent après un horrible crime et digne de ceste plusque Sillane et Carboniane proscription, c'est que je n'estoi sorti d'Anvers de deux ans, et que je suis allé à Utrecht. Il est bon à veoir qu'ils sçavent bien ce que je fai, comme si à leur tresgrand regret, en ces deux ans je n'ai voiagé par deux fois en Flandre, ou avecq l'aide des quatre membres, j'ai mis meilleur ordre audict païs qu'ils ne vouldroient. Or bien, posons que je ne soi sorti de deux ans d'Anvers, ne seroit ce pas un grand crime, de m'estre tousjours tenu près de vous pour* vous servir en tout ce qu'il vous a pieu me commander? Mais je suis ailé à Utrecht. Voici, Messieurs, le mal, voici l'aposteme : car c'est ce voiage qui les navre jusques au cœur. Ils avoient desja faict si sagement leur project, ils avoient mis un si asseuré fondement à leurs affaires, ils s'y plaisoient tellement, ils en escrivoient à leurs amis, ils tenoient entre leurs mains tant de païs et tant de gouvernements, ils avoient tant escrit de lettres , tant de subornations, tant de practicques mises en avant : et venant seulement me présenter à Utrecht avecq la bonne assistence et conseil de Messieurs les députez des provinces , voilà ce grand brouillard escarté, tant de citadelles qu'ils avoient réservées pour leurs tyrannies abbatues, tant de nos villes asseurees,ne leur restant pour tout aultre chose qu'une seule ville d'importance, en laquelle estoit le chef de l'entreprise, laquelle encores il ne sceust mettre à sa dévotion, sinon par un meurdre abominable de celui qu'il appelloit son pcre,qui

avoitesté le seoir assis à sa table, Taiant traictc comme un Judas soubs un fauls baiser. Voila, Messieurs, ce qui les faict crier si hault, voilà l'Helene pour laquelle ils combattent.

Et quanta ce qu'ils m'objectent que/at dechassez aulcinis Ecclesiasticqtics, Vous sçavez. Messieurs, qu'il n'est véritable. Mais quand leur chef qui est dedans Groeningen eut prins prisonniers cens de la religion, massacré aulcuns, voire le propre Bourgemaistre, le tout contre son serment, aiantau paravant introduit et juré le Religions-fried, aiant solennelUmentet avec serment et signature confirmé Tunion d'Uirecht : qui trouvera estrange si les nostres se sont voulus asseurcr de leur part, puis qu'ils voioient les ennemis sans aulcunc révérence à leur serment, foullants aus pieds toutes choses saintes et sacrées, avoir avec* telle reproche perpétuelle pour eus et leur race violé tout ce qu'il y a de reste en ce monde de justice et équité? Et pour le moins ne nous peult on reprocher, que parmi tels troubles suscitez par nos ennemis mesmes , jamais les nostres soient venuz à ce comble d'injustice, d'avoir trempé leurs mains au sanp; de leurs confcderez, et de ceus qui s'asseuroient sur leur fidélité, ccque leurs chefs ont faict,voire de leur main propre.

Quant aus nobles qu'il dict estre retirez hors du /)«?.«?, qui est ce qui jamais en a chassé un seul? Mais si les terreurs de leurs propres consciences les ont poursuivi, et qu'ils aient esté vexez par leur propre sentiment, lequel comme des furies infernales les a chassez de place en place : qui en doibt estre accusé sinon eus mesmes, qui ont machiné desloiallcment la ruine de leur propre patrie? Et pleust à Dieu que plus tost ils eussent trouvé ccste porte, et que ceus qui restent épris de semblable forcenerie

leur marchassent sur leurs talons. Ils nous delivreroient de grande peine, et la republicque de crainte, que quelque jour ils ne mettent à exécution leurs pernicieus desseings.

