LA REGENTE, AVX LETTRES DV PRINCE

Mon bon colsin, j'ay receu deux vos lettres du xvi^ de ce présent mois^ar l'une desquelles, excusez vostre venue ceste part, selon que vous en avoys prié. Et par l'autre, me ramentevéz les remonstrances, que autresfois m'avez faicts,des inconveniens qui pourriont soudre, sur les trois poincts,que le Roy, Monseigneur, a commandé, dont j'ay bonne souvenance, Et est depuis ce temps là (comme je suis informée) le mescontentement et murmure du peuple, en gênerai, tellement creu, que, par advertences diverses, me venans de jour à autre, de bons lieux, l'on me faict entendre, que lesdicts inconveniens sont tresapparens et prochains, de bien tost se monstrer, et laisser veoir. Ce que a faict trouver convenable et requis, appel! er icy les gouverneurs, comme j'ay faict, pour Lundy, ou Mardy prochains, au plustard, pour, à leur

assislence, délibérer sur ce, que pourra convenir, pour aller au devant desdicts inconveniens,au bien du service de sa Majesté, repos, et tranquillité du Pays, et seurcté des vassaux, subjects, et manans d'jceluy. Et cognoissant vos affection et zèle, aux affaires de sadicte Majesté, et endroict ces Pays, je m'asseure, que ne fauldrcz, remettant et postposant tous autres affaires, vous trouver audict temps icy,dont vous prie, mon bon Cousin , bien affectueusement par ceste (laquelle à celle fin seullcment, va expresse vers vous) et au Créateur, qu'il vous doint ce, que plus luy vouidriez demander. De Bruxelles le xix. jourde Mars, lofio (I). Estoil soubz escript : Vostre bonne Cousine, Et signé, Margarita. Et encoire^ contresigné, Berty. Et la superscription estoit, A mon bon Cousin, le Prince d'Oranges, Conte de Nassau, Chevalier de TOrdre, Gouverneur du Conté de Bourgoingne, et pays d'Hollande, de Zelande, et Utrecht. •

(i) Cest 1566. selon le stil Commun.

No 9.

EXTRAICTS D'AVCVNS POINCTS,

compris en quelques vngs des Placcarts, et ordonnances, publiez au Pays bas, alendroict le Faict de la Religion,

ET PREMIERS, DU PLACCART et Edict gênerai, faict et statué par l'Empereur Charles, le 22. de Septembre, l'An l^^O. lequel fut ordonné après que vng autre aussi si rigoureux, avoit esté émané, Eanimi.

f PouRCE EST IL, QUE nous,ce consideré, desirans de tout nostre pouvoir, extirper, abolir, et desraciner lesdictes condamnées et réprouvées sectes, erreurs et hérésies, et contenir nos subjects en la crainte de Dieu, et la vraye observance de nostre- dicte saincte foy Catholicque, ensemble en l'obeyssance de nostre mère, la saincte Eglise, Avons avecq grande et meure délibération de conseil, et par advis de nostre treschiere et tresaymee seur, la Royne, Douagiere de Hongucrie, Bohême, etc. Régente et Gouvernante de nos Pays de pardeça, aussi eu sur ce l'advis de nos principaux

Consaulx, de nostre propre volunté et certaine science ordonné et statué, ordonnons, et statuons, pour edict et loy perpétuelle, ce que s'ensuyt :

Premièrement, que personne, de quelle qualité ou condition qu'il soit, ne pourra avoir, vendre, donner, porter,lire, prescher, instruire, soustenir, communicquer, ne disputer, secrètement ne publicquement, des doctrines, escripts, ne livres, qui sont faict, ou se pourroyent faire, par Martin Luther, Jehan Wiclef, Jehan Hus, Marelle de Padua, OEcolampade, Ulrich Zwingle, Philippe Melanchlon, Franchoys Lamherli, Jehan Pomeraen, Otte Brunsfelt, Juste Jonas, Jehan Puper et Gorciaen, ou autres autheurs de leur Secte, ne autres Uereticques et sectaires, c(u erreurs reprouvez par l'Eglise, ne mesmes la doctrine de leurs adh( rens, fauteurs, et complices, voyre, non aussi, les Nouveaux Testaments, Imprimez par Adrian de Bergues, Christollle de-Remunde, et Jehan Zell, Phrases scripturœ ilivinœ, Interpretatio nomimim Caldcorum, Epitome topographica Vadiani, Paralipomena rerum memorabilitim, Htstoria de Germanorum origine, Commentaria in Pithagorœ poëma, Commentarin in Physicam Aristotelis per l valeur ionem, Eobani Hessi opéra, Dominicœ precationes Griphij, Melliodus in prœcipuos scripturœ divinœ locvs,Erasmi Sarcerij Catechismus, ScJiolia ejusdem in Evangelia, secundum Matlhœum, Marcum, et Lucam, Pastilla ejusdem in Evangelia Dominicalia, per totum annum. Item, de rationedisccndœ Theologiœ, De Instituenda vitu,et moribus corrigendis, Parenesis Christophori Jfegendorphij}i , Ejusdem Christiana institutio studiosœ juventulis, cum expositione Orationis Dominicœ Philippi MelanchthoniSj Epitome Cliromcarum en Latin et Th'iois, A nnotationes Sebastiani Munster i inEvan-