C'est une chose ridicule de ce qu ils m'appellent //?//)ocrûe, qui n'ai jamais en leur endroit usé de dissimulation. Car leur estiintami je leur ai predict franchement qu'ils filoient la corde de leur ruine, prenants ces chemins barbares de persécutions. Et si leur rage et passion desmesuree conjointe avec un mespris de nous ne les eust empeschez de suivre mon conseil, ils n'auroient pas esté conduits au point auquel ils se trouvent. Quand je leur ai esté adversaire et ennemi pour vostre liberté, je ne sçai quelle hypocrisie ils ont trouvé en moi, s'ils ne veullent appeller hypocrisie, leur faire guerre ouverte, leur prendre villes, les chasser hors du païs, et leur faire sans dissimulation ce que le droit t de la guerre permet. Mais s'il vous plaist. Messieurs, relire ma défense que j'ai publiée y a treize ans , vous y verrez des lettres d'un Roi trompeur et hypocrite qui me pensoit surprendre par les laqs de ses lettres doutes et décevantes, comme il pense à présent m'estonner par ses menaces et tonnerres de paroUes. Ma^is Dieu merci j'ai de la contrepoison contre l'un et l'aultre venin.

Il vient par après amplifier par un grand amas de parol- Ics ineptes, que je me fonde sur une diffîdence. Quand je le feroi, seroi je pour cela semblable à Cain et à Judas comme il m'accuse? Car c'est aultre chose se deflier des promesses et de la grâce de Dieu, qui ne peult mentir, et aultre de ne croire aus parolles d'un homme trompeur, decevable, qui ne tient foi ni loiaulté, comme les paovres Morisques de Grenade en pourroient trop parler, comme la mort des Sieurs Contes d'Egmond et Hornes de bonne mémoire en donnent

preuve suffisante. Mais si ces bons Théologiens tels qu'est le Cardinal l'un des fondements de son Eglise, avoient bien sondé la vraie cause et prochaine de la cheute et ruine de Judas et Gain, ils trouveroient que c'est desespoir, où par la grâce de Dieu je ne suis réduit, et espère ne l'estre jamais : au contraire si on regarde aus termes prodigieus et fiilminatoires de ceste proscription bai'bare et plus que turquesque, n'y trouvera on pas le style des désespérez, tels que nous oions les poètes introduisans des enragez et forcenez. Eus doncq ont la conscience cautérisée d'un Judas, eslonnee d'un Cain, et réprouvée d'un Saul. Toutesfois voiez. Messieurs, la grande prudence de ces sages testes. La diflidence disent ils est chose ordinaire à tous meschants. Mais je parle à toi Cardinal qui as tant perdu de temps, aus escoUes, si tu n'appelles apprendre, estre des sa jeunesse instruit à mentir et tromper. Je te demande doncq , que respondras tu au plus nerveus de louts les orateurs, plus sententieus, et plus amateur de son pais , qui dit (comme j'ai entendu des ma jeunesse de tous les doctes) que la plus grande forteresse que peult avoir un peuple libreconlre un tyran, est la diffidence? etestoit ce propos addressé contre un aultre Philippe qui n'estoit qu'un petit escoUier de tyrannie, au pris de Ion Don Philippe qui surpasse tous les aultres, et duquel nulle Philippicque est assez digne, non pas mesmes celle qui est appellee divine. Tu y adviseras, et ce pendant je dirai, j'escrirai, je ferai graver par tout ceste belle sentence digne d'éternelle mémoire, et plaise à Dieu que je soi mieus creu que ne fust ce bon orateur par son peuple lequel se laissant amuser à des gens semblables à toi et aultres petits brouillons, qui sont à ta poste et qui ont leurs langues et plumes vénales, furent finallement accablez et ruinez de fond en

comble. Mais j'espcre chose meilleure, Messieurs, de vostre constance et magnanimité.

Et comme les bons orateurs gardent tousjours sur la fin quelque raison forte ou poignante, et que les bons chefs laissent des meilleurs soldats aus derniers rangs, ainsi ces hommes sçavants et tant exercez viennent à la fin pour m'accabler de la pesanteur d'une grande et énorme reproche. On m'a (disent ils) présenté des tresgrands advmitages, affin que je me retirasse au lieu de ma naissance [ou chascun do ibt désirer vivre le plus) ausquelles je nui voulu entendre. Qu'est ce, Messieurs, qu'ils pouvoient dire qui fust plus à mon advantage? considérez leur sottise ou impudence, car il faut ou qu'ils parlent impudemment, ou tant sont pourveus de bon sens qu'ils me louent en me pensants blasmer. // est douls à un chascun de vivre en son pais. Pourquoi doncq caste mauldicte race d'Espaignols va elle de païs en païs tourmenter tout le monde ? Mais si pour tant d'obligations que je vous ai, je préfère vostre service comme je doi au païs de ma naissance, suis je pour cela trahistre et meschant, et peste publicque du monde? Et neantmoins vous sçavez,que depuis l'aagedeunzeà douze ans j'ai esté nourri entre vous,et non ailleurs, tellement que ce païs m'est passé en nature. Si doncq ils m'ont faict des promesses, si ils m'ont présenté comme ils disent tresgrands advanlages,et neantmoins je les ai refusez, que peuvent ils condamner sinon ma constance et fidélité envers Dieu et envers le païs, que j'ai préférez à tous les biens du monde? Ne pensez pas. Messieurs, que j'aime tant d'estre perpétuellement en travail et labeur, ouïr tant de mesdisances et detractions de la part de mes ennemis, et plus que je ne \ouldroi de cens qui me doibvent estre amis et me sont obligez : estre si long temps privé de mes biens,

veoir mon fîlz si longuement détenu en prison cruelle, mo veoir chargé de dobtes infinies, et pouvoir mettre fin à tant de difficultez : que je ne ressemble aus aultres hommes de la terre, qui tous préfèrent le repos au travail, et la prospérité' ausafllictions. 3Iais quoi? si je ne puis obtenir tels biens et t^int heureuse condition sans vous trahir, sans vous abandonner, sans vous exposer (en tant qu'en moi seroit) enproiV entre le^ dents de ces loups sanglants : que le reste du monde me pardonne (car je sçai que vous m'approuvez et que je n'ai besoing d'excuse envers vous) si je ne y eu il m pour les biens, ni pour la vie, ni pour femme, ni pour enfants mesler en mon breuvage une seule goutte du venin (!<• trahison. Mais tant qu'il plaira à Dieu me donner une goutte de sang, un seul déni» r de mes biens, un peu de sens, industrie, crédit, et authorité, je l'emploierai, je le dédierai, je le sacrifierai à vostre service. Cependant puis qu'ils me reprochent telles (hoses, encores vous dirai je, Messieurs, qu'ils ne l'ont point faict sans emprunter selon leur bonne coustume sur la vérité. Car jamais telles offres qu'ils disent ne m'ont esté faictes : non que je n'aie bien esté adverti et seurement , que je n'eusse rien sçeu demander pour mon particulier, qu'on ne m'eust accordé : qu'on vouloil promettre de mettre mon fils en liberté, lui laisser touts mes estais, m'assigncr en Allemaigne autant de bien (jue j'en ai, tant celui duquel je jouï que celui qu'on me délient, m'acquiter de mes dcbtes qui sont tresgrandes, et me donner comptant un million, et de tout, bonnes asseurances. Cesonl, Messieurs, de belles offres, et n'a pas tant cousté à faire tourner ceus qui se sont retirez d'avêcq nous. Mais tant s'en fault que telles conditions m'aient esté présentées, qu'au contraire jamais ni par lettres de l'Ambassadeurde l'Empereur, ni par ses menées envers aulcu'ns de mes serviteurs et d'aul-

(•uns de mes proches parents, ni par les lettres des Commissaires, on n'a seulement sçeu gaigner sur moi ce point, à sçavoir que j'envoiasse articles particuliers et en mon nom, ains j'ai tousjours respondu qu'accordant la paix au pais comme vous. Messieurs, la demandiez, j'estoi satisfaict, ne voulant avoir autre condition bonne ou mauvaise que la vostre, et que je n'entendoi ni directement ni indirectement me séparer de la cause commune, de laquelle je jugeoi dépendre mon mal ou ma félicité. N'est ce pas un grand blasme de reprocher à un homme qu'il est homme de bien ? loial, constant et asseuré contre les vents de promesses, aussi bien qu''il est par la grâce de Dieu contre les flots des menaces?