gelhim secimdwn Matthœum. Et les jeux depuis n'agueres représentez en nostre ville de Gand, par les dixneuf Chambres de Rhetoricques, sur la demande : Quelle soit la plus gravide consolation pour l'homme mourant^ Ne aussi quelques autres livres, escripts ou imprimez, depuis 48. ans ençà, sans déclaration de l'Autheur, Imprimeur, temps et lieu, semblablement non le nouveau Testament, les Evangiles, Epistres, Prophecies, ou autres livres en Franclioys, ne en Thioys, contenant Préfaces, Prologues, Apostilles, ou Gloses, resentans doctrines réprouvées, repugnans ou contrarians à nostre saincte foy Catholicque, aux Sacraments, ou aux commandemens de Dieu, ou de l'Eglise, Aussi non paindre ou faire paindre ou pourtraire, tenir, avoir, ou garder quelques Images, Pourtraictures ou Figures schandaleuses, de la vierge Marie, ou des Saincts canonisez par l'Eglise, ne aussi rompre," casser, ou tracher les images faicts ou à faire en l'honneur ou mémoire *d'iceulx, et si aulcuns a soubs luy, ou tient, aucuns tels livres ou painctures, qu'il les brusle incontinent.

Sur peine, en cas que aulcun se trouve avoir contravenu à aulcun des poincts dessus déclarez, d'estre exécuté, à scavoir, les hommes par l'espee, et les femmes par la fosse, si avant qu'ils ne veuillent soustenir ou deftendre leursdicts erreurs, et si avant qu'ils persistent en iceulx leurs erreurs et hérésies, seront exécutez par le feu, et en tous cas leurs biens déclarez, confisquez à nostre prouffit.

Veuillans et declarans, que des le jour que lesdicts Hereticques seront tombez en leurs erreurs, seront inhabils, pour disposer de leurs biens, et que toutes aliénations, dons, cessions, venditions, transports , Testaments, et dernières dispositions, par eulx, depuis tel jour faicts, seront nuls, et de nulle valeur.

Ordonnons et statuons enoultre, pour edict et loy perpétuelle, comme dessus, que personne ne s'advance de tenir ou permettre en sa maison, ou autrement, aucuns conventicles ou assemblées, nje de comniunicquer ou disputer de la saincte cscripture (signamment en matière dubieuse ou difiicile) ne de lire ladicte saincte escripture à autres, ou la prescher, s'ils ne sont Théologiens approuvez par quelque fameuse Université, ou par l'ordinaire du lieu à ce admis, sur semblable peine.

Que personne nes'advance d'imprimer,ou faire imprimer, ou autrement publier, aucun livre, parlant ou faisant mention de la saincte escripture, ou aucunement touchant nostre saincte foy, et les constitutions de l'Eglise, s'il n'est preallablement visité par l'ordinaire du lieu, et qu'il ayt de nous obtenu octroy et licence, pour l'imprimer, sur la mesme peine.

D'avantage ordonnons, et statuons, que personne, de quel estât ou condition qu'il soit, ne s'advanchc de loger, recepvoir, Iraicter ne favoriser aulcuns hereticques, ne Anabaptistes, et que tous ceulx, qui les auront logé, receu, trniclé ou favorisé, saichans qu'ils sont tels, viennent à les denuncier et accuser à l'Officier du lieu, (s'il est previlegié) ou (en cas qu'il ne l'est) au principal Officier de la plus prochaine bonne ville, de leur résidence, sur peine d'cstre punis, comme hereticques.

f Et à cause que desirons venir à la notice desdictes hérésies, erreurs, et abus, Ordonnons, que les accusateurs et denunciateurs auront la moitié des biens d'iceulx denunciez ou accusez, si avant que de leurs mesuz poisse deuément apparoistre, et qu'ils en soyent convaincus, moyennant que iceulx biens, n'excèdent la somme de cent livres de gros de

Flandres une-fois, mais s'ils passent icelle somme, auront en tel cas, seullement le dixiesme denier, de ce, que lesdicts biens surpasseront, les mises et despens de justice, preallablement défalquez.