Jusquesici, Messieurs, vous avez ouï les accusations, ou plustost injures, mesdisances, et calumnies qu'ils ont assemblées contre mon honneur et ma réputation, ce sera à vous ausquels seuls je me s'en obligé à raison de mes biens, de leur qualité, et principalement de mes serments, d'en juger comme il vous plaira, ne refusant point si je suis trouvé coulpable de recepvoir punition. Mais si ce que j'espère vous jugez que je suis accusé par tyrans et calumniateurs : lors j'estimerai avoir tresbien emploie mon médiocre service, toutesfois tresloial et tresfîdele.

Or donc. Messieurs, sur ces fresles et infirmes fondements ils viennent bastir la sentence de leur proscription, et ici ils desploient toute leur tragique éloquence, ils tonnent, ils fouldroient, ils tempestent, ils font comme ces Chorebes ou furies es théâtres, dardants toutes paroUes exécrables et destrempees dedans le Cocyte, Styx,et Acheron, contre ce paovre chef. Mais cela Dieu merci m'estonne tout aultant que faisoient les fulminations du Pape Clément lancées du mont Tarpee contre mon prédécesseur Monsieur le prince Philibert, qui ne laissa pour cela de le faire son prisonnier. Car

après que j'ai regardé es environs de moi, je trouve que sont vents de paroUes, bruicts pour espouvanter dos enfants, et non pas un homme qui n'a point par la grâce de Dieu perdu courage pour les bruits de tous leurs canons, quattre vints mi! soldats commandez par le Duc d'Alve, tant d'armées de' mer, tant de trahisons dudict Duc, de son successeur, ni auparavant eus de la Duchesse de Parme : et toutesfois c'est bien chose plus effroiablequ'un bruict vain d'un tel tonnerre, qui s'esvanouist aussi tosl et ne blesse personne. Et me suffist en un mot dédire devant vous. Messieurs, et devant toute l'Europe, que tout Espaiiinol ou Espaignolisé de quelque qualité et condition qu'il soit, sans respecter aulcun, qui a dict ou dira comme ceste infâme proscription le publie, qu<' je suis Irahistre et meschant, a parlé foui sèment et contre venté. Cependant qu'ils me défendent tant qu'ils vouldront l'eau et le feu, je ne lairrai avec mes amis en despit de leur rage vivre tant qu'il plaira à Dieu m'en faire la grâce, lequel seul a en sa puissance ma vie et ma mort, et a comptez touls lescheveusde ma teste, duquel j'ai senti jusques à présent grande faveur et assistence, et espère qu'il me conservera jusques A la fin. Quant à mes biens que je possède, lesquels il donne(car encores ici il est si bon mesnager qu'il ne veult rien donner de ce qu'il m'a ravi) j'espère Dieu aidant, qu'il leur coustera si cher à les avoir, qu'ils en achaptrront ailleurs à beaucoup meilleur marché. Quant aus aultres qu'ils me détiennent, j'espère, que Dieu me fera la grâce, que je les en déposséderai aussi bien que j'ai faict d'une bonne partie, et que jamais ils n'ont ravi biens à paovre Prince, ores qu'ils en aient despouillé plusieurs, qui leurpoisent d'advantage.

Il promet xxv. mil escus, ou en fonds de terre ou en de-

niers comptans à celui qui me rendra entre ses cruelles mains mort ou vif, ou à celui qui m'ostera la vie. Mais ores qu'il n'en ait point faict de publication jusques à présent, pense il que je soi ignorant, combien de fois lui et les siens ont faict marché avecq les assasineurs et empoisonneurs pour m'oster la vie? Et si Dieu m'a faict la grâce de me pouvoir conserver, lors que je n'estoi adverti : j'espère aussi qu'il ne me vouldra faire moins de faveur à présent, que je le suis : ains comme j'ai plus grande occasion de prendre garde à moi, aussi qu'il suscitera plusieurs gens de bien, qui veilleront pour ma seureté. Mais ores que je ne cognoi au monde impudence effrontée qui soit à comparer à celle des Espaignols, toutesfois je ne me puis assez esmerveiller qu'ils ont esté si invereconds, d'oser publier devant toute l'Europe, non seulement qu'ils mettent à pris un chef libre et francq, qui ne les a jamais Dieu merci redoublez , mais qu'ils y adjoustent encores telles recompenses, si barbares, et si esloi- , gnees de toute reiglc d'honnesteté et d'humanité, à sçavoir en premier lieu qu'ils anobliront celui qui aura faict un acte si genereus, s'il n'estoit noble. Mais je vous prie quand celui qui auroit exécuté un si meschant acte (ce que j'esperc Dieu ne vouldra permettre) seroit de race noble, pensez vous qu'il y ait gentilhomme au monde , je di' entre les nations qui sçavent que c'est de noblesse, qui voulust seulement manger avecq un si lasche, si meschant et si scélérat, qui auroit tué pour argent un homme, voire le moindre et le plus abject qui se puisse trouver ? Que si les Espaignols tiennent telles gens pour nobles, si tel est le chemin de l'honneur en Castille : je ne m'esbahi plus de ce que tout le monde croit la plus grande part des Espaignols, et principallement ceus qui se disent nobles, estre du sang des ^lar-

rans et des Juifs, et qui tiennent ceste vertu de leurs ancestres, qui ont faict marché à beaux deniers comptants de la vie de nostre Saulveur : ce qui me faict prendre plus patiemment ceste injure. En second lieiî, Ils lui pardonnent tout delict et for fa ici, quelque grief quil puisse estre. Mais s'il avoit arraché la Religion Chrestienne de Tun de ses Roiaulmes? s'il avoit ravi sa fille? s'il avoit mesdict de l'Inquisition, qui est le plus grand crime qui soit en Espaigne? Or puis que mon ennemi vouloit tant s'oublier, que d'attenter sur mes biens, sur ma vie et sur mon honneur, et pour avoir plus de tesmoings de son injustice et foUies, de le publier ainsi par tout le monde, et en tant de langui s : je n'eusse peu d<'sirer pour mon tresgrand advantage, qu'il eust enrichi sa proscription d'aultres ornements que cens ci : à sçavoir danoblir pour me tuer, non seulement des villains et infâmes, mais aussi des plus meschanles genls et des plus exécrables de la terre, et donner telle recompense et si honorable à une tant insigne vertu. Car qu'est ce qu'il pou>oit trouver plus propre pour vérifier ma justice, que vouloir m'exterminer par tels moiens? que vouloir par tyrannie, empoisonnements, remission de crimes énormes, anoblissement de meschants, opprimer le défenseur de la liberté d'un peuple vexé cruellement et tyrannicquement? Je ne double, Messieurs, que Dieu qui est juste, ne lui aist, et aus siens osté l'entendement, et qu'il n'aist permis qu'il apprestast à tout le monde matière pour eognoistre son cœur envenimé contre ce païs et contre nostre liberté, d'aultant ((u'il n'estime rien tout acte, quelque meschant et détestable qu'il puisse estre, au prix de la mort de celui qui vous a servi juscpics à présent et si fidelemc nt. El encores il n'a point de honte de mesler en tels sacrilèges le nom de Dieu se disant son Ministre!

Le ministre doncq a il ceste puissance, non seulement de permettre ce que Dieu a défendu : mais de le guerdonner de pris d'argent, de noblesse et remission de crimes? etde quels crimes? de tous crimes quelques griefs qu'ils puissent estre. Mais je ne doubte, que Dieu par son tresjuste jugement ne face tomber la juste vengeance de son ire, sur le chef de tels ministres, et que il ne maintienne par sa grande bonté mon innocence et mon honneur de mon vivant et envers la postérité. Quant à mes biens, et à ma vie, il y a long temps, que je les ai dédiez à son service , il en fera ce qu'il lui plaira pour sa gloire et pour mon salut.