-J-*Et affin que noz Justiciers etOfficiers,qui auront appréhendé lesdicts Hcreticques ou Anabaptistes, n'ayent occasion de dissimuler avecq iceulx, ne leurs complices et fauteurs, ou de les punir moins, qu'ils n'ont mérité, soubs ce pretext, que les peines pourroyent sembler trop grandes, et rigoreuses, et seullement mises à la terreur des delinquans, comme l'on trouve, qu'il soit souvent advenu. Nous voulons et ordonnons, que tous ceulx, qui auront contravenu à ceste nostre ordonnance, tenant, imprimant, vendant,distribuant, ou publiant livres, escripts, ou painctures hereticques, ou schandaleuses , ou autrement, contrevenant aux poincts dessus déclarez, ou aucuns d'iceulx, soyent indifféremment punys , et corrigez par les peines dessus déclarées, deffendant à tous noz Juges , Officiers , et Justiciers , de altérer, modérer, ou changer icelles peines en manière quelconque, mais seulement, que (quant leur sera apparu de ladicte contravention) ils déclarent lesdictes peines, suyvant la présente nostre ordonnance, à peine d'estre privez de leurs Estats, et Offices, et déclarez inhabils à jamais, de porter office, et d'avantage d'estre arbitrairement corrigez. Ordonnant à tous nos Officiers, d'advertir à nous, ou à nostredicte seur la Royne, quant nos Juges, Eschevins, ou autres, ayans cognoissance sur les-dicts delinquans, feront difficulté d'ensuyvre ceste nostre ordonnance, et de décréter les susdictes peines, pour faire procéder contre iceulx, par les mesmes peines.

D'avantaige ordonnons, que si avant que aulcun sçait aul-

cun lieu, où quelque Hereticque, ou Anabaptiste, se tient secrettement, qu'il soit tenu de le déclarer à rOlTicier du lieu, sur peine d'estre tenu pour fauteur, receptateur, et adhèrent à l'heresie, dont la personne cachée sera infectée, et d'estre corrigé de la mesme peine, que seroyt le mesme caché, s'il fut appréhendé.

Et à cause,queparcidevant, quant aucun desdicts Hereticques ou Anabaptistes, estans accusez ou adjournez, se sont retirez du Pays, s'absentez ou tenuz secrettement, Tonna peu procéder contre iceulx à condigne punition, mais seullement parbannissementjEtque tels entendans leurs complices etadherens,estre morts ou exécutez, de sorte qu'il ne seroit possible à l'Officier, de prouver contre eulx soufîsamment,quilz estoyent Rebaptisez ou ïïereticques, s'advancent journellement surcestuy espoir et confidence, de présenter requeste, pour obtenir mandement de purge, ou autre provision de Justice. Ce que donne occasion de retardement de Justice, et ausdicts Hereticques et Anabaptistes, hardiesse de retourner en nosdicts Pays, et y semer leurs erreurs et faulses doctrines, au grand péril, schandale, et prejuiice de nosdicts Pays et subjectz : et veuillans en ce pourvoir, défendons aux Chiefz de noz courts souveraines, et Presidens de noz Consaulx provinciaux, de accorder, concéder, ou faire seeller ausdicts suspectez et accusez pour ïïereticques ou Anabaptistes (lesquclz ayans unesfois esté appeliez en Justice, ne seront comparuz, mais par contumace se auront laissé bannir) aucune provision de Justice, pour se mettre à purge ou autrement, pour fréquenter en nosdicts Pays. Et déclarons que tels fugitifz et bannyz, seront tenuz pour convaincu/, et que l'on procède contre iceulx, selon les peines susdictes.

f Défendons enoultre à iing chascun,de quel rstat ou condition, qu'il soit, sur paine d'estre tenu pour fauteur des Hereticques , de présenter à nous, ou à noz consaulx (ayans pouvoir de donner pardon) requeste pour lesdicts fugitifz, bannys, rebaptisez, ou autres entachez, ou ayant esté entachez, desdictes sectes réprouvées, pour obtenir grâce de leurs mesuz, erreurs, et hérésies, laquelle ne voulons estre accordée, sur peine d'estre à tousjours tenu inhabil, pour pouvoir, avoir, ou exercer Estât ou Office en nosdicts Pays, et d'avantaige corrigé arbitrairement, Semblablement aussi à tous Advocats, Procureurs, Clercs, Practisiens, et Solliciteurs, de coucher, escripre, ou présenter telles Requestes, sur semblable peine.

f Tous lesquels Poincts et Articles, nous voulons et ordonnons, à jamais inviolablement estre gardez et observez, selon leur forme et teneur. Et à fin que ung chascun en soit adverty. Que vous les faciez incontinent, et sans dilay, publier par tout esdicts nos Pays, es lieux où l'on est accoustumé de faire publications. Procédant, et faisant procéder contre les contraventeurs et desobeyssans , par rigoreuse exécution des peines dessus déclarées, sans aucune grâce, simulation, ou connivence, non obstant opposition ou appellation, faicte ou à faire, ne aussi aucuns Privilèges, Ordonnances, Statuts, costumes, ou usances au contraire, Lesquelles ne voulons, ne entendons debvoir avoir lieu en cest endroict, Mais avons de nostre certaine science, aulhorité , et pleine puissance, derogué, et deroguons à icelles par cestes.

f Et pour accomplir ce que dict est,et ce que en dépend, donnons à vous, nos Officiers, Justiciers, et gens de loy, à cui ce appartiendra, plain pouvoir, authorité, et especial mandement. Commandons et ordonnons à ung chascun, que

à vous, et euh, en ce faisant, ils obeyssent, et entendent diligemment. Car ainsi nous plaist il.