Et d'aultant. Messieurs, qu'il vient aussi dériver les esgouts de ceste infâme proscription sur vos testes, tant s'en fault que vous debviez vous en esmouvoir, que plustost vous debvriez penser, qu'en cela l'Espaignol et ses adherens suivent le naturel des femmes, lesquelles après avoir pleuré et mors, pour dernier remède viennent aus injures, ainsi vostre ennemi rend maintenant ses derniers abbais : et si nous lui faisons preuve de nostre constance, resolution et magnanimité, le voilà au bout de ses misérables entreprises. Car un Sylla, un Carbo, un Marins, un Antoine, et tels aultres tyrans, premiers pères de ces proscriptions abominables, n'ont pas donné aus Espaignols exemple de faire telle sottise et impertinence, ores qu'ils aient tracé l'exemple de cruaulté et barbarie, que ces misérables ont accompli : mais ils proscrivoient cens qui estoient fugitifs , chassez , cachez, et dedans les pais esquels ils avoient puissance. En cela ceus ci les rassemblent, c'est à dire en cruaulté, qu'ils proscrivent les gens de bien, de vertu, et d'honneur : mais en ce poinct sont ils sots et ineptes qu'ils proscrivent celui qu'ils doibvenV combattre à main armée. Car d'envoier un empoisonneur,

— loO —

comme ia Duchesse de Parme a envoie, ou depescher un massacreur comme son fils héritier universel des vertus de ses ancestres, ce n'est pas Teffect d'une proscription, mais d'un brigandage.

Voila, Messieurs, non pas ce que je pouvoi dire contre ceste tyrannicque proscription, mais ce que j'ai estime convenir en ce temps, parlant à vous qui avez la cognoissance de plusieurs choses que j'obmets, parce qu'elles vous sont cognuës : et d'aultant si je vouloi entreprendre de dire les particulières entreprises du Roi et de ses principaus ministres, j'entreprendroi ce que nul orateur ne peult assez dignement descripre, voire mesmes nul homme de bien ne pourroit jamais concepvoir, tant est grande leur cruaulté, tyrannie, et toutes sortes d'injustice. Toulesfois j'espère tant parce que contient ceste proscription, suffisant tesmoignage de leur cœur par trop bas et abject, que par ma rcsponse vous cognoistrez assez, quels sont leurs pernicieus et misérables desscings : et de ceste cognoissance vous apprendrez aussi à quoi il est nécessaire que vous aiez l'œil et entendiez diligemment. C'est qu'ils d'esespcrent de vous pouvoir vaincre par la force, et pour tant ils essaient de semer division entre nous, magnifiants premièrement cens qui non seulement nous ont abandonnez contre leur serment, mais en temps perilleus, l'une de nos villes estant assiégée, de laquelle ils ne peuvent faire aulcune plainte ni alléguer leur prétexte accoustumé, et mesmes (qui est le comble de toute desloiaulté) au mesme temps nous viennent assaillir par aulires endroits. Les menaces adjoustees en ceste proscription ne tendants à aultre fin sinon de vous estonner pour vous séparer d'avecq moi, faisants par tout monstre, que c'est à moi à qui ils font la guerre et non à vous, ainsi que le loup

vouloit persuader aus brebis qu'il n'avoit la guerre qu'aus chiens, lesquels estants desfaicts, il accorderoit aisément avecqletrouppeau,ear ces chiens estoient tousjours autheurs de la meslee. Mais, Messieurs, quand j'ai esté absent, quand je me suis retiré en AUemaignc, ne brusloit on plus ? n'espandoit on plus de sang? ne noioit on plus? la liberté estoit elle maintenue par ce dous personnage le Duc d'Alve? N'a ce pas esté lors que malheureusement on faisoit mourir en Espaigne, vos ambassadeurs, Messieurs de Bergues et de Montigni? N'estoit ce pas le temps auquel on presentoit à vos yeus sur des lances les testes de vos principauls chefs et gouverneurs? L'aultre point qu'ils se proposent le plus, est l'extirpation de la Religion. Ici, Messieurs, je n'entrerai point en ce débat qu'elle est la vraie Religion, en laquelle Dieu est vraiement servi et invoqué et selon sa parolle : laissant cela à remonstrer à d'aultres plus exercez que moi en ceste matière, aussi que chascun peult cognoistre ce que j'en croi par ma profession. Maisjiien vous dirai je que Testât de vostre païs,est tel que sans ledict exercice il ne peult consister trois jours. Vous voiez le nombre miraculeusement accreu, la haine contre le Pape s'est enracinée au cœur de tous les habitants du païs, pour ce que manifestement on a' descouvert ses damnables practiques contre tout cest estât. Qui est ce doncq qui pourra se vanterd'aimerlepaïs, et conseillera qu'on chasse un tel nombre de peuple, lequel se retirant laissera le païs désert, paovre et chetif? peuplera et enrichera les estrangers? Mais quand ils ne vouldront sortir, qui est ce qui les pourra contraindre de le faire? Jetions l'œil sur nos voisins, considérons nos propres exemples, et si nous ne sommes du tout insensez, jamais nous ne choisirons si pernicieus conseils qui ruineroient cest estât de fond en comble.

Je vous dirai, Messieurs, encores d'advantage, ores qu'entre ceus qui suivent l'Eglise Romaine y ait plusieurs gens de bien et amateurs du païs, et entre eus aulcuns qui se sont treshonorablemcnt acquitez : toutesfois ceus de la Religion ont ceci d'asseuré, qu'on ne trouvera aulcun d'entre eus qui ait intelligence ni practicque avec l'ennemi, ains tous universellement lui sont contraires. Et combien qu'aulcuns se soient trouvez entre eus, lesquels ressemblants aus enfants mièvres et insolents, aient donné par leur imprudence des aff^iires en la maison : toutesfois ils n'ont eu pour cela aulcunc intelligence avecq l'ennemi conjmun. Puis doncq. Messieurs, que vous cognoissez leur desseing, il ne reste aultre chose sinon d'y remédier, et comment? c'est que vous accomplissiez par effect ce que vous avez tousjours en la couche, et ce que signifie la marque de vos flesches que vous avez voulu estre gravées en vostre seau, à sç^ivoir que nul membre de ce beau corps regarde à ce qui lui est propre, mais au corps tout entier, qu'une partir du corps n'attire à soi la viande qui est préparée pour le gênerai, mais qu'elle permette que restomach qui est le conseil que vous ordonnerez la digère et envoie par les veines à touts les membres de cest estât, et principallement ou se présentera quelque maladie, que promplement les médecins y soient envoiez, que les patients endurent pour un temps, et ainsi sentir par après une joieuse délivrance de leur mal. Sera ce point une reproche à jamais sur nous, si aiants un si bel estât en main, les moiens si beaus, par une misérable avarire cl cupidit»'; d'attirer à nous quelques commoditez au préjudice de nos eompatriots, les uns tirants d'un costélesaultres d'un aultre, nous nous trouvons en un instant accablez par nos ennemis mortels? Aiez souvenance. Messieurs, de la trcsgrande dimi-

"notion de cest estât qui advint après lo mort du Duc Charles, laquelle n'advint pour aultre chose sinon d'aultant que les })rovinces s'amusants à débattre les unes contre les aultres pour quelques privilèges prétendus, pour quelques commoditez, le reste fust abandonné. Ne pensez pas qu'il soit en ma puissance, estants les affaires en tel estât, de résister long temps avecq si peu de moiens, que vous sçavez, Messieurs, que j'ai eus en main. Mais au contraire si j'ai quelque expérience au faict du gouvernement et de la guerre, si je cognoi ce païs, et les moiens de l'ennemi, quand toutes ces armées qui ja nous menacent d'Espaigne et d'Italie pour l'année suivante, nous viendroient sur les bras, ils feroient aultant et beaucoup moins que le Duc d'Alve a faict en Hollande et Zelande : et s'il est en vostre puissance d'y donner ordre, comme il est, et neantmoins vous ne le faictes, comment appellera on ceste faulte si elle est commise par vous, Messieurs, qui estes ici assemblez , sur lesquels se repose tout ce bon peuple qui vous estime comme leurs pères, leurs protecteurs, et lesquels embrasseront comme une nouvelle envoiee du ciel un bon ordre si vous l'arrestez? Aiez donc([ pitié de vous mesmes : et si ce qui vous touche ne vous esmeut, aiez pitié de tant de paovre peuple destruit, de tant de paovres veufves et orphelins, de tant de meurdres et carnages faicts dedans les entrailles de vostre païs, tant d'Eglises destruites, tant de pasteurs errants avec leurs paovres trouppeaus. Représentez vous ceste cruelle et barbare exécution faicte à Nivelle par le Conte de Mansfeld, Lesquelles choses vous pouvez éviter et rejetter tout le mal de cesto guerre sur l'ennemi, si seulement vous estez les partialitez, et d'un mesme courage vous emploiez vos moiens ensemble, sans espargner, je ne di pas le fond de vos bourses, mais

ce qui en redonde. Et quant à ce qui me touche en particulier, vous voiez, Messieurs, que c'est ceste teste que ils ccrchent, laquelle avecq tel pris et si grande somme d'argent, ils ont vouée et déterminée à la mort, et disent pendant que je serai entre vous que la guerre ne prendra fin. Pleust à Dieu, Messieurs, ou que mon exil perpétuel, ou mesmes ma mort vous peut apporter une vraie délivrance de tant de maus et de calamitez, que les Espaignols lesquels j'ai tant de fois veu délibérer au conseil, deviser en particulier, et que je cognoi dedans et dehors, vous machinent et vous apprestent. 0 que ce bannissement me seroit dous, que ceste mort me seroit aggreable. Car pourquoi est ce que j'ai exposé tous mes biens? est ce pour nvenrichir? pourquoi ai je perdu mes propres frères que j'aimoi plus que ma vie? est ce pour en trouver d'aultres? pourquoi ai je laissé mon fils si long temps prisonnier, mon fils di je qne jedoi tant désirer si je suis père? m'en pouvez vous donner un aultre? ou me le pouvez vous restituer? pourquoi ai je mis ma vie si souvent en danger? quel pris, quel loicr puis je attendre aultre de mes longs travaus qui sont parvenus pourvostre service jusques à la viellesse et la ruine de tous mes biens,sinon devons acquérir etacheter,s'ilen est besoing,au pris de monsnngune liberté. Si doncq vousjugez. Messieurs, ou que mon absence, ou que ma mort mesmes vous peult servir, me voila prest à obéir : commandez, envoiez moi jusques aus fins de la terre, j'obéirai. Voila ma teste,sur laquelle nul Prince ni Monarque n'a puissance que vous : disposez en pourvostre bien, salut et conservation de vostre Republicque. Mais si vous jugez que ceste médiocrité d'expérience et d'industrie qui est en moi, et que j'ai acquise par un si long et si assiduel travail : si vous jugez que le reste de mes biens, et que ma vie vous

peult cncorcs servir (comme je vous dédie le tout et le consacre au païs) Résolvez vous sur les points que je vous propose. Et si vous estimez que je porte quelque amour à la patrie, que j'aie quelque suffisance pour conseiller : croiez que c'est le seul moien pour nous garantir et délivrer. Cela faict, allons ensemble de mesme cœur et volunté, embrassons ensemble la défense de ce bon peuple, qui ne demande que bonnes ouvertures de conseil, ne désirant rien plus que de le suivre : et ce faisant, si encores vous me continuez ceste faveur que vous m'avez portée par ci devant, j'espère moiennant vostre aide et la grâce de Dieu, laquelle j'ai sentie si souvent par ci devant et en choses si perplexes, que ce qui sera par vous résolu, pour le bien et conservation devons, vos femmes et enfants, toutes choses sainctes et sacrées,

Je le Maintiendrai,